漁民麵館 (已結業)

第一次同亞囡兩人去等左十三個籌終於到我地，入去坐低叫左：（蠔汁花膠撈麵、花膠燉奶）堂食，冬菇雞翅外買，食完之後亞女想試吓冬菇雞翅，剛打開試咗兩啖，有位侍應小姐態度麻麻上前說:小姐堂食就唔好叫行街😤，聽完之後我倆O晒嘴勁唔開心。我哋都諗住試兩啖拎走，咁都唔得

前排見啲人話呢間抵食又好食~去開元朗又小行去嗰邊今次終於的起心肝去試吓係咪真係咁抵食先~喺下午5點幾嚟食~呢個時候無乜人唔洗等~同時間我都唔太肚餓~所以都叫得唔太多嘢諗咗一陣，決定叫個花膠雞絲魚翅老實講38蚊有花膠食係抵食~但個翅真係麻麻哋,淡而無味碗仔翅嚟講仲差過7仔叮嗰啲~真係要改改另外叫咗個花膠湯麵好過個翅小小~最好味係個菇~其他都係一個字~淡可能有人話咁平仲想點~但如果平得嚟其實唔太好食的話我覺得係嘥囉～

星期六大約5點左右 係冇人排隊店內都有大量空位咁岩坐位上冷氣滴水 就坐第二張枱通知店員 佢拎抺枱既布 伸手上去抹冷氣機睇落唔係好衛生。。。睇睇餐牌 都唔係有好多選擇點左個撈粗份量唔算多 薄薄既花膠有3塊味道一般 但都有膠質 食完個嘴都粘粘地花菇就相對出色得多 四大舊 好厚身！成兜麵都充滿蠔油汁 味道偏咸一試可以 再食就冇意欲。

愛妻號嘅我老婆大人話要黎試尚能抗旨所以放假天入黎元朗潮聖下午茶時段門口排隊，排到人山人海夏天成30幾度等排隊仲要巴士總站隔壁有巴士停車門口啲熱風對住都好想放棄唔食但見仲有兩個號碼到我地，唯有忍多陣十分鐘後終於入坐即刻叫咗個推介花膠麵食花膠撈麵太太就花膠湯米粉花膠好足料，配上厚肉花菇啖啖肉太太個湯米粉亦都好足料唯一湯頭可能加咗太多汁杰身咗小小變咗羹湯質地因為都太多人排隊為免阻人做生意我地都快食快離坐總括，平民價食到呢個質素會再黎，不過平日先，假日太多人喇

巴士總站。魚民麵館場內佈置得唔錯，好有特色雖然係開放式廚房，但係冷氣都充足全部都係花膠花膠👍餐牌乜都花膠花膠撈粗麵，味道都不錯，不過份量小，當下午茶或者消夜唔錯嘅選擇，女孩子都可能唔夠飽不可當正餐食但係花膠好足料有4大件，冬菇都好入味，價錢都係＄48，值得一試可惜花膠雞絲魚翅好難食唔會再去食成碗野都好重豉油味好鹹，雞絲都唔多條雖然都有幾舊花膠，但係味道怪怪＄38蚊價錢，真係唔好要求咁高，有點失望街邊碗仔翅仲好食

因為在網上看到報道，我們一起六人便出發去了漁民麵館食下午茶餐。我們大約兩時多到達漁民麵館，需要在外面等位。等了大約10分鐘，我們便有位了。漁民麵館應該是一間較為新的餐廳，所以餐廳內部都是較為新的！我們分別叫了花膠湯麵、花膠撈麵、花膠燉牛奶及碗仔翅！花膠湯麵：花膠湯麵最抵食，花膠很林味道很好最令人驚喜的是冬菇比花膠更好吃花膠撈麵：材料與湯麵的一樣只不過是轉了撈麵吧！花膠碗仔翅：仍然都是冬菇最好味花膠燉牛奶：個人覺得性價比最唔吸引，因為只是把牛奶焗完再放入花膠吧⋯⋯原來忘記了影相.....花膠燉牛奶是眾多款價錢最貴的，建議大家可以不嘗試！總括來說，漁民麵館是一間性價比十分高的麵館，所以入嚟應該是食花膠及冬菇麵，不應食花膠燉牛奶盒

山長水長入到元朗緊係要四圍食估唔到比的發現呢間花膠麵見到都心心眼簡直係女人補品最後叫左店出名既花膠麵花膠多汁仲易入口真係唔錯，如果佢有呢個火膠火鍋我念應該係個唔錯既選擇😆

星期日想試下這間之前在元朗專頁力捧的餐廳，主打養生花膠。看到價錢很親民，當然要一試。星期日無疑要排隊，店舖不算大，幸好食客都食得很快，等了大概20分鐘後便能入座。首選花膠蠔汁撈麵，$48一碟配有一個湯，這個性價比真的超高口感滑溜的花膠鋪在粗麵上，旁邊有冬菇和菜心。蠔汁味濃，粗麵有淡淡鹼水味，好吃但這個花膠雞絲魚翅就一般，感覺像吃即食碗仔翅，質地過膠和濃稠。魚翅裏有三塊大花膠，口感像咬膠，要嚼超過1分鐘才能嚼開。本人比較喜歡撈麵的花膠，口感較淋身，易入口。另外，雞絲不多，反而冬菇片就過多。秘製辣汁伴皮蛋不過不失，秘製辣醬應該是普通的辣椒油？！本人不太能吃辣，也覺得辣到OK，可以一試。這裏有很多花茶選擇，這次選了雪菊柚子花茶。幾朵小菊花浮在水面好可愛，可惜柚子醬過多，掩蓋了菊花的清新味道，變成了一杯普通的柚子茶，賣$22不太值？下次試其他花茶吧！總括而言，這間漁民麵館性價比高，以此平價可吃到花膠菜式，在香港實在少有，可bookmark為月尾最佳選擇，哈哈！

之前朋友嚐過百利來美食的足料花膠雞湯翅，今晚想比較一下漁民麵館的花膠碗仔翅，結果大失所望，其實我也是。因為上次跟家人吃過都不錯，今次卻大退步，服務態度又差劣，我和朋友沒完全吃完店員馬上收走所有碗碟，然後收銀員走到我們面前黑面，催促我們結帳似的，其實當時已經沒有人等候入座，為何要這樣驅趕客人?朋友大彈花膠碗仔翅味道淡而無味，即時加入浙醋也是無味的，且只是把碗仔翅翻熱煮好，儘管份量比百利來美食多，她認為食物應該要重質不重量，味道不好，份量多也是枉然，浪費食材。花膠蠔汁撈麵跟花膠碗仔翅的水準同樣下降，雖未至於沒有味道，蠔汁味不顯現，淡淡的，加且粗麵欠缺彈性，略為軟腍。唯冬菇及花膠部份做得較好，冬菇厚身入味，花膠保有微黏的膠質，略為取回些微分數。

最近在元朗覓食，見到有好幾間店都有花膠麵！今日心血來潮即管搵一間試下！先來呢間 漁民麵館。大概星期六的下午1點左右來到，已經要等位，等了15分鐘左右有位了。店內食物選擇不多，全都同花膠有關。我點了花膠撈幼麵。麵好食，沒梘水味！好爽。冬菇好食！有過年做節的感覺🤣好淋，好香！👍🏻👍🏻👍🏻主角花膠，有厚有薄，當然，一碟麵40幾蚊，想食到靚花膠好難啦。不過呢到的花膠都算ok啦。好彩佢煮得夠入味！仲有撈麵的湯！不是一般麵店那些上湯，好明顯飲到少少藥材味，有d誠意的！如果可以多d款式就好了！

琴日去元朗廣場後面買電髮水，揀完一輪肚仔餓，見隔離開左間食花膠麵，就一條友入去諗住試下，其實之前係facebook都有見過有人提呢間嘢，咁啱係我眼前，莫非天註定？入到去因為係平日所以唔算多人，有空枱。我一個人佢要我搭枱，不過都ok我唔介意嘅都~ 坐低左之後佢就比menu我，我周圍望下其他人叫乜啦，見到多數人叫花膠撈麵，同我搭枱個女人就食一款白色嘅花膠糖水（唔知叫乜名）。本來都心思思想跟大隊叫撈麵，但湯麵平$10蚊，所以湯麵算啦都係，於是就叫左個花膠河粉（$38）。等餐期間聽到廚房呀姐有講有笑，相處融洽，最中意呢d店，食客都食得開心d。好啦湯麵嚟到，原來除左花膠外，仲有兩隻冬菇，不過冬菇係切半嘅，所以其實係一隻（半隻x2），我自己係冬菇控，佢呢度d冬菇係真心好食嘅，腍&有冬菇味。花膠方面就零零碎碎、細塊同薄嘅。最敗筆係碗河粉一陣味！可能嗌其他麵底會好d掛。雖然佢隻碗偏細，但河粉個份量都算大，只係可惜個河一陣味唔好食，花膠冬菇都叫重味但都蓋唔住。大家都可以見到實物同餐牌圖嘅花膠差幾遠，當然我都明「圖片只供參考」嘅道理啦。同埋我自己就認為冇必要加$10蚊叫撈麵囉，我目測雙方份量差唔多，而且湯

睇到網上介紹，幾吸引，於是放假嚟試下。落大雨的一個星期四早上，11點幾唔算多人。入到店裝修很中國古典特色，叫左兩個花膠湯粗麵，皮蛋，油菜，兩支可樂。花膠無網上影出黎咁厚咁大🤣皮蛋味道一般，不夠入味，油菜係只得菜心，仲有D老有渣既😫剛飲完支可樂，有個黑衣阿叔就過嚟收曬桌上既野，想趕客咁，食物真的一般，又遇上這種服務，真心覺得試一次就好😔重點門外無帳篷，剛好走時下大雨☔️，未出門要開定傘☂️，唔係一定濕曬身💦

今晚食豪D啦🎉叫到成枱都係花膠🤩花膠宴？😙唔洗錢咩？😝用平民價就食到啦🤗推介👩🏻‍🍳花膠蠔汁撈麵🥘花膠有手掌咁長架🤪一碟麵有2-3條花膠架蠔汁燜花膠燜得軟腍😚入口漿住個小咀咀一定好多骨膠原啦🤪冬菇厚身🍄吸收哂蠔汁精華☺️好入味撈埋個麵不得了🤤係咪好想知幾錢呢？😎花膠蠔汁撈麵🥘花膠雞絲魚翅🥘花膠湯麵🥘以上三款都係$50有找😍仲要唔洗加一服務費架👍🏻款款都好足料👍🏻一D都唔吝嗇架最重要抵食呀😋十滿足

🐟✨🐟✨🐟✨🐟✨🐟✨🐟✨🐟✨🐟✨🐟獨食難肥～ 一支公食晚餐緊係食好DD!食花膠麵！8點幾門口重咁多人。。攞完飛係門口等睇定食咩，等廿分鐘左右入得～花膠湯麵，花膠撈麵，花膠翅。。。全部都好吸引～最後揀左花膠湯都，感覺飽肚啲。好肚餓啦。。🙈花膠湯麵$38🤤🤤🤤花菇厚身，有兩塊花膠，兩樣都炆得好焾好入味麵有少少皂水味，不過爽滑彈牙，口感不錯幾十蚊就食到，重要飽肚重要有花膠 正丫！🤤✨🐟✨🐟✨🐟✨🐟✨🐟✨🐟✨🐟✨🐟✨🐟舖仔細細都坐得舒服既

入到鋪頭已經夜晚十點三！好彩十點半至截單一落單，師傅已經勁爽手準備。先嗌左個撈麵食下。冬菇要讚一讚，真係好香好入味，炆得啱啱好！ 個汁唔"漏",撈埋面度食好香口花膠冇話好多，但"煙韌"程度啱啱好。又索到汁嘅味，同時又唔爛paat paat。原來個燉奶唔係好似甜品咁，佢係好似湯咁飲！wow薑味好重，自己有點卻步。但奶味配埋花膠，而且質感似熱湯，令我繼續好自然咁飲晒佢，懶理好重嘅薑味。飲嘅時候feel到嘴唇好黏。係花膠嘅效果！老闆娘好好人，仲會行過黎吹下水，講下啲紅棗有咩效乜乜乜。食得出嘅花膠功效，令我下次都會再黎飲下呢碗補品。