漁民麵館 (已結業)

早幾日係facebook見到某雜誌介紹花膠麵，仲要係我地頭--元朗，所以今日放假，即刻帶埋媽咪去試地點超方便，就正正係元朗廣場後面街，好易搵。唔知係咪雜誌廣告效應，人龍都唔野少。自己襟左飛仔，等左大概十五分鐘左右有位，熱到濕哂我地點左一個花膠撈粗麵，一個花膠湯幼麵同一個麻辣雲耳。好香既冬菇花膠香味未食已經聞到好香，初初望到個碗咁細仲覺得佢唔抵食；點知食落原來有成3,4大塊花膠，仲有3粒大冬菇，咁足料，真係無得投訴到左撈麵出場，佢比湯麵更足料 更吸引！因為撈麵有好多汁，更香氣逼人。試過兩款食法，我覺得湯麵味道會較淡，但幼麵既質地彈牙，配上有花膠汁味既湯底亦不錯。而撈麵味道較濃，汁身較厚，口感比較多d. 主角花膠超爽口彈牙，冬菇夠稔夠入味真係好味！另外麻辣雲耳都不錯，酸味同麻辣味都平均，如果可以多d麻辣汁就好了夏日炎炎涼拌小吃唔少得不枉我滴哂汗咁等位，確實係名不虛傳下次要試埋佢既滋陰甜品，有花膠燉鮮奶等等，睇見都想食

第一次入到依間店，夠究有咩特別？依間店係專整花膠同翅既食店！有幾款選擇！由於未食飯，所以就試下花膠湯麵啦！等左一陣就到！有香菇兩隻，食落口都好味唔硬湯底都好膠質既感覺，粗麵完全食落口冇鹼水味啊！麵加湯一齊食落口！good!到最後試下花膠！有三片，都長長地形食一下時都覺得幾爽口！如果依個價錢食到一碗花膠麵其實我都唔算貴，味道都係ok架！不過就真係好小會有食店用花膠黎做賣點！耐唔耐食下都ok！份量岩岩好食晒一碗

上次試左拌麵同湯麵，今次介紹屋企人黎食。八個人，舖頭唔大，所以都等左陣位，要兩張枱。今次就試埋個魚翅。當然係食個有花膠嫁啦，38蚊咁抵食...好大碗，好足料 個花膠較淋，同拌麵湯麵既爽有啲唔同... 按照我自己既排名，首選湯麵，之後係拌麵，最後先翅下次會試下啲燉品...上次食都有寫食評嫁，不過錯左餐廳

佢位於元朗廣場後面，巴士站格離。唔好睇佢舖頭細細，入面其實收埋左啲好野個樣好野就係花膠啦😚 雖然都有唔少等位既人，不過等左十幾分鐘就有位啦😚佢既選擇唔算好多既，都岩既，專心做好一樣野😊湯麵撈麵都叫左黎試...個湯係清淡啲既，但咁先唔會遮左個花膠既味。個花膠一啲都唔馬虎嫁，差唔多有手掌咁長，好入味，又夠爽。之後仲有冬菇兩舊同少少菜，菇都好入味，好好咬口。咁樣先38蚊，好抵食...撈麵就貴少少，48蚊一碗。花膠一樣咁多咁長咁入味，冬菇就再多兩舊。個湯我係冇撈落去既，就咁飲好清冇咩味，葱味既湯。唔落湯既撈麵已經好夠汁同夠濕去撈起，個汁都不錯。不過兩樣揀既話，我就鍾意湯多啲。應該短期內好快會去再食，咁就可以試埋其他野食😚😚

it is my first time going to this restaurant as everywhere is crowded of people. The taste of the noodles is fair. However, the poor attitude of the waitress as well as the boss (i assume she is the boss as she did not wear uniform as other did) was really “impressive”. I know it was just a normal restaurant and I did not expect much, but their tone was like planning to have a verbal fight with you. I will never go into this restaurant again.

味道一般，但服務態度極差。收銀個個唔知係唔係老細，其實趕客就唔好做櫃面。聽唔到叫飛number只係遲2秒入去已經話遲，黑口黑面欠左你咩。坐低叫左柸雪菊柚子茶真係揾笨，同普通柚子茶無咩分別，咁就$22, 花膠無乜味，反而冬菇就好正間鋪唔係坐得多人，但都有4-5個阿姐，但係落單落錯枱，個老細又捉住啲阿姐話，係隔黎食緊野真係好擾民。 夏天冷氣唔夠因為佢用射燈，超熱所以真係冇下次

最近大熱梗係要試吓啦，我同阿妹兩個人去試食，一人叫咗個花膠撈粗面，加左個涼拌甜酸木耳，我嗰個麵有4塊花膠，軟硬度剛好，唔係太淋有咬口，而且入味我個妹嗰個可能d花膠細塊所以有6塊，冬菇厚身，好味木耳係有d麻辣味，但多咗d甜酸味，夠哂辣花膠撈麵$48，另有湯麵平$10， $38一碗，呢個價錢有花膠食真係超值我哋12:55去到，都仲有位，食完走嘅時候係13:35，出面已經有六七個人等緊位，整體上我覺得抵食又好味，會再食下次試吓湯麵

山長水遠入到黎元朗食啲乜野好？🤔🤔住元朗既朋友就介紹左我去呢間漁民麵館果然無介紹錯喎！點左個花膠撈面好足料好滑以喺餐廳食飯黎講性價比絕對算高！唔係話佢唔好食但我都係鍾意炆既多啲始終都係媽媽好😘

見到有個群組熱推呢間食店.同朋友試下.16:xx唔多人...咪試下個面試下個翅咁囉..老實說冇咩特別.不過$3x食到花膠算係咁.花膠有啲未發透.有啲又過左龍.不過不失咁喇

經朋友介紹 就黎左”漁民麵館”Order左呢度最出名 花膠湯麵🏅佢有粗麵 幼麵 米粉 可以選擇呢碗麵有3個亮點🤩No.1️⃣ 亮點:花膠唔好以為有花膠就好貴成碗有三，四塊大花膠都係$38 蚊一碗💁🏻‍♀️係相可以睇得出 真係片片花膠都好大塊😋花膠口感好較腍好滑身 食完有種充滿骨膠原既感覺(好似誇張左)不要真係好值得去試👍🏻👍🏻No.2️⃣亮點: 冬菇佢啲冬茹都有三，四舊舊舊都好大 好juicy仲要好厚身唔會煮得又乾又細粒加上冬茹吸曬個湯底超級入味😙😙😙P.s 相個舊冬菇已經係最薄個舊最厚個舊 有呢張2倍既厚度No3️⃣秘制湯底湯底味道非常濃郁 甜甜地Feel到係用左好多料理熬出黎有種好滋補既感覺另外我地再叫左個 涼泮皮蛋每隻皮蛋既size適中食落去好有皮蛋既香味再配埋辣醬呢個皮蛋都變到好香同好入味😋其實呢間仲有好多好野食例如 花膠蠔汁撈麵 花膠燉奶...不過今次冇試到我下次一定會黎再試下呢啲呢度既裝修充滿左中國風味🇨🇳同環境都好舒適 一定會再黎❤️❤️

嘩！係真唔係呀！ 48蚊食到大大塊花膠？！元朗多好野食不嬲都知，但呢間小店最近成為元朗區既新寵！睇黎一定係有佢既特別之處～今日黎到元朗，就一於試下佢既真偽！晏晝4點半黎到，店入面客人只係半成滿，好彩唔洗排隊～因為得一個人既關係，所以只係叫左花膠蠔汁撈麵！拿拿拿！ 實物與餐牌竟然係相符嫁😍😍😍完全唔係果句「圖片只供參考」😂花菇有4大舊，仲要厚過我手指兩倍呀！絕無欺場！到主角花膠啦，有4大塊😍相信大家最想知個味道！本人覺得花膠有一半炆得唔太夠，有一半就好林好好味！（不過人人口味唔同，有人鍾意爽d，有人鍾意林d) 仲有滿滿既膠質🤤 花菇都好入味!唔好睇佢好似細細碟咁，其實食哂係好飽！我仲好欣賞店家既餐具🍴好有質感！完全係襯哂花膠～聽聞遲下會研究海蔘做既菜式，大家可以期待下😋😋😋

19:00 要上堂，上堂前想去食個麵食，經過幾間麵店，卒之揀咗呢間，裝修都幾簡潔，揀咗個入面貼牆位坐底，又係聞倒陣" 押 " 味😰 點解呢？係廁所傳出嚟定係點呢，因為到埋單時，行出去埋單，嗰邊係無嘅 🤔 叫咗個花膠撈幼麵，麵嚟到，賣相都幾好，開始試食啦，有兩隻大冬茹開邊的，即有四舊，好厚身，好入味，花膠都有得咬吓，唔會好似陣風咁，麵都正常，但整體略嫌太淡，糊口就正常嘅，因有花膠，但呢個係撈麵，感覺就好似半湯撈麵，唔夠乾身，咁我情願揀湯麵 lu , 咁嘅價錢，整體合格

行街經過，見到有間好特別既麵店~花膠湯麵😍，就同朋友入去試下!花膠湯麵($38)$38好扺!!平時食個普通米線都三十幾蚊，而家有花膠都係$38~花膠兩大片!爽口又有膠質，佢既膠質令到湯有點黏黏既感覺，湯好清甜，食完唔口渴~仲有一大舊厚厚既冬菇，炆得好淋好入味!花膠雞絲翅($38)幾足料，有幾舊花膠同好多雞絲~花膠紅棗燉鮮奶($55)份量都幾多，夠2個人share~好香既鮮奶味，唔太甜，好大舊花膠，好滑~一放嘴邊就好似自動sir入口咁哈哈~仲有兩片薑兩粒紅棗，紅棗好甜~感覺到呢間舖係用心去做，d野份量夠，質素幾好又唔貴!!要搵日再黎食N哥N哥~

屋企煮個花膠食品,要用上好多時間,今次漁民$48元就有一個花膠撈麵,又底食又好味,聽老侍應講所有嚴選來自冰島嘅鱈魚花膠，經浸發再煮成,難怪花膠口感好軟腍，而且膠質極重，食完嘴唇有種骨膠原感覺。花菇亦非小貨色，而係菇味較為香濃嘅原木花菇，食落彈牙又爽滑，好正！又底食

最近好似有好幾間餐廳都以花膠為題，吸引食客，特別係女性食客。我同朋友都係被花膠吸引而黎呢間店試試，因之前聽朋友講個花膠燉奶幾好食。假日下午近傍晚，都唔算多人，等左大概五分鐘有位，店內裝修幾得意，好有中國特色。花膠雞絲碗仔翅，講真。。。好難食，除左鹹味，咩味都無，花膠份量夠，但花膠唔係特別好食。。。普通一碗碗仔翅都好食過佢。。。。花膠撈麵，呢個無咩特別，只係一個普通既撈麵。。。加左幾塊花膠。。。花膠不是特別好食。。。但都比個碗仔翅好。。甜品試左花膠紅棗燉木瓜，呢個都係無咩特別。。。整體黎講真係無咩特別。。。試完一次唔會再想黎食。。