漁民麵館 (已結業)

今晚同老公2個人，唔知食咩好，於是去左試食出名既花膠撈麵。我地7點幾去到，都唔駛等位，地方細細但唔會坐得太迫。我地叫左招牌既花膠撈粗同海參麻醬撈擔擔麵。其實除咗面之外佢仲有碗仔翅、小食（秘製辣醬皮蛋、麻醬凍豆腐等等）同埋甜品（花膠燉鮮奶）。海參發得夠軟熟，可惜麻醬味唔夠出色，麵質偏淋，$58，普普通通。花菇花膠撈粗，冬菇好大隻好入味，花膠冇我想像中咁淋，但一碟都有5、6舊，都算抵食。我覺得整體份量算係細，食完都唔夠飽。