影片
更多
2015-05-11
714 瀏覽
兩年前，「拉麵台風。」嘅出現，成為左香港拉麵界嘅一時佳話。亦令小弟愛上拉麵，開始左拉麵修行之旅。兩年後，「拉麵台風。」竟然宣布要開分店!? 當然係非常期待啦~究竟會為我地帶黎咩新驚喜?同埋可唔可以再次成為熱門話題?分店嘅出現，可以話係「拉麵台風。」嘅第二章!身為長期支持「拉麵台風。」嘅小弟，當然係第一時間去捧名為「漁場台風」分店嘅場啦~!去「 漁場台風。」嘅朋友要留意!旺角分店同荃灣分店唔同，旺角分店會喺午市同晚市會供應唔同類型嘅麵條~本篇食評主要介紹晚市嘅「拉麵」!全新感覺!全新款式!「 漁場台風。」比荃灣分店更加專注用「魚介」黎做賣點!黎到新店，當然要試新野啦~所以小弟冇揀到基本味，而揀左依款「鰹魚味豚骨拉麵」!!!配料方面 : 除左基本嘅拉麵配料之外，最有趣嘅係「鰹魚味豚骨拉麵」仲會用到木魚絲黎做配料!但係點解會用木魚絲呢?其實「木魚」咪即係鰹魚囉~因為啲鰹魚經過後期加工肉質變到好似木塊咁硬，先俾人叫做木魚啫~所以用木魚絲係非常切合依碗拉麵嘅主題!叉燒方面 : 叉燒選料同荃灣分店一樣，雖然肉質普通，但勝在大大塊又夠腍!而且旺角分店用左「燒豚」做法~將叉燒表面徵微燒香，食落口多左一
兩年後，「拉麵台風。」竟然宣布要開分店!? 當然係非常期待啦~
究竟會為我地帶黎咩新驚喜?同埋可唔可以再次成為熱門話題?
分店嘅出現，可以話係「拉麵台風。」嘅第二章!
身為長期支持「拉麵台風。」嘅小弟，當然係第一時間去捧名為「漁場台風」分店嘅場啦~!
去「 漁場台風。」嘅朋友要留意!旺角分店同荃灣分店唔同，旺角分店會喺午市同晚市會供應唔同類型嘅麵條~
本篇食評主要介紹晚市嘅「拉麵」!
全新感覺!全新款式!「 漁場台風。」比荃灣分店更加專注用「魚介」黎做賣點!
黎到新店，當然要試新野啦~所以小弟冇揀到基本味，而揀左依款「鰹魚味豚骨拉麵」!!!
配料方面 : 除左基本嘅拉麵配料之外，最有趣嘅係「鰹魚味豚骨拉麵」仲會用到木魚絲黎做配料!但係點解會用木魚絲呢?其實「木魚」咪即係鰹魚囉~因為啲鰹魚經過後期加工肉質變到好似木塊咁硬，先俾人叫做木魚啫~所以用木魚絲係非常切合依碗拉麵嘅主題!
叉燒方面 : 叉燒選料同荃灣分店一樣，雖然肉質普通，但勝在大大塊又夠腍!而且旺角分店用左「燒豚」做法~將叉燒表面徵微燒香，食落口多左一份惹味，尚算搭救肉質普通問題。
因為用左「燒豚」做法，所以還可以合格!
「増量叉燒」$25另加叉燒，依個價錢都可以有咁份量，仲要有「一味兩食」!? 讚!!!
我夠膽講香港嘅拉麵店冇幾間可以做到!
味玉方面 : 黎「台風。」其中一個原因，就係為左「台風。」製作嘅味玉!食左咁多次，都依舊覺得「台風。」嘅味玉係最好食!特別係鹵水醬汁，真係鹵得好入味!
鹵水醬汁再配合流心程度高嘅蛋黃，感覺入口即溶~認真一流!
唔係誇張，大家可以係食嘅時候，慢慢品嚐，你就可以感受到依隻味玉嘅絕妙之處!!!
麵條方面 :選用同荃灣分店一樣嘅製麵廠出產嘅麵條。但係麵質感覺上比荃灣分店好。唔通係錯覺?不過掛湯能力依舊出色!
另外可以食麵條嘅時候配合木魚絲一齊食，咁就可以擁有雙重享受!
留意(1)：「台風。」兩間分店嘅麵條份量比一般的拉麵店多1.5倍。所以唔好隨便追加麵底...
留意(2)：旺角分店嘅點餐紙冇左麵條軟硬度嘅選擇。唔知係咪想由師傅自行決定抑或係單純印刷上嘅錯漏呢...?
所以小弟有個建議： 就係喺點餐紙上嘅「個人意見」欄寫低自己想要麵條嘅軟硬度。等師傅喺煮麵之前可以知道你想要嘅軟硬度。
湯底方面：同荃灣分店唔同，旺角分店冇左魚介粉做配料，而係將所有材料放埋一齊熬煮。不出所料，湯汁入口順滑、濃郁，鰹魚味好出眾!
因為旺角分店係主打魚介湯底，所以魚介比例會比豬骨高~不過小弟覺得入口都仲可以感受到豬骨味，比例都唔係太失衡。湯底整體滿意!
------------------------------
同場加映:
「沙甸魚味豚骨拉麵」「沙甸魚味」嘅賣相應該係三款之中嘅最普通。但香味卻係最出嗰款~
不同之處就係叉燒方面有做到「一味兩食」嘅處理!其餘兩款係冇嘅。
湯底方面，「沙甸魚味」加左洋蔥粒係湯底入面，所以入口會多左一種酸味，感覺特別~
一開始飲上層嘅湯係冇咁容易飲到沙甸魚味。但係去到下層 啲沙甸魚味就會慢慢出黎!最底你會發現會有好多沙甸魚粒~好正呀!證明湯底的確係真材實料!!!
「燒海蝦味豚骨拉麵」「鰹魚味」有木魚絲做配料，而「燒海蝦味」亦有櫻花蝦乾做配料，賣相亦係三款之中最靚~
蝦乾嘅咸香配合麵條嘅效果比木魚絲更好~
湯底方面，好豐富嘅海蝦鮮味!
湯入口嘅順滑程度係三款之中最高!
但係濃味稍弱，不及其餘兩款...
------------------------------
總結：
「鰹魚味」以濃味取勝!
「沙甸魚味」以香味取勝!
「燒海蝦味」以鮮味取勝!
但係三款味道之中，可能小弟比較食濃味嘅野關係，所以偏向支持同喜愛「鰹魚味」~
後記：好開心「漁場台風。」嘅舖面比荃灣分店大一半!
地方大左，自然可以招待到更多客人，而且因為廳面闊左嘅關係，品嚐拉麵嘅時候都會減少左嗰種小店嘅局促感。依點值得恭喜!
至於早夜市推出唔同類型麵條嘅安排，絕對係一個新嘗試!
但小弟覺得將沾麵放係晚市供應會比較吸引~
無可奈何，新店嘅出現，舊店會即時比下去。但係某啲口味又只有舊店可以食到，所以兩間分店都各有特色!
希望兩間「台風。」都可以繼續做出好味嘅拉麵/沾麵俾大家啦!!!
張貼
