滿江紅 (已結業)

朋友話想食水煮野！咁我就搵下openrice,見到ｄ朋友話ｅ間滿江紅都幾好，於是就試下啦，等左大約半個鐘，上到去發覺都幾旺，又火鍋，又小菜，同埋個裝修都幾靚，好有川菜氣氛！咁坐低左啦！我地決定食小菜，兩個人叫左口水雞，炒筍絲，水煮桂魚同埋黃金蝦！首先黎係口水雞，道菜非常香口，唔係好辣，亦都有雞味，之後就食個炒筍絲，ｅ個菜係唔辣，筍絲味道好特別，佢炒得唔油，好香，之後黃金蝦亦都好足料，蝦大大隻，好香口，好明顯咸蛋份量好足，最後係水煮桂魚，我地係專登唔食水煮魚片食水煮桂魚，果然不負所望，桂魚肉好滑，好有魚味，另外佢地廿辣度適中，唔同出面果ｄ得個辣字，佢辣得黎好香，而且底果ｄ薯粉同青瓜都可以入到口，唔錯，成餐都好滿足！最後記得叫埋啤酒，因為真係送啤酒一流！

每每同人抱怨香港的川菜，便會被推薦三希樓 滿江紅，心底默默說，又不是沒去過...承認我對川菜有很高的要求，但環境所限，如友人所言，滿江紅在香港都算不錯，我也算常客。個人認為尤其好過多數時尚包裝的川菜館，比如時代某場樓上某間，不好吐槽太多，大家各取所需，食物環境都很重要，也許滿江紅較為嘈雜的環境會嚇退了很多人呢。宮保雞丁。我又認為了，這道菜是檢驗館子的一個標準，每次試新店都會點來看下，雞肉絕不可以泡水，芡汁不多不少，剛好包住雞丁，又不可以過多殘留在盤中，雞肉鮮嫩，花生香脆，辣中有甜，甜中有辣。滿江紅都算不錯。水煮魚 辣子雞，過癮之選，辣椒花椒的陣仗，在香港川菜館子真不多見啊。只是味道，少了很多層次。這是我最不滿香港多數川菜館子的地方，除了麻和辣，也要有別味道好的麼？！！麻辣香鮮，厚重的味道，只占了兩樣，喔，還有一個味道，咸....一直都在不斷探索中，在此之前，滿江紅對我都是很好的館子，大菜辣子雞 水煮魚都只要百塊出頭，份量很多，不執著用餐環境的人應該都會喜歡的。 週末要等位，但是可以打電話問大姐排號進度，已屬於很人性的設置了。

滿江紅麻辣火鍋雖然係做遊客生意比較多，雖然價錢比較貴，但火鍋好足料，超級多辣椒，睇見真係同餐廳名一樣滿江紅，一整個煱都係布滿辣椒，但係佢又唔係淨係得辣味喎，係辣之餘仲有麻，啲料都算新鮮，我個人就最喜歡佢嘅魚片同埋羊肉，魚片份量雖然唔算多，不過重質唔重量，夠新鮮肉質又靚，唔會一熟就散晒。而羊呢，我就鐘意佢整夠肥，夾埋個麻辣鍋真係絕配。除左環境有小小嘈啲之外，整體黎講尚算不錯嘅一間餐廳

一坐低就有碟小前菜---四川涼粉放係枱面今次試小菜，兩個人一心黎食辣野，二話不說，哩個二人餐被鎖定了！！眼見晚市入座客人，小菜、火鍋參半。可能在尖沙咀區，也見有不少遊客光顧。慶幸食物價格及食物水準不是那種呃遊客食店，期待下一次試試火鍋再品評～

早前妹妹和她的同事們在滿江紅午餐後，她説在這裡才吃到真正的四川菜。雖然我不太吃得辣，但好想試試有地道風味的正宗四川菜，今天我終於有機會可以和家人在這裡晚餐呢！沿著樓梯上餐廳，原來餐廳有兩層，我們坐在一樓窗邊的卡位。餐廳很有四川特色，窗邊有燈籠吊飾。侍應奉上熱茶和兩小碟前菜，茶很淸香，前菜是冷盤麻辣醬粉條，辣味美味開胃。這裡有辣及不辣的菜式，我們點了四道菜，首先來的是酸菜桂魚窩，酸菜桂魚窩的酸辣味很醒胃，味道讓我感到驚喜，桂魚多肉少骨，湯味酸辣恰到好處，很不錯！接著上枱的是半隻樟茶鴨，賣相不佳，雖然有香口的樟茶味道，不辣的，但十分乾硬難咬，又多骨，實在令人失望可惜！第三道菜是毛血旺，毛血旺麻辣惹味，裡面有花椒、紅椒、指天椒、腸仔、火腿、牛柏葉、豬紅、金菇、魷魚、鱔、柱侯等，十分豐富，我們吃得很開心！接著第四道菜是香辣田雞煲，這是這幾道菜中最辣的！不得了！我們立刻叫了三杯大杯裝的柑桔檸檬！田鷄肉嫩味美，煲內有薯仔條、蘿蔔條和青瓜條，那香辣味十分強勁，辣到我的舌頭像著火一樣！幸好有冰涷的柑桔檸檬和桂魚窩的酸菜中和番！大杯裝的柑桔檸檬真的好大杯呢！冰涷解辣又解渴，柑桔味濃，很好飲！正！最後我們

依間店我未食過麻辣粉條第一樣上枱的食物, 所以三兩下手勢已被我們做低0左! 味道呢, 就係麻同辣~ 田雞煲好惹味, 成煲上, 仲要有火慶住來食,田雞煮得剛好, 肉很嫰, 加上一大埋蔥來煮, 除去了田雞本身的腥味土匪雞 ~ 阿姐介紹的，又d酸菜同湯浸住，雞好滑，好好味，估唔到咁整係咁好味另外食埋甜品，要了一碗杏仁露加湯丸，及一碗杏仁蛋白。聽講杏仁露仲係即叫即整，新鮮滾熱辣。呢到Ｄ生磨杏仁露，仍舊是香甜幼滑，滿有杏仁既香味，有水準。杏仁蛋白是這裡的「店長推介」，就覺得一般，可能是我一向都唔太識欣賞。不過總結黎講都算唔錯既，推薦！

一直話要帶媽咪去食水煮魚，今日終於走嚟加連威老道節滿江紅。口水雞、水煮魚做得出色，肉嫩味鮮，麻得過癮。點了冷盤青瓜和土豆絲，很大盤，麻油香和蔬菜的清甜平衡了舌頭的麻，真係越食越開心，口鼻水直流。提醒：真係好鬼辣，服務也一般，我哋坐較上層，叫人要叫幾次，但嗜辣的朋友一定不要錯過。

今日約左叔伯一聚~大家都中意食辣鍋~喺呢頭附近睇個名吸引就揀左呢間~~!打電話訂枱時服務員話我地訂的時段客人唔多,所以可以WALK IN,火鍋限時兩個鐘~我再三問係咪一定兩小時要走,佢就話係...~_~ " 為免節外生枝,我心諗,到時有見步行步~~早左少少去到,諗住搵一個好位置,點知企喺門口的黑面服務員姐姐話已有安排,所以三個人就坐左一個4人卡位,誰知突然多左兩個朋友一齊黎,諗住希望轉張大枱,服務員己有人訂左,冇得轉,噢~~不是嘛~~那我地咁早到有何意義?!最後只好5個人坐4人的卡位~噢~~太令人唔開心我一坐下~叔伯未到,黑面服務員姐姐就拿著菜單好叫我早D落單,話己開始計時之後放下涼菜就行開左,心中真係不悅呢D服務真係太差~叔伯黎左,好快就落左單,先點舖頭最出名的鴛鴦鍋,聽聞講辣得好正宗,再點了几點火鍋配料,鴛鴦鍋我地選了正宗麻辣同皮蛋芫茜 - 一試之下個麻辣湯底仲以為有多正宗有麻辣~點知一D都唔辣~超級令人失望,我地叫服務員姐姐幫我地加一加辣,點知佢就同我地講冇得加,湯底份量己調好,叫我地去調味櫃那邊加辣椒.可自己調味,..唉~~美國肥牛及手切本地牛 - 手切本地牛唔算肥入口一D牛味

我最愛食辣，終於試到滿江紅喇 ﹗成日經過都想黎試，但辣友不多又難約時間，撞啱今晚朋友仔得閒，又幸運地唔洗等位即時入座，爽呀 ﹗第一次黎梗係細心咀嚼下份 menu 先，兩個人叫唔到太多種類，一定先試招牌菜啦。依度有限時還枱機制，火鍋兩個鐘、小菜個半鐘。朋友仔仲話擔心唔夠時間，第一次出黎食飯咩，點都有個慨念掛。係依度食小菜有個半鐘足夠有餘啦，食多轉都仲得。真係好多菜色選擇喎，花多眼亂又胃食，好難諗呢 ﹗有辣有唔辣，最後決定叫套餐，唔洗諗。見全部侍應、帶位、落單、傳菜都係目無表情，係唔係如果幫川菜館打工都會特別燥呢？服務麻麻地，完全感覺唔到殷勤有禮。環境都好寬落，抽風仲好好添，感覺通爽。見有好多食客都係操北京話或國語喎，都幾受大陸客觀迎。麻辣豬耳，免費前菜，小麻微辣，熱身菜。軟骨脆卜卜，肉質少彈，唔錯，再凍小小就更好，紿終係涼伴菜式。凍洛神茶，味道都幾蜜桃茶架喎，係我既。柑桔蜜，同杯大既 hoggarden 差不多巨形，朋友既 ﹗例湯雞腳湯，非常濃味，係咪真材實料架？味道有點濁，感覺有點假，味精？肉精？口水雞，非常正呀 ﹗第一次食到咁好味既口水雞。多種香料味道豐富，麻辣中帶點甜味，麻辣汁調得

完全失望ar，平時食開口水雞個個餐，一直都吾錯..今日想試下新野，叫左一個客飯餐&兩碗麵，分別係酸辣同麻辣..起初覺得應該吾錯la，同口水雞應該都差吾多質素姐但係，點知到食個時完全食吾到辣味，仲要好咸，要係咁飲野TT好辛苦先食到，真係勁咸，加左好多水都仲好咸，最後食左一半左右就掉左..另外一碗酸辣，朋友話得酸同咸，又係無辣味..個個飯既辣就同麻辣有啲吾同，又係吾辣，好咸..下次應該吾會再試佢其他食物，淨係會食番個個口水雞餐..好失望TT建議大家吾好點麵類同客飯餐，真的中伏了TT總結係，得個咸字...飲左3盒野飲...啲野食應該好重味精= =

因為有朋友知我好鐘意食辣所以就帶左我去尖沙咀食滿江紅基本上我係一個辣妹仔 ,無辣不歡...所以一聽到食川菜就好興奮不過喱間滿江紅 ,真係令我失望到極點!!!食物方面唔夠辣 ,而且煮得好求其第1 :辣椒炒田雞炸完田雞加辣椒就上台 ,田雞就只得田雞味 ,無任何辣味川菜味~~第2 :水煮黃花魚黃花魚煮得唔錯 ,而份量都算多但味道始終差D ~~只可以講句唔入味~第3 : 涼粉基本我每次食川菜都必定會點既餸 ,但真係連最基本既餸都整得唔好食講真 ,食完今次...真係唔會再食==""第4 :鹵水豬大腸正正常常,但太咸 ...所以令到D豆腐好入味=0="""D食物已經令我唔會再去食 ,我都無謂再講人地既服務好失望/____\

听媽咪話好味，就決定左一家人一齊去食 而且仲有辣度捭你選擇有得食啦,口水雞!肉質好嫩滑，麻麻的，下次食可以再辣D，因為我好食得辣夫妻肺片，辣味好重好岩我口味，下次想試下將夫妻肺片夾係餅里面食涼粉好開胃，我地叫左兩碟但係好似點食都食唔厌，想再叫多碟泡椒腰花，腰花炒得岩岩好唔算老，里面的笋好嫩好好味，值得食多次 水煮桂花魚，魚肉鮮嫩而且少骨，不過辣味再勁小小就更加好啦

去完台北，好掛住麻辣火鍋，諗住試下土炮野。訂枱時，講明遲到一分鐘都唔會俾枱，又話最多食兩個鐘，以為會好多人，點知上到去時都幾多吉枱，基本上 walk-in 都會有枱。坐低發現張枱好細，放完碗筷，唔會有咩位放食物。裝修非常一般，客人好多都唔似香港人，似自由行多，有人拎埋篋上黎食添，感覺好似番左大陸咁。先黎飲品，豆漿好細杯，唔夠凍，感覺好怪，朋友叫凍檸茶，大大杯好抵飲。我叫既啤酒就好鬼凍。兩個朋友好肚餓，叫左擔擔麵做頭盤 ， 點知係全晚最差既食物，完全唔正宗，根本完全唔係果回事，麵質、材料、賣相同味道都可以用差黎形容。如果詠 x 園擔擔麵有八十分，呢度既，sorry，得二十分。 火鍋醬料自己出去撈，有我最愛既麻醬，都幾正宗。火鍋餐牌一頁紙，都係果o的野，我地叫左....- 麻辣湯底 ： 麻麻地，太多料係入面, 辣度唔夠，亦唔夠麻，明顯係為香港人調整過既味道，比起台北同四川既相差十萬八千里。- 手切肥牛 ： 百零蚊，有驚喜，賣相同質素唔錯，拍得住九龍城賣二、三百蚊既貨色。- 羊肉 : OK- 鯇魚腩 : 肉質麻麻，有 d 霉，應該唔新鮮- 黃鱔 :  唔錯- 凍豆腐 : OK- 油麥菜

滿心歡喜想再來一次滿江紅，真係受氣多過享受食物!真係今時今日咁樣的服務態度!!乜鬼爛地方？食客開心來消費，換來是一個態度極劣的招待？老實講，滿江紅的食物質量係好的，值得贊的，但偏偏管理上很差，環境衛生已經不算好，員工返工仲要俾客人受氣？話說我同朋友夜晚8點15分左右就到達滿江紅，當時唔見有太多食客，第一層細檯已經坐滿人，剩返大檯，但都係佔客1半，接待叫我們再上一層就有檯，當上到2樓~人客佔左4份1，唔叫多人食，先有一位男人格女侍應招呼我同朋友，示意我地去坐一張4人檯，而我發現4人檯個屏風後有張2人檯，於是好聲氣去問個侍應可唔可以坐2人檯，個侍應一下子態度極差，我地好似踩中佢條尾一樣，手指一指4人檯，冇尾音兼串串地地講:坐呢張，入面唔開°跟手將4人檯其中2個位餐具收起，又叫我地坐埋牆去，基本上兩個人坐張4人圓檯已經好大，仲要坐靠牆一邊已經覺得很逼，而且我們的手袋也不小，我和朋友都想坐在圓檯外面，但佢依然堅持要我們坐入去，我同朋友都白了眼，跟住個侍應好似點左火一樣，繼續自我燃燒，第一次招手唔該落單，明明見到都扮聽唔到，直行直過…但暫時全個2樓只有佢一個侍應，我和朋友都感到非常無奈，之後第2

試過火鍋覺得不錯, 見套餐好像也挺吸引的, 這次就試試看~套餐包括:口水雞, 麵x2, 水煮牛肉, 炒菜. 三人吃好像差不多了吧~  口水雞賣相好凌亂...味道還不錯, 但辣味大概只有辛辣麵的程度...? 可能是前菜, 一開始不能太刺激吧..  擔擔麵 x 渝州涼麵呢兩個麵都OK, 唔會煮得太稔,擔擔麵個湯唔係我想像中好重花生醬味, 但都幾好味涼麵個味一般, 唔會特別想再叫嚟食~  水煮牛主菜終於到啦, 見佢啲香料咁頂盛, 應該不錯吧~牛肉係預算中既質地同味道, 就係生粉"拿"過, 滑滑地, 牛肉味唔重嗰隻, 但都冇乜所謂, 最緊要個"水"可惜個湯真係一啲都唔夠辣.... 又唔夠麻...裡面又唔多芽菜, 又冇薯粉之類, 好唔見食...失望呀! 蒜茸炒油麥菜正常, 菜都算新鮮, 唔老食完個套餐, 冇一樣特別出色, 個肚又仲有空間, 橫掂都係, 試多佢兩樣嘢 紅油抄手個汁好好味, 雖然都係唔辣, 但贏在個汁! 辣子雞辣子雞辣啦掛... 仍然都係, 得辣椒同香料既香味, 好唔夠辣... 雞既份量亦偏少, 真係好一般.. 再接再勵! 香港冇理由冇間好食又夠辣啲川菜既! 再揾過!