滿江紅 (已結業)

一向鍾意食辣, 麻辣火鍋岩哂我...係網上見到就同朋友黎試下...一早BOOK左位, 去到話打邊爐限時2個鐘, 唔係任食都要限時, 真巴閉!!!!!!叫左2種湯底, 一邊麻辣,一邊皮蛋莞西....我地叫左九菜餃 – 味道唔錯, 但個皮太厚魚片頭 – 唔咸唔腥而且彈牙, 幾好手打墨魚丸 – 墨魚新鮮, 而且食到一粒粒墨魚肉牛肉 – 一般, 肉質有D鞋通菜 – 夠嫩, 莖部唔會硬, 絕對係靚菜米線 – 諗住佢實好普通, 點知麵質好煙韌, 有驚喜另外再叫粉絲, 金菇, 午餐肉, 正常水準..不過俾我發現左午餐肉原來好夾麻辣火鍋架….好... 講返個湯底…..個麻辣湯底得個油字, 唔辣唔麻唔香, 而且越滾越咸~~反而個皮蛋莞西仲好食過個主角, 明明想辣得過癮, 而家真係俾佢搞到無哂癮!!!!!!! 其實佢D料係唔差又夠新鮮, 但個麻辣湯底真係好一般, 應該唔會反兜

個人比較喜歡樟茶鴨, 蒜泥白肉, 芫茜皮蛋魚片湯. 反而辣的菜色, 如水煮桂花片, 紅油抄手, 個人少吃辣, 不太懂得欣賞. 不過紅油抄手的皮都幾薄.最驚喜的是飲品, 青檸水極出色! 真是想不到中式酒樓的飲品都可以做到這個程度...當然, 還有朋友的生日蛋糕!

聽到朋友介紹呢間話好正好夠我呢d 重口味' 既愛辣者去到唔駛等位,但佢安排位有d問題,佢既4人枱已經唔算大,我地5個人坐落又要同後面迫又要唔夠位擺野食,想擺多杯野飲都難,要拎張人地擺火鍋料既枱仔因為同行既朋友唔係個個都食得好辣所以都有揀返d唔算辣既野食蒜泥白肉,唔錯酸辣涼粉,唔係好夠辣味梗係要叫返個辣子雞好好食夠晒辣麻辣肥牛煲,又係必叫之一佢一碟牛實在唔夠我地食於是我地叫左碟大既手切肥牛另外我地仲叫左碟回鍋肉好夠咪之餘佢又唔係得個鹹字,可以試下!

前兩日同友人食午餐，見三十元唔加一就試下小弟食左麻醬水餃担担麵，友人形容麵係壽桃牌，但我認為它比這牌子的還要『林』。水餃汁是比較少、重肉味，不是我喜歡的那種口味。麻醬幾好食，味道好香，唯一可以雞蛋中挑骨頭的是它如果更濃會仲好食。三十元，份量一般，相信男孩子未必夠，飲品就好大杯。至於環境就一定要俾滿分，好古色古香，坐得舒服。只是服務生的人數比較少，友人同我都覺得他們好辛苦。少人，但服務都算令人滿意，不過不失。

尖沙嘴的川菜不多，位於加連威老道的滿江紅開業很久，酸菜魚窩，辣子雞，水煮牛肉的川菜做得不錯！這店共有兩層，地方不算大，選擇川菜或川式火鍋，川式火鍋以麻辣湯底配合不同得火鍋配料，怕辣得可選清湯或帶少辣得酸菜豬雜湯底，個人推介酸菜豬雜窩，酸菜很多，酸酸辣辣很醒胃，豬雜吸了酸辣的湯底，僻了豬雜腥味，所以豬雜變得更美味～餐前小食會有麻辣豬耳或麻辣椰菜，很細碟，但味道OK～涼拌雞絲麻辣粉皮（＄40）以麻辣醬料加蔥及芝麻組成，很地道的四川麻辣香料味，粉皮也算滑，雞絲以雞胸肉撕成絲條，有點“嚡”！但味道還是不錯的～辣子雞（＄111）也是我必叫的菜式，先將雞炸至脆身，然後用大量乾辣椒腰果，花椒，香料作為配料一起炒，味道香脆得來麻辣，加上孜然粉雞芝麻更加香，十分美味！但是雞的份量很少，不是普通的少，強調是非常之少，每塊雞大概只有母指指甲般大，很小呀！應該叫雞粒，而不是雞塊，我需要在辣椒山內尋寶，用少得可憐去形容最貼切不過～水煮魚也做得不錯，大量辣油及辣椒煮魚肉，魚肉用新鮮的桂花魚原條起肉，所以魚肉很嫩滑，下層是青瓜，芽菜及薯粉，但是吸得太多油了，所以我只食芽菜，而薯粉像麵，一夾就斷，軟腍腍，麻麻地～由於

日前再去沙咀滿江紅食飯-(其實之前食過幾次,但不論出品及服務都麻麻,因此己無去近一年了),今次再去再點番幾款我至至愛:口水雞、水煮牛肉、担担麵、雞絲粉皮…..既套餐!!!弟一道”雞絲粉皮”菜賣相已超唔掂,D辣椒啡啡黑黑,好似不知那裡弄來的,好肉酦,最終無食到!!!!弟二道"口水雞",D雞油勁多且唔入味,好失望!!!!好彩期後的出品質量還可以~~~~~結論係,我估計係我同滿江紅 "無緣”啩!!!

四川麻辣總是令我又愛又恨，因每次麻辣過後，總是要想辨法解熱氣，再者我胃部不能時常嗜辣必須有休息期。今天麻辣癮來了，我必須想想多久沒吃辣，該有個多月的事，所以老公也批准來滿江紅回味一番！七時左右店內客人不算多，幸運地不用等位。侍應安排坐下後，看見滿江紅餐枱紙上印著的菜式已經令人垂涎三尺，接過餐牌再細看，這刻極大麻辣癮的我決定點全麻餐！ 雞絲麻辣拌涼粉($40)賣相討好，表面放滿麻辣汁非常吸引，碎雞絲加上入口溶化冰冰滑涼粉辣味相當十足(中級辣度)，而且每一口也能沾上麻辣汁實在是美好醒胃前菜，涼粉很好吃，必試！ 麻辣燙涮羊肉($82)是熱滾滾的麻辣小火煱，還不時飄來一陣陣麻香＋分撲鼻，我急不及待將煱內麻辣試了一口，感覺真的很夠麻，我極喜歡，再次令我想起在北京吃過的麻辣香煱。帶點羶味羊肉咬上根較多是可以接受的，我們開始邊吃邊抹汗，非常過癮！ 最吸引亦勢必點選的水煮肉片(大)($143)，奉上時在旁的食客也被迷住，水煮用了青瓜和芽菜墊底，同樣(中辣)入味肉片滲出麻辣油香很惹味，好味程度到達無法自拔的地步，原因是我放膽地將水煮辣油伴飯吃，老公見狀幸好及時阻止，那刻我竟然連胃部健康拋諸腦後！美中

無錯，又係川菜！今次摒棄新派二字，吃的是正宗川菜。那麼，我想大家都應該知道，為何在可以選擇的情況下，我不會再同大家食辣。走進去，嗅到的都是那股熟悉的味道；翻開菜譜，看見的也是熟口熟面的菜名。由我點菜，隨口的說了幾道菜色名字，就是這晚的晚餐。涼菜方面，蒜泥白肉從來是我的首選。這兒的出品，不會捲起，亦沒有包裹任何東西，是最地道的擺盤。豬肉是用上肘子位，肥瘦有致，口感佳，辣味亦岩數，如果蒜泥份量可以加多點，就合晒心水了。水煮魚、水煮牛或者肉片都食過九萬幾次，今勻轉轉口味，來一客水煮田雞。端上來時，都是滿滿的花椒辣椒，對其出品一向沒有懷疑。田雞腿肉多而嫩口，有麻香，有辣勁，墊底的苕粉吸收辣湯精華，入晒味，自然不可錯過。這味水煮田雞，唔錯！之前的文章也說過，川菜講求百味，則不是全是辣的。如這味涼拌土豆絲，就是不辣的了。薯仔切得條條幼細，刀功唔差，相信係汆過水，口感爽爽的，不會太粉，不麻不辣的菜色亦好吃。紅油抄手今次就有點失準，紅油調校是合適的，唔會只是加辣椒醬，但係抄手黏埋一舊舊，感覺很不新鮮。幾道辣菜，叫杯凍飲較穩陣，我喜歡喝咸檸七。

出席完一個聚會後和四位友人找吃的(我甚麼也沒吃很餓呢)已差唔多11:00,不想多找了,就去了就近的滿江紅坐到窗口邊的大卡位原想吃火鍋的,不過朋友的時間有限所以叫小菜算罷飲品我點了青檸樹,,超大杯,幾好飲蒜泥白肉夠味,佐飯一流,整晚最美味的菜色口水雞雞肉尚算鮮嫩,辣味不夠,乾扁四季豆火喉不足,水準只屬一般最後點了水煮牛肉我和友人想吃辣子田雞,但沒有田雞了友人再問水煮田雞,還有其他田雞的菜色把我們都笑到半死了川菜質素比滿江紅好的比比皆是,相信短期內都不會再光臨而且服務態度亦需要改(大部份侍應也都十問九唔應...要隻杯都要嗌幾次)

今日膽粗粗跟一班同事黎食辣野。我地9個人叫左幾個lunch set share 食。lunch set 包一個送, 一個飯同一杯野飲, 價錢平均$38-$45, 唔洗加一, 都抵既。我地叫左1) 蒜容白肉, 雖然個醬汁好紅, 好似好辣, 但又唔係哦,好味。 2) ma 醬雞, 香香ma醬味, d 雞夠滑。3) ma 婆豆腐. 雖然辣, 但送飯一流。4) 香酥豬扒, 炸得好香, 唔油, 好味。5) 口水雞 x 2, 見到D 紅卜卜既醬就知好辣, 食落真係唔野少, 辣到差D變孖腸, 但同事仍然面不改容。6) 乾煸四季豆, 炒得夠香, 夠乾身, 好味!7) 勝瓜肉片湯飯. 比較普通, 但清清地, 中和返D 辣味。 lunch set 配野飲, 我叫左杯洛神花, 好特別啊, 好似利賓立, 又好似有d 山渣味, 幾好飲。埋單一人$38, 抵啊!!

一行4個人去滿江紅食飯...之前試過去打一次邊爐..好正...今次就只係食飯...叫佐5個餸,有水煮魚,豆腐,紅燒肉,豆角,雞..味道都一般般..特別水煮魚一D都5辣...魚份量少,大部分是配料...紅燒肉好味...夠諗...豆角都OK...雞最好味...雞仲辣過水煮魚..!!!超好味,夠辣配料多過魚-,-..OK好味OK好味OK

周六晚上帶朋友去吃水煮魚。還沒有坐下就問要喝什麽茶，說喝啤酒，女服務生立刻凶巴巴地說：就是喝啤酒，茶費也是要收的，到底喝什麽茶？-- 這樣的態度，還沒有吃飯就讓人不舒服！之後上菜很慢，啤酒也要等半天，叫好幾次才上來，上菜的時候服務生也都是愛理不理的樣子。就餐環境很一般，店家並沒有在裝修上花太多心思。一共叫了三個菜，水煮魚198，一個豆角，一個宮保雞丁，結賬的時候朋友刷卡，外國人也不知道是貴還是便宜，結完帳走了以後問他多少錢，比法國貴還是便宜，他說是400多，兩個菜就200？太貴了吧！而且也並沒有特別驚喜，比以前北京沸騰魚鄉的差遠了。這麽貴服務態度還這麽差勁，以後肯定也不會去了！

今日同屋企人行開尖沙咀, 路經"滿江紅", 便決定帶佢地試吓食四川菜, 我點了這裏最出名的兩款餸 -- 麻辣口水雞,水煮桂花魚先講麻辣口水雞, 都幾大碟，都算有1/3隻雞，有齊雞翼、雞肶、雞胸肉，雞肉非常滑溜，雞骨唔會硬可以慢慢啃，個麻辣真係辣到標汗，鼻水不自覺地流下，越辣越想食，連墊底的青瓜條都唔放過，母親大人仲話D花生超脆，總之全碟清哂再講水煮桂花魚,淨係個香味都已經令人食指大動，一撥面頭的辣椒粒，隱約仲聽到滋滋聲，真係新鮮熱辣。急不及待試一片，唔，第一啖就食到桂花魚的鮮甜嫩滑，第二啖就嚐到那種令人又愛又恨的麻辣，超刺激哩！忍唔住再食多一片、一片、又一片，哈，點解對座的母親大人變了關公臉？原來她辣到心跳加速，血氣運行太急，面紅了個水煮魚墊底仲有好多配料，包括青瓜、銀芽、滑粉，全部索哂個汁，辣到標眼淚~唔覺唔覺就飽到捧住個肚，幾乎一放低筷子，就有Waiter行埋黎問有無再加廚房食物；再過一陣，就有Waitress來執碗，明白，係時候埋單走人！

昨晚去到要勁排隊, 放棄了等位. 決定今天中午再去.好在午市不用排隧, 小姐仲比卡位我地添.因為lunch set實在太平啦, 所以我叫了2個set1. 口水雞-真係麻辣得好過隱. 雞好juicy, 如果再麻d就更好. 係我食過甘多口水雞最好食既一間.2. 蒜泥白肉-有點不像平時食開的買相,味帶甜小小辣, 非常合唔食得太辣既朋友.3. soup: 料多到暈好甜, 下次一定要再encore佢地既soup.

我第一次係呢度寫食評, 因為仇次真係忍唔到呢間野...食物質素唔講,,,因為食咩都冇味...今日一行4人去火鍋, 一早BOOK左位, 佢講左只係食2個鐘..咁我地都諗住OK...點知去到坐低..叫左一個麻辣加清湯湯底, 一來到已經發覺個爐有問題, 永遠只係得一邊滾..我地不己為意, 一直慢慢食, 慢慢等, 到兩個鐘既時侯, 已經即刻催我地埋單,但我地仲有好多野食..因為個爐根本唔滾..埋左單之後, 隔左10分鐘...有個阿嬸走過黎發我地脾氣...話我地真係要走, 下面好多人等位..咁我地話佢地個爐唔滾, 我地等左好耐, 加上仲有野食未食完, 唔通叫我地唔食???跟住個阿嬸就話我地應承食2個鐘, 而家就要交返張檯出黎...咁我地就話佢地個爐有問題, 根本得一邊滖, 再加上仲有野, 食埋先得唔得..個時佢語氣已經好差, 仲話我地應承左兩個鐘, 早知係咁, 寧願唔做我地生意....真係火都黎埋. 我真係未見過而家仲有一間食肆係可以做到咁..我勸大家都係唔好再去...野食又唔好, 平心而論, 雞冇雞咪...魚冇魚味...牛肉冇牛肉味..個麻辣湯底只係得個辣.又冇味...不知所謂最後都係唔理佢.