滿江紅 (已結業)

約了兩位舊同事超過半年到今晚才聚舊，其中一位不怎麼能吃辣的也遷就了我們，終於決定以四川菜飯聚。前菜兩小碟: 豬耳和辣椒涼伴高麗菜(椰菜)，$8 兩碟必收前菜價。本人認為此等收費很不公平，以為 $8客人不會計較，就係咁每桌就多收 $8-$16，以人數多少計算，為何不要也強收呢。水煮黃丁魚: 水煮魚到川菜館是必選之一，足夠我們三人胃口，每條黃丁魚長約6厘米每條切成兩件。魚經過油炸後才放進大盤中，然後加入辣椒油浸著上桌。黃丁魚肉質爽口，魚骨非常幼細，相信若吞下了魚骨也沒有大礙。酸辣川北涼粉: 少許青瓜絲作點綴，不過生蔥花似乎多餘了，或者放芫茜賣相會較優勝。涼粉份量太少，一碟價錢$38份量應該多些吧，很爽滑，想像一下口感似條狀的涼粉。口水雞: 伴有芝麻花生粒的口水雞，為怕一位不食辣同事要求少辣，結果麻辣程度是零，雞肉尚算嫩滑，不知調味汁是即時調較還是一早調好，若是後者就令整個口水雞差了些。不浪食物的我把剩餘的通通吃下。不知道啤酒是否可以解辣，我們要兩支啤酒作為的飯後甜品解除口中的辣油味，然後趕著前往買朱古力飲品。三位賣單$393

昨日諗住去試吓呢間滿江紅, 跟住叫左碟麻婆豆腐(但係D肉少到差不多見唔到, D紅油就多過豆腐; 再叫碟三鮮炒河粉, 當時已經問左個態度非常惡劣的侍應係咪濕炒, 佢話: "唔", 咁咪叫啦, 點知來到係 “干炒”, 我個朋友大感冇癮; 其他D野食都係一般般啦(可選不吃那種); 突然個朋友話食到個口好辣, 咪問左另一個都係態度非常差勁的侍應, 佢話: “水呀, $5一杯哦”, 我地梗係話唔使啦; 跟住, 終於都到埋單嘅"戲玉"啦, 由於個尾數是$1, 咁我地咪比2個5毫子啦, 點知嗰個侍應話: “我地唔收5毫子”, 咁最后咪比左張$10佢找, 跟住梗係$1貼士都唔比啦!!! 真係請我都唔會再去呀!!!

今日與舊同事聚舊，選來尖沙咀的滿江紅刺激一下。此店為專營川菜的傳統中菜館，店面分二樓及三樓，地方不大但桌椅不算多，所以尚算寬敞舒適。我們一行四人被安排到三樓角落的一張四人桌，自成一角，很好。吃川菜離不開麻辣，但由於怕太辣不能入口，所以只選了著名的辣子雞，再加其他菜式。 前菜：為豬雜及辣菜，前者有豬耳、豬舌等，少辣；後者就是簡簡單單的辣椒伴青菜，比豬雜較辣，還帶點酸，頗開胃。 鹵水雙拼：為豬大腸及鴨舌，煮得夠淋夠入味，最初怕墊底的豆腐滲滿鹵水汁會太鹹，但卻沒有這問題，算是不錯。 霸王辣子雞：我們點了個大的，上檯時滿碟紅色指天椒，小小雞塊散在其中。味道方面，單單是吃雞塊也感到陣陣麻辣，如不慎咬中麻子粒，舌頭頓時麻痺了！ 起初以為只有很少雞塊，但每每翻起辣椒，雞塊又再出現，好像吃極也有一樣。 乾扁四季豆：滿滿一碟，炒得夠香夠乾身，很好。 海鮮炒飯：平平無奇，海鮮只是雪蝦及蟹柳，炒飯也不夠乾身吧。 青檸樹：小弟點的飲品，為珍寶型的青檸梳打。夠冰凍而味道也不錯，尤其是吃了麻辣後用作「解藥」。 滿江紅作麻辣菜式很不錯，想挑戰自己的朋友可以一試。但店內員工數量奇少，點菜、點飲品，連結帳也

一班朋友來個生日dinner，為了我和另一朋友慶祝６月生日，我本來好怕辣既，但一於今年辣一辣佢，突破自己，於是大家揀了這間四川菜館來辣一番．．．．唔洗講咁多，睇左相都知，火鍋湯料好足，我最欣賞佢辣得來，仍可以食到食物的味道，所有材料都好新鮮，真的不是酒樓任食火鍋可比．其他Friend都陪我crazy．由劃清界線死都唔食辣，後來食到自己個咀成了 " 豬潤咀 " 都要食，又要叫啤酒送辣，都唔肯停口，但埋單都是每人約$250，算係咁啦，哈哈哈哈哈~~~在坐愛辣的Friend，初時都覺得唔夠辣，侍應立刻狂加辣椒乾，最後總算收貨！今次我獻出食辣的第一次，留下了好印象，如你都想學食辣但有D驚，來呢間就唔洗驚啦！最後，多謝朋友和我Crazy了一晚，真的 " 生日快樂 " 啊　

之前都有食過幾次．．好食辣的餸：－　水煮桂花魚(大) ．． D魚好鮮好好食，又唔太辣．．正！９分－　口水雞 ．．差小小，有Ｄ唔入味，唔夠雞味．．一般啦！６分－　麻辣涼粉．．夠入味好勁，我細佬個女友好鍾意．．幾ＯＫ！７分不辣的餸：－　"沖"爆羊肉．．Ｄ羊肉好焾，小咗羊穌味．．一般啦！６分－　咕嚕肉．．有Ｄ其貌不揚，但肉質好，好鍾意食，比其它酒樓好好多！９分但最唔好就係唔夠人做野，要叫好多次Ｄ侍仔先比到野來，而又唔提供清水or冰水（要比錢，＄８蚊一杯），要改吓，有人唔鍾意飲汽水咁點呀，比８蚊飲水好貴啫！！以前有食水煮豬腦（正），担担麵，辣子雞亦不錯，果喜歡刺激同食辣, 呢度的璀係個好選擇

繼早前滿懷希望去左食譚魚頭又失望而回之後, 一直好想食番餐似樣d既麻辣餐...今回一行七人, 叫左個麻辣火鍋, 雖然嫌佢唔夠辣, 但係整體來講食物與環境都算可以接受, 比起以前銅鑼灣店叫做好好多順帶一提....食麻辣火鍋, 一定要落冬瓜...

雖然未去過四川食野, 不過都去過內地唔少專招呼外省人既川菜館, 算係有得比較下啦~ o係滿江紅叫左一個2人晚餐, 主菜係水煮牛肉, 上菜既第一感覺係"好少呀"....因為在內地食開既水煮sth.都係非常大碗! 心中有數...因為一般辣椒已佔8成滿! 而事實都係一樣...真係得幾少下....味道唔算好好,不過都唔錯, 都夠麻辣,不過配料唔多......個套餐仲有小食,麵,湯,菜等等,不過都唔特出...唔深印象...最唔抵係一坐底就有兩碟前菜...不過要成10幾蚊一碟...!!

正所謂「偷得浮生半日閑」，寡人平日處理國事廢寢忘餐，剛好這個下午處理好所有「奏摺」。於是便微服出巡到這間「滿江紅」用膳。朕一向嗜辣，嚐過此店之菜餚，發覺頗對味兒。所以朕久不久都會到此品嚐一下。下午茶時段客人疏落，座位也能選過好的。一坐下不用想便先點了一個口水雞客飯下午茶餐，因貪新鮮所以點了好幾款小食，麻辣豬紅、青椒皮蛋、上湯蘿蔔。飲品即點了紫貝天葵。不是第一次在這店吃口水雞，朕曾試過不少店的口水雞，大多在汁醬上偷功減料，較為像樣的有駿景軒、近來頗為大熱的傷心酸辣粉及此間滿江紅。共通點是廚子都是祖藉四川，先說此間之口水雞，當三四十塊有交易時，不要再挑剔是新鮮雞還是冰鮮雞。此處之口水雞，汁醬對板；雞肉嫩滑兼沒有雪味，還要挑骨頭？麻辣豬紅，既有麻香；也夠辣味。但總是不太入味，失分！青椒皮蛋，酸辣汁令青椒味道更豐富，而跟皮蛋一同吃也確是匹配。上湯蘿蔔同樣無甚特別，偶一試試也無妨！其實，此店的紫貝天葵也是朕之「賣飛佛」，足料夠味，其實單是這幾個字，已經不是其他店能做到！

本想打邊爐, 不過坐下見價錢不便宜, 轉而叫菜....叫了:酸辣粉皮- 還可以, 覺得不太夠辣...涼拌青瓜- 青瓜很爽, 正!豆腐皮蛋- 皮蛋是溏心的, 很好, 豆腐跟醬汁, 是不嗜辣朋友的涼品! 水煮桂魚- 魚很滑, 襯魚底的是粉皮, 不過粉皮不是很辣, 只有一點點麻! 川味豆腐牛肉- 這個配搭不錯, 跟水煮桂魚有點不同的是多了一些麻醬, 感覺沒有那麼辣總括來說, 這裡的菜不是很辣, 適合不太受得辣但又想試的朋友, 因為它麻的感覺比較多

凍凍地打邊爐，湯底一邊麻辣一邊雜箘。麻辣嗰邊逾滾逾麻，但又唔會頂唔順，好啱味，逾滾逾上引。雜箘嗰邊原先只想用作中和吓，但原來都好正，本身菇的鮮味亦非常重，强烈推介開餐前飲過夠。叫咗蒜泥白肉作餐前小食，之前已講通呢味嘢點正，無變。這裡很多種醬料任選，我做了麻油溝蒜溶及沙茶醬，但都不及用蒜泥白肉醬汁餸火煱料好味點了本地肥牛，雪花，牛味亦濃，很好我很喜歡食水煮桂花魚，所以亦有點桂花魚片，襯麻辣湯底，又爽滑又麻辣，正其餘幾樣火煱料無乜特別。最後肚子火火地(麻辣嘛)，要個桂花酒讓丸子，食完非常舒服。

要話正就未夠，麻辣俱全，但香味欠奉，若只想辣個過癮倒是不錯選擇！口水雞勁多骨同皮，或許我不識貨，正宗口水雞應該是這般排骨性格？紅油抄手不夠辣，紅油更似豉油水煮貨上臺幾有氣勢，大大堆辣椒,紅艷艷！味道夠，材料精少少就更好麻醬生菜算驚喜，個醬幾香又微辣，如有樽裝外賣就完美！服務真是夠“貼心”，無人斟水，話必須order茶水，無白水飲人不算多，卻遲遲不應，多少讓人不悅

來這裡麻一麻，辣一辣。先食担担麵幫但肚打打底，稍覺麵諗咗Ｄ，但都ok點了盤大水煮桂花魚，麻辣度適中，提高魚的鮮味，亦滑口彈牙，是我食過的數一數二水準，包括在大陸食過的，必食。另點辣子田雞，很辣，但仍食得出田雞味同仍然爽口，好過辣子雞。蒜泥白肉亦一流，肉同肥比例約6:4，蒜泥醬汁亦濃。另有清炒蒿筍絲，爽得來要用少少力咬，good。其實倉炒好食過清炒，但中和一吓個胃啦。

一直也想來滿江紅 , 今天終於找到志同道合的朋友 , 實在太開心 . 一坐下 , 我就建議吃口水雞和水煮魚 , 招牌菜沒有理由不點 . 口水雞 5 分鐘就到 , 賣相好吸引 , 一點肥肉也沒有 , 最重要是不凍 , 試過在外面吃 , 好像放在冰箱很久 , 一點雞味也沒有 . 水煮魚 $198 太貴 , 我們點了水煮魚片 $128 中份 , 辣度可以 , 油又不多 , 記得尋寶 , 好多魚也沉在湯底 . 宮廷醬烤骨 , 忘記了問過 waiter 是否來錯 , 是炆的 , 太多肉 . 紅油抄手 , 辣度不夠 . 這裡的食物也算正中 , 只是辣度不夠 , 下次也要問問他們可否加辣 . 來之前記得訂檯 , 客人好多 .

前菜 : 麻辣椰菜拼皮蛋, 麻辣豬舌 : 給你一個下馬威青椒皮蛋 : 送酒之選啫啫田雞及啫啫魚頭 : 同樣啫得有鑊氣, 夠乾身, 很好味!火爆花腰 : 豬腰炒得洽到好處, 正!水煮桂花魚片 : 主菜, 魚好滑, 汁好香, 不是很辣, 但很麻, 想辣些可把魚連同辣椒食, 好正!口水雞 : 一般料子, 但都好食!招呼 : 比想像中差, d 人呆若木雞

最近一次去水煮桂魚又加價了, 好似冇得選size一律$198....well 加埋個一覺得有d 貴. 唯有叫個中的水煮鮮魚片.兩個人, 仲叫多左個賽螃蟹.前菜 - 有乾辣椒花椒炒椰菜, 食到d 味精味但係又停唔到口, 又再證明人真係犯賤的.豬耳都係一樣.水煮魚- 夠鮮夠辣, 肉滑得泥彈牙而且夾起唔會碎濕濕.只有呢種用滾油快速加熱o既方法先可以做到d魚肉彈牙. 唔係咁鐘意食魚o既友人都覺得好食. 底有青瓜同粉條, 吸哂汁, 要食得辣至好挑戰. 份量夠兩個人, 其實可以唔洗叫其他菜都ok...下次加個麵or白飯好過.賽磅蟹 - 好唔得, 油溫控制得唔好, 有點老, 似有倒汗水o既蒸蛋白多d.....不建議.我只有在想食水煮魚的日子來滿江紅. 算是滿足吧.埋單兩個人240