滿江紅 (已結業)

做左會員所以重新post過早幾日又去呢間食飯，2個人食左水煮桂花魚同麻婆豆腐，以前水煮桂花魚有份大中細3個選擇，而家得返一個，價錢仲要貴過以前，加幅實左太大，以前我地2個人食細既可以係岩岩好，但而家都只係比岩岩好多小小，可想而之加幅接近100%，味道又唔夠辣，仲要入面入好多魚骨(剪)底，條魚我就唔覺似桂花囉，另外叫左個麻婆豆腐，味道比中午食既午餐好，但都係唔夠辣，可能以後都唔會再去呢度食晚餐huffy一如以往，埋單真係好慢，我地都係7點10分去到8點走，人就唔多，真係要檢討下

一直都喜歡呢度之前都推介過但家陣再無大份水煮魚食只得一個中size但價錢同大size一樣份量小咗好多都唔夠食好失望我知乜都加但魚類加幅比肉類低大size無變中size咁變相咪即係加咗$3、4拾蚊價唔想再去滿江紅家陣去open nice找吓邊度重有正水煮魚食先

本人以捧場的心態去幫襯，可惜負責人李先生持住食市有些營業額的心態，竟然用不禮貌的言語對待來賓，最終十幾人表達不滿後離去。就算食物如何美味，待客以誠是最基本的原則。

再次嚟呢間餐廳, 唔知點解多0左好多人, 上一次好少人食晚飯, 但係今次成九點嚟食飯都差0的冇位, 仲要食飯0個日係星期三.餐廳生意咁好就請多0的人啦, 我見到得兩個侍應要招呼咁多人點做得來, 我0地等0左成十分鐘先有人幫我0地落單, 真係好似冇人埋.埋單亦一樣等好耐, 完全冇人理.不過食物方面確實不錯, 酸辣粉好好味, 好開胃; 水煮桂花魚超正, 魚好滑, 又唔係好辣, 不過香料味道好濃; 另外辣子雞亦不錯, 炸雞細細粒, 埋0係堆乾辣椒下面都唔係好辣, 配啤酒就一流; 四季乾煸豆就差少少, 偏鹹; 最清係通菜煲, 唔辣, 但係油好似多0左少少.如果喜歡刺激同食辣, 呢度的璀係個好選擇, 不過食完晚飯後全身都有香料味, 揮之不去.

今日我跟朋友一齊去左尖沙咀的滿江紅, 點了一份 "招牌口水雞" 慢慢品嚐, 這個套餐相當丰富, 有餐飲, 有一份前菜 (可以選清湯羅白), 有一大碟口水雞。先講羅白,味道比較清淡, 有清湯味, 唔錯。最重要的主菜係"口水雞", 味道好野味, 而家好醒胃, 辣椒相當多, 而家越食越椒, 不過非當有四川菜的特色, 而家埋單都係$38 , 起低食。另外, 特別推介係 "麻辣青瓜", 辣得來很香, 非常開胃, 小食必選

6月14日跟一大班朋友來到貴店準備大吃一頓﹗果然不出我們所料，我們點了很多小菜…分別是少不了的水煮田雞，叫了一大一小的，非常惹味﹗叫了香辣黃鱔煲，肉質鮮甜口水雞…又不是太辣，只是有麻的感覺，麻得開胃﹗還有配飯吃的少不了蟹黃豆腐，用咸蛋黃跟蟹黃一起進食非常好吃﹗每人叫了一杯青檸樹解辣可以解辣的。6月15日父親節再戰滿江紅，今次叫了薑蔥蟹，松子桂花魚，回鍋肉，蟹黃豆腐，上湯浸皇帝菜，泡椒石頭田雞及青檸樹。薑蔥蟹：肉質嫩滑，薑蔥令蟹更加鮮甜。松子桂花魚：賣相已經一流，上菜時簡直不想破壞它的外觀，把青瓜排列得非常整齊，把桂花魚切開一半再炸，炸完的魚肉依然滑身，而且口感脆的，一流﹗回鍋肉：有一點兒辣，配飯一起吃都很好味﹗蟹黃豆腐：豆腐非常滑，咸蛋黃跟蟹黃一起炒非常惹味﹗泡椒石頭田雞：蠻有特式的一道小菜，石頭是燒熱了的，再把惹味的田雞放進去時，石頭會叫的，非常有趣﹗

上星期五，和老公逛尖沙咀，路經「滿江紅」，見到店名，已經感到那股麻辣、辛辣的味道，於是決定用麻辣來刺激一下味蕾。可能是假期前夕吧，我們九點半到達時，都要在門口等了大約十五分鐘，才被安排坐上二樓。商量一會之後，我們決定要一個$258二人套餐...包括有三餸一湯，有飯有麵，還有水果，十分豐富。燉湯---雖不是甚麼名貴材料，只是冬瓜、雞肉、葯材，但味道很鮮甜濃郁口水雞---雞肉質地很滑，皮下脂肪不厚，連平日不吃雞皮的我，就算連皮吃也不覺肥膩，汁料很惹味，越吃越感到麻辣的厲害水煮鮮魚片---雖然我是愛辣之人，但一看到表面鋪滿的辣椒，最初實在有些擔心，但原來它的麻辣程度絕對是可以接受，而且兩者調教得恰到好處，味道十分香濃，值得推介，水煮魚份量十足，魚片鮮甜嫩滑，在紅紅的辣油底下，還有大荳芽、青瓜、和一些像粉皮的物體，相當入味，簡直是滋味無窮蒜蓉油麥菜---之前兩碟都有麻辣感覺，幸好有這碟青菜中和一下擔擔麵---只有些少肉碎，沒有花生碎，湯底只有鹹味沒有香味

幾個同事share食口水雞+菜+飲品 $38 辣麻婆豆腐+飲品) $33 辣干煸四季豆+飲品 $33香酥豬扒+飲品 $33回鍋肉+飲品 $33$3x 係尖沙咀都唔算係貴,而且好味,仲有炒粉麵飯,湯飯選擇都好大碟好好味!飲品(冷熱同價),免加一!

我鍾意四川菜，亦好彩有一班志同道合既朋友陪我一齊食，我地都覺得滿江好係香港算係幾唔錯既四川菜館。我地未試過係果道打邊爐，去到都係食小菜，所以推介菜式都係小菜：水煮桂花魚：真係好滑！而且份量都幾大，一個中size係夠4個人食的。夫妻肺片：好香辣既味道，而且有咬口。口水雞：較好多地方出色，不過貴左小小．．如果怕辣可以叫沙冰，廿零蚊好大杯。

我地一行九人黎幫親，共叫了九個菜：1) 口水雞~~~ 我唔食雞唔知咩味？不過真係好香，我只係食左佢入邊的青瓜都好味架。佢地話好好食，當中有三個唔食得辣朋友都食到『雪』『雪』聲，但都仲博命夾黎食！証明d 雞真係好好味。2) 宮廷醬燒骨~~~ 嘩，好冧，好好味，好好送飯。3) 松子桂花魚~~~ 好得，好好味，唔會過酸過甜，味道剛剛好！4) 干煸四季豆~~~ 好香口，炒得不俗。5) 薑蔥蠔煲~~~ 味道好好，又唔腥，一流，仲有成12只蠔咁多！抵食！6) 漳茶鴨~~~ 呢個鹹左少少，味道ok。7) 蟹黃豆腐~~~ 味道ok ，都可以送飯8) 上湯竹笙野菌~~~ 幾清淡。9) 滷水三拼~~~ 我地揀左：豬腸、牛展、滷肉，味道一般。我覺得幾肥下，只係食左一件。埋單962元！真係好食又抵食。三號風球加黑雨的晚上，以為無咩人啦，點知都鬼死咁多人！好多鬼佬來幫親！又有好多北方佳麗黎食飯，都幾爆場！好彩之前有訂檯。順帶一提，坐我地後面張檯係胡蓓蔚同佢另外兩個朋友，點解唔見佢老公單立文既？

跟4個友人到了尖咀的滿江紅食晚飯。我點了幾個菜，4人平均消費都是＄130左右已經吃得很飽!!涼菜方面..點了口水雞及青椒皮蛋。淋在口水雞的汁令我嘴唇麻了，但很好味!!至於青椒皮蛋..青椒配以皮蛋口感爽牙!!小菜方面..點了一個水煮大田雞，這裡的田雞比外面的大排檔大隻很多，而且口感一流!!朋友們見到表面鋪滿各種不同的辣椒都嚇呆了!!但試後的感覺都是說:正牙!!另一個就蟹黃豆腐..豆腐非常滑溜，蟹黃配咸蛋的味道恰到好處，配白飯吃的時候，我可以吃到3碗飯!!最後清淡一些叫了蒜茸炒油麥菜。我們每人叫了一杯青檸樹，不能吃辣的朋友不妨一試，因為可以解辣的。服務員的態度十分好，環境亦十分舒適，整體而言是一間值得推介的餐廳!!

同兩個friend一齊去食,叫左兩碟細肥牛同埋其他野,加埋都唔夠廿碟,埋單竟然要每人二百幾!!!!個湯底又唔夠辣,情願去d任食或者其他火鍋店好過!!!!有錢都一定唔會再去呀!!!!!

set lunch食豬潤湯飯+椰果特飲$35無論餸及飯都多,還有幾條菜芯,清清地幾好,不過今次豬潤硬了少少椰果-> 可惜不是椰纖果,此種椰果不太好食,質感軟軟稔稔,沒什麼味道

好朋友生日,一行五人去食飯。朋友未去過滿江紅, 我就介紹左自己最喜歡既幾款小菜俾佢地,包括手煮桂花魚,四季豆,蟹黃豆腐,砂鍋雲吞雞。水煮桂花魚佢地怕辣,初初見到咁多辣椒係面唔敢食,但我極力推薦下,佢地嘗試左自己第一次,食完個個都話正,又香又滑,仲話會再食!蟹黃豆腐尤其係蟹黃同鹹蛋既味道交替,令我地食慾大增!整體黎講,五個人都好滿意!

the food is OK. FAIR. BUT the service is... BAD BAD BADif u need to drink any boil water, u need to pay $5 for each cup.I went there in the afternoon with my friend and the waitress was really rude to us.and she even left us when we were asking her somethg. (there were only a 10 people eatin in the whole restaurant. )I complaint to another staff. and he just said sorry and seems not so care about. I wont go to this place again!!