滿江紅 (已結業)

首推水煮桂花鱼Ｄ鱼肉滑到不得了不過如果少Ｄ油唔知得唔得，太油有時都唔係太好，口水雞個醬汁又係正到不得了雞又係雪雞只係有懶個汁帶起先好食，賣$108半隻又貴咗少少不過好食無計照叫，青椒皮蛋又係推介之作皮蛋有溏心青椒醬汁又係令外一種辣味，佢地每一個菜式都有唔同辣味，不過下午茶時段免收加一茶芥，但係响個段時間叫我食開個Ｄ食品唔知係咪唔同師夫Ｄ嘢無咁好食，服務態度我覺得好ok呀冷氣都好夠凍，呢度我見好多外國遊客嚟食重食得好滋味添，食辣嘢真係食少2個星期都心掛掛好鬼衰但又唔可以成日食此終傷腸胃。

口水雞: 真係可以食到你流口水鼻涕law~蒜泥白肉:正,不過要有技考咁食,將一塊肉放係塊瓜上面,再放d蒜泥之後捲埋食最正,如果就咁食塊肉既話,肥死你啊~夫婦肺片:好麻,食到你麻痺辣子雞: d辣椒多過雞(不過聽講真係要咁整,如果唔係唔入味),都幾好味,如果d雞可以大size少少會好d...干扁四季豆:平凡之作雜菌豆腐:一個清淡的菜羅白牛腩x2:呢個正啊~d羅白超入味水煮羊肉片:好似冇咩羊肉味law蛋黃南瓜:正,唔太漏~海鮮炒飯:唔錯,夠乾身松子桂魚:幾好味...擔擔面,麻醬面:林到好似S咁涼伴面:因為涼伴,所以冇林總體唔錯,有d菜有待改良,不過呢度冇乜冷氣,想熱死人咩,食緊辣野架...

尋晚突然想起我既飯堂-滿江紅, 在該處食齡巳有4年, 第一次在銅鑼灣, 之後尖沙咀, 平均1個月去一次, 大多數係打邊爐。隨時見到辣妹!本人名副其實係辣妹, 點為至夠辣的定義為, 食完嘴巴會變成孖潤腸街出門口及口腔帶點點辣, 脷帶少少麻香味。3,4 年前滿江紅的麻辣火鍋, 在order 鍋底之際叫加麻加辣, 中途再加一次, 食完行出門口, 口腔裏都會帶點麻麻辣辣! 但近二年巳經不如以往, (特別係攞獎以後) 跟以往一樣在落單之際加麻加辣, 都唔麻唔辣, 立刻叫Waiter 加麻加辣, 食物在辣鍋中游過幾回後, 辣味又消失, 又再次加麻加辣, 一供加三次後, 鍋底滿是辣椒, 但不辣, 只得一個((( 鹹))) 字, 真係唔夠辣呀! 街出門口只有叫”好鹹”,變孖潤腸的日子過去。食物: 羊肉(OK), 豬爽喉(至愛), 魚頭(新鮮), 冬瓜, 苕粉, 豬紅, 黑柏葉環境: 坐Window Seat 最好, 冷氣唔夠, 一路食一路出汗, 地下有點滑服務: 一般價錢: 打邊爐以上食物連鍋底二人分量大約$4xx** 中午打邊爐不收加一總括來講食物夠新鮮, 麻, 香, 辣欠缺。深圳求其搵間食麻辣火鍋

有一個星期6既下午放左工晏就去左食~~叫了幾個菜，樣樣以為會好辣，不過都唔係好辣。1.)水煮桂花魚- 最好食，魚肉好香阿~~good good2.)口水雞- 係涷既~不過都幾好食~3.)四川涼粉- 好粗透明既~but好易斷~本身無咩味~呢個一般。配料d青瓜同d汁仲好食。4.)紅油水餃- 咸左d阿~如果唔係唔錯既~不過又係唔辣既~~如果d食物辣d應該唔錯嫁~~

在2007年5月4日的晚上~~~和2個朋友到這間吃...吃我最愛的之一...水煮魚...味道不錯...但不夠正宗感覺..但也爽的...喜歡川菜的朋友可以去吃吃...不錯的..下次會再去....價錢還可以吧...不算太貴的..但的確比起我在外地吃的水煮魚貴很多3人吃了水煮魚(大) ＄168 ,但其實不是很大..是魚片的上...不是那種專門店吃的..給客人選一條大魚...成條魚煮..但還可以啦...~~~~~~~~~~味道ok炒雞什價錢好像是$3x-4x 不錯的...不算太辣..爽口開胃.....+了3個白飯...~~~是一個不錯的選擇...埋單$293

愛吃麻辣的我, 前日同朋友仔一齊去試滿江紅, 事關香港都好似冇乜食麻辣小菜的地方...不過, 又唔係我想像中好食囉... 麻就係麻, 不過好似辣味欠奉囉! 所有野都好油! 食到好濟.......> <我地分別食左4樣野::1. 水煮魚 呢個係全晚最好食架喇, d魚真係好滑! 不過係魚片上,唔係成條咁... 好似同我係上海食的那個仍有距離2. 口水雞 可以啦... d雞唔夠多肉囉...3. 蒜泥白肉 一般! 不過睇佢個樣初時唔覺係辣, 後來先發現個底有好多油! 唔impressing4. 擔擔面 好一般! 個湯底又唔辣又唔麻... 又冇花生醬味! 不過我最後食哂都係因為佢個面質幾好... 其實我唔會再黎... 雖然佢不至於差到咁.. 但也滿足唔到我對麻辣的要求!

我同朋友來過兩次打邊爐,湯底都幾多選擇,食物都好新鮮,我最中意佢係d醬料全部在出面自己配搭,而且仲有好少火鍋店有的老干媽辣油(唔係貴價野,但好香,好正,我之前在大陸工作,都有用佢來撈飯),不過最好就係九點半後入座,因會平好多,我地兩次都係......

今晚突然想食濃味一點o既食物，所以同屋企人去左滿江紅食川菜，諗住刺激一下味蕾！我地決定叫小菜，有幾味都確實唔錯，可以推介一下。水煮桂花魚：嘩！簡直係我的摯愛！碟魚一上檯就聞到好香，辣度同麻度都可以接受（remark：本人都算幾食得辣）。魚片好滑（最緊要無骨！），o係碟底o既青瓜同粉皮（?）入晒味....總之就正！蒜泥白肉：肉質「鞋」左少少，不過個汁調得好味，表妹仲叫waiter留番d汁俾佢撈飯添！上湯竹笙野菌：竹笙吸晒上湯，清清地，中和水煮魚o既辣，明智之選。石頭泡椒田雞：熱辣辣o既石春幫助保溫，田雞夠滑溜。上湯炒飯：聽落古怪o既配搭，食落似泡飯不過保留左炒飯o既香味，幾得意。下次諗住試下其他野...不過水煮魚is a must！

前兩日同友人食午餐，見三十元唔加一就試下小弟食左麻醬水餃担担麵，友人形容麵係壽桃牌，但我認為它比這牌子的還要『林』。水餃汁是比較少、重肉味，不是我喜歡的那種口味。麻醬幾好食，味道好香，唯一可以雞蛋中挑骨頭的是它如果更濃會仲好食。三十元，份量一般，相信男孩子未必夠，飲品就好大杯。至於環境就一定要俾滿分，好古色古香，坐得舒服。只是服務生的人數比較少，友人同我都覺得他們好辛苦。少人，但服務都算令人滿意，不過不失。

滿江紅，想起岳飛那首"壯志飢餐胡虜肉，笑談渴飲匈奴血" 那首氣勢磅礡的曲詞？還是每到學期未那張左閃右避不可以給阿媽見到的那張成績單？今日所見，原來是一間川菜館。叫了一個套餐，招牌口水雞，有飯，有菜，還有杯飲品。口水雞，樣子看下，雞有雪味，一味靠辣，除了辣，則沒有其他味道。這杯飲品，擁有一個漂亮的名字：洛神花茶；端來時卻似利賓納，味道酸酸的，都可以，不過由於餸菜太辣，味覺已麻，再也飲不出其味道。如果要評分，那如其名：滿江紅是也。

完全一d 川菜味特色都無。好明顯係廣東師父扮川菜師。食個個夫妻肺片完全食到鹵水味。係應該有鹵水。但廣東人既鹵水係有味。但川菜人既鹵水唔應該係咁濃味咖嘛。食咗個水煮桂花魚。仲話攞奬喎。勁難食。一d 都唔麻及辣。差。其他都都唔想講啦!總之一句講哂差。唔會再去。仲有食完後會肚痛。同另一個朋友講開食。佢食完都係肚痛。佢都話d 野真係好差。服務差。食物差。環境差。衛生差。又唔平。我第一次留言。因為間野野實在太差。真的忍唔住要講。

食物: 無特別兼菜譜上有很多都暫停服務: 極差, 9成侍應木無表面, 反應遲鈍, 無禮貌, 兩度漏單兼態度差價錢: 少許貴環境: 擠迫4人order : 豆腐, 蠔煲, 蛋炒飯, 鴨舌. 漏單共有3: 霸王辣雞, 辣蝦, 蒜炒菜

9/8(星期三)不夠一個月,朋友又相約來這裡吃飯,本來三人的約會,後來加入了二位同事及一位友人,好不熱鬧.不用多想先來個水煮桂花魚,今晚大多數人不太吃辣的,所以點了蔴醬鷄,薑蔥生蠔,鷄湯抄手(是我個人吃的),蟹黃豆腐,水煮魚依然吃到個個讚,蔴醬鷄肉質好韌,得個醬汁夠香濃,薑蔥生蠔勝在汁料夠味,鷄湯抄手細細粒夠滑易上口,蟹黃豆腐用錫紙包著蒸,材料有豆腐,少許火腿片,蟹柳條同蛋黃,雖然蟹黃並不多,但有蛋黃香味而且豆腐好滑,不錯.朋友同B同事覺得不夠喉,他們再點了毛血旺,看似同水煮魚配料差不多,一樣有青瓜,大豆牙菜,主料有豬紅,,一片片不知什麼,還有類似魷魚片,他們說不及水煮魚辣,但味道幾好,最後大家想吃個青菜,正商議中有位部長經過他介紹不如要個"鍋荀"*正確寫法不知對不對,但讀音就是*,我們有幾個人不約而同問部長可否再說多次名稱,但朋友Mary是上海人,她說上海人一般都知這個菜,外形長長的,皮是綠色的,一試無妨,到上檯的時候,大家都"呀"了一聲,除了份量少,原來鍋荀是這樣的,一條條綠色像似麵條,煮法簡而清(應是白灼加少許鹽調味),但味道好青爽,今晚當然少不了啤酒,其中三人共分享5支,朋友說

20/7 (星期四)在長沙灣廣場同媽媽,朋友飲完下午茶,就去附近探望同事們,其實今日主要是媽媽自己造了些千層椰汁糕想請大家品嚐,不是自誇媽媽的椰汁糕，個個讚不絕口,連一些平日不喜歡吃甜點的人都說好味.後來聽說S同事主動約了弟弟同B同事吃飯,反正出開來就陪他們一起熱鬧吓,同事知道後好開心但又好擔心,因為我不吃辣的,她怕我沒東西可吃.我們被安排坐上二樓,如沒記錯這裡前店好像是小圓山吃台灣菜,環境擺放同以往差不多,這邊好像比銅鑼灣店寧靜好多,就算隔離枱的談話聲好像完全聽不到.他們第一時間選了至愛的水煮桂花魚,要例牌(餐牌上的例牌即是最大的),S同事唯恐我會餓死一直叫我快看餐牌有什麼可吃的,其實這裡有很多食物選擇,但側邊卻有很多小辣椒伴隨著．於是乎我又好努力左掀右掀．終於下定決心要個竹筒飯，但侍應卻說今晚沒有，情不願下要了一碗不辣的擔擔麵，因為以前在銅鑼灣店吃過不好味，唯有希望今次會有所不同，但都不寄予厚望，他們叫我拿主意黠多一二樣餸但要合我口味，我再叫了一碟鷄湯燴野生菌，一碟蒜蓉炒通菜．水煮桂花魚都幾多份量，內裡還有青瓜，大豆芽菜同大家都不知道名堂的綠色粉麵條，桂花魚大大片又嫩滑，吃到個個都

我同屋企人都係食辣之人,所以尋日mother's day,我就同媽咪,阿姨同姨丈一齊黎呢度食飯.之前已經同男友食過cwb分店,好好味,尢其口水雞,簡直就係我同男友既至愛.尋日食左個4人餐:口水雞-- 正...不過好似cwb個度個辣D老水鵝翼-- OK啦,本身我就唔係太鍾意食老水鵝翼,但 媽咪同阿姨就話好味.香辣田雞-- 正到爆,夠辣,夠味泡椒魚頭-- 好得!!!!炒油墨菜-- 普通白果腐JOKE煲雞-- 太咸,我覺得師傅可能唔記得自己落 過鹽,但好有湯味.XXXX炆肉-- 唔記得全名叫乜,都OK啦,係豬肉+軟骨+好 多汁甘囉...另外再加左一碟夫妻肺片-- 好味,不過唔係好夠辣又叫左4罐啤酒.埋單:HK$607.00我地4個都食得好飽,飽到要坐一陣先行得,總括黎講,屋企人都好滿意呢餐,佢地就覺得如果再辣D仲好食,我就覺得OK,因為我鍾意麻...太辣會COVER左麻味,太麻又會COVER辣味,呢餐我覺得唔錯.P.S.真係想試下佢既麻辣火鍋,好多人食,而且都有好多大陸人黎食,應該都唔差,下次一定要試下.