滿江紅小甜甜 (已結業)

八月五號我帶埋我嗰fd去食飯，大家都知今日發生咩事喇。成個小甜甜得我地一枱客。其中有個lunch set 48蚊一個回鍋肉餐。其他散叫一個四季豆，一個剁椒魚腩，一個紅油抄手。當回鍋肉上jor既時候，佢話白飯要自己出去攞。我好有禮貌咁叫去可唔可以幫我攞個白飯過來。佢一直同我講，呢個回鍋肉餐個白飯要自己出去攞，唔係佢囉俾我。我話，咁你幫我攞啦。佢再次指住個張lunch set紙話：呢個唔係我攞比妳架，要你自己去攞（聲調已經好唔耐煩）跟住再行過去同佢同事話，意思話我聽唔明佢講咩，叫我自己去攞飯又唔肯。話不嬲lnch set呢個飯就要自己出去攞。我真係敏到呢。其實呢，cwb ，mk，我都係度食過。（無食過呢個lunch），都係佢地攞個白飯俾我。其實真係好少事，最重要成個餐廳得我地一台客。唔明佢點解可以大聲咁話我轉頭！..大佬...你係做服務呢一行。我又唔係無禮貌叫你攞白飯。我又唔係只叫jor一個餸。全場得我一台客，你咁得閒，咁係咪如果我今日只叫一個lunch set，你會更大聲氣d呢。真係第一次遇到呢個服務！全場對住我大叫！！！！！我真係第一次遇到咁既誇張的服務態度！！！！！野食ok！但服務！

最近，都處到是遊行示威，今日行到旺角鬧市，到處都是人來人往。行到攰，又渴又累又餓了，來到旺角附近，的確是好多好嘢食，朋友想食辣嘢，因為夏天真是沒什麼胃口食嘢，食辣可以增加食慾，都是個不錯的選擇！朋友的好介紹，這裡的川菜，也不錯！食物的種類繁多，可以少辣，辣的程度可以因個人的喜愛，我地偏向中辣。先來一個小食，麻辣豬耳，香濃的麻辣油，滲透入豬耳，豬耳夠爽口，咬落爽脆，小小辣，加上芝麻香，好開胃！口水雞，都是叫左小辣，鋪左香脆的花生米，雞肉的肉質，稍稍稔左些，但都是嫩滑，配上青瓜的清甜爽口，一爽一嫩滑，口感一流。海鮮炒飯，份量都幾多，海鮮的食料都不少，有蝦仁、魷魚粒、蟹柳、雞粒、青菜粒等，色澤晶瑩、粒粒米飯分明，看上好似有點肥膩，但食落，一點油膩感都沒有，只有香味四溢，香口。酸菜魚，同樣，份量都大大盆，我地三人食足夠有餘，酸菜夠味，又爽口，魚肉肉質鮮甜又爽口嫩滑，酸菜將魚肉湯提鮮，湯頭鮮滑又香濃。再來一個甜點，南瓜餅，即叫即煎。熱辣辣，香氣四溢，餅底好彈牙，好味道！

滿江紅小甜甜喺登打士街近佐敦嗰邊，店面用全落地玻璃設計，店內情況一覽無遺。餐前小食係芽菜Mix咸酸菜，酸酸地幾開胃。罐裝汽水 $10 each食辣嘢又點可以冇冰凍汽水呢？晚市黎講，唔算貴。紅油抄手 $38是紅湯抄手吧？呢一碗真係滿江紅，哈哈！餃子皮真係超滑，滑到你唔信！紅湯微辣帶酸，都幾刺激下！蒜蓉萵筍絲 $48清甜爽口的萵筍絲加入蒜蓉炒，惹味之餘，清甜味道更為突出，不錯啊！蒜泥白肉 $55中間的蒜泥打到極細，口感像奶昔般細滑。腩肉配上香辣的醬汁，令人忘記了肥肉的存在！辣子田雞 $138賣相很精緻，田雞件的數量也很多，還撒上了大量腰果！酥炸過的田雞，內裡仍然嫩滑，口味勁麻之中帶小辣，食到出晒汗，愈大汗愈想繼續食，麻得非常過癮！芒果西米露 $28芒果香甜，汁底亦有濃香的芒果味，只是賣相有點普通。

以前喺附近返工，又成十一點幾先收工，又夜又肚餓，都無咩餐廳選擇，有一次經同事介紹之下，嚟到「小甜甜」食宵夜啦！自此至少一星期都嚟食一次😆 但係轉咗工作環境後，都少咗過嚟，今次就同朋友嚟回味吓啦！川北涼粉 $38我自己係好鍾意食呢個！冰冰涼涼，加埋少少花生同特別嘅醬汁，正啊。蒜蓉炒萵筍絲 $48萵筍絲口感好正啊，好爽口加上蒜蓉炒仲香口。麻辣魚春煲 $82呢個係必叫嘅！！未食過小甜甜之前特係從未食過魚春煲，點知到一試就愛上，香辣嘅口味，而且魚春食落係淋身，撈飯食係一流！而且份量都好多，底下仲有啲蘿蔔做伴碟。木瓜鮮奶 $28好少餐廳會有木瓜奶飲㗎，而且仲好香滑👍🏻👍🏻

之前食過樓上嘅老川皇 然後經過呢間小甜甜 朋友話呢間都好食 下次要黎食😆 我等唔到 先帶我呀媽黎食～ 不過我地兩個都唔係話好食得辣 小辣就可以😂✋ 呢間餐廳都幾旺場 早d 6點黎就一定有位 時到8 點幾已經見到出面要排隊等位 所以都係預早d 黎唔洗等😌有茶可以飲 揀左菊花茶 因為等等食d 濃味菜 可以清下味蕾 減下油膩感😆 除左出名嘅酸菜魚之外 見到呢個特別推薦 鮮茄野生魚鍋 可以叫唔辣之餘 仲好似好有營養 叫左$138 小鍋試下～ 原來小鍋都已經幾大盤！ 先講湯底 酸酸甜甜 好濃郁 幾開胃 有蕃茄芽菜芫荽係底😆 魚肉質結實 果然係野生魚 大大件 有少少骨 同埋真係幾滑！推介呢個😚薑蔥田雞 $82 呢個好濃味 不過有d 鹹 可以加碗白飯黎送 薑蔥配田雞係一流 而d 田雞都幾入味 啖啖肉 好味呀！！😍 我同呀媽都好鍾意😌 麻辣黃鱔煲 $88 呢個叫左小辣 所以我地岩岩好食到 用青瓜薯仔做底加埋黃鱔一齊煲 包到最後d 青瓜薯仔sok 哂汁 好辣 過癮！呀媽話黃鱔保血 所以我都食翻多d 先😚最後我地叫左燉湯 蟲草花煲雞 餐牌上嘅燉湯唔係款款 要問店員 因為會賣哂～ 燉湯時間會比較耐 但幾足料

平時返工的日子，行街食飯，都離唔開返工及家的附近，愛食完飯，可以早點回到家休息，又要準備明日返工。有段時間，都好少到外行街食飯，趁著放了幾天的假期，一於約老公，到旺角、油麻地行街食飯，睇電影，電影都有十多年沒進過戲院了，有點生疏了。走進旺角街頭上，總是人來人往，加上又大熱天時，真是頂不順，要快快去找間餐廳食飯醫肚。我喜歡食辣，無辣不歡，川菜就最適合我我胃口了。餐廳的佈置，看似大陸的格局，整體來說：整齊舒適。酸菜魚，用上鯇魚有點小辣，每次食川菜，這道菜，總是離不開的。酸酸甜甜、鹹鹹地，喜歡鯇魚的魚肉片夠大大件，魚片肉鮮甜嫩滑、啖啖肉，配上酸菜的爽口，令到香濃湯底，更鮮甜又美味。干煸四季豆，四季豆好乾身，加上肉碎，鹹鹹地，四季豆鮮甜爽口，是食不停的。回鍋肉，看落好油膩，但食落又不覺肥膩，豬肉薄薄，彈牙爽口，小辣，配上洋蔥、青辣、大蔥、芹菜等的香味，滲入了肉片上，美味又可口。生煎包，又是我喜歡食的，即叫即煎，熱辣辣，在包底加上大量的芝麻，令到包的香味散發了陣陣的芝麻香，肉餡多汁，包皮軟熟。

今日同男朋友屋企人一齊食川菜，佢地有老人家又有小朋友，想地點方便D！於是我地就揀左旺角一間川菜，叫滿江紅小甜甜！為左要照顧食得辣同唔食得辣既家人，我地就叫左個沙鍋雲吞雞！入面好足料，有半隻雞同好多雲吞，而且有好香濃既雞湯，老人家都食得好開心！另外，我地仲點左個招牌鹽焗蜆，入口好清甜，份量亦都超多！我地都一致推介呢度既甜品呀！男友屋企人最中意食芒果涼粉，入面既芒果好濃味，真係好好食！所以都好推介呢間餐廳！

1）蒜蓉拍青瓜唔夠麻油味 蒜味唔夠突出 青瓜淋淋地 味道一般 建議嗌香辣2）水煮桂花魚味道好重偏向麻辣 完之後仲有一個後勁 對於鍾意食辣嘅朋友就非常之適合 魚肉較鮮 而且個煲都有成廿幾塊魚片 夠四人享用 份量都算適中 3）老火湯分別嗌咗蟲草花煲雞、花旗參燉烏雞、花膠響螺燉雞 藥材味比較重 都幾足料 蟲草花花旗參花膠響螺等等嘅材料都樣樣齊 材料豐富令到個湯更入味 飲落去都幾滋潤4）芒果西米露同涼粉材料都幾足 芒果唔會太酸 甜度適中 最主要既係即叫即整 夠晒新鮮

和好久不見的朋友吃晚飯，朋友是嗜辣之人，於是一起前往滿江紅小甜甜。白蘿蔔(前菜)蘿蔔爽口，少少辣非常開胃。口水雞雞肉嫩滑，雞味突出，每一口都有香辣的味道，吃完很醒胃。干煸四季豆四季豆炒得香口，鑊氣足兼且惹味，用作解辣非常一流。水煮野生烏江魚辣度為小辣，對我來講已經非常辣，魚肉很新鮮，每一啖都有魚味及麻香。凍檸茶可升級成為珍寶size，大大杯，茶味足又有檸檬香。另餐廳另收茶芥為每人8元，連加一服務費，人均不用200元，非常超值抵食。

識我嘅人都知我係無辣不歡，所以朋友就約我黎呢到食川菜首先嗌咗個川北涼粉，微微晶瑩剔透嘅涼粉配上口水雞嘅麻辣醬汁，涼粉質感帶涼，微爽又軟，而麻辣味道都幾好，辣得過癮，又帶麻麻嘅後味，另外仲有啲蔥花，令味道更加豐富之後黎咗個酸菜水庫野生魚，價錢唔太貴，而且份量超大鍋!! 酸菜湯底味道幾好，稍酸帶辣，鍋入面有好多魚片同菇菌，魚肉都唔錯，可惜幾多骨，食嘅時候要好小心，如果底下有水晶粉底就好喇跟住下一道菜係歡樂山辣子雞，真係超多紅彤彤嘅辣椒，蓋過曬啲炸雞粒，可惜炸雞粒較細粒，而且仲連骨，可以食到嘅係少之有少，而且除咗辣椒，無另外加花椒等香料，食落唔太辣同惹味，所以我唔特別推介叫呢碟菜最後仲叫咗碗正宗四川擔擔麵，可能呢碗比較正宗，辣味較出，亦無落花生醬，所以湯底唔會好稠，麵嘅質感都幾好，不過我個人鍾意再彈牙啲質感

今日老公放假同老公去麥花臣球場睇踢波😄睇完波之後喺附近搵食👅一向鍾意食辣野嘅我又心思思捉咗老公去食川菜！店舖近位於近話油麻地地鐵站！今日星期日上到嚟都好full,好彩有一兩張吉枱唔洗等！餐廳裝修比較懷舊，而且門口放咗好多新鮮蔬菜！應該係攞嚟煮嘅？！但係眼見食客多數都係後生仔！好快安排左座位俾我哋！有唔同嘅茶可以俾你揀，而且Menu都係比較懷舊不過菜菜式選擇都好多！沖左荼之後有個餐前小食，應該係辣椒同秋葵！叫餸之前係OpenRice做個準備😆見到好多人嗌左萵筍絲同埋焗蜆我哋都有試，蜆無沙👍🏼😋叫左個水煮牛肉，牛肉係肥牛黎，唔算太辣但叫番杯西瓜汁食川菜係絕配☺️最後甜品叫左糖不甩，即時人手造！煙煙銀銀唔會太甜👍🏼👍🏼

之前都同朋友來食這間酸菜魚都不錯，所以今日都見男人來試試，來到都差不多十點都幾多人差不多全滿，等一陣有張四人桌可以坐得舒服點，一來就有酸蘿蔔，夠酸又爽口好開胃，連平時不喜歡吃這些的男人都忍不住食了幾舊。來到當然必叫酸菜魚啦，沒想到都保持到水準而且十分足料，魚肉超滑而又不太辣，帶點微酸，入面的菇都不少又入味，忍不住叫了碗白飯混來吃，魚實在太多，最後我們仲要吃不完，價錢十分抵食必叫。另外清清地要了蔬茸時蔬，切幼絲好香蒜茸味幾清新。喜歡吃尖椒的我，見到這裡有虎皮尖椒就叫一份沒有失望，炒得惹味又香口，辣度剛好，又夠淋身入到豆豉香。沒想到有燉湯，而且還有我最愛的川芎白芷天麻燉魚頭，十分足料又夠熱，味道濃郁，我地二人飲剛好，六十多元十分抵飲。

旺角油麻地區真係有好多唔同嘅餐廳選擇，今次就試咗一間要上一層樓嘅中餐廳。環境OK，比較有傳統中式feel，最主要係多人嚟食，比到人一個信心。砂鍋雲吞雞$148@半隻個湯底入晒啲雲吞雞嘅香味，雞味十足仲有少少雞油添，不過裏面嘅雞同樣仲可以食，唔會冇晒啲雞味！雲吞嘅數量同埋娃娃菜嘅數量都好多，而且裏面有啲薑會更香。椒鹽豆腐粒$42椒鹽豆腐粒每一粒都細細地，個外皮炸得金黃，鹹香十足。海鮮麵$58海鮮麵有得選擇手拉麵或者刀削麵，我哋就揀手拉麵，質感係比較滑身同埋比較薄身！小明嘅海鮮主要為蝦同魷魚，仲有好多其他雜菜雜菌等等，湯底都算清新。奇異果汁$25係鮮榨嘅果汁，飲到一粒粒奇異果🥝，如果想飲果汁呢度都有好多健康選擇。芒果涼粉$28味道唔錯，無論係芒果同涼粉嘅份量都十足！高力豆沙$32高力豆沙好特別，口感軟綿綿，裏面有一舊紅豆沙，甜得來都幾好食。$8茶位 x 2

朋友介紹這間川菜不錯，如果不想食辣都有好多唔辣既選擇，果日就帶左家人黎試下🙈聽部長介紹，這裡的菜、魚全部都係自家農場養殖，夠曬新鮮有機！餐牌「鮮茄野生魚鍋」魚是野生鯇魚，但由於是食草不是食飼料，所以肉質會比較結實。用了醃料稍微醃過的魚肉好入味，不過有些骨，唔識吐骨既人要小心啦。最驚喜係個番茄湯，好濃好鮮甜，可以當湯飲架「椒鹽蝦」想不到$88蚊有咁多！大概十隻左右！而且每隻尺寸都幾大！蝦是新鮮蝦，咬落彈牙不會霉。個皮炸得好脆，可以當薯片咬入口「原味焗蜆」很原汁原味「西瓜鮮奶」估唔到西瓜同牛奶好夾，推薦埋單400有找，抵食

小甜甜位於歐美廣場內，平時真係少去呢邊... 感覺上「有點雜」，一黎到... 人頭湧湧，坐無虛席（其實只係平日既晚上）... 一入去有點「內地」裝修既格局，Any肥，食四川野，或者甘會正宗d 呢⋯⋯我就order 左招牌鮮茄生魚窩$128，d魚切成薄薄的一片片；大件得來又唔會煮散曬... 一放落口滑到好似sir 滑梯甘，滑到雪雪聲甘... 配埋個鮮茄湯底，又唔會搶到魚既鮮味，各領風so .. 配埋個白飯就一流啦！平常唔太食魚既我，今晚都可以KO 曬一窩😋😋😋