滿江紅小甜甜 (已結業)

同朋友係旺角行完街去咗歐美廣場嘅《滿江紅小甜甜》食晚飯。一坐低，侍應先送上酸蘿蔔，酸甜醒胃。鮮茄野生魚窩頭 ($128/小窩) - 採用萬綠湖的野生魚，嫩白的魚片口感十分嫩滑，有種入口即化的感覺。以番茄、大豆芽等材料煮的湯，味道酸酸甜甜中帶點微辣，絕對係鮮味嫩滑之選。樟茶鴨 ($108/半隻) - 一上枱已經聞到好香嘅樟茶味，鴨皮彈牙，鴨肉香軟juicy中帶點煙韌，而且相當入味，食完之後滿口茶香。回鍋肉 ($58) - 香噴噴上枱，鑊氣十足，薄薄嘅回鍋肉片肥瘦交替，爽口彈牙；加上青椒、大蒜、洋蔥、紫洋蔥、中芹等配料，味道微辣，相當香口惹味。蒜蓉白菜仔 ($48) - 白菜仔好夠菜味，而且夠鑊氣，簡簡單單嘅配搭已經夠好食。

今日黎到旺角晚餐決定食啲刺激野。開飯網見到呢間評語不錯即管試下。中式菜館圓檯一大張，坐得舒服，連BB都有一張竹嘅BB椅。坐落先食幾粒醃蘿蔔，爽脆酸咪咪，非常開胃。 雞湯小雲吞 當然唔少得顧及小朋友嘅不辣之選。肉少少，皮薄薄的，清清地也不錯。 原味焗蜆  蜆都相當多，而且粒粒飽滿，食落相當鮮甜，唔辣正好突顯到蜆的海鮮味。 生煎菜肉包  皮煎得脆脆的，幾香口。 口水雞  本身我地唔太食得辣，所以只能點幾款大路都小菜。個人最鍾意口水雞，份量都幾多，雞肉幾滑，醬料有花生、蒜咸香。 蒜泥白肉  大大碟賣相好吸引，白肉厚薄適中，醬油偏甜微辣，最欣賞蒜泥真係打得好幼細，用肉夾起一齊食，非常惹味。 珍寶凍檸茶 食辣野必點凍飲，大大杯夠晒飲。 高力豆沙  甜點必點高力豆沙，漲卜卜，空氣感十足，豆沙超多，好味。 可愛的名字，價錢親民，菜式選擇夠多，有辣有唔辣，不錯的小店。

今日同朋友去旺角行街Shopping，行到肚餓當然要去搵野食啦，見到歐美廣場門口有介紹湘菜，見圖片都不錯就上去一樓睇睇，價錢都唔係好貴，就決定入去試試，店內裝修很有湘菜館feel，餐牌有很多選擇，點了水煮桂花魚，豉椒炒蜆，黃酒豬手，食湘菜梗係要啤一啤，叫左支朝日啤，等咗一陣好快就有得食，先來個水煮魚，少少辣帶出桂花魚的鮮味，魚無骨肉質彈牙超級新鮮美味，鍋內還有很多青瓜紅薯粉，吸了這個湯的味道十分好吃，另外豬手夠淋，炒蜆很有鑊氣，呢餐飽了。

小甜甜食既係麻辣既四川菜，真係醒胃喇，四川菜無論係夏天同冬天食都非常適合，夏天食排毒，冬天食保暖，真係多元。這間既麻辣魚好有味，魚既肉質彈牙爽口，新鮮既 。炒蜆方面，汁係微辣，蜆甜無沙，食落口爽甜，不過生粉好似落多左少少，落少啲生炒已經夠好食喇。

其實我是喜歡吃川菜的，但男友不是很吃的辣，所以就找了家適合他吃的滿江紅小甜甜。六點多時未到最繁忙時間，七八點左右就滿座了。門旁這些蔬菜是真的啊！也是拍照的好地方。雖說是川菜館，但這裡也有不同類別的中菜，先叫一壺燉湯滋補一下。我們選的是沙參玉竹燉雞湯，盅內材料豐富也煲得柔軟，湯的味道清甜，兩人分享一盅剛剛好。然後就當然要叫個辣的菜式！選了前菜口水雞，醬汁沒有很辣，不過味道濃郁，配嫩滑的雞肉不錯。底部的青瓜吸收了醬汁也很入味！原味焗蜆是我看其他食評家都有點，所以也想要試一下。上菜時，店員捧出用錫紙覆蓋的蒸籠，再在我們面前切開。大量肥美肉厚的蜆立即呈現！原味，就是考驗食材新鮮與否。除了有幾隻帶點沙外，基本上都有海水的鹹香味加鮮味，夠新鮮呢！份量也大得像怎吃也吃不完的樣子。為了遷就男友，只點了鮮茄魚鍋，要不就叫酸菜魚了湯的味道酸中帶微甜，也有魚的味道。鮮魚片的數量也不少，魚肉滑滑的，也是新鮮。枱上的小吃用來撈白飯就最適合了！鮮茄魚湯飯也好吃。喝了燉湯，又吃了魚湯鍋，原本沒有想點飲品，但看到每枱到有點，我們就忍不住叫了杯青檸樹，是用大型啤洒杯裝的青檸冰沙。這是有直接把青檸肉倒進去打成的，因為每一

以前經常經過呢間位於灣仔既小店，但以為只有辣菜式所以一直沒有光顧。直到呢次朋友相約到旺角店，有驚喜喎!先點份蒜泥白肉比較連鎖米線店出品既蒜泥白肉，呢度吃到既白肉由外到內都係別具小店風格。五花腩肉都先薄切成片並浸泡入由辣椒油、花雕酒、黑醋調製成既醬汁，蒜蓉質感有如沙冰狀般軟綿兼冇渣。先將自己喜愛既蒜蓉份量鋪入腩片捲覆，再伴隨惹味醬汁進食，油香夾雜濃郁噗鼻既蒜香味，係既邪惡又係討人喜愛既小食。鮮辣魚片刀削麵既然黎得食四川風味菜，又怎可以唔叫辣菜式，我不能嗜重量級既水煮菜式，嗜辣既老公惟有點個鮮辣魚片麵滿足己慾。兩者食法當然不能直接相比，但大大碗既魚片麵上檯卻沒有令我地失望更有點驚喜。先睇睇用料方面，魚片肉除左肥厚肉多之外，入口感覺最緊要就係做到新鮮嫩滑，連半點殘餘既泥味或腥味都食唔到。而且魚皮還帶點爽口彈性，肉層當中既魚骨不多較容易集中去掉，老公趁湯還熱時邊來一口彈滑麵條邊呷口辣湯，美味無比。另外亦點了唔辣既香茜皮蛋魚片麵，配上龍鬚麵。呢款龍鬚麵唔係幼絲既一款，反而似米線。魚片皮蛋同樣足料。　樟茶鴨別以為川式菜只係獨孤一味的辣，不吃不知樟茶鴨呢道名菜亦是源自四川。早期國民大多以務農為生，烹

間中會想食下辣嘢，就會想搵下川菜嚟食，無意中見到呢間川菜館好似幾抵食，就去試試。原味焗蜆當侍應一切開錫紙，好香嘅鮮味即刻湧出黎，將熱辣辣嘅蜆放入口，大大隻啖啖肉！唔使好多調味就可以食到蜆嘅鮮味小肥羊麻辣燙呢個菜式相當好! 可以過下打邊爐癮，份量２個人食亦啱啱好，麻辣味好香都有啲辣，羊肉都好好食，有羊羶味口感爽彈蒜泥白肉好少見到蒜泥白肉會舖得咁靚，成盤花咁，蒜蓉擺中間，方便如果有啲朋友唔太食蒜嘅都可以就咁食啲肉，肉片脂肪分明，配埋佢地個醬汁&蒜，好好味蒜蓉蒸勝瓜啱啱蒸出嚟嘅勝瓜熱辣辣，鮮甜爽脆又多汁，簡簡單單唔使好多配料 淨係配蒜蓉都好好食南瓜餅呢度有好多風味美食，包括南瓜餅，唔係好多地方都有得食，南瓜餅又係即刻整出黎，熱辣辣，煙煙靭靭口感好正！亦有南瓜味 唔會覺得太多粉

食過好多次嘅餐廳，仲要唔同分店都食過，呢度大部份都係食川菜，亦都可以打邊爐～近排又同班朋友黎慶生，今次試咗酸菜魚！酸菜魚 $128首先佢性價比係好高，一大盆魚都只係百多元。魚肉大片又滑，不過鯇魚冇去骨，唔識或者唔鍾意lur骨嘅人可能就覺得好煩，因呢款只有配鯇魚肉，如果想食其他魚就要嗌返水煮魚。酸菜同其他配料都好多，食魚之外都有其他菜食下。上錯的水煮魚，都好吸引！！原味焗蜆 $72每次黎都必嗌，原味就係凈落鹽去焗，鹹鹹地好似海水味咁，而且份量十足，粒粒都係大隻仔，好易食唔停口好快清晒～口水雞 $78口水雞第一次係度食，同我想像中嘅有啲出入，雞件比較大件而辣汁唔係太入味，所以我麻麻地呢個。干煸四季豆 $55肉碎好香，又夠乾身，炒得好好食～豉椒炒鵝腸 $82鵝腸都幾出色，用豉椒同大量洋蔥、大蔥、青椒炒成，鵝腸爽脆，非常惹味！麻辣魚卜煲 $82平時一條魚只係得一個魚卜，有得成煲食即刻嗌左，味道都可以但個質感都係冇蒸咁好食，我覺得太腍了～～涼伴海帶絲 $38泡椒鳳爪 $45另外仲嗌咗涼拌小菜，可以開胃過下口癮。其實呢度都有好多款式嘅菜，所以都可以食完再食，下次再試其他！

朋友介紹有間抵食的川菜，個水煮魚仲好正咁，果然不錯。閒日都坐無虛席。前菜雪菜真的好辣，但又好鬼惹味，開胃口麻辣田雞煲(82）田雞腿肉大大隻，好肥美彈牙，而且份量足夠，我們點了小辣，我食到一半頂不住辣，叫服務員熄火，再點啤酒。田雞煲㡳有薯仔蘿白，兩者吸收了辣汁，好味。薑蔥日本生蠔(118)日本生蠔好大隻，先炸得外脆，再加上薑蔥爆香，食落啖啖肉，好滿足烏江水庫野生魚小窩(128)香麻夠味，辣度溫和，魚片滑嫩，食的時侯要小心有⻣，唇齒留香鮮提升魚肉鮮甜美味，更值得一提窩內的豆芽，幼嫩爽口，配上辣汁食，好味。價錢親民，份量夠大，用料夠鮮，正

呢間民間川菜食堂，食過翻尋味，今次再食別樣的菜色~每次入餐廳都覺得非常有古樸既感覺，由其係門口擺放有機蔬菜既位置，非常特別！川菜既選擇非常多，簡直眼花繚亂。有一樣菜我每次都有叫：蒜蓉炒萵笋絲$48萵笋係普通餐廳比較少見，所以推薦大家可以試下！萵笋炒得非常淋身，晶瑩剔透，蒜蓉味頗香，清甜既萵笋完全無渣，沒有草青味，非常滿意！小肥羊麻辣燙$78（配金菇）川味麻辣燙上次無食，今次終於試左，上枱時會有明火鍋，所以食既時候要小心唔好整親。羊肉片厚薄適中，放入麻辣鍋中容易燙熟，羊味依然特出，帶少少川味麻辣，非常惹味！由於金菇非常吸味，建議不要放入鍋中滾太耐，不然會非常咸，記得要盡早食！招牌口水雞$78口水雞下面放有青瓜粒，可以隔走多餘既紅油，表面既花生碎頗多，食落有口感，非常惹味。口水雞頗入味，雞肉嫩滑，凍滑既口感真係食唔停口最後小食：椒鹽豆腐粒$45非常大碟既豆腐粒，份量非常足！炸豆腐粒既炸粉唔算好厚，豆腐嫩滑，咬落仲有汁，外面香脆，內裡嫩滑，而且椒鹽亦充分佈滿每粒豆腐粒，調味適中，非常不錯！平價既川菜餐廳，食物質素亦唔錯，性價比高，係旺角諗唔到食咩可以來試下！

一陣子沒有吃辣，馬上周身不聚財，今晚在油麻地就即興去附近的這家滿江紅小甜甜，過一過癮。餐廳在歐美廣場上一層，面積中等，位置空間感足夠，就算平日亦會滿座，記得要先訂位。餐廳主打各式麻辣煲，有雞有魚，另外餐廳另有泡椒、水煮、乾鍋等，同時亦有不同的涼菜及主食可選擇。鮮茄野生魚窩一上枱就被其份量嚇倒，用上鯇魚雖然比較多骨，卻有大片大片的魚肉的滋味，湯底蕃茄味極度濃郁，鮮甜微酸，純粹天然味道，加上微辣的口味，令人不禁一口接一口。麻辣魚春拼魚卜煲侍者一奉上香鍋，一股麻辣香氣撲鼻而來，一嚐魚春，口感味道盡均獨特，舌尖立馬發麻，醬料香辣濃郁，色澤紅亮，麻中帶辣，而魚卜亦爽滑可口，注意湯底會越煮越辣。薑蔥田雞來一客不辣的薑蔥田雞，雖然不辣，但味道絕不遜色，田雞件份量多，肉質嫩滑飽滿，醬汁特別惹味，味道令人上癮。蒜茸萵笋絲最後也要吃點蔬菜，選了萵笋，油而不膩，賣相亮麗，以最簡單的蒜茸炒，品嚐萵笋獨有的清甜爽脆的味道和口感色，香味質盡皆佳妙。

茶樓格局， 地方寬敞，冷氣開放🌌 剁椒蒸野生魚頭 半分 $118🌌上碟時以為會非常辣，因為唔單止顏色令人有呢種感覺，喺魚上面嘅辣椒亦都不禁令人口水分泌，食落又冇想像中咁辣，舌頭有麻痹感，辣中帶少少醋油酸，魚頭新鮮美味😁🌠 蒜蓉炒萵筍 $48🌠呢個大家要試下，平時係其他地方可能比較少見萵筍呢款蔬菜，食落似蘿白絲，帶本身甜味，看似平平無奇，但絕對會令人食唔停口嘅一道菜👍🏻🎇 招牌口水雞 $78🎇口水雞最緊要係個汁，呢個汁可以，同樣有麻辣感覺，紅油增添香味🎇小肥羊(麻辣燙) $78🎇湯底可選金菇或芽菜總共有十片羊肉，羊肉唔太肥，味道配合麻辣湯都幾惹味，不錯總括而言， 如果大家行去旺角諗唔到食咩，可以試下呢間樓上川菜館，好旺場架，味道有一定的保證👍🏻😋

今晚放工去旺角食川菜，同老公都好喜愛酸菜魚，而呢間小甜甜係銅鑼灣埔都久不久幫襯，但今次去旺角食算了，menu太多選擇，可惜得兩個人未能食太多，目標當然酸菜魚啦，還選左另一個餸叫鍋仔饅頭雞，另外推介嘅原味焗蜆，我自己就想食小雲吞，樣樣都精挑細選，啱啱我地兩個口味，另外加大凍檸茶，大滿足。每枱客人都有醃蘿蔔，爽脆微酸多汁味道適中嘅開胃菜。原汁原味清清地焗蜆，鮮甜粒粒飽滿的蜆肉，下次自己在家也可用呢個方法，食到蜆肉味不用太多調味，食得健康。酸菜魚(小鍋) $128三四個人食夠晒 它們用上天然養殖有機水庫魚，嫩滑入味但食時要小心較多細骨，如果怕多骨就可加$98 轉桂花魚架，不過基本個種魚已經可以啦，酸菜香菇香菜配料都好好味。鍋仔饅頭雞 $108原來真係用饅頭同炒辣雞，非常惹味，這樣的配搭幾特別，饅頭暖粒粒鬆軟醮少許汁同食幾好味。雞湯小雲吞 $38不像普通的雲吞，只用肉薄薄一層一層包著，味道就較清淡但都好味。Jumbo凍檸茶 $32 真係夠晒喉，過辣亦都好減低辣， 正呀！

好朋友生日 無辣不歡既我地緊係又揀間食川菜賀一賀啦！呢到除左辣野都有好多小炒可以食，唔食辣既朋友都可以一齊食呀！今次我地都叫左幾樣唔辣既菜，呢個係乾煸四季豆豆唔會炒到好淋，保持到爽脆，肉粒好夠味，送飯一流呀！原味焗蜆，一黎到係封哂錫紙，店員既場剪開錫紙，啲蜆味即刻爆發出黎份量好多而且好夠海水味！d蜆都幾大粒下～豉椒炒鵝腸，呢碟反而係我最鍾意既一碟，好夠鑊氣之餘，啲鵝腸又大條又爽而且仲有好多好甜既洋蔥，食哂腸之後我仲清哂所有洋蔥添！涼拌海帶絲，份量又係多到爆！講完唔辣既，就到辣既時候了，泡椒鳳爪！每次食都要做足心理準備，不過依碟就冇我想像中咁辣，如果再辣啲會再好食啲～口水雞！見到紅噹噹都覺得正，雞件好大份再配埋好香口既花生不過食食下發現有少許雪味，失色了。主角酸菜魚！魚勁多呀！我地今次嗌鯇魚所以有骨，其實有桂花魚揀，怕食骨既可以食桂花魚呀！每一片魚都好大片，再加埋個酸味真係食到冇停手！最後我地仲嗌左個麻辣魚春煲朋友就覺得有浸藥材味，但我就覺得幾特別，不過稍嫌魚春有啲太漿口。飲品方面我嗌左芒果汁，係用真芒果打！好甜好正！夏天飲又係一流呀！呢到小炒都算好多款，又唔算太貴，大部份都100蚊左右

餐廳位於旺角歐美廣場UG層，中式格局，地方闊落。涼拌海帶絲 ($38) - 可揀辣或不辣，少辣的海帶絲帶有好香嘅麻香味，口感爽滑爽脆，相當惹味開胃。麻辣魚腩煲 ($72) - 魚腩表面有預先炸過及稍為醃鹹，而仍然保持到魚肉的肉質及魚香味，配上麻辣汁，相當香口好送飯。涼瓜炒蛋 ($55) - 以煎的方法處理，雞蛋煎得相當香口又沒有太乾身或太老，入面的涼瓜煎得僅僅熟，保持到爽口回甘而無草青味，水準之作！砂鍋雲吞雞 ($148/半隻) - 大大鍋都夠幾個人享用。雞湯味道相當鮮甜，雞肉仍然嫩滑。薄薄的雲吞入面包有豬肉餡，味道鮮美。糖不甩 ($22) - 熱辣辣上枱，糖不甩面撒滿花生碎、椰絲及沙糖，食落既解辣又香甜煙韌。