35
18
9
港鐵油麻地站 A1 出口, 步行約3分鐘 繼續閱讀
所有分店 (2)
電話號碼
2384 0102
營業時間
今日營業
12:00-04:00
星期一至日
12:00-04:00
座位數目
130
其他資料
加一服務費
招牌菜
毛血旺 冰鎮浙江丹山海蜇頭 青檸樹 烏江水庫魚 麻辣田雞煲 麻辣魚春煲
食評 (67)
等級4 2016-06-29
1538 瀏覽
上次朋友仔因工失約我們說好的川菜,今日終於夾到時間一齊食喇,決定試小甜甜。早幾日已致電訂檯,不幸地我突然遲收工而要將訂檯時間壓後 30 分鐘,接電話那位阿姐語氣惡劣又勁悔氣,無禮貌 ﹗朋友仔保持不敗記錄,出左幾次街都依然 100% 遲到率,而且還有幾次放飛機未計呢 ﹗其實一早已上網睇定 menu 亦決定左要食咩,不過都要重溫幾次,睇下有咩特別野想食先。我一入門口見大把位,但侍應示意我坐近門口那幾張,我心諗大門開開閂閂好熱架喎,不過侷住坐囉 ﹗其後先發現直入最裡面還有幾張檯,點解要我坐門口度熱呢?最初計劃食泡椒雞腳、夫妻肺片、麻辣魚春魚卜煲、麻辣韮菜雞紅、燉湯、水煮桂魚片、奇味雞煲、焗蜆、麻辣雞子煲、麻辣雞煲或奇味雞煲,但恐怕食唔晒,先叫住一半先。野生椒泡鳳爪,叫住碟前菜食住等,損到停唔到口呢,朋友仔再唔到就比我食晒架喇 ﹗冰涼鳳爪外皮爽彈,少少肉非常有咬口,微辣帶酸帶咸好開胃,撈埋汁不停啜好鬼正。損到中途朋友仔終於到步,叫支青島齊齊啤啤去啦 ﹗花旗蔘燉烏雞湯,估唔到話咁快就到,滾熱辣送到,肥仔侍應溫馨提示小心好熱呀,讚 ﹗開呀,雞湯香氣四溢,芳香飄飄,食慾大增。旁邊的失溫雞紅即時被比了下去,靜蠅蠅又冷冰冰。研究完燉湯 menu,向侍應阿嬸查詢燉湯份量有多少架?夠兩個人嗎?夠兩碗嗎?阿嬸話飲多飲少好難講喎,而且又有好多湯渣,應該無兩碗呢。我左諗右諗,決定叫一個睇睇有幾大盅先,好采無聽您個阿嬸吹水乍,有成四碗水有多,另加碗半湯渣,險些兒叫兩個湯呀 ﹗個盅緊係熱呀,免強可以黏住拿起倒湯汁進碗裡乍。湯底清徹,味道香濃,清爽烏雞味道含畜帶鮮,不油不膩。花旗蔘味甘又突出,溫柔不嗆,甜美可口 ﹗我自己連飲三大碗呢,好好味啊 ﹗飲到全身發滾,出身汗,爽乎 ﹗韮菜雞紅,見食評讚不絕口梗係要試試。韮菜老而不嫩,質地粗糙有澀味,半點菜甜味道也沒有。我硬著頭皮食左幾大口,最後都要放棄。室溫雞紅?失溫雞紅?唔熱那會好食呢 ﹗個汁是否麻辣汁來的?淡如水般,實在令我非常失望。幸好剛剛有個麻辣魚春魚卜煲在旁,立即將全數雞紅掉落辣湯之中,希望能起死回生啊 ﹗嘩,奇蹟出現喇,化腐瘤為神奇 ﹗雞紅經過滾燙燙麻辣湯洗禮之後,彷如不死鳥火鳳凰一輝重生喇,嫩滑無比又熱騰騰既雞紅,散發著刺激麻辣味道,水潤得黎又夠濃味,非常美味可口,正到震。水煮桂花魚片,鋪面全部是桂花魚片白雪雪,吸引又美觀,非常正確。夾起魚片結實不易散,蜻蜓點水般沾沾辣湯入口,魚片彈彈但非常淡口,湯汁不辣不麻只是油膩感強烈,而且魚片雖彈但帶輕微魚腥味道。更遺憾不怎麼打鱗,真係食到一口都係。何解要掉埋魚骨魚頭一齊煮呢?唔想浪費?我叫桂魚片,並不是原條喎。骨碎多又有魚骨魚尾魚頭,大豆芽出奇地有渣。墊底薯粉碎濕濕,大啖食大豆芽連薯粉送入口,勁多花椒粒、魚鱗、骨碎要吐返出黎,食得好唔方便。依道菜完全失敗,除左賣相靚外,無什麼可取之處,又貴又難食。焗蜆,差點兒忘記要試添 ﹗侍應叔叔送上,親手將鍚紙剪開,一縷輕煙隨即噴出,瀰漫著芬芳海蜆氣味。立即試味,超肥美彈牙、香鮮可口,海水咸香帶著蒜蓉及青尖椒味味道襲來,精采萬分,非試不可。麻辣魚春魚卜煲,如無意外我因該係為左依個煲而外,第 2 既就係雞子煲,但今晚似乎無咩胃口,所以只可擇其一喇。等到頸都長,萬眾期待既主角終於出場喇,幸好無令我失望啫。魚卜炆到如膠似漆,膠到彷如花膠勁黏勁滑呀 ﹗還索得香濃麻辣湯汁透徹,嫩滑多汁,正好啪啪聲呢,一二三四舊不得地掉入口,話知您熱到颷眼水,實在太美味啊 ﹗夠麻又夠辣,正正正 ﹗只是魚春就有點強差人意,雖然非常香口,不過偏乾鞋的質感令到分數大減。墊底的青瓜及蘿蔔帶澀味,麻麻地。麻辣炒土豆絲,朋友仔想食菜,但有趣地選擇薯仔囉。不夠爽又不夠甜,粉而濕又偏腍,蒜蓉味強烈,辣味食不到,麻亦不出,太過淡口呢。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-04
159 瀏覽
今日下午3:00要去油麻地上堂,上堂前先醫飽肚,上堂地點登打士街與砵蘭街交界之間,所以就係附近搵下有咩食,原來都有好多選擇,行過商場門口有個大招牌寫住「小甜甜」,這間食市晚飯食過都不錯,望下廣告牌原本有下午茶,便入去了。我order左川椒牛𦟌龍鬚麵同O檬水,龍鬚麵原來係米線,米線口感不錯爽滑,但牛𦟌剛相反5夠淋,湯底又淡辣味不夠,而O檬水竟然無O檬味,下午茶同晚飯小菜水準相差太遠,真係好失望。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-05-02
139 瀏覽
身為一個麻辣控,係有鋪癮周圍去搵辣野食!成日聽人講小甜甜,但就一次都無食過!今日我就上去一試究竟!餐廳係砵蘭街果帶,都算易搵既上到去唔洗等位就入得👍🏽我地一行三人嗌左相入面既野食包括有麻辣田雞煲,麻辣雞腸煲,麻辣炒土豆絲同埋炸饅頭,椒鹽炸豆腐同埋清酒焗蜆😋平時都好食得辣既我,對住個田雞煲真係有d投降,食到我流哂汗,但又辣得好過癮🤣另外個焗蜆同土豆絲炸豆腐都好出色呀😋♥️下次都會再黎過👏🏼 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-14
181 瀏覽
反工寫意要食,早收工要食,辛苦工作更加要食今天同同事辛苦工作了一整天,一定要好好慰勞下自己,必食清炒土豆絲、泡椒鳯爪加大檸茶(吾食吾安樂),—路食住先,再加其他野加個辣雞、田雞煲,味道開胃醒神,田雞肉嫩,雞件都吾少喎南瓜餅都吾錯以前我食開銅羅灣,但無論食物定飲品,出品差左好多,所以我地轉埸來里間分店里度D姐姐又好人 繼續閱讀
(以上食評乃用戶個人意見 , 並不代表OpenRice之觀點。)
等級2 2017-03-09
409 瀏覽
價錢合理,食物好食,份量又大,上菜又快!適合4人或以上去食,地點都方便,weekend唔想等位可以book定台。我本身好鐘意食辣,所以特別鐘意叫d辣既菜。如果有朋友唔係好食得辣,可以叫佢地介紹唔辣又好食既菜。 繼續閱讀
(以上食評乃用戶個人意見 , 並不代表OpenRice之觀點。)