滿江紅小甜甜 (已結業)

冬天食雪糕夏天食辣野係好正常朋友介紹左間食四川辣野既餐廳。咁就約左3個朋友一齊食下睇下有咩符fit！朋友千叮萬囑我地要7pm前入坐。我問佢點解，佢都無應我。咁朋友叫得一定有原因既。我地去到既時候staff都好似準備就緒咁。以為咩事，點知7點半都未夠真係一下子就爆左場所以要黎既真係要預早啲！佢呢到食辣野，咁當然要食水煮魚啦！見到都知道過2日屋企菊花要開啦！一放低就陣陣香辣味湧出黎！值得一堤既係，吾洗5分鐘就上菜！真心快！另外魚肉超級滑！係超級！仲要無骨而且厚肉！注意⚠️小心咬到啲辣椒如果吾係好快陣亡！呢個係原味焗硯吾辣既！無沙！係無沙！仲要好鮮味！出色！呢個就係夫妻肺片，冷盤！已經算係吾太辣！咁辣梗係要叫返杯野飲！本身叫左罐可樂。但突然，聽到隔離枱叫左杯 （珍 寶 凍 檸 茶）心諗乜黎嫁，原來係超大杯既檸茶！無慮即叫！佢個杯口闊過可樂。高度有2罐可樂咁高。可能我影得衰。順帶一提，平時既凍檸茶可能得3片好薄既檸檬。呢杯特大既以為又係3片？Nono俾個double 6片好未？Nono係一個丫！絕無偷工減料！抵飲！仲叫左個小肥牛火鍋仔再加其他一堆配料！多到影吾哂！所以都無特別影啦！呢個似咩包？呢

聽到滿江紅就想象到係食川菜🌶野，今日咁岩同屋企係旺角搵餐廳食飯，又想轉下口味，爸爸就提議滿江紅小甜甜，就去了，一到餐廳都坐無虛席，幸好等左唔係太耐就有位。先點一道前菜—口水雞($128)，雞肉都幾嫩滑同夠凍，不過略嫌個汁唔夠辣，如果多埋少少花生粒仲好食～小菜送飯必點的干煸四季豆($55)，呢道菜相信人人都喜愛，真心炒得幾惹味，送飯一流另外點左原味焗蜆($72)，因為主要見到好多枱都有叫呢道，一大盤用錫紙包住，上菜時係你面前打開錫紙，出煙同傳出陣陣超香既味道，粒粒蜆都好鬼大粒，大部分食落都無沙，原味有少許咸咸地都幾好食椒鹽大蝦🍤（$88）都非常惹味，脆脆外殻的椒鹽味唔會過咸，蝦肉都彈牙，仲要一碟都有唔少蝦，還有當然要叫重頭戲—酸菜水庫野生魚($128)，以呢個價錢係抵食的，酸菜湯底好開胃，不會過酸，魚肉滑同都算大舊但要注意野生魚係偏多骨，如果唔想食到咁多骨就要轉桂花魚，鍋裡除左魚同酸菜外，仲有一些菇、蘿蔔等。一開始都有點怕會唔會係大多數菜都係辣，屋企人未必受到，但黎過先知都有好多唔辣既菜式，好岩一家大小黎食，都幾滿意的一餐😋

又黎啦我，我發現原來食左咁耐都無俾個comment 😂呢度其實係我飯堂，成日一班人諗唔倒食咩都簡黎呢度今次就少人d 帶左呀妹同呀媽黎，叫左土豆絲，口水雞，同炒蠔仲有緊係唔少得個酸菜魚。土豆絲唔洗多講啦，都係好味既 好少整得唔好食，值得講下既係佢個份量都唔少之後就有媽媽最愛口水雞，佢成日都想整，而次次都....😂😂出黎食好過啦 因為呢度既口水雞 好味在於佢整得隻雞好滑，加埋麻辣既辣油，真係開曬胃。 再黎就叫左個炒蠔，都幾惹味，好配叫酒飲。最後都係叫番酸菜魚，呀妹成日番大陸食，佢都覺得都不錯，今次加左錢叫桂花魚，桂花魚就更加無骨同大塊。

Just search in OpenRice seems that’s pretty good and we try our first here~ It’s around 7:00 not so crowded , maybe still early. We order few type of item:1. 酸菜魚 that’s really popular dishes recently. The soup is quite good full of 酸菜， better to with rice. The fish also so good and didn’t see any fish bone2. 炒蜆 That’s my favourite dishes. The taste is not so spicy these clams retain the original briny sweet taste.So far the taste is pretty nice~ next time need to come with more friends as only f

我同朋友好鍾意食川菜，成日周圍去搵邊度有好食嘅就去試😂😂😂聽朋友講滿江紅小甜甜好似幾出名，所以今晚專誠嚟試一試❤️💪🏼一入門口就見到好似成個菜檔咁樣，聽嗰度啲職員講，原來依間餐廳有自己嘅農場，自己種豬種雞種菜種魚添😂😂😂😂🥒🥬🥦首先我哋叫咗個蒜泥白肉，呢個真係蒜泥，正❤️👍🏼跟住我哋叫咗個烤活魚，入面有蒟蒻，粉絲，不過個人就覺得好似多咗少少油😅😅😅我哋叫咗兩樣配菜，啲薯粉放落個鍋度，全部都係油😂😂😂😂牛丸真係好好味，好彈牙👍🏼👍🏼👍🏼😀😀蒜蓉炒萵筍，好好食！好新鮮，我覺得係全晚嘅亮點❤️❤️❤️仲有，呢度最正嘅係有埋甜品食！我即刻叫咗杯西瓜汁飲，好正❤️❤️💪🏼💪🏼💪🏼冇加糖，即叫即渣👍🏼

連續多日都下雨， 天氣潮潮濕濕，係時候搵啲辣嘢食刺激一吓。 去到油麻地接近旺角嗰邊， 遇到《滿江紅小甜甜》。食四川麻辣菜這間口碑唔錯， 店家自砌水庫魚養殖埸和有機農家菜， 可以keep到品牌原材料質素。餐牌有好多水煮系列， 仲有野生水庫魚， 酸菜魚 ，麻辣鍋，乾鍋， 粵式小菜系列都有。餐廳又有好多大圓枱， 中式酒樓格局，適合一大班人 一齊食川菜。前菜有雪菜， 好乾身，冇用油類調味料醃，唔辣， 味道帶少少酸。酸菜桂花魚片 $218(小窩) 揀咗價錢較貴嘅桂花魚片， 魚骨較少而且肉質更香甜嫩滑。 雖則係小鍋但係份量都唔細。 配料極多， 有大量嘅秀珍菇同鮮冬菇， 酸菜方面葉嘅部分偏多， 湯底酸得嚟 好重胡椒同辣味（ 我哋点咗微辣)。 桂花魚片份量亦唔少， 肉質鮮嫩， 酸辣度更提昇其鮮味。 厚切嘅桂花魚片口感又嫩又滑， 非常美味!四川魚香茄子$58保留原本嘅魚香茄子味道但加咗少少麻辣和酸， 味道獨特， 且冇咁油膩。麻辣田雞煲$82用明火㷫住， 又熱又麻又辣， 味覺好刺激。 田雞 屬於中size，肉質結實。 墊菜還有大量青瓜條和薯仔， 不知為何青瓜用麻辣煮完仍有濃濃嘅青瓜味，頗意外。

一向聽好多朋友成日話小甜甜好好食聽名以為甜品，原來係食川菜一於晚餐一行四大一B去潮聖下啦📍登打士街32-34A歐美廣場上一層樓梯就到達店內好有古風7:30pm到已經9成坐滿座每枱都有壼茶 有 普洱 烏龍 香片☕️我地揀香片 清清地 Good！酸菜水庫野生魚 $128 雖然小窩但份量足四位大人食除了鯇魚片外，仲有好多酸菜，菇，蘿蔔做配搭每片魚肉都非常鮮嫩，滑身👍🏻而湯底熱辣辣，酸中帶辣，配菜吸哂湯精華，送白飯食好正！原味焗蜆 $72用大蒸籠加一層錫紙而蒸焗岀既蜆既保存到蜆既鮮汁同香味每隻都好新鮮，無沙，仲有蜆汁原汁原味！口水雞 $128有例牌$78同半隻$128四位大人當然半隻啦！麻辣汁入哂雞肉重點雞肉好嫩滑，唔算超辣但都好惹味！干煸四季豆 $55炒得好香又夠濃味，有少少豬肉碎，好開胃椒鹽蝦 $88外相金黃色好吸引，超足椒鹽味好正好想到想追多碟涼瓜炒蛋 $55小甜甜除左辣野食，都有唔辣既小菜專登叫左涼瓜炒蛋比bb食又炒得幾香滑喎，bb食得好開心！紅棗糕 $18最後叫左個甜品, 好大件 剛剛好有四大件紅棗味十足 但中間有少少似麻蓉既口感幾特別！食咁多埋單都只係$760，抵食又開心！

本身自己好鍾意食辣嘢 今次去試下小甜甜滿江紅最推介係魚春魚卜煲，雞子煲同埋泡椒鳳爪好多魚春唔會硬掘掘 魚泡好軟熟唔會好難咬雞子煲唔會煲到乾噌噌好入味泡椒鳳爪好入味 好夠辣 越食越想食

天氣悶熱最好食辣野！今晚就同朋友去左登打土街歐美廣場嘅滿江紅小甜甜食晚飯樓面裝潢中式，地方坐得舒服，叫左八個餸加甜品，份量都幾多，價錢大眾化，美味推介有原味焗蜆，隻隻都肥美又冇沙，饅頭鷄一流，鷄煮得夠入味，饅頭淹汁食忍唔住食左兩個，干扁四季豆炒得夠亁身有鑊氣，酸菜煮魚，魚滑湯微酸少少辣夠醒胃，同大陸的酸菜魚，探魚有得揮，有桂花同鯇魚選擇，上次試左桂花，今次叫鯇魚，估唔到魚肉勁滑，份量又足，一D都唔醒兼冇泥味正。豬手炆得好林，好惹味！蒜泥白肉份量超級多，醬汁好味最後已經好飽啦但係都食咗一個高力豆沙好滿足的一餐

今日放工，約咗同事去旺角行下街，就順便喺附近食晚飯，突然間好想食四川菜，就同同事去附近搵四川菜，見到登打士街歐美廣場有一間叫滿江紅小甜甜，個店名好吸引，就入去試下。我地兩個人都好想食魚，又中意食番茄，所以決定黎一個鮮茄野生魚窩($128)，魚片多肉新鮮，個湯好清甜，仲有小小酸酸地，超級開胃，撈飯超正。個人好中意食口水雞，見到餐牌上有招牌口水雞($78)超開心，雞好滑好入味，又麻又香又辣，仲有黃瓜喺底，食唔停。我地仲點咗清炒萵筍絲($48)，萵筍無渣，好爽脆同juicy。仲有一個原味焗蜆($72)，侍應上菜時一切開張錫紙，有好香既青椒味，啲蜆好大粒，蜆肉好新鮮，同青椒好夾。每人叫咗一碗飯，配呢四個餸，真係超級滿足。

今晚去咗食小菜，因為突然有啲想食辣嘢，於是就去咗附近滿江紅小甜甜食個晚飯，雖然依家係川菜餐廳，不過亦有好多唔係辣嘅小菜可以叫，選擇非常之多，而且辣度係可以選擇嘅我哋先叫個小辣酸菜桂花魚，魚肉大大片又滑，而且魚骨唔會太多，酸味亦都控制得唔錯，魚肉入味 另外仲有好多冬菇、秀珍菇等等配料原味焗蜆上枱嘅時候用錫紙包住，職員再喺面前拆錫紙 分量都幾多而且蜆肉肥美，新鮮，不過有幾粒有沙蒜蓉蒸勝瓜呢度菜賣相唔錯，上枱已經聞到好香嘅蒜蓉味，而且勝瓜唔會煮到林，仲好爽口楊枝甘露估唔到呢度重有多款甜品，而且味道拍得住甜品店食完辣野食番碗凍糖水就最適合不過

OT完約同事食晚飯，去走D悶氣，同事話近近地去附近旺角登打士街歐美廣場食川菜，揀左係滿江紅小甜甜食酸菜魚，去到已經好多人等位好誇張呀!個肚打哂鼓，不過好彩等左一陣就有枱，時間關係等位時已經點菜，叫左個蒜泥白肉，哇D蒜泥唔同其他個D咁，人地係蒜頭碎，佢真係蒜泥呀，撈埋白肉微微辣好醒胃酸菜鯇魚湯，叫左個細但份量勁多，魚又多，酸菜又多，鯇魚肉去晒骨好大片滑嘟嘟，酸菜好好味，4個人每人都食咗3碗太正！螞蟻上樹原來係肉碎炒粉絲, 粉絲炒到好乾身，唔似出面嗰D炒到成口油！讚! 黃油豬手，炆到好焾，好入味，而且入口即溶，值得一試！高力豆沙，集體回憶啊，即叫即炸上枱時漲卜卜，熱辣辣，入面包紅豆蓉甜度剛剛好，好好味呀!必選甜品，超滿足!

同事之前帶過我食去旺角滿江紅小甜甜食過水庫魚，水庫魚鮮美嫩滑，令我回味不已，今晚就叫埋老公一齊去食，讓他試試！鮮茄野生魚窩：餐牌寫特別推薦，當然要試試，湯底濃郁鮮甜，蕃茄味香濃，味道酸酸甜甜的，大片魚肉是用品質優良的水庫魚起肉出來，嫩滑入口即化，又吸收了蕃茄的精華，味道酸甜又帶辣，老闆娘說大豆芽菜是自家用黃豆發的，健康衛生又有益。酸菜魚片麵：魚片也是用水庫魚起肉，大片魚肉又鮮又嫩，加有很多香菇和酸菜，湯底酸中帶辣，拉麵幼滑。好好味！椒鹽魚腩：配酒佳餚，魚腩炸至外脆肉嫩，灑上椒鹽，香口又惹味！正宗四川擔擔麵：湯底沒有上次食那麼濃，如果加多一點花生醬就好，拉麵吸收湯底精華，味道帶點辣，麵質都好滑。雞湯小雲吞：雲吞是扁的形狀，餡料是碎肉，口感比較林滑，雞湯不太濃，是一味清淡的菜式。獅威

餐廳嘅位置比較難揾，唔係係大街到，但黎到樓下，會有大大個招牌寫住。環境好有中式嘅感覺！餐廳老闆睇黎都係環保之士，餐廳貼左減膠嘅POSTER!MEUN都有好多野揀，鐘意食辣嘅人可以揀水煮系列、麻辣煲系列，唔鐘意食辣嘅人可以揀小菜又得！原味焗硯呢個係必食推介！蜆好鮮甜，餐廳比嘅份量好大方，蜆嘅數量係佈滿成個蒸籠，粒粒蜆都好大隻，粒粒蜆都有飽滿嘅蜆肉，唔會有D淨係得個殼係到，濫於充數。麻辣煲日本桶蠔呢個如果食得辣嘅人就會食得好過癮，非常之夠辣，日本桶蠔好大隻，用筷子夾都淨D夾唔超，蠔肉好飽滿，大大隻，食起黎好過癮，蠔肉好鮮美，食到海鮮嘅鮮甜。煲底放在薯條同青瓜，吸哂D味，係成煲嘅精華，但食到最後會有D太辣。呢個煲餐廳會有個火烘住，確保食全程都係熱辣辣，但如果食到最後覺得好辣，都可以叫店員熄左個火佢。上湯時菜現代人飲食習慣成日都多肉少菜，出街食飯要叫個菜，感覺會健康D！呢個菜絕對值回票價，上湯好鮮甜，D菜吸哂D味，唔怕會有青草味覺得難食。流沙包呢個流沙包又係第二樣好值得叫嘅菜，見到佢嘅造型已經殺左唔少菲林，可愛嘅豬仔造型，一上枱，令到一眾少女尖叫聲四起，POST上IG呃LIKE一流。佢絕對唔係

鍾意食辣應該有聽過呢間食店。好耐冇食，近排心思思又再想食。之前幾次食味道都飄忽不定，今次都幾滿意麻辣魚春煲$82每次必點，料多！今次辣度同味道都好好，撈飯一流！一邊食一邊將底下既汁淋上面更加入味！煲底仲有薯仔青瓜吸哂辣汁，精華所在👅水煮烏江魚(小鍋）$128魚肉嫩滑而厚實，係骨多左啲，不過都係大骨。鍋底有大量牙菜，又係吸哂湯👅螞蟻上樹$72炒得唔錯，粉絲炒得乾身而唔會一舊舊。👍🏻隔離枱都忍唔住叫返碟🤣清炒萵筍絲$48萵筍味重，清脆！蟲草花燉雞$48無味精仲即刻燉。真材實料，好飲！整體抵食，夠辣👍🏻水平返返尼。