滿江紅小甜甜 (已結業)

朋友們好中意食辣，我就帶佢地黎滿江紅小甜甜食。食過好幾次，每次都一樣爆場前菜有個醃蘿蔔 酸酸味味好開胃野山椒泡鳳爪我每次必點嘅涼菜，辣得黎好過癮我好中意食酥炸雲吞最好味係個甜酸醬，係新鮮即炸，又酥脆又熱叫左杯西瓜汁解辣我之前試過佢杯木瓜鮮奶，好濃郁好好味，可惜個晚賣哂原味焗蜆，太鮮味我地叫左2盤😂今次叫左炸饅頭取替白飯，點鍊奶真係一流魚春煲我本身唔多好魚春，但個朋友話好想試，點知我食落一d都唔腥，煲底係青瓜條、薯條條同蘿蔔條，勁入味！田雞煲好惹味，最後都係忍唔住叫左個白飯同朋友share黎送飯辣子雞食得辣嘅朋友一定要試下呢個，惹味得黎對我黎講有d辣，要係咁飲西瓜汁

星期日放假約咗朋友一齊食晚飯，突然好想食辣野，就去咗呢間食川菜既小甜甜🤗位於旺角歐美廣場既餐廳泊車都算方便，樓下有十幾個咪錶位，仲要係2個鐘果隻！我差唔多9點等左2、3個字就有位泊車，都算方便👍🏽我地叫左5個餸，有魚春魚卜煲、清炒萵筍絲、麻辣涼粉、辣子雞同埋原味焗蜆！個魚春魚卜煲，除左魚春魚卜外，佢入面仲有薯仔同青瓜，成個煲都煮得好入味，又夠辣！如果中意食蘿蔔嘅朋友仔可以轉蘿蔔底，一樣入味好好食😋清炒萵筍夠晒爽！雖然清炒但夠鹹都好味👍🏽麻辣涼粉唔太辣，但勝在涼粉夠爽，凍冰冰好開胃！辣子雞賣相靚，好多雞肉多，又夠香脆，唯一係order完要等好耐。最後係原味焗蜆！佢用錫紙封住，再用辣青椒一齊焗，一打開勁香，蜆肉夠鮮甜，鍾意食辣青椒可以食埋，因為好入味！😋😋

之前聽講呢間食四川麻辣菜唔錯，今日一於黎試一試。好彩今日黎得早，走嘅時候已經需要排隊。餐廳入面主要係大圓枱同二人長方枱，有點似中式酒樓嘅格局，亦都適合一大班人一齊食辣辣嘅川菜，感覺幾正。酸菜水庫野生魚黎得食辣野點可能少得呢一款必食之選，佢用嘅係鯇魚魚片， 魚骨可能相對桂花魚較多，不過都冇所謂。最後叫咗小辣，上枱時發現雖然係小鍋，但份量絕對唔細。 佢所用到嘅配料好多， 有大量嘅鮮冬菇同秀珍菇，同時亦都加入好多酸菜，湯底酸得黎仲有好重胡椒同辣味。主角嘅魚片份量亦唔少，鯇魚肉好滑好入味，帶麻香，酸辣度更提升了其鮮味。 不過呢種魚片會有細骨，食嘅之後需倍加留意。耐唔耐飲一啖魚湯，酸加辣都幾過癮。螞蟻上樹又一款傳統四川菜，「鹹、香、辣」相信係呢道菜嘅特點。粉絲炒得好乾身，好彈牙，加左肉碎香脆可口，食落好有鍋氣。而粉絲好幼，乾身之餘唔油膩。不過略嫌就算叫咗小辣，食落都係覺得過辣。薑葱雞薑葱雞炒得好香，而份量亦都唔算少，雞肉肉質鮮嫩，啖啖肉，滋味鮮美，既保留雞嘅原味，又有濃郁馨香嘅美味。另外薑同蔥送飯簡直一流，美味！鹹檸七 & 凍檸樂食辣嘢當然唔少得飲品用黎解一解辣，正呀！

又係辣野喇🤤，最鍾意食辣野🤤所以就嚟咗「滿江紅小甜甜」。麻辣水煮野生烏江魚（小窩）麻味好夠，但辣味好似差小小。魚肉當然無得同大陸食嘅比，不過都算滑溜。但我個人比較鍾意呢種食到粗糙嘅魚肉口感。不過唔夠辣，所以硬喺覺得唔夠爽。夫妻肺片作嚟前菜嚟講，真喺無得輸，份量多，配料多，味道夠，所以性價比好高。唯一不足嘅喺，辣味都喺唔夠。麻辣魚泡煲呢煲真喺可圈可點，可圈嘅喺超級好食！🤤🤤🤤。魚泡入晒味，份量又多，面且夠麻夠辣。可點嘅地方喺，個煲愈煮就味道就愈重亦都愈鹹，所以記得提早關咗個火佢。歌樂山辣子雞呢碟辣椒多過肉，味道又一般般🤔🤔唔推薦大家食。雖然叫咗好多餸，不過以上幾味最值得講，所以只微描上面幾款小菜算，其他下次再嚟食先再寫返。

今日同舊同事去食四川菜，去到鋪面發現似曾相識，原來上次食已經係一年前了清炒萵筍最鍾意食呢道菜，爽口清新，仲有少少解辣作用青瓜幾重蒜香味，凍凍地，幾開胃原味焗蜆有驚喜既，好大煲蜆，絕大部分都好新鮮好食但唔好彩都會食到一兩隻係有沙或者壞壞地既蜆麻辣鴨舌少少麻，配啤酒一流，一份$58，抵食數過有12條，圖中所見已經忍唔住食左幾條水煮野生魚一片片既魚片咁，幾滑，食既時候要小心有啲幼刺，好多芽菜同酸菜高力豆沙外皮幾鬆軟，中間蛋白好嫩滑，仲有香蕉餡，口感幾豐富其他菜色都ok ge, 只係冇以上咁出色

而家川菜咁流行，好多新開嘅川菜館湧現，但都最掛住呢間開業多年嘅川菜館。呢度一定要叫水煮魚啦，雖然係用鯇魚煮，但一d都唔會鞋，完全冇腥味，好滑，但d辣味又唔會蓋過魚嘅鮮味，呢碟水煮魚都好大碟，入面仲有唔少配菜一齊煮，有煙煙韌韌嘅薯粉，仲有青瓜同大豆芽做配菜，d配菜吸收晒d辣汁，好惹味。川椒牛展刀削麵-d刀削麵削得好薄，食落好煙韌，而d牛展鹵得好淋，完全唔韌，配菜仲有雪菜同大豆芽，非常好食。麻辣肥腸-呢款係涼菜，豬肥醃得好入味，因為係涼菜關係，完全唔覺有肥膩感，都唔算太辣，我朋友唔係好食得辣，都食到。麻辣雞煲-係用爐一齊上，食果時可以keep住熱辣辣，好貼心，雞都好嫩滑，d麻辣汁入晒落雞肉果度，好惹味。蒜蓉炒萵笋-炒得好爽口，好有蒜蓉味，完全冇草青味，呢款係清新之選。

呢排好多時都會同男朋友同一對couple四人行一齊出去玩，兩個女人一齊等男朋友收工揸車出去搵野食，女仔友人介紹食呢間餐廳。我好耐以前都同班中學同學食過一次魚春煲，一直都好想再食過，原來呢間有得食，聽友人介紹食魚春魚卜煲，送白飯太好味啦！佢個辣味岩岩好！清炒窩筍絲，正常野。川北涼粉，我自己就真係麻麻地，涼粉個口感好奇怪，個涼粉又索唔到汁既辣味，得個表面有味。原味焗蜆好好味，個份量都唔算少，不錯！水煮魚都好食，辣再加魚，全部都係我最愛。好值得再encore，但都係要多d人一齊去食先可以叫多d野食~

今晚去旺角食飯，朋友想食辣的，就去呢間 滿江紅小甜甜，被佢個名吸引，小甜甜原來係食川菜，出名水煮魚的。一進門口，見到一個角落裝飾成農村人家，頗有風味，可以打卡呢！晚飯時候超多人，要等位，不過地方大，所以等了十分鐘便可入座。 是茶樓形式的，每位茶位$8。餐牌的招牌菜是水煮魚，這個今天要試試 。還有很多四川涼菜和小菜，不辣的也有，所以很多選擇。入座先送來一碟醒胃酸菜，要特別介紹，這道醃蘿蔔很好吃，酸辣度適中，又爽脆，微甜，水份多，蘿蔔夠嫩無渣，味道十分好！越吃越開胃，不消一會就被我吃光了，很想再添呢！口水雞例牌$78這道口水雞也是招牌菜，試試它的味道，其實只有輕微辣味，怕辣的人也能吃，賣點是 上面灑滿很多花生碎和香菜，吃下特別的香。還有很多青瓜粒墊底，變成涼拌青瓜，一碟兩食呢！雞肉記得要浸醬汁才好吃，否則和白切雞沒分別，吃川菜就是要吃他的香辣醬料嘛！夫妻肺片$58夫妻肺片比起口水雞再辣些，鋪滿了辣椒碎， 還有花椒的香麻感覺， 終於吃到夠辣的川菜了！因為很多川菜來到香港，都會減低了辣味， 這裏口味算正宗呢！肺片分量也不少，味道較淡，所以要伴著青瓜絲、醬汁一起吃，增加口感和味道。烏江水庫野生魚

朋友推介左間好食又抵食既四川菜餐廳，今日食完果然冇介紹錯！.麻辣魚春拼魚卜煲 $92好少餐廳會有新鮮魚卜、魚春食，呢間餐廳做得好好食！魚春粒粒好爽、魚卜好軟滑好林加埋配料既青瓜條 、蘿蔔條 同 薯條，吸收左麻辣汁後好惹味。.酸菜水庫野生魚 （桂花魚） $128好滑既魚肉、啖啖肉，加上酸菜、秀珍菇、冬菇，好食！.麻辣雞煲 $72呢道菜式既醬汁比較重口味同埋冇乜麻辣味，配料都係有青瓜條、蘿蔔條 同 薯條。.蒜泥白肉 $55食過好多間餐廳既蒜泥白肉，呢間做得幾出色！薄身既五花腩唔算好肥，配埋蒜泥同埋秘製醬辣汁，好正！

最近食得太多西餐，想轉換一下口味，同朋友誤打誤撞搵到呢間川菜餐廳🍴係商場門口已經見到個侍應位，上一樓就見到非常農村風味既裝修，同有些古風既牌～門口有好多有機蔬菜放左係度，真係有種返左鄉下既感覺，好有歸屬感～餐單設計有四川風格麻辣青瓜$35少許麻辣味道，青瓜新鮮即拍，爽口清新，食完非常開胃！泡椒鳳爪$45泡椒非常辣，新鮮鳳爪偏硬爽口，望落清清淡淡，食落辣到標眼水，過癮⋯⋯麻辣鴨舌$58估唔到有麻辣鴨舌，係餐單見到時已經好驚喜，麻味偏重，岩我口味！白芝麻帶出香味，非常好味過癮既小食！蒜蓉萵筍絲$48又係少見既食材——萵筍。切絲既萵筍炒得非常通透，口感軟身，蒜蓉味剛好帶出萵筍既甜味，非常不錯既菜式！蕃茄鮮魚鍋（大窩）$238先飲一啖蕃茄湯，非常鮮甜帶少小蕃茄酸味，非常開胃可口！鮮魚份量勁多佈滿成個鍋，鮮魚肉肉質嫩滑，但魚骨頗多，鮮味十足！一啖湯一啖魚真係停唔到口！重有炸過既脆魚骨係底，炸過既魚骨比較香口，另一種風味！仲有大量既大豆芽係底，保證讓你個肚滿載而歸！川芎白芷天麻燉魚頭$62非常足料既燉湯，一開就聞到非常重既藥材味，香氣撲鼻！魚頭非常嫩，仲有瘦肉同雞腳可食！湯頭飲完唔口渴，味道非常濃

古色古香的小店，格局與茶樓相約屏封與疏果，故鄉的小裝飾🌌麻辣青瓜 $35🌌麻辣青瓜的酸汁調得出色，開胃菜首選，青瓜夠脆夠爽🎇野生椒泡鳳爪 $45🎇椒泡鳳爪帶酸辣，伴酒一流🌠鮮茄野生魚窩(大) $238🌠鮮茄湯底茄味突出，而且有茄甜味，一口湯一口魚，非常好食，而魚肉夠滑，雖然多骨，但很清甜，份量亦十分多，湯底下為大量芽菜，與蕃茄湯一同進食味道佳😋🌌麻辣鴨舌 $58🌌鴨舌size屬於中等，味道經鹵泡，微甜和麻辣味道慢慢在舌尖徘徊🌠石榴特飲 $28🌠鮮窄石榴汁，味道剛好，由於非常新鮮，故特飲中會有石榴核，清甜解渴👍🏻總括而言，滿江紅小甜甜晚市食物都有一定水準，環境都幾舒服寬敞，期待下次試下佢嘅辣子雞，見枱枱都叫好似好惹味咁😛👍🏻

近排食川菜食上癮，周圍搵好味川菜食，今次就黎到旺魚既滿江紅，一去到已經好多人，差唔多成間滿曬，人氣不少喔有碟酸蘿蔔做前菜俾客人開一開胃先，酸酸地我好快就已經食曬成碟實在太大本MENU，有好多選擇，所以我只係影左部分俾大家參考，川菜自然唔少得好多辣辣菜色，唔食得辣既朋友都唔洗驚，因為都仲有好多選擇木瓜鮮奶 ($28)估唔到呢度有木瓜鮮奶飲，用黎解辣都唔錯海蜇頭 ($98)我去親餐廳食飯見到有海蜇頭我都會ORDER，呢度既海蜇頭顏色較深，証明無用化學野漂白，沾上有WASABI既醋食好美味蒜茸炒蒿筍 ($48)基本上而家每一間川菜餐廳都會有得食蒿筍，爽口又帶點清新，係我最愛蔬菜之一雞湯小雲吞 ($38)小雲吞又唔算太小，雲吞好薄又滑，仲有雞湯飲，好抵食口水雞 - 例 ($78)口水雞可能迎合香港人口味，只有少少辣，但就夠曬香，雞肉嫩滑，值得一試

HAPPY FRIDAY NIGHT👏🏻👏🏻👏🏻又係同朋友去捐窿捐罅食好西、輕鬆一下既時候🤩今次搵到了近砵蘭街歐美廣場上面的一間「小甜甜滿江紅」食川菜的餐廳，慶幸既係我地有訂座，因為隨著我地坐低後，越黎越多人，去到埋單既時候差不多十點既時間，仲有人係出面等緊位，高朋滿座，相當熱鬧。我地點了他們的招牌「鮮茄野生魚窩」(小窩) $128；估唔到是有驚喜的，湯底味道好鮮甜，飲左好幾碗湯😜魚片肉質好嫩滑，不太多魚骨，岩曬我呢啲唔識啃骨既人😂😋而且還有小編我最愛的莞茜和豆芽🤤🌟「奇味雞煲」$128🌟呢個雞煲同平時食的雞煲有點不同，點了小辣，但呢個辣度絕對好適合一啲食唔到辣但又好想試下食辣既人，因為同普通既辣雞煲不同，無果種辣到麻既感覺，辣度係微微辣而已🌟芒果黑糯米 $28🌟甜品都好不錯呢，份量都好大碗足料；甜度不會甜到好化學；糯米煙韌有度；芒果清甜可口；如果加埋椰奶/汁就更好了👍🏻

好耐無食小甜甜了 以前間唔中就會想食 為咗佢嘅原味焗蜆☺▫原味焗蜆($72)蜆只係加左少少辣青椒同埋蒜好清甜 再用錫紙包住焗 上菜時先介開 熱辣辣又原汁原味 不過今次食蜆有少少沙⠀▫烏江水庫野生魚($128/小窩)河源萬綠湖野生魚 比較多骨但肉質嫩滑，配料有四川豆辦、泡辣椒、乾辣椒🌶、花椒、秀針菇、豆芽、青瓜、香芹。好適合餸飯⠀▫毛血旺($128)有牛柏葉 鴨血 豬脷 牛肉 金針菇 豆芽等 味道一般比較油 ⠀▫珍寶青檸樹($32)青檸樹解辣同埋清熱 又係每次必叫的⠀

旺角專食辣嘅餐廳，源於係河源，成日都聽人講食辣野好正，每次經過都想試，我食到喇🥰🥰🥰水煮魚好香。而且真係新鮮魚切出嚟，唔係雪藏嘅魚柳。份量仲好足。辣子雞，好正宗嘅四川菜嘅味道。每一啖都係好正好入味，如果再多啲雞肉都食得哂😍焗蜆，呢個必食。份量多之餘，每粒都好好肉，仲有陣海水味，個人幾喜歡。麻辣羊肉鍋，大件夾抵食。辣味出色到叫左好多配菜食佢個湯底最後仲有一個合桃包，合桃包之前喺中山食過一直都覺得好好味，但係喺香港就一直搵唔到，竟然呢到會有。有真嘅合桃肉係入面，值得推薦。