滿江紅小甜甜 (已結業)

今日收工約咗男朋友出去食晚飯，咁啱喺滿江紅出面有位泊車於是決定係呢間食今日返工忙咗一日個頭有啲痛，咁啱呢度有魚頭薑湯$142當然要補補佢!!! 一大煲湯兩個人飲好似over咗少少，材料好足個湯有鮮魚香味加上落咗好多薑片，薑味夠濃， 上面仲有一隻蛋小甜甜招牌雞皇 $68 呢個雞係凍盤，叫得招牌當然有佢嘅道理，雞肉肥美嫩滑，味道有少少沙薑味，而且下面個秘制醬香濃，同雞肉好夾，底下青瓜都非常入味，最後成碟清曬呢份原味焗蜆$72 亦係呢間餐廳嘅招牌菜之一， 上枱嘅時候用錫紙封好，職員喺面前界開錫紙，所以上枱要即刻食可以食到熱辣辣新鮮嘅焗蜆最後點咗個南瓜餅$28 三大片南瓜餅非常煙韌 ，我本身唔太鍾意食南瓜，但係依個餅南瓜味唔重又唔會太甜，而且非常有口感所以好like

之前因為試過喺呢一邊返part time，所以成日都會食小甜甜呢一間係旺角來講都算幾平嘅餐廳，大概40幾蚊就有齊主菜、飲品同埋菜一碟，仲有湯添！我嘅最愛就係蒜泥白肉，呢一度嘅蒜泥份量非常之足！食晒成個飯可能都未食晒啲蒜蓉，不過我就覺得有少少略咸，要混多d飯食先balance，白玉當然都唔錯嘅，厚度適中，而且因為雪凍左，所以肥少少都唔會覺得好膩不過有樣嘢唔好嘅就係，呢度人手比較少，落單要叫幾次先聽到，有點尷尬

一直都好中意食川菜，因為有辣有酸可以好刺激味蕾，所以今晚就黎到呢間位於旺角和油麻地交界的樓上川菜館試試。這間餐廳未滿8點已經差不多滿座，一入餐廳門口見到有個蔬果棚，初初以為是假的蔬菜，點知見到廚師在選蔬菜時才知道原來是真的蔬果!餐廳的感覺很家庭式，老闆娘超熱情，還跟我們說所用的食材是在自家農場運來的，是有機蔬菜。餐牌上有很多不同的款式，有辣有唔辣，令人眼花撩亂。點菜後送上前菜醃蘿蔔，酸酸辣辣十分開胃!招牌口水雞，口水雞肉質嫩滑，醬汁帶有少少辣，是一個開胃的前菜!原味焗蜆，這款菜式見很多人都有點，所以我們也點來試試。菜式用錫紙包住，上菜時，店員會幫忙剪開錫紙，裡面是滿滿的蜆肉，十分吸引!蜆肉多汁冇沙，醬汁帶有少少辣，幾惹味!麻辣魚卜煲，因為朋友唔太食得辣，所以點了BB辣!這款魚卜煲會有火熱住，唔怕變凍!魚卜有很多，雖然唔係好大粒，但真係好似食極都仲有!個汁辣辣地咸咸地好惹味，用黎送飯一流!煲入面除了魚卜，還有青瓜和薯仔，薯仔煮到好淋，特別惹味!鮮茄野生魚窩(小)，小的都用上打邊爐的窩上，十分大盤!我們點了唔辣，湯底用了蕃茄煲成，味道都好夠酸!魚肉切得好大片，而且都有很多，唯一唔好就係比較

自上次川菜新體驗後便開始留意川菜館的蹤影，發現了旺角有間家常川菜，於是便連同那位最愛吃辣的同事再次挑戰川菜餐廳位於歐美廣場1樓全層甫進餐廳便被那仿效以往農村菜市場的場景吓倒，仿真度甚高，還以為餐廳把食材都放在大門旁餐廳裝潢與格局跟酒樓相似，但採用了深色木枱與椅子便多添一份農村的味道。我們所選擇的烏龍茶確實令我留下深刻印象，此茶入口清甜，後勁帶有甘香，並留下那餘韻隨茶附上前菜一碗，內裡混合著酸菜與芽菜，芽菜完全無草青味，整體味道微酸中帶辣同時有咬口，兩者是不錯的配搭，只略嫌酸菜不夠酸，未有前菜開胃之作用是一個不辣的小食之選，雖然黑色一片的賣相確實不太討好，但皮蛋滑如花腐花，用匙羹才能把它完整舀起，而蛋心軟得溶化，加上淡淡豉油味覆蓋了皮蛋羶，青椒醃製後變得軟腍但仍保留到青椒鮮，兩者均出色但似乎沒有互補作用初呈上時對此碟青色東西毫無頭緒，原來順滑易入口之餘質感爽口不失嫩腍，有香濃蒜茸味中帶甜，清新但不乏味道，那獨特的味道非常適合拌飯青瓜粒墊上例牌雞並灑上XO醬、辣椒油、花生及芝麻粒，尚算嫩滑的雞肉配上XO醬變得更惹味更有層次，但辣油不太入味於雞肉中，要沾上碟上之辣油才有顯著辣度，辣度屬中小辣

呢日約左男朋友放工見面食個飯，知佢平時做野都好忙，難得見到面緊係想佢食得開心啦，男朋友鐘意食辣野，咁我就上網搵下附近有冇d專食辣野既餐廳啦，比我搵到呢間係油麻地食四川菜既餐廳，就諗住帶男朋友去試下。一去到餐廳就見到個地方好大，而且已經有好多人入坐，我諗應該係幾好食先咁多人吧，侍應姨姨好快手安排左位置比我地坐，再比埋menu我地睇，都真係幾多野食揀。而我地就分別揀左「麻辣豬耳」，「辣子土豆絲」，「泡椒鳳爪」，「上湯時蔬」，「蒜泥白肉」，「干鍋田雞」，「珍寶大檸檬茶」，「椰子鮮奶」。1.麻辣豬耳 $55呢道麻辣豬耳係涼拌黎，用左辣椒油去攪拌，食落質感好爽脆，加左芝麻令到食落更加香。2.辣子土豆絲 $48呢道薯仔絲每條都切得好均勻，食落去好脆卜卜嫁，但男朋友話，如果可以再辣d，就更加好啦。3.泡椒鳳爪 $45初初點呢個我仲以為係好似泰式鳳爪咁冇骨既添，不過都幾好食既，又係涼拌菜，對於中意食辣既人好岩食。4.上湯時蔬 $48有得揀食咩菜，我就揀左我鐘意食既娃娃菜，都唔錯，娃娃菜食落都幾甜，加上有上湯浸住，更加入味。5.蒜泥白肉 $55多數出面叫既蒜泥白肉既蒜泥並唔似呢個咁綿密，乎合返傳統標準，

哩間之前黎食過酸菜魚，今晚行開旺角又上左黎食。今次試下其他野先，好似好多都好正咁。沙鍋雲吞雞 $148 半隻奶白色既高湯好吸引，半隻都咁大煲，估唔到。食得出係新鮮雞，小雲吞好掛湯，仲有好多娃娃菜，好味又抵食。鮮辣魚片麵 $48咁大碗麵，滿滿既配料，魚片大大塊，新鮮，有小量魚骨，食既時候要小心。刀削麵爽口彈牙，叫左小辣，所以對我地黎講岩岩好。蟲草花燉雞 $48原盅燉湯上，原汁原味，冇味精，啖啖鮮甜，咁大盅二人份量呀。高力豆沙 $32即叫即炸上枱熱辣辣，飯後甜品，正！

來到旺角區一家川菜館，座上客不少，相信是正宗的香辣菜式吸引大家來訪。川式麻辣火鍋與其他四川菜式任君選擇，菜芥$8/位，價錢跟一般酒樓相若。蒜蓉炒萵筍($48)，從來吃萵筍都是一片片的，沒想到切成絲再炒香也很惹味。金菇肥牛麻辣燙($78)，第一次吃這種樣式的麻辣燙，倒像麻辣火鍋多一點。砂鍋雲吞雞($148/半隻)，雞件很多，惜比較老，雲吞不錯。要了一盅花膠蟲草花燉雞湯($88)，湯品反倒不錯，挺為滋潤。

這一天夜晚約了朋友到旺角食飯,我們選了滿江紅小甜甜,是一間食川菜的館,店鋪裝修都很中國特色我們點了幾樣小菜😋麻辣粉條首先拌均,顏色很亮麗,試下味道,果然真的很正宗,麻辣的感覺很爽,喜歡食辣的應該很滿意清炒土豆絲土豆絲切得很幼,很爽口,完全沒有薯仔的澱粉質感覺,我們很快就食完蒜蓉生菜樟茶鴨很香的樟木味道,鴨肉肉質很好味,有點兒像煙燻肉的味道,不錯不錯鮮菇麵湯底很清甜,蘑菇味道很出色,朋友都忍不住不停喝湯剁椒蒸魚腩辣椒很多,湯汁味道足夠,不過魚腩味道就略顯清淡整體這一餐都不錯,食了很正宗的川菜,很滿意👍🏻

每次去旺角探望奶奶，都會經過小甜甜，愛吃川菜的麻辣、酸辣、香醋，滿江紅小甜甜是老字號，舊鋪在灣仔已有10幾廿年歷史，現在進軍旺角，所以一定要來嘗嘗廚師手藝。店主瑤姐在河源有農地種植店舖售賣的蔬果，所以10分新鮮味甜美。裝修簡單舒適、座位闊落。侍應窩心的服務態度良好。豬仔流沙包$20，豬仔外型可愛，蛋黃流心，甜度適中，外脆內軟，是一道好味道的飯後甜點。麻辣魚春拼魚卜煲$92，在灣仔老店已經吃過，在旺角的味道跟以前吃過的一樣。魚春和魚卜吸收了麻辣的香辣味，變得更加鮮味，還有些青瓜，又辣又爽又鮮甜。養顏紅棗糕$18，用紅棗汁製成的糕，甜味剛剛好，煙煙靭靭，是女仕欣物。凍咖啡$16，咖啡味道濃郁，想不到這裡都有一杯美味的咖啡。酸辣土豆絲$48，土豆絲切得很幼，爽脆美味，酸酸辣辣，很快就被消滅了。

行完街要醫醫肚，又想打邊爐又想食辣野，諗諗下就諗起呢度🙈晚飯時間人頭湧湧，果然人氣旺盛，不過我地等左10分鐘到都入得了😊鮮茄野生魚鍋❤️平時都係order呢個當湯飲，第一次用黎做火鍋湯底😍湯頭仍然係咁濃郁👍🏻茄味魚鮮都有齊唒! 魚份量超多，有少少骨，啖啖肉，大滿足!菜類❤️新鮮大份，吸哂湯底精華更鮮甜😋肥牛❤️雪花澤紅，厚薄適中🤙麻辣魔芋鴨煲❤️小甜甜嘅麻辣煲絕對是必叫! 魔芋口感Q彈，鴨入味，蘿白同薯仔完美吸哂麻辣汁精華🥰

喺旺角想食川菜，你就不可不知道歐美廣場啦，呢棟野有好幾間都係食川菜，喺仲多選擇之中，我就揀咗食滿江紅小甜甜了，因為行樓梯上第一間就係🤭呢間都可以話係偏平價位🤑喺旺角區入面，叫咗四樣野都係$300到🥳蒜泥白肉（$55）首先嚟番樣前菜先😚蒜泥名乎其實真係泥咁，好creamy，加埋塊豬肉食就啱啱好，以我個人嚟講，撈飯食一流麻辣肥腸（$55）而呢樣都係凍食，比蒜泥白肉更加麻同辣😛好惹味，肥腸處理非常好，食唔到任何異味🥴🥴羅定豆豉雞（$72）呢款雞煲我都幾鐘意食🤤啲雞啖啖肉，唔會俾哂啲骨位你，而且香味更加冇得頂，用煲上，啲香料爆咗啲味出嚟，入哂啲雞度🤤🤤酸菜水庫野生魚（$128)梗係要叫翻個酸菜魚食啦😆好大煲，除咗有好多魚片之外，仲有好多菇食😄啲菇都有啲酸菜味😉啲魚片夠哂大塊，不過有啲細骨，要食得小心啲，但都夠味同夠滑溜👍🏻兩個人四樣都夠哂食了，個人認為呢間餐廳非常抵食，一定會再嚟，食吓其他菜式❤

我個貓女郎😸朋友無魚不歡，未到週末已經話想食水煮魚，以為又係大堆辣椒酸菜嗰啲🌶🥬，佢話食開嗰間有辣🌶有唔辣，除咗魚好多小炒都好味，一定啱食喎🥢🍚呢間「滿江紅小甜甜」就係登打士街歐美廣場，中式農家菜🍀格局，入座剛有客人埋單，見到員工做嘢都好爽手，執好枱馬上就招呼我哋，服務唔錯🤩招牌雞皇好快就到，原來呢味雞🐔係凍食，濕濕地有個沙薑獻，雞件好滑、雞皮爽脆，配搭清新嘅青瓜，冰涼感就好似食沙律咁❄️好味👍👍👍䜴椒炒蜆好惹味，豉汁唔會太重手，肥美蜆肉飽滿無沙, 炒得又夠鑊氣，一食就停唔到口👍👍👍黃酒豬手個汁好開胃，小小甜小小酸夠曬入味，豬皮煙靱彈牙，有點食豬腳薑嘅感覺，認真正鮮茄小辣生魚鍋$238.- 大大煲，除了有魚食，啖湯仲好有魚味，有機芽菜鮮甜，蕃茄濃香🍅🍅🍅甜中帶辣，再食生魚片，入口清新冇泥味，肉質脆脆堅掂呀⭐️⭐️⭐️⭐️⭐️襯口腔小小辣，食件金銀蒜蓉蒸勝瓜特別舒𣈱，新鮮勝瓜天然多汁，基本法金銀蒜蓉蒸永遠最出色😋食過呢幾樣，先知，真係唔係靜得川菜一味辣🌶架 ，呢個時候朋友問我要否菜肉生煎包、南瓜煎餅咁，真係估唔到呢度仲有風味點心，不過真係飽到食唔落了，一於留返下次再試😘

多年前在灣仔工作時，已經光顧小甜甜，當時在駱克道，最近留意到，原來旺角都有分店，今天便來試試。水煮桂花魚大鍋$318，桂花魚魚片嫩滑又爽口，份量夠多。鍋內的花掓和辣椒🌶️，又辣又麻，四川味道正宗。內𥚃還有大量芽菜和薯粉，薯粉煙煙靭韌，吸收了花掓和辣椒，味道更佳。珍寶青檸樹$32，青檸味道濃郁，酸酸甜甜，份量十足，俱解渴解辣作用，是吃四川菜必備的。川北涼粉$38，涼粉爽口嫩滑，是正宗川菜的味道。雞蛋豆乾$28，豆乾帶點嚼勁，豆味十足，加上辣汁，令到豆乾更惹味。麥香蘑菇包$18，做型十分像冬菇，饀料菇味香甜，適合素食人士。

旺角登打士街歐美廣場，有間唔多覺眼的餐廳，要經過樓梯上來，唔係有人帶我都未必識來，不過上到來竟然發覺好旺場喎😀門口位置擺放左好多新鮮瓜茶，全部有機種植蔬菜🥬睇落唔錯喎😬餐牌標明有機野生魚，今餐一定要試試啦😋我地Order鮮茄野生魚窩$238大窩，店員話足夠4個人食，果然份量十足，香濃的番茄🍅味，大大煲，好味又甜，再試下啲野生魚片，雖然有小小幼骨，但是魚味突出，零捨不同，大大片，又湯又魚，值了👍🏻小甜甜招牌雞皇$108半隻，肉質鮮嫩結實，好有雞味，見到好多食客都叫，好受歡迎🤗樟茶鴨$108半隻，重點係最後再炸的步驟，外皮酥脆，肉汁豐富，真的回味無窮😋肥美飽滿的豉椒炒蜆$72元，炒得入味又惹味，隻隻漲卜卜，又唔會大咸，正！蒜茸蒸勝瓜$68，切成小小的圓柱狀，一啖一件，我至愛嘅蒜蓉味，配埋啲香蔥，一流😋估唔到呢間小店，每款小菜都出色又好味，仲留意到佢哋嘅服務員都係清一色着紅色衫，會唔會同個名滿江紅有關呢？😬下次過開來呢邊，都會再嚟幫襯👍🏻

今日同朋友約好食川菜，經朋友介紹走進了這間滿江紅小甜甜。朋友對灣仔分店讚不絕口，總是提起蒜泥白肉，原味焗蜆等菜名，今次一於到我們品嚐一下。到了旺角分店後發現人頭滿滿，即使訂了位都要稍等一陣。入座後揭一揭菜單，發現菜式幾豐富，火鍋煲仔小菜燉湯燒味樣樣齊，還有特色水果汁，價錢亦非常合理。我們共點了九樣菜式，包括: 蒜泥白肉，原味焗蜆，鮮茄野生魚鍋，雲吞鷄，椒鹽豆腐，流沙包及松露菇包，樟茶鴨，糖不甩，另外又點幾杯特色飲品包括木瓜鮮奶，椰子鮮奶及西瓜汁。首先我要盛讚蒜泥白肉及原味焗蜆，前者蒜泥汁做得極美味，即使食完白肉後我們仍然保留那份蒜泥汁伴其他菜式享用。至於原味焗蜆，味道好鮮，無沙又大大隻，份量極多，非常抵食。另外，鮮茄野生魚鍋係其他川菜館甚少出現的菜式，食落我亦覺得鮮茄味道頗特別，可以推薦大家一試。還有樟茶鴨都係做得不錯的菜式，有點食煙燻鴨胸的感覺，好好食。最後值得推薦的是特色飲品，有水果汁，大大杯都不過是20-30元至右一杯，性價比好高。這個餐廳各樣菜式味道都不錯，下次還會再來。