滿江紅小甜甜 (已結業)

以前喺附近返工，又成十一點幾先收工，又夜又肚餓，都無咩餐廳選擇，有一次經同事介紹之下，嚟到「小甜甜」食宵夜啦！自此至少一星期都嚟食一次😆 但係轉咗工作環境後，都少咗過嚟，今次就同朋友嚟回味吓啦！川北涼粉 $38我自己係好鍾意食呢個！冰冰涼涼，加埋少少花生同特別嘅醬汁，正啊。蒜蓉炒萵筍絲 $48萵筍絲口感好正啊，好爽口加上蒜蓉炒仲香口。麻辣魚春煲 $82呢個係必叫嘅！！未食過小甜甜之前特係從未食過魚春煲，點知到一試就愛上，香辣嘅口味，而且魚春食落係淋身，撈飯食係一流！而且份量都好多，底下仲有啲蘿蔔做伴碟。木瓜鮮奶 $28好少餐廳會有木瓜奶飲㗎，而且仲好香滑👍🏻👍🏻