滿屋日本料理 (已結業)

相隔好耐了對上一次食放題，所以今次充滿期待咁食呢一餐果然冇簡錯，因為我最愛既係甜蝦，而我每次食放題都只食到大大隻又不甜只得雪藏味的甜蝦。而今次食滿屋的甜蝦，雖然係冇咁巨大，是中size，但係好甜帶少少蝦腥味，正正係我想要既野嗌左無數轉，簡直係甜蝦放題，好鬼正另外仲有焗蠔都好香好好食，一啲腥味都冇，岩哂唔鐘意食蠔既朋友。鹽蝦都係我全晚最愛之一，食左20隻好好食，咸咸地另外仲試左雪糕同梅酒，都唔錯幾易入口總括泥講好正，會再來

放題對於我同老婆嚟講真係一件大事，因為我哋太細食XD 所以今次復活節之前決定食餐豪嘅，於是去咗銅鑼灣滿屋，可以行下清空個肚仔先食！去到餐廳，大一大嘅吞拿魚出現喺眼前，已經好有印象！睇咗點菜紙，大部分都同平時食開嘅放題差唔多，不過有一張真係不得不袋穩佢，一台一張架咋！就係叫雪糕嘅點菜紙！haagen daz 同movenpick 噃，雖然一人最多一杯，不過梗係要食啦！首先出場梗係刺身，三文魚、吞拿魚、油甘魚啦！帶子當然都唔少得！味道好鮮美，而且夠厚實！記得有朋友仔好鐘意食希靈魚，不過唔係到到有，不過呢到都有得叫，讚！特別推薦三文魚，好厚又有魚味，好味！特別一提，呢到有泰式生蝦叫，一睇之下點解無泰式醬嘅呢？原來已經加咗喺蝦身之上！都幾有泰式風味，可以一叫。而壽司都好出色，依家啲放題興細細舊，不過呢到依然保留正常size，各花入各眼啦！壽司都係正常size先好味！(手卷我會揀細嘅XD) 而當中左口魚壽司就係最好味嘅！熟食我會推薦燒魚、牛脷同埋桂花蚌，燒魚魚肉嫩滑，係刺身之外另一番風味；牛脷就爽口嘅，夠熱；桂花蚌就夠特別！唔係得中餐先有嘅，日本菜都食得到！而炸物都值得一提，個雞泡魚乾幾特別，好

因為健康都減少了外出用膳次數，好難得今日出街食，精挑下去了食日本放題。好掛念刺生魚生。呢間可以食2.5個鐘，唔會好趕，不過1.5個鐘都夠食。點了盤刺生先，看脂肪分佈同紋路顏色唔會死灰，已經知不是比雪了好耐或室溫放好耐的，食入口都幾肥美，點下豉油wasabi.三文魚色澤明亮，仲有帶子鮑魚片等等。食左大量刺身，要食返點暖身，否則只食魚生個人會好寒同好易肚子唔舒服 因都飽了8成，少量熟食在外頭。火灸燒豬頭肉，左口魚同三文魚壽司，都幾肥美架。竟然有Movenpick 雪糕，貴野呀，叫杯大眾喜愛架朱古力味過下癮。桂花蚌炒蒜芯，日式炒野菜，桂花蚌爽口。食到咁上下員工會提醒last order同結帳，過程都無留單。

出去任拿任點@滿屋日本料理銅鑼灣 駱克道463-483號銅鑼灣廣場二期8樓矛盾大作戰，因為夏天來了要瘦身 但又是一個大食貨，朋友要吃刺身日本放題，我都無所謂但就要小心挑。大量沙律先，出去自己拎同加醬更放了冷盤海鮮，青口，蜆蝦都有。芒果海壽司，芝士蝦子壽司，饅魚壽司一口大小，剛剛好。串燒一向都是我首選，暖身雞軟骨，燒日本紫薯同菠蘿都天然。汁燒石班魚無骨又經過調味，不錯吃，燒鯖魚無腥味，不太熱衷刺生都能食到美味燒魚。好多款罐裝飲料，通通放在冷藏櫃中，更有多款一口大小甜點，這令我好開心。其中嚐過芝士tart最正，macaron過甜就不推了，桂花糕同tiramisu杯都好吃。Popcorn好多焦糖勁香脆。雪糕要了哈根大師接木骨花新口味呢！

滿屋早兩日係銅鑼灣上完堂，口痕既我同女友突然想食放題，所以search下有咩放題好食啦！見到有間叫滿屋日本料理，近近地咪試下囉！滿屋真係幾就腳，係正銅鑼灣廣場，一上到去就見到滿屋呢兩隻字。入到就見到有甜品櫃、冷盤櫃、爆谷台、開心果朱古力噴泉同飲品櫃果啲！差啲以為自己去左食自助餐！坐低揀野食，一品料理、和風料理、手卷軍艦、天婦羅、卷物、燒物、炸物、串燒等等，你諗到都有！大家最愛既剌生當然唔少得啦！全部都係厚切！厚切！厚切！重要的事要講三次！重有唔少得既係火炙左口魚群邊壽司！真心係正正正！食完餐廳仲送你一人一個hagandaz 或 movenpick雪糕！女友都話好滿足！

星期三上完法文堂，同男朋友去銅鑼灣廣場食放題位於銅鑼灣廣場2期8樓位置都易搵，4部lift 都可以到達兩條友食放題都有卡位坐，夠哂寬闊唔怕唔夠位擺嘢食！Order 紙有兩本分刺身壽司同熟食一坐低，起碼肚餓嘛，當然主攻刺身回下本先！First round 叫左玉子(最愛😍），油甘魚，帶子同甜蝦（大隻加鮮甜），壽司叫左大愛嘅火炙左口魚裙邊（入口即溶！），三文魚腩壽司（放題好少見到腩位！）黑松露牡丹蝦壽司（好香黑松露，蝦肉質爽口）Second round 食到唔記得影😂小食都好多款，芝麻雞翼，芝士年糕，香芋丸香草燒羊鞍超正！食落一啲都唔"穌"燒有機菠蘿，好juicy,好甜燒牛舌，男友話正甜品bar有好多選擇生果,cheese tart , 奶凍女人見到甜品真係會兩眼發光飲品方面剩係啤酒都有3款仲有生力啤揀！汽水係基本款，有埋罐裝維他檸檬茶維他奶都有不過講到最欣賞都係下邊個tea corner 可以自己揀茶包，想濃啲咪擺多幾個茶包食到飽飽地，嘆杯濃茶消滯又唔洗係咁叫待應加茶咁麻煩最後以novenpick雪糕完結

放假永遠都係令人最開心，一連4日假以放假前夕晚上一餐放題宴展開序幕⋯⋯之前都有試過好幾間放題，但滿屋就係第一次早就訂咗位，一入去周圍望下有咩食同嘢飲時嗰下，畀條巨魚嚇一嚇😂😂外面自助款式都算正常，沙律、壽司、甜品、鰻魚炒飯都有，雖然小食上好似比其他少啲，但有燕窩燉奶補償，女仔啱晒...嘢食熱凍都有，啤酒唔少得，仲有幾款揀，最愛波子汽水，第一次見放題有，諗都無諗即拿一罐埋位飲😆刺身有比較少見嘅希靈魚，新鮮好好味，另外帶子、三文魚、吞拿魚、油甘魚就可以話一定會叫，上碟時顏色亮澤，睇落肥美大舊，感覺新鮮，食落甜味都有，滿足壽司方面種類唔算好多，不過有自己最愛吃嘅左口魚搭夠，的的骰骰，加埋新鮮，不論火灸定就咁食，一啖入口都慢慢品嚐至於熟食方面就唔係叫咗好多，主力食壽司刺身為主，但食榴槤嘅記得叫榴槤波波，榴槤味好香，內餡嘅榴槤醬爆多，啖啖都有榴槤味...另外好有印象嘅喺牛油粟米😂😂，煮得好好食，牛油味好重，熱哄哄食時食得好開心，至於燒廣島蠔同埋蒜芯炒桂花蚌都好食每枱2.5小時，其實未到2個鐘已經飽晒，但大家去到最尾記得留返啲空間，因為有得食雪糕

唔知幾時轉左 食物種類少左好多 刺身唔新鮮 霉霉爛爛 帶子有幾粒酸嘅 又唔凍 好難食 炸蠔有幾粒入面臭嘅 蟹粥完全唔似粥 只係喺一碗水入面加左兩粒米得個天婦羅蝦食得下坐低左45分鐘已經嗌甜品食 唔好話慶祝生日 就算普通晚餐下次都絕對唔會再黎 好失望

呢幾日突然好想食放題！好掛住羊架。芝士年糕。榴蓮炸彈。紫心芋丸。芝士蛋糕。。。知道滿屋午市第二位半價。可以由12:00-15:00。星期日齊齊放題。就同爸爸媽媽去食餐勁嘅！可惜搵唔到第四個人。唔係咪可以再平啲囉！3個人埋單 $525。11點9上到去銅鑼灣二期8樓。未開始。不過出面有啲位可以坐住等！12點1到先開始帶入座。午市人不多。唔駛訂位都可以即刻有位。滿屋岩岩新架左啲自助吧有啲前菜。沙律同幾款熱食！炮谷同朱古力噴泉。甜品同飲品都係自助嘅！但老實說。自助嘅啲野麻麻地。沙律菜算ok啲！甜品👎🏻 唔得囉！食過其他放題啲甜品質素都唔差架。同埋有我最愛嘅芝士蛋糕！呢到無。好失望！比較岩食嘅係朱古力杯同桂花糕。朱古力杯面層幾濃嘅朱古力。底層香滑嘅奶凍！桂花糕都夠桂花味！飲品亦唔太多選擇。而且無refill.飲左一轉解茶之後就清左倉！食完前菜。12:30左右魚生到喇每樣都有叫。最愛希靈魚。好鮮甜。好爽口！食完再Encore左次！壽司都唔錯！唔會好大舊。啲飯又唔會硬。燒秋葵。蕃薯仔。雞軟骨。牛舌。幾款都唔錯！炒雜菜。都幾多。有菇有菜！蒜片牛柳粒。無嘜味。一般。桂花蚌炒蒜心。桂花蚌都幾多。唔韌。味道

琴晚同個fd去食銅鑼灣滿屋，食8:50果場啲野唔係特別好食，覺得啲三文魚有雪味啲壽司有啲易散，啲飲品好多款比人拎晒，問啲職員就話已經無晒，明明見到仲有存貨。仲有啲甜品個樣見到都唔想拎，整體味道黎講不是太好，但可以接受。最令人不滿既係，我同個fd食完番屋企後都肚瀉，好明顯既野食唔新鮮，完全唔能夠接受！！其實咁樣係咪可以去政府部門投訴？？？其實我覺得味道唔係最大問題，但係食到人肚屙就真係唔能夠接受！！

又是二人放題夜，今次聽友人指使，到了滿屋。刺身相當大盤，質量都不俗，甜蝦、白身魚為最佳，又爽又香，嚐到舌尖上的新鮮！其次是貝類；吞拿魚及玉子燒則勁一般，小人認為其作用是用來令整盤刺身顯得更大堆頭的。壽司細細件，用意是一口一顆吧，款式多，味道都不錯。當中火灼三文魚和甜蝦都是推介之選；而壽司飯沒有下得過份的醋，握得有技巧，不會邊吃邊掉下來。因為已吃了不少魚生，燒物及炸物我們只略試一二。燒羊架還算多肉，質感不柴，亦不會太油。而燒蠔的蠔肉卻乾了些，入口時好像只吃到汁。蝦天婦羅雖然蝦很瘦小，肉仍是彈的，炸漿厚度雖未至薄如蟬翼，亦不算過厚；然而實在太細隻了，吃完好像沒吃過！這晚的放題吃得很滿足，但又不會飽到上頭殼頂，況且餐廳供應的絕非劣貨，我們都覺得物有所值。

坐低即點羊架係我最喜歡的食物,果然可以滿足到我,肉汁鮮美,飲日本騏驎啤酒,魚生,甜虾,都是麻麻地,都是食熟好啲,鹽燒虾,日本番薯,炒什菜,燒菠蘿,天婦羅,味道都好好。

我先生9号生日，原本想有生日優惠，sorry.4人以上至有，我們得两個所以無着數，門口接待很有礼貌，店內員工士氣很高，我想這同團隊精神好大关糸，上菜速度亦好快，美中不足帶子刺身太细粒，可能一開四，顯得不夠大方，其他日本食物人有佢有咁，但最普通既清洒煑蜆都無，熱食有小量東南亞美食，最神奇在日本料理居然有蛇羹食，饮品有很多選擇，但啤洒同果味洒各只有一款，雪糕兩大牌子任選一款可接受，兩佰馀元任饮任食，满屋既質数算中上，最後離開時門口接待還說了一句咁快就走啦！這樣貼心的問候比較人性化，不是只說句拜拜就算！

🗓1月10Farewell lunch 本來6人 由於二人同行 第二位半價 叫叫下變左12人第二次尼 上次尼已經成3年前 地方冇咩變冇話舊左好多之類 野食依然出色 特別以任食尼講 $150左右 佢既水準係no 1👍🏻👍🏻👍🏻好多野揀 我地簡直係瘋狂下單 各自下 同一款野分幾次order 😂😂😂好在D侍應好好脾氣令我最開心係 好多甜品款式😋😋😋😋不過重點推介唔係食物 係D水果味beer 去到一定要飲返一兩罐😂😂

平安夜諗住同屋企人食餐好，一齊慶祝。原本想 book 樓上大瀛喜，但 full 左，之前食滿屋都 ok，咪照 book 囉！去到安排6人卡位，坐得舒適，唔迫。之後拎菜單點野食啦！上菜速度都好快。刺身都算新鮮，但到左本人最愛嘅羊扒就 。。叫左半打，1係8成肥膏，1係就3~4熟，生到咬都咬唔開，舊舊厚切都差不多成2cm厚，點燒得熟呀！簡直係浪費晒啲食物。其次，天婦羅蝦啲粉又厚，燒蝦係大隻，啲肉質唔夠實淨，食料麻麻。串燒牛脷又好鞋同好韌，汁煮牛脷就好味啲，軟淋。唯一好食得2樣：煎石班塊，炸榴槤波。其他熟食，全家都一致劣評。由於太難食嘅關係，都無心機影相，未試過食放題會唔飽 。。上菜速度快係因為未烹好就上枱比人食，個廚房甘無心機整，不如唔好做啦！怪不得特別日子，入座率都係得7成啦！就知道咩事啦！真係瀨晒野，仲要成3百幾蚊位，真係“一試無妨，再試投降”。食物質素同收費不成比例，仲衰過百幾蚊MK貨色。食完今次，唔會有下次。