影片
更多
2017-05-08
176 瀏覽
時光飛逝，記得去年今日才與小子一起切生日蛋糕，話咁快，眨吓眼又一年。本來打算問他去那裡吃飯慶祝，不過想想，年青人大多愛嘗和食放題，可以一次過吃盡串燒、壽司、刺身等美食。醒起前幾天，友人才剛到訪過銅鑼灣廣場二期嘅《滿屋日本料理》，說店子新裝修，而且增設咗 Buffet Zone，食物選擇比前更豐富，反正我沒來過這家分店，也有興趣一試，就一於趁機和小伙子來撐檯腳。踏進店，地方頗大，設有多行二至四人卡座，椅桌雖然排得有點密麻，但間隔都幾四正，加上這晚我倆被安排坐於單邊位置，少了人來人往，讓人感覺舒服。安座後，第一時間，先去自助美食區巡一圈，嘩！食物種類果然不少，有花甲、青口、熟蝦、海蜇、帶子裙邊、泡菜、中華沙律、日式麻醬豆腐、水波蛋、燒三文魚鮫、燉湯、可以自己 DIY 的沙律、水果、士多啤梨噴泉、爆谷、小甜點、曲奇及馬卡龍等。除此之外，凍櫃內亦放了不少罐裝及支裝飲品供客人自行選擇。如果愛喝酒的話，旁邊自助酒機仲有清酒同梅酒任飲，啱曬酒鬼。就先拿點冷盤小食埋位做前菜，碟上有牛舌、熟蝦、海蜇、帶子裙邊、泡菜、中華沙律。幾款之中，最愛就是熟蝦和中華沙律，蝦身很大隻，肉質爽甜彈牙；而中華沙律就清涼
時光飛逝，記得去年今日才與小子一起切生日蛋糕，話咁快，眨吓眼又一年。本來打算問他去那裡吃飯慶祝，不過想想，年青人大多愛嘗和食放題，可以一次過吃盡串燒、壽司、刺身等美食。醒起前幾天，友人才剛到訪過銅鑼灣廣場二期嘅《滿屋日本料理》，說店子新裝修，而且增設咗 Buffet Zone，食物選擇比前更豐富，反正我沒來過這家分店，也有興趣一試，就一於趁機和小伙子來撐檯腳。
踏進店，地方頗大，設有多行二至四人卡座，椅桌雖然排得有點密麻，但間隔都幾四正，加上這晚我倆被安排坐於單邊位置，少了人來人往，讓人感覺舒服。
安座後，第一時間，先去自助美食區巡一圈，嘩！食物種類果然不少，有花甲、青口、熟蝦、海蜇、帶子裙邊、泡菜、中華沙律、日式麻醬豆腐、水波蛋、燒三文魚鮫、燉湯、可以自己 DIY 的沙律、水果、士多啤梨噴泉、爆谷、小甜點、曲奇及馬卡龍等。除此之外，凍櫃內亦放了不少罐裝及支裝飲品供客人自行選擇。如果愛喝酒的話，旁邊自助酒機仲有清酒同梅酒任飲，啱曬酒鬼。
就先拿點冷盤小食埋位做前菜，碟上有牛舌、熟蝦、海蜇、帶子裙邊、泡菜、中華沙律。幾款之中，最愛就是熟蝦和中華沙律，蝦身很大隻，肉質爽甜彈牙；而中華沙律就清涼爽脆，味道十足，不過如果可以再灑上一些小芝麻作點綴，口感應該更佳。
至於點菜紙方面，分別有小食、沙律、刺身、壽司、空運壽司、火炙壽司、卷物、手卷軍艦、天婦羅、燒物、串燒、炸物、和風料理、主食及特色飲品等。對《滿屋》的刺身，向來有信心，首輪選了三文魚、油甘魚、中吞拿魚腩、赤貝、甜蝦及帶子。三文魚厚切肥美，色澤鮮明，口感一流；而甜蝦亦水準不俗，肉質彈牙，而且好鮮甜，值得一再 encore。
壽司方面，選擇豐富，有香芒燕窩大蝦、黑松露牡丹蝦、白松露吞拿魚、三文魚腩等。底下嘅壽司飯很迷你，一口 Size，面頭的刺身大件夾抵食，推介一試魚翅鮑魚片壽司，鮑魚片爽脆鮮甜，而面頭的魚翅，雖然明知是人造，但食味亦不俗，無論外觀、口感及色澤，均幾可亂真。
火炙壽司有原條穴子、蒜香牛油三文魚、和風牛肉、蜜汁瑞士豚拖羅、胡麻左口魚邊等。和風牛肉壽司最受歡迎，牛肉肉質細嫩，配上特別嘅和風汁，令牛肉脂肪口感更醇厚，為味道提昇。卷物只揀了三款，除了最大路的花の戀，另外還有法蓮草芝士鰻魚卷、海葡萄香芒龍蝦沙律卷。幾款卷物都握得比較求其，賣相一般，尤其是後兩者，法蓮草入口似有還無，而海葡萄就消失得無影無蹤，令人無心戀棧，還是火速轉戰放題店嘅另一主打天婦羅。
天婦羅向來是筆者至愛，所以一口氣揀咗四款，有天婦羅蝦、溫室南瓜天婦羅、海鰻天婦羅同日本番薯天婦羅，蝦天婦炸功雖然唔算一流，但咬下夠脆夠熱，也算可口。至於炸過的日本番薯，內裡的紫心咬下微甜脆香，加上番薯味勁濃，粉漿又夠薄，入口唔油膩。
燒物方面，點了焗廣島蠔、香草紐西蘭羊鞍和鹽燒鯖魚。來自日本的廣島蠔，雖然個子較細小，但加咗芝士、洋蔥粒烤焗後，入口味道帶甜，拿起整隻滑入口，食味亦不俗。羊鞍水準反而一般，比較瘦弱，而且肉質亦唔夠 Juicy 鬆化；反而鯖魚很得我心，魚肉入味，而且質地結實，用來拌飯吃一流！
串燒方面，幾乎全部點齊，有鹽燒海蝦、鹽燒牛舌、燒有機日本蕃薯仔、燒雞軟骨。海蝦經鹽燒後，肉質結實彈牙，食落啖啖肉；牛舌質感幼嫩，吃起來既入味又爽脆；蕃薯仔一口一啖，咬下又粉又甜；雞軟骨細細粒，入口充滿跳躍感，爽脆不油，適合用來配清酒。
炸物屬香口嘢，當然唔可以錯過，一於去盡啲，選了芝麻雞翼、脆皮炸香蕉、吉列炸帶子、蓮藕夾肉、台式鹽酥炸雞同紫心香芋丸。《滿屋》的芝麻雞翼向來有水準，這晚當然亦不例外，炸得夠曬香口，雞翼外皮黏滿芝麻，香氣四溢。炸香蕉外脆內軟；蓮藕夾內藏豬肉碎，豬肉雖然比較普通，但蓮藕食落好爽脆，愛吃藕片的朋友，應該唔會失望。鹽酥雞炸粉很厚，幸好入面嘅雞肉頗嫩滑，咬下乾身不油。
接近尾聲，在和風料理和主食，兩張點菜紙仔中，揀咗瑤柱蟹粥、滿屋碗仔翅同海鮮味噌湯，瑤柱蟹粥勁大窩，一時睇漏眼，原來係 2-4 人分量，幸好有小伙子撐場。舀一碗試試，粥底頗稀，而且味道亦有點淡，不過吃完一輪生冷的刺身，用來暖一暖胃也不錯。碗仔翅可能太耐無食，反而覺得幾有風味。至於味噌湯，味道較清，而且唔死鹹，不太搶味，合格。
甜品時間，小甜點選擇非常豐富，有芝士蛋糕、奶凍、布甸、馬卡龍、曲奇等，而且全部都的的骰骰，食多兩件都唔怕滯，不過記得要留肚食埋雪糕先走，有 MöVENPICK 同 Häagen-Dazs 可供選擇。總括來說，刺身夠新鮮，而且味道唔錯，炸物、燒物和鍋物，每款的選擇也不少，加上清酒、梅酒任飲，令人吃得盡興，不過如果可以再增設埋近期 Hit 爆嘅丼飯就更棒！
張貼
