滾爺火鍋 (上海街)

營業中

休息中

🌬早兩日又開始涼，同屋企人去咗位於旺角嘅「滾爺火鍋」打邊爐。平日都好多食客，好彩阿妹醒目識得訂位～🥘我哋揀咗比較養生清香嘅椰子雞鍋，店員會喺食客跟前打開椰青，再將椰青水全部加入鍋中。再將雞件全部放入，滾起之後熄火並計時五分鐘。利用湯底嘅溫度將雞肉慢熟，使雞件肉質保持嫩滑。加入椰青水嘅湯底格外香甜，未開始打邊爐屋企人就已經飲咗幾碗湯⋯🥩餐廳牛肉嘅單價唔低，但質素確實唔錯，其中美國安格斯頂級牛頸脊（$228）色澤紅潤，脂肪分布都唔錯。而美國安格斯頂級肥牛（$188）就牛味同油脂味都濃厚啲。手包鮮蝦雲吞四粒（$44）入邊有大大粒蝦仁，一口雲吞，如果大粒啲就好啦。🥬皇帝菜（$38）係當晚唯一嘅素菜，加上椰子清湯簡單灼熟之後，帶微微鮮香，小編覺得好出色。手打四寶丸（$88）包括鮮蝦丸、墨魚丸、牛肉丸、以及鯪魚丸，每款各兩件。真材實料，口感彈牙有肉香。🫕注：1. 醬介每位另收$182. 秘製泰國椰子雞鍋（$248/半隻；$338/全隻）🙌🏽整體而言：1. 店員落單效率高，上餐速度快。2. 食物素質唔錯。3. 位置寛敞，坐得幾舒服。滾爺火鍋 (旺角)地址：旺角上海街428號地舖電話：68906890

都有段時間沒有食火鍋，今晚到旺角上海街，見到這間滾爺火鍋店新開張，所以選擇試嚇滾爺火鍋。Menu 頗多選擇，湯底都有多款式，配料都有肉類、海鮮、丸類、蔬菜、粉、麵……等。餐廳裝修新潮，餐枱大大張。秘制泰國椰子雞鍋 $248元/半隻鍋底上枱，見到裝湯底的是銅鍋，一種既高質，又帶著一種遠古懷舊的感覺。半隻雞很足料另上除雞外，2個椰青大大隻，整個的椰青水倒進湯內一齊煲雞，還加了淮山、紀子……等，餐廳還貼心地放上一個沙漏，讓沙漏幫忙計時間，精準時間地可以喝湯及可以食雞肉，秘制泰國椰子雞湯滋補健脾，健康香甜，我們都一邊飲湯，一邊食雞肉，雞肉肉質嫩滑且清甜。手包鮮蝦雲吞(4粒)$44元鮮蝦雲吞口感爽甜，多汁味鮮，多兩粒就更好。因為雞湯好清甜，所以油麥菜也是翠綠爽口，顯得特別清甜。

〰️秘製泰國椰子雞（$248）店員攞左兩大隻椰青埋嚟，用椰青水嚟做湯底，仲有粟米、馬蹄，夠哂滋潤。湯底嘅鮮甜完美地滲透哂入雞件到。🥰〰️美國安格斯頂級牛頸椎 （$228）牛頸椎脂肪較少，肉質比較有結實咬口。😎輕輕灼幾下就食得lu ～〰️手包鮮蝦雲吞 （$44）皮夠薄，蝦量十足，雲吞大大粒。〰️手打四寶丸 （$88）四寶丸分別有鯪魚球、牛丸、墨魚丸同蝦滑。牛丸彈牙多汁，香濃嘅牛味。墨魚丸幾有口感，咬落會有粒粒墨魚粒。👐🏻〰️〰️📍 滾爺火鍋 (旺角)旺角上海街428號地舖

天寒地凍就當然係打邊爐最好。呢間位於旺角上海街既滾爺火鍋主打港式火鍋，餐牌有養生藥膳湯底類，特色自家製湯底類，小食，同各類火鍋配料如肉類，魚類，海鮮類，丸類，蔬菜，飯麵等等。有提供即棄圍裙，濕紙巾同紙巾。原來有兩層，安排咗上樓坐，樓上有更多位。今晚叫左個火焰藥膳海鮮豬尾鍋。火焰藥膳海鮮豬尾鍋 $328 另加一餐牌話呢個鍋可以暖胃，補肺，助消化，不如就試試啦。服務員先拎個大大個有蓋鍋上黎，入面d海鮮仲郁緊，好生猛然後點火再加湯。服務員話個湯用咗50斤雞腳雞殼同桶骨，每日10小時製作。個火真係好驚豔，好似有火係你面前燒，好熱。個爐夠猛，好快就食得，服務員仲會提點我可以食啦。海鮮有6隻連殼鮮蝦，肉質鮮甜，蝦頭有膏，酒味濃。連殼蜆都有好幾隻，雖然細細隻，不過肯定係新鮮，因為超嫰滑，而且無沙。豬尾骨好幾舊，味道鹹鹹地，塊皮好有彈性，滿滿骨膠原，令我忍唔住食哂，肉都唔鞋。個湯其實酒味算最重，味道好清淡，藥材有紅棗，杞子同類似北棋。個湯藥材味唔重。龍口粉絲 $15 另加一加個粉絲更飽。醬介每位$18醬介有花生碎，辣椒，蔥花，芫荽，蒜蓉同XO醬。食完個身暖笠笠，唔洗著褸返歸。

天氣凍凍地又係打邊爐嘅好機會，因為夜晚仲要返屋企做節，行街又行到餓餓地，位置旺角的滾爺火鍋，地點夠晒方便，環境亦舒適，我地決定試下😋。打邊爐最緊要湯底，店內約有5款選擇，我地揀左秘制泰國椰子雞鍋（半隻），新鮮椰青汁，大大有兩個，好香甜，而且有補益脾胃作用，岩晒我地。店員好細心將兩個大椰青水倒入鍋中，再加入半隻雞，仲會教你咩時間食，雞肉嫩滑，口感好好👍，湯亦好清新可口。我地叫左好少野：手包鮮蝦雲吞，材料配搭幾特別，口感唔錯。百福豆腐及讚歧烏冬，清清地，保留湯的味道，原汁原味！我見好多人都有叫本地手切牛小排，賣相好吸引，有機會下次來一定要試下。

冬天就係打邊爐既季節🍲，呢間係旺角地鐵站行3分鐘就到，非常就腳，入到去餐廳環境好乾淨，整齊，光猛，原來係一間新開既火鍋店打邊爐先叫個湯底，特地叫左個藥膳花雕醉雞煲，好適合秋冬季節，食完又有補氣益血作用😁。食落雞好鮮嫩好滑，飲埋d湯個身就好暖，雖然話藥膳底，但都易入口唔會太苦，打個邊爐養埋生😀我個人比較鍾意食手包既餃子，因為呢呢d餃會特別有咬口，而呢間餐廳提供多款自家製手包餃類，試左手包鮮蝦雲吞，餡料好足，皮又薄👍🏼👍🏼

餐廳門口看到有多隻生猛的大龍蝦🦞，很吸引啊！餐廳設有電視，適逢現在世界盃，都換上有關足球的佈置，更添氣氛。天氣寒冷🥶，所以點了一個雞鍋暖暖身啊～職員會先送上醬料架，選好醬料後就可以開始吃雞鍋了。♡優遁草鮮果雞鍋$248 半隻這個雞鍋有清熱解毒、散瘀消腫、利尿消濕、調經、止痛和消炎抗癌等功效。看到有多種療效，感覺很養生所以就點了嚐嚐。鍋裏除了雞件外還有蘋果、雪耳和爽口的蕎頭，原來蘋果經過烹煮後味道會帶點酸，感覺開胃。而雞件肉質嫩滑，湯底味道亦很清甜。♡椒鹽魷魚鬚$88用超市購物車的造型放置，很有趣啊～表面灑滿椒鹽，味道很惹味，另外附上醋，可以解油膩感。✔️餐廳設加一服務費

尼排日日天氣凍，最岩就係打邊爐，今日約左朋友食飯，叫朋友book間有得打邊爐既餐廳，尼間餐廳係11月新開，餐廳門口有幾個魚缸放左吾同既海鮮職員安排入座再比我地1張點餐紙，入面有好多吾同湯底同埋食物揀，我地揀左藥膳花雕醉雞鍋，下面寫住有補氣益血作用，最適合秋冬天氣，虛寒體質人士食用有補身功效，感覺好有益好健康，食物揀左美國安格斯頂級肥牛、A級桂花蚌、海中蝦、澳洲純牛筋丸、新鮮豬粉腸、娃娃菜，飲品叫左1個椰青湯底雞肉嫩滑，肥牛脂肪比例均勻，份量比我想像中多好多，海鮮好新鮮，尼餐好飽好滿足

秘製泰國椰子雞鍋呢個椰子雞鍋係用左足足兩個椰青水🥥🥥係我面前倒落去架😍！ 真才實料😍 等緊佢滾嘅時候已經香氣撲鼻 除咗雞之外 湯底仲落咗粟米 馬蹄 成個湯都好清甜 打邊爐都唔驚熱氣喇 個湯一滾 一定要即刻飲番碗最濃郁既湯先好放野落去脆肉鯇 🐟呢個真心必點 我未見過啲咁靚咁新鮮咁厚肉既脆肉鯇 夾起真係每一件都都成寸厚！！ 咬落爽脆 唔會有 魚腥味 又正又抵食鬼馬雙星即係油炸鬼加蝦肉 可以輕輕浸一浸個椰子湯再食或者就咁食都得 唔係度度都有得食呢種高質香口野 送酒打邊爐都一流皇帝菜🥬打親邊爐 我都好鍾意叫皇帝菜 因為佢會吸收左啲湯既精華 而且好淋好易食 新鮮得尼完全冇渣 岩曬我呢個呀婆咬😂 手打蟹籽墨魚手打既夠彈牙 食埋呢個已經好飽了呢間記住要book枱 一到放工時間就好多人架喇

我哋叫左一個秘製泰國椰子雞\半隻湯煱，冇乜味，一份美國安格斯頂級牛頸脊，一般，一份棉花魚肚，可以，一份即炸魚皮，超級好味，一份即炸鮆菜响鈴，好油，完全唔想食，一份油麦菜及一份茼萵菜，份量足夠，一份手打四實丸，冇乜特別，兩個人食左$955，太貴

餐廳位置方便，油麻地站行一陣就到，約朋友食飯傾偈一流。尤其是最近天氣咁凍，打邊爐就最正店員服務收到，周不時行過嚟幫你清碟、斟水，仲聽到有個貴賓廳可以唱K，啱晒朋友聚會藥膳雞煲我哋叫咗半隻雞，但係份量都好多，一打開個雞煲，超龍藥膳味，酒同藥材嘅味都好香，湯底好粥了，有大量紅棗、同埋藥膳嘅材料，隻雞無雪味，好滑，好有雞味，吸晒湯嘅精華另外嗌咗打邊爐嘅配料，有豆卜、豆腐、日本烏冬、皇帝菜，全部材料都好新鮮，放晒落個湯度，吸晒湯嘅精華，非常好食

♨️滾爺火鍋 ♨️香港地有好多人叫呀爺：星爺、鼎爺、丹爺、甜爺爺等等😎😎👴👴係飲食界都出左唔少呀爺，而今日想同大家講既係「滾爺」火鍋！！乳豬今日有幸會一會呢個「滾爺」咩葫蘆賣咩藥！！🥩美國安格斯頂級肥牛🥩打邊爐老土啲講係人都知材料最緊要夠新鮮，「滾爺」絕對做得到，美，肥牛睇得出手切，花紋均勻，肉質鮮紅無血水，烚一烚放入口充滿牛肉香味，加少少辣椒豉油更加食到停不了。乳豬推介指數：🐷🐷🐷🐷🐷🐷🐷🐷🥩招牌牛魔皇（封門柳、牛舌、牛骨髓、金錢肚）🥩牛骨髓乳豬我都好耐無食過，細細個都係老豆會叫我先對呢個食物有認識，牛骨髓口感像豆腐，但沒豆腐這樣入口即溶，好懷念。但就略為遜色就係封門柳，跟以前食過的有些差別，比較有𡁻口，筋位都較多。牛舌和金錢肚也有正常水準，相當不錯👍👍乳豬推介指數：🐷🐷🐷🐷🐷🐷🐷🔴鴨血🔴鴨血要重點推介！！！首先師傳用左厚切，再黎份量多，有十件，性價比高，吸收沙嗲湯精華，簡直人間美味！！乳豬推介指數：🐷🐷🐷🐷🐷🐷🐷🐷⚪️總結⚪️多款醬料任君選擇，配料新鮮湯底足料香濃，價錢中上，環境空間夠大，三五知己相聚，想有私人空間亦有房間供用👍👍乳豬推介指數：🐷🐷🐷🐷🐷🐷🐷🐷

最近天氣凍咗就去👉🏻 滾爺火鍋 👈🏻 食熱辣辣嘅火鍋啦👅.“湯底 - 藥膳花雕醉雞\半隻”(HK$248) 上台就聞到酒味，藥膳湯底再加上枸杞、黨參等藥材熬製，醉雞嫩滑入味，帶有香濃酒味帶有少少甜，正㗎‼️..“美國安格斯頂級牛頸脊”(HK$228)油脂分泌均勻，又唔會切得太薄冇口感，幾好食😌.“紐西蘭羊肉片”(HK$138) 肉質軟嫩且無腥羶味，Q彈嘅口感，包裹著湯汁，加上沙茶醬一齊食，唔錯💯.“新鮮第一刀”(HK$178) 豬肉片色澤鮮紅，肉味濃郁，雖然脂肪比例唔多，但肉質一啲都唔差㗎➰.“蜂巢豆腐”(HK$32) 豆腐吸滿湯汁，相當入味，口感又滑嫩，一定要食👍🏻 ..“澳洲純牛筋丸”(HK$68) 入口就有牛香，一咬即時流出超多牛汁，肉味濃，必點😉.“油麥菜”(HK$28)打邊爐點都要食少少菜，油麥菜脆嫩，口感極為鮮嫩🫦.“調味醬料”(HK$18@每位) 有7款調味料俾你自己調配，都幾方便👀.

天氣開始涼涼地又係時候打邊爐啦，今晚約埋朋友去旺角滾爺火鍋打邊爐，星期五晚超旺場，未夠7點已經坐滿哂🌟秘製泰國椰子雞鍋 ($248/半隻; $338/全隻)湯底我地揀左呢個養生椰子雞鍋，半隻雞件加兩個椰青，店員即開倒椰青水落湯底度，等佢滾嗰陣已經聞到好香，滾起之後計時五分鐘⌛️先飲返啖椰子雞湯滋潤下先，我同朋友每人飲左兩碗先開始打邊爐🥰🌟美國安格斯頂級牛頸脊 ($228)滾爺火鍋有多款靚牛，我地今晚就揀左佢地既頂級牛頸脊，一碟份量都唔少，每片牛肉既雪花紋好靚，牛味香濃，配埋椰子雞湯超好食😋🌟時令海鮮拼盤 ($298)店員推介我地試下佢地既時令海鮮拼盤，有南非鮑魚、蘇格蘭蟶子皇、美國桶蠔、花甲同海蝦，二人份量其實都夠飽，蠔身肥美飽滿又夠大隻，食落唔會好腥，南非鮑魚預先切好左一片片，食落爽口彈牙，蟶子皇都好大隻，處理得好乾淨唔會有沙，性價比超高😍😍😍🌟手打四寶丸 ($88)打邊爐有靚牛、海鮮點少得丸類同雲吞呢，呢個四寶丸就啱哂我啦，有鮮蝦、墨魚、牛肉、鯪魚四款丸類，最驚喜係鮮蝦同牛肉，真材實料食落好彈牙😚😚🌟手包鮮蝦雲吞 ($44/4粒; $66/6粒)鮮蝦雲吞皮薄餡靚，雲吞皮好嫩滑，入面仲

天氣突然轉冷🌬❄️， 緊係要去打邊爐啦，去開旺角朗豪坊，見到最近好爆既滾爺火煱，要🔥火一火佢🌡，點解🤭 因為個邊爐湯底會著火🔥🔥，食完成個人感到暖笠笠💞👍👍👍我們選了海鮮湯底， 有好香嘅玫瑰露酒蜆蔥芹蒜頭， 店員上枱時， 把玫瑰露酒灑在煲底再點火， 味覺同時間有視覺的效果呀，因為真係好香酒味， 加上紅紅烈火， 都幾震撼， 然後店員再到上清湯底， 我們就開始吃海鮮， 海鮮具類很鮮甜， 蝦的肉質非常彈牙，超yummy 🤤😋。然後我們叫了牛小排拼盤，份量超勁，肉質新鮮好淋呀。手打四寶肉丸， 有墨魚，蝦，魚及牛，淡淡肉汁超多 另外點了金菇及淮山片吃， 淮山片爽脆新鮮， 因為我非常愛吃菇類， 金菇也吃不停口呢。這裡有世界盃直播⚽， 很歡迎我們約三五知己 打邊打邊爐一邊看球賽呀😘❤️