滷友記 (加路連山道) (已結業)

出親銅鑼灣，我都一定會去滷友記到食嘢！因為佢啲嘢實在煮得太好食，而且價錢仲唔貴！最最最緊要嘅係，我真係食極都唔厭😏😏😏一坐低當然叫我最鍾意食嘅😋香蒜炸豆腐$30😋豆腐炸到勁香脆，但入面就非常滑溜，絕對係外脆內軟！😍加埋超濃郁嘅蒜蓉。同自家製嘅蒜辣醬。成舊豆腐都係充斥着蒜蓉味。真係超正！😋牛筋腩麻辣撈麵$67呢個撈麵又係必食嘅，牛筋非常爽口同好入味。但滷水味完全冇覆蓋牛筋本身嘅鮮味。再配埋超香嘅麻辣撈麵一齊食。味道非常有層次，而且辣得好滋味。呢個我真係好鍾意食！😋台式酥炸雞扒飯 配滷肉汁$59賣相好靚。雞扒勁厚，咬落口十分香脆多汁，配埋特製嘅滷肉汁同蔥一齊食。味道出奇地夾，而且十分好味。真係食到停唔到。勁正！

午餐時間🕰銅鑼灣嘅「滷友記」外人頭湧湧，除咗排隊入座食飯外，更有好多人等侯買外賣，非常之受歡迎！等我都一探究竟，實測「滷友記」受歡迎嘅原因先🔍先來個冷盤雞絲伴蕎麥麵，滑嫩雞絲&脆口青瓜絲&花生碎&蔥絲，無論口感及味道都達至頂級🥇友人嘅台式酥炸豬扒飯只需要$59，飯量多不在話下，連炸豬扒都有返咁上下份量，大食嘅男仔都一定可以食到好飽🍚我就當然要食招牌大滷麵，咩都有適合咩都想食嘅我😄我選了麻辣湯底，可以見到湯上有一層麻辣油，湯底唔會過鹹，麻辣味充斥成個口腔👄見到鄰座嘅香蒜炸豆腐賣相吸引，令到我哋又忍唔住多叫一份😆脆皮豆腐炸得金黃色，炸蒜同椒鹽令豆腐更為可口😋食完「滷友記」後完全明白為何飯市時間咁旺場😳食物款式多元化，重點係價廉物美，喺銅鑼灣嚟講真係萬中無一嘅好店❗️

成日去搵好嘢食嘅我，今次比我發現喺銅鑼灣加路連山道有一間食台灣嘢同鹵水野嘅餐廳！就咁睇佢個Menu已經流晒口水🤤所以唔使諗，今日就食佢！🍜「招牌大滷麵」🍜 分量十足，而且材料非常豐富。仲有我最鍾意食嘅牛𦟌同白蘿蔔！牛𦟌滷到勁入味，而且廚師切到好厚，咬落去絕對啖啖肉！白蘿蔔索晒湯汁嘅味道。咬落口雖然有濃濃嘅滷水味，但絕對冇覆蓋蘿蔔本身嘅甜味。真係勁好食😋🐔「雞絲半蕎麥麵」🥘 一見到佢就覺得大滿足！份量好大，而且用料好足！👍🏻有勁多雞絲鋪喺蕎麥麵嘅面。雞肉十分嫩滑，一啲都唔鞋口！加埋爽口彈牙嘅蕎麥麵同自製嘅醬汁。成個麵超惹味，食到停唔到口！🐔「生炸大雞髀」🍗雞髀嚟到嘅時候，我聞到已經流晒口水🤤。咬埋落去真係不得了！雞皮炸到好脆，而且一啲都唔油膩，雞肉超級嫩滑。真係超級好食😋呢間餐廳唔單止啲嘢好好食，而且侍應嘅服務態度都好好👍🏻佢好主動推介食物俾我！呢樣嘢好值得讚👍🏻

難得今日放假，當然帶屋企人出去食好嘢👍🏻之前喺銅鑼灣食過一間叫滷友記嘅餐廳。記得佢嘅滷水係超級好食😋，啲咁好食嘅嘢。當然要幫餐廳推廣出去🤣🤣✔️台式酥炸豬扒飯豬扒非常厚身，肉質非常腍身。豬扒炸到非常香酥。咬開嘅時候，啲肉汁係咁流出嚟，真係非常Juicy, 再配埋豬扒上面嘅 大蔥一齊食。味道同口感都好有層次。好食！😋✔️滷水雙拼呢度嘅滷水咁出名，當然要叫個雙拼比屋企人試下！我今次叫咗豬肚拼金錢牛𦟌。豬肚同牛𦟌都非常入味。豬肚非常爽口，而牛𦟌肉質就比較淋！連用假牙既媽媽都話佢可以咬到🤣仲對佢讚口不絕！✔️古法滷水五花腩麵五花腩肥膏同瘦肉嘅比例啱啱好。麵煮到啱啱好，唔會太硬，加埋佢濃郁嘅滷水湯底一齊食。食完之後佢個滷水味仲留左係口入面！正😍呢餐我屋企人食完都覺得超好味😋，話之後一定要再黎食過！

今日放工夜咗，所決定喺公司食埋飯先返屋企。我當然去返平時食開嘅滷友記！嗰度嘅嘢食唔單止味道好！環境仲好舒服😌啱晒自己一個人喺度放鬆一下！返工返到咁辛苦，當然要叫杯啤酒先！飲落口當堂舒服咗👍🏻正！飲得啤酒當然要叫個送酒小食！🍄椒鹽炸頁丸🍄貢丸大大粒，廚師將佢炸到好乾身，咬開嘅時候，仲有好多肉汁係入邊🥰。但一啲油膩嘅感覺都冇！👍🏻再加少少嘅椒鹽調味。我覺得非常惹味！啱晒配啤酒一齊食！👍🏻🐔台式酥炸雞扒飯 配滷肉汁🐔雞扒炸到非常香酥。薄薄嘅炸粉包住厚厚嘅雞扒。咬落去嫩滑多汁👍🏻！滷肉汁味道正宗，勁多豬肉粒喺入邊。雞扒同滷肉汁加埋一齊，味道同口感都非常豐富。超好味😍

之前聽朋友介紹，係銅鑼灣有間好出名食滷水同台式嘢食餐廳，一直心思思想試，難得今日出開銅鑼灣，就決定去嗰度食餐好嘅！黎到當然一定要試吓佢好出名嘅滷水同台式美食！我就叫左以下嘅野🤭🤭1)自選面 腸粉底。呢個好特別，可以自己揀餸再配佢個腸粉底一齊食。😍我就揀咗牛𦟌做餸！牛𦟌滷到超入味。而且肉質非常腍。腸粉非常滑溜。再加埋佢個滷水汁同蒜蓉一齊食。真係勁好味😋2)雞絲半蕎麥麵。第一次食撈蕎麥麵🤭蕎麥麵煮到非常彈牙！醬汁嘅味道十分濃郁，但唔會覺得好鹹。味道好惹味。而且有有勁多雞絲😍，每一啖都有雞肉，真係啖啖肉嘅感覺。3)台式酥炸豬扒飯。炸粉包住豬扒拎去炸。外邊炸到脆卜卜，入邊就非常多汁，一啲都唔乾。而且就好濃郁嘅豬味😋。食得出豬扒非常新鮮。好食！4)自家製蒜辣醬。我覺得呢個係必買嘅！頭先侍應俾我試咗少少，有好香濃嘅蒜蓉味同小小嘅辣味。攞嚟送飯或者做醬汁亦都非常惹味👍🏻👍🏻真係堅推介！

今日同同事去飯lunch，知道公司附近有間好出名食滷水嘢嘅餐廳。所以我哋就決定去嗰度開餐😋！我地去到見到個門面，已經覺得好靚好有特色。入到餐廳，地方唔算大，但裝修好有台灣嘅特色。唔錯唔錯！我叫咗牛筋腩麻辣撈麵，牛筋煮得非常入味，而且有好濃郁嘅牛味，一啲膻味都冇😍！配埋自製嘅麻辣汁同爽口彈牙嘅麵一齊食。 味道非常惹味。牛筋口感非常爽口，而且充滿住骨膠原😋😋岩晒女仔食😋😋而同事就叫咗招牌大滷麵，呢個真係超吸引，入面有好多餐廳招牌嘅小食。包括滷水豆腐，魚蛋，牛𦟌，牛肚同牛筋等。。。真係超豐富！而且湯底揀左滷水汁，味道超濃郁加埋好彈牙嘅麵。超正！😍😍呢個真係值得推介

同男朋友去銅鑼灣行街，到差不多食飯時間，我哋見到係附近有間台式餐廳，喺出邊睇下個Menu，見到啲嘢食都幾吸引。所以今晚就喺呢度食飯。生炸大雞髀，雞髀超大隻😍，外邊炸到脆卜卜，咬開非常嫩滑多汁。而且廚師醃到好入味。呢隻雞髀真係超正超好食😋。雞絲半蕎麥麵，材料非常充足。雞味十分濃郁，蕎麥麵爽口彈牙，加埋佢秘製嘅醬汁一齊撈。味道非常鮮味同清爽。啱晒熱辣辣嘅天氣食。😋牛筋腩麻辣撈麵，呢個有驚喜。牛筋滷得非常入味，口感爽彈。麵條煮到啱啱好，口感適中👍🏻自製嘅麻辣汁有好香嘅麻辣味。食落口，麻辣嘅味道由牙縫中滲岀黎😍，味道超正！呢餐真係超好味👍🏻👍🏻我哋走嘅時候，仲見到呢間餐廳有自己出自家製醬汁嘅醬汁，頭先食嘢嘅時候試過佢哋嘅醬汁，覺得好好味。我哋忍唔住即刻買咗一pack 返屋企。😋

返工放飯食咩好？唔想食兩餸飯車仔麵咁悶，所以一於同同事行遠少少，嚟到加路連山道嘅滷友記食晏😁我叫咗碗「台式酥炸豬扒飯$59」，另外再叫咗碟「滷水豬肚拼金錢牛展$45」⭐️炸豬扒一啲就唔鞋，食落仲充滿肉汁💦瑞士汁、肉燥汁、滷水汁三選一，我今日就揀咗瑞士汁，撈飯食一流！滷水雙拼就係一如既往嘅高水準，$45食到咁大碟又入味嘅滷水真係無得彈👏🏼食肉獸同事食「古法滷水五花腩麵$60」同「滷水雞翼$35」⭐️五花腩層次鮮明，一層肥肉再一層瘦肉相間，腩肉肥而不膩，好考廚師嘅功夫🤫一見滷水雞翼嘅顏色就知道滷得入味，油亮嘅深啡色令人食慾大開，4隻雞翼一下子就俾同事食清哂😅好彩有行過嚟食晏，埋單人均消費$100左右，已經飽到飛起又舔舔脷，大大大滿足！

🤎滷友記🤎呢間滷水小店開業冇耐，已經吸引咗大批鍾意食滷水嘢食嘅食客，而且佢哋嘅食物款式亦都越來越多，質素依然保持到，好難得🤩今日自已一個食晏，簡簡單單叫咗一份香蒜炸豆腐$30 同 招牌大滷麵$60，嘢食用木盤送上，好精緻🤎炸豆腐面頭鋪滿炸蒜，脆脆嘅軟滑豆腐令我一件接一件咁食，食到停唔到口，好有魔力🙈招牌大滷麵有陳皮魚蛋、滷豆腐、蘿蔔同五花肉，仲配上雲耳絲同蔥絲，十分足料😋蘿蔔同豆腐都索哂湯汁，真係好好食😍一個人叫嘅食物唔多，仲想試吓店員推介嘅滷水牛展同滷友小食，唯有下次同埋朋友嚟食，咁就可以食多幾味啦👬🏼👭🏻

依間滷水小店喺銅鑼灣嘅知名度都幾高，口碑不俗👍🏻小店雖然唔太大，但老闆都好用心裝修，無論地磚嘅花紋，牆上掛畫同裝飾都別具心思，令人客可以有一個理想嘅用餐環境🥢1.金錢牛展🐃腸粉你可以按自已嘅喜好選擇想食嘅餸同麵底，我就對牛展同腸粉依個組合好有興趣😙腸粉滑捋捋，撈甜甜鹹鹹嘅滷水汁又幾夾～2.雞絲🐓伴蕎麥麵除咗麵仲可以揀撈粉皮，食得辣仲可以加麻辣汁，十分百搭！麵質清爽有咬口，用作涼拌絕對無錯🤓3.生炸大雞髀🍗成塊臉咁大隻嘅炸雞髀，值得一讚嘅係炸完碟底都唔會油林林，油溫夠熱所以成功咇哂啲雞油出嚟，簡單用胡椒鹽調味已經帶出雞肉本身嘅鮮味🤤🤤🤤

同朋友喺銅鑼灣行完街，想食少少嘢醫肚，就近近地入咗呢間《滷友記》食碗麵🍲一入餐廳已經聞到好濃郁嘅滷水味，下午茶時間仲有優惠，吸引咗好多喺附近返工嘅打工仔嚟食嘢😛我同朋友share咗一碗麵，仲嗌咗啲小食～古法滷水五花腩麵($60)嘅麵條煙靭有彈性，滷水湯充滿花椒、八角同微微嘅藥材味，飲落好溫和舒服😌香蒜炸豆腐($30)新鮮熱辣炸起，蒜味濃烈😋；滷水雞翼($35)則炆得非常入味，雞肉同骨頭一咬就分開，可想而知炆嘅時間幾長🥹記得要試吓餐廳自家製嘅麻辣油🌶食麵加一兩滴即刻令到成碗麵嘅味道更豐富同有層次，我都買咗一瓶返屋企慢慢食😚

出色嘅滷水一定要用心機同誠意去熬煮，咁先可以炮製到一碗又香又濃郁嘅滷水汁，俘虜食客嘅味蕾👅古法滷水五花腩麵$60—招牌滷水湯甘甜惹味，麵底揀咗彈牙嘅上海粗麵，亮點絕對係滷得超鬆化嘅五花腩，肥肉同瘦肉比例黃金，食完先減肥Lu🤣牛筋腩麻辣撈麵$67—牛筋腩充滿膠質，大口大口食肉好過癮😋麻辣汁用香料及辣油拌勻，味道麻辣辛香，覺得唔夠辣仲可以加多幾滴自家製辣油，辣味直衝上腦🌶滷水雞翼$35—無人能抵擋滷水雞翼嘅召喚，甜甜嘅滷水汁唔會過鹹，稠度亦都適中雞絲粉皮$50—除咗滷水外，雞絲粉皮都幾多人食😎份量多到可以當成一客主食！芝麻醬重花生味又帶點甜味，食完涼浸浸🌀🌀

好多人嚟呢度都係食滷水麵，佢哋嘅滷水的確係好出色，不過我更加鍾意食佢哋嘅炸嘢，試過你就明點解😆一定一定一定要食✨生炸大雞髀✨，因為時間關係，已經越來越少舖頭炸雞髀時由生炸到熟，所以呢隻生炸大雞髀得來不易🔥每咬一啖，雞髀嘅肉汁都會湧出來，而且雞髀預先醃製左，所以特別滋味🤪炸嘢咁優秀，咁就梗係要整返碗✨台式酥炸雞扒飯配滷肉汁✨，炸雞扒皮薄厚肉，食落咯咯聲，飯可配滷肉汁，成碗汁都係精華🤤食咗咁多炸嘢，叫返碟✨雞絲伴蕎麥麵✨中和吓先🙈雞絲同青瓜絲疊到成座山咁高，醬汁足夠撈均成碗麵，滿足極了😍

太晏食午餐，搞到冇咩胃口食晚餐，但又想食少少嘢，咁啱經過加路連山道附近，見到呢間滷水小店有好多小食都幾啱胃口，咁就入去試試先😎💡椒鹽炸貢丸$27超巨型嘅炸貢丸，食到一粒粒嘅冬菇同埋豬肉，超多肉汁，加上一份有五粒，真係好滿足☺️💡炸秋葵$30秋葵炸得好鬆脆，個炸漿唔會好厚，薄薄一層，秋葵仲保持到濕潤，點埋蛋黃醬食真係一個相當唔錯嘅小食😍💡滷水豆腐$30嚟得滷水店當然要試吓佢哋嘅滷水豆腐，豆腐係比較實淨，吸汁力強😋估唔到滷水粉麵店都有啤酒賣🍻既然係咁，咁就梗係要嗌番杯啤酒嚟送小食啦，我對呢個輕晚餐就好滿意啦🤩