滷友記 (加路連山道) (已結業)

🤎滷友記🤎呢間滷水小店開業冇耐，已經吸引咗大批鍾意食滷水嘢食嘅食客，而且佢哋嘅食物款式亦都越來越多，質素依然保持到，好難得🤩今日自已一個食晏，簡簡單單叫咗一份香蒜炸豆腐$30 同 招牌大滷麵$60，嘢食用木盤送上，好精緻🤎炸豆腐面頭鋪滿炸蒜，脆脆嘅軟滑豆腐令我一件接一件咁食，食到停唔到口，好有魔力🙈招牌大滷麵有陳皮魚蛋、滷豆腐、蘿蔔同五花肉，仲配上雲耳絲同蔥絲，十分足料😋蘿蔔同豆腐都索哂湯汁，真係好好食😍一個人叫嘅食物唔多，仲想試吓店員推介嘅滷水牛展同滷友小食，唯有下次同埋朋友嚟食，咁就可以食多幾味啦👬🏼👭🏻