滷友記 (加路連山道) (已結業)

同朋友喺銅鑼灣行完街，想食少少嘢醫肚，就近近地入咗呢間《滷友記》食碗麵🍲一入餐廳已經聞到好濃郁嘅滷水味，下午茶時間仲有優惠，吸引咗好多喺附近返工嘅打工仔嚟食嘢😛我同朋友share咗一碗麵，仲嗌咗啲小食～古法滷水五花腩麵($60)嘅麵條煙靭有彈性，滷水湯充滿花椒、八角同微微嘅藥材味，飲落好溫和舒服😌香蒜炸豆腐($30)新鮮熱辣炸起，蒜味濃烈😋；滷水雞翼($35)則炆得非常入味，雞肉同骨頭一咬就分開，可想而知炆嘅時間幾長🥹記得要試吓餐廳自家製嘅麻辣油🌶食麵加一兩滴即刻令到成碗麵嘅味道更豐富同有層次，我都買咗一瓶返屋企慢慢食😚