滷友記 (加路連山道) (已結業)

銅鑼灣有唔少高質食店😍，呢間隱世叻沙餐廳位置雖然唔起眼，但又地鐵站去只係幾分鐘路程，十分方便。加上店員服務很好，感覺好舒適👍🏻🐔滷水雞翼&滷水雙拼👅都系呢間店既拿手精選，鹵肉汁系自家秘制，超足料！甜而不膩，鹹而不厭，越食越想食。🐷豬肚 金錢牛展$45👅非常入味，而且有咬口，鹵肉汁濃烈。🔶香蒜炸豆腐$30👅炸得啱啱好，外脆內軟，配炸蒜和椰菜增加成個包既層次感。總括而言，🤗今次體驗唔錯，見餐牌仲有好多其他美食，下次約埋朋友再黎食其他食物先，都推薦大家來！

網上呢間餐廳一直都好高人氣，所以今次黎到呢間超人氣臺灣美食店😎，試下系米真系甘勁。同朋友分別order了一個主食同埋一D小食，很豐富好滋味！👅自選面 腸粉底，非常大碟，🍝而且腸粉好QQ，配合芝麻同埋其他配料，幾香口。滷水雞翼，用鹵水浸到非常香，🐥雞肉皮脆肉嫩，味道鹹香，風味獨特，口感更豐富。滷水雙拼，當然要贊個鹵水汁，非常獨特，好香既花膠八角味道，肉質彈牙，香口，惹味！豬肚 金錢牛展$45鹵水味也夠突出🔥做到色香味俱全。份量都算正常，肉質都新鮮彈牙。美食為一個忙碌的一天畫上了完美的句號，有機會再同朋友仔黎食！

今日放學經過呢間餐廳，即刻被非常香既滷水味吸引左，見到呢間餐廳位於加路連山道，全部自家制湯底同埋調味，風味十足，所以決定試下！🍽️🍝叫左糖心蛋肉燥飯$54🔸擺盤精美，份量十足！肉燥非常入味，外皮呈淡淡焦香，而且成個飯好大碗好抵食。肉燥肉質香嫩，肥瘦比例均勻，食落慢慢油香，配搭豐富，非常惹味❗飯粒沾滿醬汁又彈牙，一啖入口勁滿足！還有好多其他臺灣小食，例如滷水雙拼🔶，豬肚 金錢牛展🔷同埋臺式酥炸雞扒飯 配滷肉汁🔶，全部都好抵食。所有菜式都很精美，餐廳侍應也很貼心💓有機會同朋友一齊再來！

行完SOGO👩🏼‍❤️‍👩🏼，想揾間餐廳同朋友吹下水，發現左呢間人氣極高既臺灣菜，見網上評價唔錯，於是入去試試。👅我地叫左包括：🐔臺式酥炸雞扒飯 配滷肉汁$59🐔酥炸雞扒飯大過手板，炸得好乾身，而且非常入味，肉汁非常濃稠,飯粒很軟很林, 仲有好多菜，都好入味。🐥生炸大雞髀$36🐥非常推介，外皮酥脆，內裡肉質有咬口。🍝雞絲拌蕎麥面$50🍝面非常爽口，入面既雞絲又增加口感，加上帶淡淡嘅芝麻香。還要一提呢間店舖裝修環境都唔錯，地方都算好寬鬆，坐落感覺都好有氣氛，整體來講CP值好高！

1️⃣招牌大滷面（$60）一上枱八角肉桂味撲鼻而嚟，穿插住少少茴香嘅清香，湯頭甜甜哋飲到停唔到口😆陳皮魚蛋甘香，金錢𦟌完全唔會韌，豆腐又滑又入味。2️⃣滷友牛三寶米粉（$62）牛三寶分別有金錢𦟌、金錢肚同埋牛筋。面可以轉上海粗面幼面同埋撈面。湯底都有得揀，有蕃茄湯酸辣湯滷水湯同埋麻辣湯。咁我哋就要咗滷水湯米粉，份量啱啱好。金錢𦟌爽口，金錢肚好彈牙，牛筋夠軟爛滑嫩👍🏻3️⃣雞絲粉皮（$50）粉皮滑嘟嘟，挺身有咬口。青瓜絲同雞絲都落得夠多，麻醬份量都多唔會食食吓唔夠撈，口感非常豐富😋每枱都會有樽餐廳自家製嘅秘炒蒜辣醬🌶辣迷千祈唔好錯過！辣得好有層次，蒜味濃郁，鮮香後有辣勁，超過癮！

店內裝修吸晴，令食客等嘢食嘅時候都唔洗咁悶🥰牆上有唔少裝飾品如印滿廣東話塗鴉字樣嘅黑白色滑板，既活力又充滿本地文化色彩。⭐️滷水雙拼豬肚金錢牛展 $45台式滷味清爽嘅鹹正合我口味🥰豬肚Q彈爽脆，金錢牛展膠質花紋分佈平均，軟腍索汁入味。⭐️糖心蛋肉燥飯 $54拮穿糖心蛋後，creamy滑溜嘅蛋漿掛上粒粒飽滿晶瑩嘅米飯😍肉燥油亮，甜甜鹹鹹肉碎鬆軟超好送飯🍚⭐️台式酥炸豬扒飯 $59炸豬扒超大份，好有飽足感。夠薄夠脆身唔會食到成口粉，咬落去豬扒仲滲出肉汁，越嚼越香😍店員態度親切有禮，上菜速度快，價錢合理份量足👍🏻滷水食得出係真材實料，台式調味比較特別，冇潮州滷水咁重口味，值得一試！

今日男朋友早放，去銅鑼灣接佢放工。行過附近見到呢間滷友記下午茶幾抵食，就入咗去醫肚喇🙈本身都諗住嗌啲招牌滷味或肉燥飯食嘅，但又唔想食太飽，所以最後嗌咗幾碟小食share，更滋味😋😋生炸大雞髀外皮炸到脆卜卜好香口，咬落去有聲，雞肉破皮而出，肉味澎湃好juicy🤤🤤炸秋葵唔會炸得太乾身，仲保留秋葵本身嘅水份。夾埋啲蒜蓉一齊食，超級惹味，食完一條接一條😆加埋酸酸地嘅沙律醬，越食越開胃！椒鹽炸貢丸原來呢個組合又幾夾㗎喎！大大粒肉質扎實，好有嚼勁。味道層次分明，先有微辛椒鹽衝擊味蕾，再有濃香肉汁充滿口腔🤤

朋友知我鍾意食肉燥，大力介紹呢間滷友記俾我。Bookmark咗都一段時間，今日終於試到，仲拉埋同為肉燥迷嘅家姐一齊食😋講到台灣嘢點少得炸雞扒，台式酥炸雞扒飯炸衣唔會好厚粉，薄薄一層唔扎口，肉質嫩滑又鬆化，肉汁豐富。將滿佈肥而不膩豬肉碎嘅滷肉汁澆淋喺軟糯嘅白飯上面，係令人難以忘懷嘅美味🤤家姐嗰碗糖心蛋肉燥飯都好正，肉燥軟爛且帶有豐富醬油香氣。加咗糖心蛋感覺清新啲，令肉燥食落輕盈啲👍🏻椒鹽炸貢丸真係第一次食🙈炸燒賣炸魚蛋就食得多。粒粒貢丸都沾滿椒鹽，好有大排檔風味！白灼秋葵翠綠冇變色，清爽脆嫩😋鹹香提鮮嘅滷汁係靈魂所在！

<糖心蛋肉燥飯 $54>上枱時糖心蛋液已溢出，非常邪惡😈先試一口香噴噴嘅肉燥，炒得焦香柔嫩，滿口肉汁精華。撈埋蛋液食又另有一番風味！令鮮味昇華，減卻肉燥嘅油膩感。<台式酥炸雞扒飯 $59>已切好數段方便食用，份量夠多好送飯。而且真係做到酥脆嘅效果，仲要保留到內裡肉汁豐腴🔒淋上鮮甜濃郁嘅滷肉汁，直頭係白飯小偷！<椒鹽炸貢丸 $27>重椒鹽😍鮮嫩多汁又彈牙，香濃程度明顯同一般貨色有別，值得一試！<白灼秋葵 $30>雖然係白灼但唔會好寡冇乜味，因為淋上咗少許滷水汁同埋好香嘅麻油😍秋葵夠大條粗身，內裡濕潤口感滑潺潺，同個汁好夾！<生炸大雞髀 $36>炸到金黃色外皮脆卜卜，一咬爆晒啲肉汁出嚟💦肉質軟嫩啖啖肉好滿足。

❣️滷友牛三寶米粉（$62）食呢個係貪佢唔使諗揀咩餸🤣牛三寶包括牛展、牛筋同金錢肚。湯汁都有幾款選擇，第一次嚟滷友記當然就係嗌返基本滷水汁。滷得非常之入味，牛筋好腍，金錢肚好彈牙。配米粉係明智之選，因為佢特別索汁。呢個價錢食到大大碗且用料十足嘅麵，真係物超所值！❣️香蒜炸豆腐（$30）脆皮唔會鞋口，完美包覆滑溜嘅豆腐。香蒜夠脆口，濃烈香氣直逼喉嚨，即使食完會口臭都唔理了😆❣️台式酥炸雞扒飯配滷肉汁（$59）一上枱已飄香四溢，醇厚嘅醬油滷肉汁香氣充滿鼻腔。雞扒同滷肉汁份量夠多好送飯，雞扒雖然外表略乾但竟然鎖到juicy肉汁，滷肉汁濃稠度適中，富含蛋白膠質🤩

心血來潮想食滷味，就搵下附近有邊間好食，於是乎就俾我發現到呢間食台式滷味嘅滷友記喇，評價極高，所以好高期望，而佢亦冇令我失望，甚至乎係喜出望外🤩果然係人氣餐廳，入到去係座無虛席，內部裝修都幾特別，牆上掛滿香港街景壁畫🇭🇰話明主打滷水，點都要試一試呢度嘅招牌大滷麵（$60），配料種類好豐富，有魚蛋、牛展、豆腐同蘿蔔😍滷水湯汁比預期中更入味，飲唔停口古早味濃厚！蘿蔔我最愛，超大舊吸晒啲湯汁真係冇得輸！好怕出面啲餐廳成日都炸過龍搞到塊豬扒又乾又柴，但呢度嘅台式酥炸豬扒飯（$59）竟然做到外脆內軟嘅效果！肉味香濃冇騷味，一口肉汁嘅juicy，一口熱呼呼嘅白飯，係治癒嘅感覺🥰

台式酥炸雞扒飯：佢出面嘅炸粉唔會話好多，但又炸到非常之香脆。一咬就爆出肉汁💦雞肉滑身鮮嫩。滷肉汁另上，俾食客自行控制份量。用料十足，滿滿滷得焦香透亮嘅碎豬肉，香醇超下飯！糖心蛋肉燥飯：肉燥入口即化，鹹度適中👌🏻糖心蛋上色均勻，完美半熟流心蛋黃，流出濃稠蛋漿拌飯實在太銷魂！香蒜炸豆腐：即叫即炸，小心燙口⚠️做到金黃香酥口感，一咬落去竟係香嫩豆腐，形成強烈對比。證明炸功一流，比大排檔火候控制更佳！蒜酥提味，香而不嗆，重口之選～呢間餐廳雖然係出名食滷味同滷水汁，但炸物都好高水準！我同朋友都覺得真心有驚喜，一定會再回頭，下次試吓佢哋個招牌大滷麵😆

裝修幾有特色，有唔少書法家嘅作品供食客欣賞，尤其鍾意喺我頭頂嗰幾幅粗獷書法大字掛畫👏🏻🍜招牌大滷麵 $60揀咗滷水湯底，有齊牛展牛肚牛筋同埋蘿蔔。牛筋煙煙韌韌，蘿蔔鮮甜冇渣😋🍜滷友牛三寶米粉 $62用咗較特別嘅手造爽脆米粉，彎彎曲曲好掛汁且唔易發脹。牛筋好滑身，帶滿滿嘅骨膠原。金錢肚好爽口，一口牛再一大口吸盡滷水汁嘅米粉，好滿足🥰🍮滷水豆腐 $30同平時食開嗰啲唔同，冇咗硬邊更易入口👍🏻滷水汁唔會過鹹，豆腐吸收晒滷汁精華。食落係清清地嘅鹹鮮味，仲食到少少麻油味，幾特別值得一試！🥚糖心蛋$9蛋白滲透鹵水，糖心晶凝通透，生熟程度剛好👌🏻

滷友記（銅鑼灣）位於加路連山道，雖然開喺港島，但價錢冇話因為咁樣而貴咗，所以性價比超高呀🤑餐廳用上簡潔嘅水泥牆身，牆中間有一排寫滿曾灶材書法字嘅滑板，極具玩味且新潮。糖心蛋肉燥飯$54一上枱濃郁飄香，肉燥醬油味厚甘醇，肉味豐腴。味道非常接近我喺台灣食過嘅肉燥飯，絕對唔會好似市面上嗰啲死鹹嘅港式肉燥👍🏻面頭仲灑上芝麻嚟到增添口感，鹵過嘅糖心蛋同樣唔會鹹得滯，微微帶甜😋香蒜炸豆腐$30一口咬下爆出軟滑豆腐，香蒜同炸粉帶嚟嘅雙重口感交織成美味🎶香濃得嚟又唔苦，食完齒頰留香🤤

🌟香港傳統美食種類有好多，燒味蛋tart茶餐廳，其中一樣比較深藏不露既美食滷水好似唔太多人追隨，但其實都係其中一樣我既最愛🐒——————🐽 雞絲粉皮一坐低梗係試吓啲前菜先，雞絲粉皮最棹忌就係芝麻醬唔夠，呢度嘅芝麻醬香得來亦夠多，包住晒啲粉皮同埋雞絲一齊食好正🐽 自選三拼麵（金錢肚、雞翼、蘿蔔）上台先試過湯底，唔太咸得黎有好香嘅滷水味，蘿蔔煮到十分入味，雞翼同金錢肚亦都炆到好林，好有水準🐽 滷水陳皮魚蛋魚蛋細細粒但好重陳皮同埋魚味，利用滷水黎做個醬料同平時食到嘅咖喱魚蛋唔同得黎亦出奇地好夾