源記甜品專家 (已結業)

好多老字號經歷左唔同年代到而家都依然屹立不倒，當中又有幾多保持到水準呢。當然啦，好多食客除左食味道，仲有樣野叫情懷，都一樣食得的。知道好多人都鐘意西環嘅源記，襯過左海喺西環食午飯，就飯後一糖水。呢個鋪位重新裝修過，座位闊落又光猛，最重要當然係價錢都一直提升，以中式糖水黎講，價錢都昂貴，人地賣緊廿零蚊碗嘅，呢度都接近四十了。餐牌供應桑寄生蛋茶、蓮子茶、紅、綠豆沙、芝麻糊、杏仁露等，唔少得招牌雞蛋糕，糖水定價$26-40，夠好多人食個飯架喇。通常來來去去點嗰幾款，我地亦不例外，點左桑寄生蓮子茶、合桃露。桑寄生蓮子茶 $36可以加雞蛋，但我唔係太想食。糖水依然用傳統湯碗，其實我屋企都仲用緊。下面有銀盤隔熱，而家比較少見。桑寄生呢款藥材價錢唔貴，毛利都幾高，好在味道唔錯。入口甘香，甜度唔高，熱辣辣，相當養生。蓮子大大話話有十幾粒，大粒而完整，唔會煮到太腍身，仲有少少咬口，帶甜。整體真係比其他糖水店做得出色，食完呢個糖水好似寧舍舒暢清香合桃露 $36合桃露相對失色，並冇聞到明顯合桃香，一放匙更入去，就感覺到佢比較稀身，水廖廖咁。濃稠度不足，入口只有很淡合桃味。

和朋友吃完晚餐後，好像還差點什麼的就決定去吃糖水。在朋友的帶路下來到這家甜品店，其實附近也有吃西式甜品的，倒是這家吃中式的糖水要排隊。這餐牌有點難看到價錢 Orz 糖水大約是$20 - $40 左右！全蛋雞蛋糕 ($8/件) - 香濃的蛋味！口感綿密札實。不過稍微覺得甜了少許耶香滑燉雞蛋 ($34) - 同樣也是蛋香滿滿～不過這個吃著有薑的味道。大概是加了薑糖的關係？吃起來是帶甜的薑味，不是辣的。純正杏仁露 ($36) -  一上桌就聞到很香濃的味道！每一啖也很幼滑、有著獨特的濃郁杏仁香！不過吃到差不多尾便開始覺得有點太甜了。

呢個星期真係好凍，放工行過見到源記就即刻想入去食碗熱辣辣嘅甜品暖下！呢到由細食到大，食開有感情，通常都係叫桑寄生蓮子茶。鐘意佢唔係太甜，蓮子粒粒都鬆化，食落暖苙苙真係好幸福！而且桑寄生滋陰、降壓、岩晒女士們補補身！其他至愛仲有綠豆沙同埋燉蛋，綠豆沙無衣起晒沙，唔係好多地方可以食到。至於燉蛋，純粹係因為細個個時媽媽通常叫呢個比我食，係童年回憶！

去開西環，我必去正街；去到正街，我必入源記。只因那裡有美味的桑寄生蓮子蛋茶。今天到海味街辦年貨，順便又去正街：）甫入源記的門口，夥計看見我已説：「今天加價了，你唔昨天來？」唏！喜歡吃，管他呢！最緊要好吃嘛！坐下來，二話不說當然叫這心頭好，只是今次稍感失望了！蓮子仍是一貫的入口鬆化。可能是我要求高，覺得蛋卻未完全入味，欠缺之前咬口彈牙的質感，但比較不少甜品店，仍勝一籌。只是茶這次卻嫌稍甜了，我告訴夥計，他們的加價，可能就是加在糖上了。所以這次沒給滿分：）

相信已有十多年沒有光顧這懷舊糖水店😍一進去，沒有看餐牌便點了我印象深刻的桑寄生蓮子蛋茶（$35）及雞蛋糕（$8），味道依舊😋但價格上漲了不少～無錯！當下是2018年了😂

朋友跟我説喜歡吃源記的桑寄生蓮子蛋茶，我說我也是呀！我吃勻全香港，它一定是全香港最好吃的桑寄生蓮子蛋茶！如果您們看了我這篇食評不滿意，請留言給我，講俾我聽那一間做得好過源記，等我飛撲去試吓，不過，不要齋講，有圖有真相，除了影給我看茶色外，還要影埋蓮子蛋茶的蛋內，是否像源記一樣入色到成隻蛋裏面和外面都是啡黃色👻桑寄生蓮子蛋茶：除了上述提過蓮子蛋茶的蛋無論裏裏外外都要入味和入色到啡黃色外，蓮子入口即化，茶味清甜好味😻😻😻😋

自從地鐵開通左西營盤等沿線後，多左我呢d住其他區既人專登去西區尋找美食。西環飯後甜品，亂行亂撞入左間舊式傳統糖水鋪。外面看只是一間傳統老店，沒有奢華裝修，沒有明星效應，沒有特惠卷商業推廣，卻客似雲來，只因收藏簡單實而不華既糖水美食。註：我不是水分，沒有賣廣告，只是我食完之後，條脷比較過其他食店而留下來而已。7點半鐘，店內已坐滿客人。排左10分鐘，眼見大部分食客都叫桑寄生雞蛋茶，我也叫左個桑寄生蓮子雞蛋茶同埋芝麻糊，試一試味道。前者清香味道清甜，味道很好，連雞蛋蛋白蛋黃也很入味入色，老闆話多吃更可以舒壓滋陰，難怪差不多每位食客也會order。後者細緻滑溜，芝麻既香味撲鼻。絕對不會像開粉沖水般水汪汪。餐牌上除了以上甜點，還有紅豆沙、綠豆沙、雞蛋糕、合桃糊、杏仁茶、燉蛋及其他傳統甜點，期待下次再次試試其他傳統甜品。

桑寄生蓮子蛋茶確實係我每次返返呢間糖水店既原因，每次都有種好窩心既感覺，唔會太甜，蛋又好入味，每次復都會同老闆傾下計, 感覺好似返左自己屋企。再加埋雞蛋糕，真係一流!

源記桑寄生蓮子雞蛋茶想試很久了，一直未有機會，昨天剛好去附近，當然是要去試味平日約9pm，門口排隊，沒有排很久正常一套：桑寄生蓮子雞蛋茶$37可選沒有蓮子的$33, 或沒雞蛋的$35,或只要茶$25另外有自由組合的合桃露、杏仁露、紅豆沙、綠豆沙、芝麻糊桑寄生蓮子雞蛋茶香，不算太甜，配上蓮子令糖水不會太單調，雞蛋有茶香，很入味，蛋白帶微甜，好吃桌上有介紹桑寄生及相關的剪報最後買了一件蛋糕外賣，即場吃了幾口，覺得味道普通，略乾

每次黎到西環，總會留肚食埋源記既糖水。而每次我都非常專一甘揀桑寄生蛋茶，只會有時加蓮子。也有試過朋友點既陳皮紅豆沙和陳皮綠豆沙，不過味道都一般，價錢比外面稍貴，性價比不太高。這裏的桑寄生蛋茶價位雖然偏貴，但真的物有所值！茶的味道稍甜但又存在涼茶既感覺；而雞蛋不但止外面浸得變成啡色，而是咬開蛋，o裡面都是啡色，可見煮的時間非淺，入曬茶味！好🉐️！另外，心思思想試下全蛋雞蛋糕。有點失望，蛋糕又凍又硬又乾，而雞蛋的味道不太濃。

晚餐後黎到呢間老字號甜品食糖水。接近9點，門外已經有6-7人等緊枱。不過食客都係好快食完好快走，等冇耐就入得去。我地三個人各點咗一款糖水，再加個蛋糕（因為好似好出名😂）。桑寄蓮子蛋茶（$36）清甜～.雞蛋糕（$8）個蛋糕好「鞋」，好難咬，唔好味：（.蓮子綠豆沙（$34）好多蓮子，好軟👍🏻略甜～份量都幾多，但唔係好夠熱。.合桃露（$36）我唔鐘意食合桃，算易入口，唔作太多評論😂.都算幾貴👀覺得呢度嘅甜品味道一般～唔係好特別。而且座位都窄，唔會坐得好舒服。

<<身為香港大學學生，可能你會覺得午餐晚餐都好難搵食，食黎食去都個幾樣今日本畢業生就以個人經驗介紹番你周圍有咩好野食/伏喇>><<If you are one of the HKU students who thinks nothing can suit your starvation around Campus. Please pay some leisure time to study my dining experience collection. If you cannot read Chinese, Please simply watch the pictures, follow the overall rating , or find the local mates for translating my comments>>源記糖水已經係西環既地標糖水店吧。我都唔知幫襯過幾多次。對於源記睇落好長既糖水紙，只不過係裝飾。最好味始終係桑寄生蛋茶。店員一定會問你要唔要蓮子，就我個人經驗真係可以唔洗，飲多啖茶仲正。喜歡

遊訪西環第二站，到了源記甜品專家。我叫了桑寄生蓮子茶，入囗甘味，甜蓮子入口即溶。這個冷冷的天氣，食個暖暖的甜品，多幸福！杏仁茶加窩旦，是老一輩香港人的吃法，我们也來一客，感受一下。生旦混合杏仁茶滑流流的感觉，都幾有趣，但旦味我便吃不到，可能是杏仁味太濃，蓋過了旦旦的味道。這張字條很可愛，是我們香港文化，香港的特色！來這裏吃甜品，不只是品嘗食物本身的味道，更重要是它留下了舊香港的味道，這就是香港情懷！

朋友仔同我食完生日正餐，仲要話出去附近有間好出名嘅食糖水，我當然就唔客氣啦原來呢間老字號甜品店轉過彎就到朋友仔話呢個出名係桑寄生蛋茶同埋雞蛋糕，所以我哋行過見到有位就即刻閃入去唔好理咁多，既然出名就嗌咗兩碗，另外再叫一碟雞蛋糕呢間桑寄生蛋茶同出面其他嗰啲有一個味道唔同，我唔知嗰隻味叫乜嘢，不過出面嘅糖水舖全部都有，係呢間無但唔代表唔好食，我都覺得好好味，D糖水清清地，又唔係好甜，啲蓮子又唔苦，隻雞蛋先係精華不過個雞蛋糕就非常失色實的的咁完全唔想食

嗰日返完工，專登行落去，試吓佢嘅馳名桑寄生蓮子糖水同埋雞蛋糕，不過就真係有啲失望＄35一碗桑寄生蓮子糖水，分量正常，如果佢係好好味我會覺得超級值得，但係食落唔係真係咁出色，勝在佢唔係嗰啲好甜好甜嘅糖水，但係真係唔識得＄35，所以有啲失望仲有個雞蛋糕，有少少乾，感覺好似擺咗隔夜唯一唔差就係佢個燉蛋，不過唔鍾意薑味嘅你就唔好嗌啦，因為佢有少少薑味，我就鍾意食薑味嘅所以我覺得唔錯不過買單嘅時候我出去俾錢個收銀伯伯就認真態度差🤢