源記甜品專家 (已結業)

真的不是所有的老字号都值得吃，鸡蛋糕是我从小到大吃过最难吃的鸡蛋糕，没有香味也不soft…价格也不低，不会再来，这样的老字号也可以火？～还没有随便哪个传统面包店里的水蛋糕好吃～

一個風和日麗的星期日下午, 記錯了朋友婚禮的時間, 於是就緣高街行落正街電梯。自己一個去源記坐坐, 由以前暗黃的燈光, 裝修後變得十分光鮮但是, 不會變的是店子門口擺著雞蛋糕的櫥窗, 頭都白晒的侍應, 當然還有由細飲到大的桑寄生茶!今次叫左桑寄生蓮子茶, 值得一讚是蓮子真的好軟, 煮到入晒味, 一咬就鬆化, 好好味。當我問佢點解桑寄生蓮子茶係34蚊, 但桑寄生蛋茶卻是32蚊時, 個侍應話蓮子每粒人手挑芯架, 仲要有十幾粒蓮子, 真材實料 -- 唔怪得之加蓮子貴淨桑寄生茶咁多啦! 仲要加多句: 女仔飲多D桑寄生好呀, 補身!成間店舖都貼滿報導, 講桑寄生功效, 又祛濕、降血壓、安胎、除風濕、寧神安眠，更能調理月經、治療經痛及補血，男女老幼孕婦都適合。雖然一碗細細, 我飲完之後感覺清潤之餘, 仲多左一份溫暖!

放假，晚飯後，家人第二個胃運作，一行人遊電車河，去西環食糖水，去到都差不多關門了，於是，識趣趕快點了想吃的糖水，我們分別點了3個桑記蛋蓮子茶，1個燉蛋，1芝麻糊，還記得我第一次到這裡吃糖水時，就是聞到好香芝麻糊味，猛然發覺鄰檯吃芝麻糊，那刻，才知道原來甜品是可以這麼香，我那時才發現這間甜品店，和出面一般甜品店分別，而且，這店應該已換了幾代人，始終老字號，新的甜品店，吃不到這味道，其他鄰檯，有蒸蛋糕。。合桃露。。杏仁露，可惜，實在太飽了，只吃得一款。但，桑記蛋茶，那隻蛋是入味非常，吃到超滿足。

朋友極力推介呢度既桑寄生蓮子蛋茶 就忍唔住黎試下 果然佢隻雞蛋好正 但覺得桑寄生偏甜 可能本人唔太喜歡太甜 朋友叫左合桃蓮子糊 這個還可以 沒太大驚喜 仲叫左雞蛋糕 一般般最後忍唔住叫多個燉蛋 估唔到呢個係最正 蛋味濃 又夠熱 值得一試既

自從搬屋後，三個月都無機會幫襯，想起它的杏仁露就流晒口水，所以今晚就專程搭車幫襯。入到大門口，竟然有幾張空枱，心想，這是沒有可能發生，因為晚晚座無虛席，甚至門外亦企滿客人、泊滿街車等位。滿心歡喜叫了一個小蛋糕、兩碗杏仁露、一碗芝麻糊，總額：$100，嘩，發生什麼事，係咪寫錯單，左計右計都係啱喎，從未試過咁貴，嘩嘩嘩，發現加價20%，心想唔通大碗咗，味道更加好味。杏仁露嚟啦，先食第一啖，啖而無味😤😤😤😡😡😡；芝麻糊不用多說，都係一樣😤😤😤😡😡😡；蛋糕，好似兩日前賣剩蔗，硬而實😤😤😤😡😡😡。實在太過份，真係「減料不減價」，搵鬼幫襯，等執笠..........

源記甜品專家創立於 1855 年，是一間歷史悠久的糖水店，可算是數一數二的老字號 。店舖內以桑寄生蓮子蛋茶最為出名 ，很多人慕名而來 ，但不包括我，井底之蛙的我 是被男友帶過來 ， 甚想到會一試忘不了.......那天大概4點多的時段 ，不用等候 ，立即可入座，店內位子不多，懷舊裝修，玻璃面的檯，內放著菜單及報張報導。我要了一碗桑寄生蓮子蛋茶，男友則叫了純正杏仁露一嚐。桑寄生蓮子蛋茶 ，以銀碟托壽字碗 ，我第一次見這種銀碟款式，感到很有趣，古色古香。還覺得他們很聰明，這樣托著飲用也不會感到太熱。桑寄生益處很多，不但能祛濕、降血壓、安胎、除風濕、寧神安眠，更能調理月經、治療經痛及補血，男女老幼孕婦都適合。而且，這店的蓮子，是用人手一粒一粒挑芯 ，再煲成啡色糖水，味道濃厚且感覺清潤滋陰，蓮子數量亦甚多，可謂真材實料。如愛吃蛋者可試桑寄生雙蛋茶，因為茶中的蛋亦有一股清香味，很好吃，與桑寄生蓮子配合得宜。杏仁也有很多好處，能止咳平喘，潤腸通便，可治療肺病、咳嗽等疾病， 還含有豐富的黃酮類和多酚類成分，能夠降低人體內膽固醇的含量，還能顯著降低心臟病和很多慢性病的發病危險。美容功效，能促進皮膚微循

本身喺西環大以前細個成日跟阿媽嚟食，細個好鐘意食佢嘅雞蛋糕，好耐冇返嚟今次叫晒三樣至出名嘅：陳年桑寄生 滋陰降壓，純正杏仁露 止咳療肺，清香雞蛋糕 名人至愛。前兩者唔太甜味足，雞蛋糕依舊有濃濃蛋香味。

今日約左人未夠鐘，係正街盪下盪下就走左入源記諗住食碗糖水，下午6點鐘都冇咩人。叫左個芝麻糊加鷄蛋，跟手阿叔就寫張單比我，嘩，成32蚊頭先冇咩留意個價錢添。源記出名係因為老字號，食材自己人手磨 (以前聽番黎），芝麻糊入口都幼滑，配鷄蛋仲係第一次，味道不是太甜，都已經蓋過鷄蛋味，整體恰當。可能我對糖水不是十分熱衷，所以又唔覺得好好味及好鐘意食，但感覺價錢比較貴，味道又唔係十分突出。。。。咁囉原來有蔡生推介

呢間著名的桑寄生蓮子蛋茶有百年歷史，終於有幸試到了。入去時已是黃昏時分，人流唔算多。同媽咪打對面坐收銀後面的卡位。因為是甜品專門店，所以地方企理乾淨。點了桑寄生蓮子蛋茶，蓮子夠冧，蛋味十足，鹹味適中，唔會搶桑寄生茶的甜味，恰到好處。其實我都是第一次食桑寄生茶，感覺唔錯，蓮子夠粉，好好味！另外，點了雞蛋糕一件和香滑芝麻糊一碗，不過我就不太喜歡了。蛋糕實了少少，又唔熱又唔凍，$8/件，不值。芝麻糊真係夠滑，但不夠香濃，有點失望。下次再來時會再叫多次桑寄生，及試下其他甜品，例如，燉蛋，蓮子合桃露。

又經過正街，去「源記甜品專家」食桑寄生蓮子蛋茶是指定動作，今次還要食雙蛋同加多件清蛋糕，大滿足也。源記是西環老字號，其糊類甜品好像合桃糊、杏仁露等自然出色，但最得我心的還是桑寄生蓮子蛋茶，甚至認為單論這東西更是全港第一。桑寄生蓮子蛋茶其實唔難做，但做得好與壞真是天淵之別。這裏的桑寄生蛋茶做得特別清澈，應在隔渣方面下不少功夫，所以食落唔會有令人討厭的苦澀味，反而有清爽之感。不過最令人驚為天人的是被桑寄生茶浸完的蛋，咬開後看到其蛋黃也是深色，入味程度是我在香港其他糖水鋪所找不到的。加上鬆化的蓮子，絕對是食過番尋味！至於其清蛋糕細細件，味道清新，應該是蒸出來的。我細個時家裏冇焗爐，老媽子做蛋糕正是蒸出來的，和源記的差不多呢！所以吃這東西是充滿回憶的。老實講，源記的價錢雖較一般糖水鋪為高，但一分錢一分貨，質素絕對無得彈。當然這裏沒一些新派甜品供應，但傳統的味道已足夠令我一再回頭。

聞說這裡有全港最好味的桑寄生茶，除左呢樣，仲有另一鎮店之寶蛋白杏仁露。咁就兩樣都試哂。店內仍然保持老香港的舊式店鋪的味道，西環果然好保存到香港的舊風味。價錢都係三四十蚊碗，但記得嗌埋蓮子，因為有大量蓮子，同埋質地好粉。桑寄生雙蛋茶蓮子（$38）幾有中藥味，但又唔太苦，聽講桑寄生對身體好有益，尤其對女性養生更有益。蓮子杏仁露（$36）呢到的杏仁露唔太甜，質地不會太稀。實在推介蓮子，入口即融。服務態度都係直話直說咁，如果放輕聲調多少少就更好。同埋上菜超快，應該一分鐘內就兩碗黎齊。其實份量唔算好多，隻碗好細。

原來哩間老字號好出名，慕名而嚟~糖水幾好味，起碼非常夠熱先。專食中式糖水都係食老舊風味，哩度當然俾倒哩份情懷。專做中式糖水又冇賣其他食品又其門如市算係奇葩，好在客多得嚟因為個個食完就走，流轉快等位唔駛好耐。價錢算中上，有機會嚟開西環會再試其他款式~桑寄生蓮子茶 - 食飽晚飯先嚟，所以冇要蛋。飲嚟清甜~合桃露 - 清甜合桃味，唔算太稠，可以。蛋糕 - 據聞又係出名之作。質感厚實頗喜歡，惟太甜，仲甜過糖水~哩個金屬托算係間鋪嘅特色吧。的確，啲糖水熱辣辣有咗佢方便傳遞。

在正街路面，德輔道西和皇後大道西之間。我是從地鐵西營盤站a1口進入皇後大道西，出地鐵口往右繼續行。最少兩個路口後才找到正街，轉右。走一會就看見了。舊式的糖水店鋪，基本沒有任何考究的裝修。出售的也是傳統的，桑寄生雞蛋，蓮子糖水，綠豆紅豆……在用餐高峰期，這裡是客滿的。大家在門外等位置。糖水基本都是准備好的，所以上桌的速度也很快。周轉也很快，不會等很久。每次到附近，必定過來。傳統，唔係咁多人可以堅持。

在港大讀PCLL的時候已經開始經常幫襯源記。這些小店現在已經買少見少。難得晚上駕車路過正街，便忍不住下車買了兩盒桑寄生蓮子蛋茶。 晚上九點多，店外的人挺多的，不過幾分鐘已經取到外賣的糖水。招牌的桑寄生蓮子蛋茶味道依舊，糖水有蓮子的清香，但最叫我痛快的還是裡面的蛋，應該浸了一些時間，都滲入了桑寄生蓮子茶的味道，咬下去已經打呼好味！價錢是貴了點，好像兩盒七十多元，但作為港大老鬼，青春的情懷又怎能輕易代替呢？哈哈。

源記的桑寄生蛋茶出名就係人都知~但我次次都行過的時候~都因為太飽而食唔到~今次就專登約埋友人突登去食~所以....終於食到喇！！一抬頭就見到甜品專家~感覺好霸氣呢!!聞名不如見面的桑寄生蛋茶呀!!!個茶好夠熱，而且唔會好甜~我就覺得重點係個蛋到喇~佢個蛋好好食~食落有D彈彈的感覺。好似食緊薑醋入面D蛋的感覺~食完之後成個人都有暖暖的感覺~一埸黎到~點會只係食桑寄生蛋茶，佢既合桃糊都好出名架~雖然佢望落好似唔係好稠咁，但係其實佢既合桃味好濃， 而且口感好滑，唔會食到有粒粒的感覺~又多一間要返轉頭食既糖水鋪喇~