源記甜品專家 (已結業)

係香港，傳統既中式甜品真係買少見少，整得好味既冇邊間。源記可以話係當中既表表者，好多時都會專登撘車黎食碗桑寄生蓮子茶。今次就帶朋友黎懐舊一返桑寄生蓮子茶- 食左超過十次仍然唔會悶。蓮子入口即溶、十分鬆化，完全冇苦澀味，仲食得淡淡既清香。桑寄生茶好甘甜清涼，夏天飲就最適合。係我既all time favourite 朋友叫左杏仁糊，質地好濃郁，即磨既杏仁好滑。本身都就叫雞蛋糕，不過太晚已經賣光。為有下次要早d去先食到

今日嚟到西環特登去試吓一間幾出名嘅中式甜品糖水舖。一入到去就感受到六七十年代嘅裝修， 非常有香港情懷。我就叫咗一碗桑寄生蛋茶冇蓮子，朋友就叫咗一碗杏仁露。（所有甜品都係熱食，無凍食嘅）我哋仲加咗一件有名嘅雞蛋糕。食物嘅味道我覺得係正路啦，唔覺得特別好食。價錢方面港島區嘅食物，佢收費大約係30幾蚊一碗。我覺得還可以接受啦。喺度食甜品我覺得中規中矩啦。冇話特別好食特別唔好食。聲稱好出名嘅雞蛋糕都同平時普通蛋糕仔都係差唔多啦

唔多熟識港島區既我，當然要由朋友帶路去搵食啦，呢日其實約左食晚飯，但由於其中一位友人要遲少少先到，咁我就同另一個友人係西營盤遊下圈先，原來正街果邊，即近街市果度有好多野食架喎！其實等多個幾鐘左右就齊人食晚飯，但同友人又有少少肚餓，又唔敢食多，因為仲要留肚食晚飯，友人就突然建議去飲碗糖水，正呀！又可以頂頂肚，又唔怕飽左食唔到晚飯。中式糖水都買少見少，特別要好食既真係唔多，友人今次介紹呢間，又幾正喎。裝修都好簡陋，都幾懷舊，但地方好整潔，呢日大概6點左右，冇咩人，都幾冷清。睇睇餐牌，嘩，港島區果然較高消費，成$40碗糖水，成日諗，糖水真係好好賺，水黎za Ma!友人話佢個桑寄生蛋茶好出色！咁我第一次試，就試下呢個啦！桑寄生雞蛋茶$34。 其實好細碗，但第一啖入口好香，其實我一直唔知到底桑寄生茶係用咩材料煲，但就都好鍾意佢既味，甜度都算識中。重點係隻雞蛋真係好好食！連蛋黃都入味到變左啡色，好似茶葉蛋，但有茶味，但又冇咸味。好得意！平時飲桑寄生蛋茶果隻雞蛋都只係一隻白色雞蛋，冇茶味。但呢隻真係好出色！蓮子雞蛋芝麻糊$38友人點左呢款，原因係同時滿足佢三個願望，蓮子、雞蛋、芝麻糊，不過隻雞蛋唔係

用咗一日嘅大腦，終於放工緊係要慰勞下自己，食個甜品。睇下附近有咩甜品店，揾到呢間賣中式甜品嘅糖水鋪。放工嚟食真係一個人都無，好似包場咁坐低無耐就有個伙計走嚟問我哋食咩，望落個menu啲嘢食好似差唔多，都係蓮子or 雞蛋搭其他中式糖水，就問佢有咩介紹，佢話桑寄蓮子雞蛋茶，聽落唔錯就叫咗。丨個茶聞落似肉茶骨好香，飲落竟然係板藍根嘅味點解點解嘅蓮子好淋而個蛋呢係重點！因為好有驚喜，諗住中式糖水嘅蛋都係甜嘅，小女子孤陋寡聞真係估唔到係鹵水蛋嚟嘅，少少咸還不錯，整體黎講不過不失。

本人比較老土, 最中意食超級娘糖水,然後極度愛綠豆沙, 所以1早就決定,今日去完西營盤游完水就衝去食!!唔知游嚟做嘜...4個人 ordered 4個糖水+ 2個雞蛋糕:-陳皮紅豆沙-香滑芝麻糊-陳皮綠豆沙 x2-全蛋雞蛋糕 x2陳皮紅豆沙: 偏甜而且紅豆味不足, 除左甜之外, 真係唔知有咩特別, 唯一好處就係起沙香滑芝麻糊: 同個名1樣, 芝麻味夠重而且真係好滑, 無1粒粒芝麻渣, 味道剛剛好,唔會太"傑"陳皮綠豆沙: 綠豆煲到熔哂, 所以起哂沙, 好有綠豆香味, 而且甜度剛好, 比紅豆沙好食得多, 唔會太稀太"傑", 出色之作全蛋雞蛋糕: 有蛋香味, 鬆較度高, 如果可以熱食, 應該會更加好食 同朋友1齊睇錯左"香雞蛋"同"全蛋雞蛋糕",之後1齊問左呢2樣有咩分別,然後個姐姐好似食左火藥咁話"你讀多次"...我都知我哋錯, 但係好似真係惡左少少嘅...價錢略貴, 服務態度好極有限!!

短暫搬黎西營盤 臨走前search下有咩想食見呢間食懷舊野但都ok多劣評就去試下open rice 食評既準確性😂😂😂早去食 有位叫左桑寄生蓮子雞蛋$38其實我第一次食所以都唔知好定唔好食味好香甜有食評語好淡 咁呢個就一定唔真我自好鐘意食合桃露但有食評話好希我又真係唔太想試有食評話蓮子好有咬口 我又唔太覺食未志於煲到林晒咁整體舒服同埋糖水一筆就係 所以快靚正平就唔平咖啦 但當松記都加到$3x食canned fruit 咁食下懷舊野好似開心d

而家開咗好多唔同類型嘅甜品鋪，賣D又中又西嘅甜品或者糖水，不過好多間都做得唔正宗，想食一D傳統嘅中式甜品真係越嚟越難搵。果次食完飯，咁啱經過西營盤呢間糖水舖，已經比佢個店名吸引，中式甜品專家？即刻引我就入咗去試。一行四人，分別叫咗四碗甜品，包括好難搵嘅桑寄生茶，紅豆蓮子蛋糖水，綠豆蓮子糖水，仲有芝麻糊。全部味道都好正宗，完全唔係D粉開而成既糖水，或者收$50幾蚊但Hea煮既甜品，我哋全部人都食得好滿足

一早plan好既晚上節目。喺上環食完晚飯，漫步+慢步去西環食懷舊糖水。經過上環街市，沿皇后大道西一直行，二十分鐘路程，剛好消化左晚餐，再戰糖水。八點到源記，無人龍，爽！根據兩次經驗，八點前到唔洗等位。上次食過馳名既桑寄生蓮子茶。桑寄生茶無澀味，好香，蓮子係我至愛，好鬆化，入口即溶。今次試杏仁露，都要有蓮子嗰款！杏仁露唔算特別，但蓮子鬆化搭夠！另媽子叫左舖頭出名既雞蛋糕，作為蛋糕泥講佢屬偏淡口味。中意清淡既女士們應該會like!

經友人介紹，食完晚飯就搭過黎食飯後甜品呢間老字號經歷時代的變遷仍然屹立不倒👍人流都比較多而座位不多，但翻枱速度都幾快呢到保留傳統，只有中式糖水同全部都係熱(不過冷氣都夠，飲完個人都唔會太熱)價錢上大部分都係30-40蚊，上價的糖水呢到必食推介--桑寄生蓮子蛋茶 $38 ⭐⭐⭐⭐味道不會太甜且帶甘，十分養生每粒蓮子都好大粒同有1×粒蓮子😜而且雞蛋都好入味糖水仍然用傳統碗，仲有隔熱的銀盤，而家比較少見👍芝麻糊 $26 ⭐⭐⭐入口都好滑，而且甜味唔係個種假糖味道且不太甜不過黑芝麻味唔係好重合桃糊 $36 ⭐⭐⭐入口個合桃都重同幾香滑👍而且不會好甜，淡淡的清甜味燉蛋 $34 ⭐⭐⭐雞蛋味都香滑，而且味道不太甜同埋唔知點解會有d薑味😂總括黎講: 一間不錯且較傳統的中式糖水重點係糖水都唔會太甜👍但價錢上的確比較貴少少，偶然食下都不錯

👉🏻桑寄生蓮子雞蛋茶💲37超甜超好飲💛💛💛💛💛飲完呢個絕對會令人愛上中式糖水😙佢勁多蓮子同勁大隻雞蛋😙全部都好入味好甜💕桑寄生有行氣活血、強壯筋骨、降血壓、潤膚之效，配合蓮子更有清心養神嘅作用😼又好飲又好補👍🏻😹〰〰〰〰〰〰〰〰〰〰👉🏻全雞蛋蛋糕💲8幾香蛋味 不過個texture粉左啲🤣唔算鬆軟🤔〰〰〰〰〰〰〰〰〰〰👉🏻香滑芝麻糊💲25 呢個普通啦🤔不過佢甜味適中👍🏻最驚就係一食就食得出佢落勁多糖漿嘅假甜味😹呢個芝麻糊係好滑但我覺得左啲 我中意結身啲

同best friend食完晚飯，覺得要食返個甜品先算完美，佢問我有無食過源記桑寄生蓮子蛋茶，我完全地黑人問號👱🏿‍♂️❓因為我連聽都未聽過😂 佢好大反應，話一定要帶我去食下，因為呢間係佢覺得全香港最好味既桑寄生蓮子蛋茶，而且對女性健康好好，好養生，聽佢講到咁好味，搞到我好期待🤩黎到源記，望到環境已經完全感覺到佢係一間老字號，但係地方好乾淨整齊。全間舖都係賣中式糖水，我地目標清晰，點左2碗桑寄生蓮子蛋茶，糖水用傳統湯碗，有懷舊既感覺。望落去好似中藥但係味道入口好甘香，甜度唔高(我最怕糖水整的太甜好似食緊砂糖咁😂)，一邊飲已經覺得自己彷彿好似健康左😆

又係食完一餐要加甜品既時候。有地頭蟲帶我去食甜品。去到門口己經知係中式甜品店。本來以為會有奶類野，其實係無既。至傳統莫過於燉蛋，但我今日唔想食。最終我叫左芝麻糊。芝麻糊黎到比平時既稀，有芝麻味，唔太甜但小左會食到人好飽既感覺。桑寄生茶普普通通。蓮子合桃露，首先唔係間間甜品店都有合桃露。呢間合桃露足料，蓮子全部去芯。呢間舖本身已經好耐歷史，碗亦用上「無壽無殭」既舊式碗。碗下面仲有一隻開口既鐵碟，方便大家享用一碗熱騰騰既甜品，而唔會熱到掂唔到隻碗。

桑寄生蓮子茶，大力推介！桑寄生功處亦對女性特別好，既補血，又滋陰。桑寄生不但能祛濕、降血壓、寧神安眠，更能調理月經。 源記是用上等的桑寄生製造糖水，桑寄生糖水顏色比一般的糖水舖較為深色，我最愛的是加有蓮子，蓮子粉粉的，入口特別，剛好中和了那點點的甜。源記還有其他中式糖水，比較之後，最愛的還是桑寄生蓮子茶。如果感到肚餓的話，他們還有清蛋糕可供選擇。

老字號，要排隊。桑寄生茶又杏汁是招牌，寫著有醫療作用。叫了桑寄生蓮子蛋茶，微甜，蓮子清幽，蛋非常有蛋香，好味。清蛋糕，$8，淡淡砂糖甜味，味道像紙包蛋糕，但不及紙包蛋糕輕盈。

蓮子綠豆湯，熬煮很透，一下子感覺溫補舒服。純正杏仁露不算甜，味道剛剛好，黏稠且醇香。不愧是百年老店即便是夏天，來一碗熱的飩甜水，都覺得好舒服。雞蛋糕鬆軟，也值得一試。