源記甜品專家 (已結業)

紅豆沙淡過紅豆水，招牌桑寄生冇味，個老闆仲要態度差趕客走，坐半個鐘都唔得，不如我畀完錢就走好冇，真係你食埋我嗰份，呢啲買正評嘅老字號，淨係識得水啲遊客，睇死openrice唔畀我post

去過一次,感覺好差未食完野會係咁問你仲要唔要啲野食又唔係平食完坐一陣都會係咁比人眼望望收銀個態度最差,唔知個廢老係唔係賭錢輸左搵人出氣呢種店靠賣傳統好似唔怕冇客咁,我睇都係叫埋朋友都唔好去食,比錢買難受

間鋪頭既甜品又唔係好食，點解樓面西口西面到咁？殺父仇人咁？得罪左你？一直眼火爆望住我地做咩？桑寄生茶係ok既，但我頂唔順樓面既西面好嗎？講真如果唔係附近冇咩其他選擇我唔會去依間咁既野！失望到一個點。比錢果時仲西，都唔知想點。其他甜品又唔係話特別好味，枱面又唔係乾淨，咁都叫百年老鋪？咁都算名店？下次同朋友去一定唔會去依間，我去食7-11都唔會再黎。另外最後一點既係，糖水又唔係平，賣到咁貴又要交氣，真係慘公。

假日到西環行下，特登黎試下呢間老字號糖水舖源記🙃🙃🙃睇下係咪真係咁好食！ 或者對佢太高期望，試完之後有d失望啦🤭叫左香滑芝麻糊同桑寄生蓮子蛋茶😶芝麻糊($26)個人鍾意(杰)嘅芝麻糊，呢碗有d稀，唔夠芝麻味，唔夠香😞😔同埋有d甜，講真有好多好食過佢...桑寄生蓮子蛋茶($38)味道一般，不過不失，甜甜地🤔🤔個人認為唔值呢個價錢😧😦普普通通，總括黎講係名大過實了。。下次有得選擇都未必會再黎吧⋯

食品一般，服務態度不佳，不會左去吃，吃到一肚氣，沒有下一次，點樣做生意太過份，食一碗甜品要比人鬧，我一定一定一定不會左去吃，好嬲爆，勁吾開心，比人問候老母，😡😡😡😡😡😡😡

好熱的下午，要出街辦事，心情當然不好。做完了，路經糖水舖，甜品是女人至愛，來碗桑寄生蓮子蛋茶，就是喜歡那甘澀的味道。炎炎夏日，好想找冰凍的東西消暑，最後選了這間，因為食家都推介。要熱的，要健康。桑寄生可祛濕，蓮子粉粉的，雞蛋黃配上甜糖水，好滋味。作為下午茶，份量剛剛好。

源記真係食左無數咁多次，基本上次次同朋友食完飯，都會去。我食得最多係芝麻糊同桑寄生茶，但係一定要加黑蛋。左上：桑寄生茶右上：核桃糊+黑蛋左下：芝麻糊+黑蛋右下：桑寄生蛋茶源記裡面我最鍾意就係芝麻糊，好滑好濃好香甜。之前帶外國既素食朋友去試，佢都好鍾意！無論你去源記叫咩食，都一定要加隻黑蛋，因為超級入味，連個蛋黃都變左色。食左咁多次，水準一直都keep到，源記必食！

上網睇糖水，有人話源記過百年歷史，又話糖水只係做熱嘅，難得去西環就順便試吓呢間百年老店。👅入到去鋪面望到舊式餐廳嘅設計，但係地方十分其理又乾淨。我就叫咗個芝麻糊，我女朋友就叫咗蓮子杏仁糊，芝麻糊食落十分之滑，亦都同出邊啲芝麻糊唔同。相對地冇咁甜顏色亦比較錢可能打磨嘅方法唔一樣易用嘅芝麻都不一樣。👀杏仁糊方面味道偏甜，十分濃郁，蓮子一咬就用溶。我哋亦叫咗個雞蛋糕個人覺得價錢適中，味道也是偏甜。

細細個住中區，長輩話呢個雞蛋糕唔好食，剛巧去西環食飯，晚飯過後再試下，真真正正「不聽老人言」。曾經看過報導話呢度既桑寄生蓮子蛋茶係全港最好味～說真的，真的不敢恭維呢！我自己都十分喜歡呢個甜品，食過大約十間甜品店的桑寄生蓮子蛋茶，源記可以話係最差的！十個客十個都會叫既：桑寄生蓮子蛋茶味道淡如水，份量很少，但很貴！蓮子好少少，都鬆化，多蓮子合桃露，繼續用上「萬壽無疆」碗～又係淡而無味係超市買包即沖合桃露都好味過佢！一場來到又食下「名人至愛：雞蛋糕」硬到呢！掉落地下都掉唔lan 兼擲地有聲！門口仲貼住張告示寫著「香滑雞蛋糕」唔係化！何來「滑」呀！至於「香」也不見得，又乾又鞋又冇蛋味～感覺像擺左幾日咁！

是日晚餐和友人到西營盤覓食，因為吃了一個’早’晚餐，吃完才七點半左右，天還未黑，便到附近逛逛。經過源記，因為時候尚早沒有人龍，便入內吃碗糖水滋潤滋潤一番。老牌糖水舖，老牌招呼，老版裝潢，樓面光猛乾淨俐落。我和友人各點了合桃露，杏仁露，另外一客雞蛋糕分享。合桃露和杏仁露都是真材實料，香濃幼滑。見大多客人都有點雞蛋糕，所以亦點了一件試試。蛋糕鬆軟但有點乾身有點硬，不過有淡淡蛋香，配糖水一起食，剛剛好。

9點鬆D去到前面排左約6個人。條隊消化得好快，等左約5分鐘就入座。一行四人叫左個鍋蛋杏仁茶、芝麻糊、桑寄生蓮子同雞蛋糕。坐得好舒服唔算得上，但係又未至於逼。依然保持食物質素同味道。由坐低到食完買單大約30分鐘。題外話，老伙計D記憶力同心算驚人，有D人叫外賣落完單，收銀唔洗5秒就直接up左個總數出黎。😆

見到網上呢間餐廳評價幾好 ，就去試吓。叫左一個桑寄生蓮子蛋茶，當時店內吵雜，都留意到佢d餐牌上有分桑寄生蓮子茶，桑寄生蓮子蛋茶，桑寄生蓮子雙蛋茶。桑寄生蓮子蛋茶比桑寄生蓮子茶多2文，落完單仲特登同服務員講係要蛋，服務員聽完話你落左咩就上咩咯，話比佢知我落左桑寄生蓮子蛋 希望你冇寫錯，轉個頭上黎都係冇蛋，同落單個服務員講左，佢即時黑面，跟住話要依家加蛋要+8文。食物質素一般，又偏貴，服務機差，以後都唔會再幫襯

已有好一陣子沒來源記甜品吃糖水，這晚在附近吃飯，飯後便順道來吃個甜品，替一頓豐盛的晚餐譜上完滿的句號。一踏入源記，發現它的店裝修過，燈光較以前光猛，座位亦比從前舒適，我們三人點了源記的招牌糖水：桑寄生蓮子蛋茶、合桃露、杏仁露。源記的傳統石磨甜湯，如合桃露和杏仁露，非常幼滑，但我個人比較喜歡粗幼交錯的口感。桑寄生蓮子蛋茶：用料足、味道有點像夏枯草，看看枱上對這茶的介紹，簡直是能除百病、靈丹妙藥。源記甜品歷史悠久，品質無容置疑，「一分錢 、一分貨」；但它的口味仍需與時俱進，時下香港人那麼注重健康，源記也許是時候調低它甜湯的甜度了！

其實食糖水都係想再見你地耐啲!食完正餐，點都要食埋糖水先肯散！好想食中式糖水！朋友帶左我嚟呢間好傳統嘅糖水鋪！叫左蓬子合桃露$38真係好傳統，隻碗都傳統過人！至於糖水味道幾好。蓬子煮得岩岩好，唔會太淋！但合桃露如果可以再糊啲就更好！其實$38 有啲貴🙈朋友叫左桑寄生茶$26 蓮子雞蛋芝麻糊$38

老字號糖水舖源記大家應該都唔陌生。它也是我媽媽的最愛，每次出街食飯一定會想食番碗蛋茶。今次我都心思思，想飲番碗清潤一下。叫了蓮子蛋茶，還是那個熟悉的味道，不過雞蛋好像沒有原來那麼好吃，沒有那麼入味而且口感也不夠好。難道是因為裝修過後退步了嗎？