源記甜品專家 (已結業)

一早plan好既晚上節目。喺上環食完晚飯，漫步+慢步去西環食懷舊糖水。經過上環街市，沿皇后大道西一直行，二十分鐘路程，剛好消化左晚餐，再戰糖水。八點到源記，無人龍，爽！根據兩次經驗，八點前到唔洗等位。上次食過馳名既桑寄生蓮子茶。桑寄生茶無澀味，好香，蓮子係我至愛，好鬆化，入口即溶。今次試杏仁露，都要有蓮子嗰款！杏仁露唔算特別，但蓮子鬆化搭夠！另媽子叫左舖頭出名既雞蛋糕，作為蛋糕泥講佢屬偏淡口味。中意清淡既女士們應該會like!