源記甜品專家 (已結業)

今天和朋友在西環吃晚飯，吃完以後突然想起來很久沒來源記了。之前頻密地在西環吃飯，所以很常來，現在有點掛念，所以就算吃飽了，還是來一趟。芝麻糊+黑蛋（$35）黑蛋是源記必點，煮得炒入味，連蛋黃都是咖啡色的，蛋白就更不用說了。芝麻糊感覺比我之前來吃的時候稀了一點點，還依然很滑，香味也夠，甜度適中。我兩位朋友都點了舊桑寄生茶，兩個挑食的人都一致的不吃蛋。這裡的桑寄生茶味道偏甜，不太草茶，據說對女孩子很有益處。

食完薯條漢堡包之後都冇覺得口渴，不過我知道西環有一間好出名的甜品舖， 就去睇下佢閂咗舖未啦! 如果未，就去食糖水潤一潤。果然未閂舖呀! 入到去都係得兩個人，坐低望一望檯面上面的餐牌， 款式唔係好多，只係一啲 平時食到的糖水加蛋或蓮子。最出名的桑寄生蓮子蛋茶， 我哋只係叫咗淨水， 同埋一個合桃露。桑寄生茶，茶好香，味道好濃， 食完覺得好滋潤。合桃露有一啲一粒粒， 有好香的合桃味，好滑，味道亦都唔會過甜。我聽到有人講雞蛋糕好出名， 不過我唔係太欣賞， 所以冇叫。

對上一次食係外賣，唔知係咪當時一次過買得太多，佢又錯單，外賣又細碗，大家都得一個感覺…不外如是！如果以咁嘅價錢，我覺得係差添！不過今日見有時間，坐低比多次機會，因為突然好想食桑寄生蓮子蛋茶，好在堂食係絕對ok，好味道！但當然都係貴，超細碗$39臨走又見到佢（鷄蛋糕），所以再買多兩件鷄蛋糕走人，我只不過係隔左幾個鐘食啫。。。嘩！嚇親，鞋到畢生難忘😅😅點解會咁嘅，就算隔夜馬拉糕都唔會咁嫁🤔🤔🤔

食桑寄生蓮子蛋茶，一定係黎源記！冇理由唔黎源記！全香港最好味嘅桑寄生蓮子蛋茶一定係呢度！唔係賣廣告，桑寄生完全冇苦澀味，蓮子好甜，蛋亦浸到轉左色！雞蛋糕亦同樣出色！香濃蛋味、傳統感覺！

男朋友知我鐘意飲桑寄生茶，今日食飽飯就帶咗我嚟源記呢間老字號糖水鋪一嚐中式傳統風味。九點幾嚟到，入座率依然高企，好彩咁啱有2人枱埋單，可以俾我地坐。我地叫咗一個桑寄生蛋茶，一個桑寄生蓮子茶share食。桑寄生蛋茶熱辣辣上枱，已經聞到好香濃嘅桑寄生味道，但又唔會過重藥材味，有少少甘得嚟一啲都唔澀。甜度亦都剛剛好。隻黑蛋真係好正好好味，入味到連蛋黃都變咗色，決定下次要叫雙蛋茶先得。桑寄生蓮子茶糖水底好清，蓮子鬆化，份量仲好足添。

秋風起 天氣涼的時候食碗熱騰騰的糖水簡直為一頓晚餐作完美的結束😋感覺上西環o既糖水舖選擇並唔多, 好自然你就會諗起呢間老字號中式糖水店今晚九點來到唔駛等住, 點左杏仁露同合桃露試試店舖雖小但光猛企理, 碗碟亦保持傳統o既感覺糖水本身質感不算濃厚,而且不會太甜,令人食完都不會有太膩滯o既感覺,但有佢應有o既味道,唔似有d糖水舖真係得個甜字, 多人光顧一定有佢o既原因進食中途眼見叫外賣的人不斷, 有的買兩碗有的買四碗都是桑寄雙蛋蓮子茶, 這麼熱捧, 下次要試下！

夜晚食完飯, 仲有下埸附近有間悠久的中式糖水店之前聽說呢間糖水鋪好出各好多明星都幫襯過呢度的糖水好傳統我們一人一碗糖水叫了個桑寄生蓮子茶朋友們叫了杏仁蓮子露同埋核桃蓮子露因為加蓮子有些野咬下D蓮子煲得好淋好味桑寄生荼都是第一次食以前未食過, 話好有益對身體好的糖水當然要試下啦入口唔錯，好好杏仁露同核桃露望落都唔稀朋友說好吃下次都要試試先😊

今日經過西環，見到一間好傳統的中式甜品店，由於港島裡比較少這一類中式傳統甜品店，及有聽過朋友們的介紹，所以決定走進去試一試。店內有不少遊客。好彩地不用排隊等位，否則烈日當空下排隊會很辛苦。在店員推介下，試了桑寄生雞蛋茶。第一次食這個甜品。味道是不錯的，聽說對身體有益。但個人覺得價錢比較貴了一點，差不多要40元一碗。店內衛生不錯。店員服務也很友善。但由於店面面積比較細，食完後也不好意思留下坐多一會兒。相信試食過一次之後都應該不會再食了。

之前食過一次，已經印象麻麻，今次經過好口渴先至入下去食真係唔會再有下次！芝麻糊稀到呢...完全唔好食！仲要好淡！30幾蚊碗勁細碗仲要唔好食個蛋糕見到都冇胃口，又乾又硬，同介紹完全不相乎，點樣又香又滑呀？！桑寄生蓮子蛋茶普通到冇得再普通，又細碗又貴仲話老字號。。。又貴又難食都算，仲要態度勁差，成日想趕人走，企係你旁邊望住你食冇野呀！？我岩岩食完粒蓮子即刻收走個碗，驚死你霸住個位！食完埋單多謝都冇聲，點做生意呀？！仲話自己甜品專家求其一間都好食過呢間啦！

其實我嚟咗呢度咁多年通常都係食我嘅至愛石磨 芝麻糊雖然我最近唔食甜嘢但係朋友抽筋上嚟想食甜品老實講我真係諗唔到第二度值得我再浪費我嘅quota佢嘅芝麻糊真係好滑今日係多人嚟 所以試埋佢個杏仁霜真係好creamy好似泡沫一樣芝麻糊亦都好滑唔知係咪我口味改變咗我就覺得佢今次甜咗啲佢嘅蛋糕亦都好似以前一樣咁好食勁鬆化佢個桑寄生蓮子茶真係一流連埋熟路嘅的士司機都讚佢全港最好不過佢話佢嘅紅豆沙綠豆沙就冇以前咁好

好難食今日食評：西營盤源記🤮🤮🤮🤮完全不行、勾芡的糖水、蔡瀾沒良心的介紹、乾巴巴的蛋糕（跟吃紙巾有得比😑）吃完後落下兩行不甘心的淚😭😭😭😭😭😭

係西環食完飯，行行下又有d口痕，咁岩黎到正街，又咁岩望到門口好吸引既雞蛋糕望住個餐牌呆左幾分鐘，樣樣都想食，但唔知叫邊樣先好，最後決定叫2碗: 合桃露+杏仁露合桃露呢樣平時好少見，好香好濃，磨得好滑，食落口唔會粉同水分開，落足料去磨呢一碗杏仁露相比之下，就冇合桃露咁濃味，但就有佢獨特既清甜，相同之處就係佢都係好滑好滑再叫埋門口就見到既雞蛋糕，呢一件蛋糕仔，真係唔好睇小佢，望落淺色，但唔會係空氣蛋糕，佢落足料，有好香既雞蛋味食完上網search反，原來呢間糖水，係老字號，1885年就開舖，果然做到今時今日，唔係流既

一間虛有其名的老牌糖水店。已經很多年無去幫襯，今天和一班朋友路過，即管試試，叫了蓮子綠豆沙，合桃露，杏仁糊。你從來無諗過綠豆沙裡面居然無一粒綠豆，莫講話陳皮，臭草。只係見到一碗綠色既糖水，入面有幾粒蓮子，合桃露同杏行糊就好似用礶頭既面粉開水一樣，全無味道。之外我地仲叫左所謂鎮店之寶既全旦糕，簡直不知所謂，旦糕全無旦味不單止，而且又不鬆化，餵狗都未必肯食，所謂老牌甜品店簡直衰過酒樓送既糖水，但價錢又貴，要三十幾蚊一碗，從來未試過有咁差既經驗，一間絕無良心既店家

有一陣子無嚟過啦！今日喺附近食完晚飯朋友話不如去老子號食個甜品先走。發現它的店裝修過，燈光比以前光猛，座位亦比從前舒適，價格當然也比起之前調升了啦！每次來一定叫招牌桑寄生蓮子蛋茶，但今天朋友叫了，所以就試下滋陰潤肺嘅養顏糖水～「石磨杏仁露」，侍應姐姐都大讚好味要必食。白雪雪純正杏仁露真的很幼滑，杏仁味非常清香，甜度適中，非常潤喉。吃完了一整碗也不覺膩呢！呢度嘅雞蛋糕都係必要之選，好有雞蛋香，冇多餘嘅添加劑。但係今日實在太飽啦，所以就冇叫到，只單買一件外賣回家給媽媽吃。

周末在上環和西環一帶閒逛，因為成日見到好多人介紹好多特別小店～所以趁天氣好就來看一看～記得上次有星加坡朋友來香港極力推薦食呢間糖水，話係老字號同埋非常好食～身為香港人嘅我自愧不如....點解從來都唔知道有呢間糖水舖嘅呢？上次和朋友來，佢覺得好食到要食2轉桑寄生蛋茶～自問對桑寄生蛋茶唔係太有fantasy，所以今次都係叫返個熱辣辣嘅芝麻糊嚟食～由於係中午時份所以人唔多，唔駛等位二個人都可以佔一張卡位嘅枱～芝麻糊食得出係生磨嘅唔係平時有啲糖水鋪果啲加水開～好香芝麻味，同時帶有少少苦味，可能因為係自己生炒芝麻～不過唔太甜都好！唔會話好似飲咗好多糖落肚咁～男友點咗合桃糊加蛋，我覺得好搞笑點解糖水可以加蛋嘅但係二者一起又無違和感！好神奇～2個糖水都食到我哋非常滿足～然後我仲買多2件全蛋雞蛋糕返屋企做宵夜個包裝都好懷舊！個蛋糕好清甜～都幾鬆化～有少少啲鬆糕咁～如果有機會可以試到熱辣辣嘅蛋糕就好喇！