源記甜品專家 (已結業)

又係食完一餐要加甜品既時候。有地頭蟲帶我去食甜品。去到門口己經知係中式甜品店。本來以為會有奶類野，其實係無既。至傳統莫過於燉蛋，但我今日唔想食。最終我叫左芝麻糊。芝麻糊黎到比平時既稀，有芝麻味，唔太甜但小左會食到人好飽既感覺。桑寄生茶普普通通。蓮子合桃露，首先唔係間間甜品店都有合桃露。呢間合桃露足料，蓮子全部去芯。呢間舖本身已經好耐歷史，碗亦用上「無壽無殭」既舊式碗。碗下面仲有一隻開口既鐵碟，方便大家享用一碗熱騰騰既甜品，而唔會熱到掂唔到隻碗。