湯•米 (已結業)

朋友新屋將入伙，要我幫忙處理一些裝修設計問題。處理過後，朋友做東請食晚飯，選了台式火煱-湯·米。店子裝修簡潔，但由於食客多，店員雖然處事勤快，但亦有點應接不睱感覺。二人點了香辣牛肉煱及藥膳豚肉煱，飲品則點了滿杯紅柚子及滿杯菠蘿。每人一煱好處是較衞生，自己亦可食得豪放些。自己叫的豚肉煱份量大，豚肉份量可以，蔬菜份量多，每煱可免費添加飯或粉絲。這煱湯底味道不會過鹹，剛剛好。整體來說，這煱肉及菜的比例，來得較健康。值得一提，這店用的鼓油帶甜，啱自己口味。另自己叫的滿杯菠蘿飲品份量大，味道清甜解渴。聽朋友説，她叫的香辣牛肉煱亦不錯。埋單每人約$130元，價錢合理。

今日天氣又濕又冷，令我下定決心，要打個靚邊爐，仲要又辣又重口味果種，有助身體排毒，識食既我梗係要去到湯米打返個冬陰公邊爐同王牌臭臭邊爐，點解？好簡單，價格合理，料足，味好，就係我既criteria，this is so simple but always useful for us. 係喎，仲有我鍾意既台灣風。入到間店，環境算係舒適，背景音樂多數係周董既歌，呢點我個人覺得值得加分。一開始係食臭豆腐，雖然唔係炸到好似旺角街邊果種， 但係食落去有豆香，另有一番風咪，值得一試！值得recommended係個冬陰公火鍋，我一而再，再而三咁用匙羹飲佢既湯，辣中帶酸，酸中帶香蝦味，香蝦味中帶檸檬葉味，檸檬葉咪中又帶海鮮味，海鮮味又帶芝麻咪，香香濃濃，飲多幾啖暖肚先。

最近天氣突然凍返，所以想食返暖野，暖一暖個胃。我地點咗一客Share，仲追加咗火鍋料、小食咁。除咗枱面既豉油外，店家仲提供其他醬汁，薑蓉、辣椒粉等等。我地點咗一客藥膳豚肉火鍋，上枱時已經聞到好香藥材味，個湯底仲有杞子、黑木耳等等，真係好養生呀！鍋入面有好料，有南瓜片、薯仔、細粟米、豆腐、冬菇等等，用料好豐富。我地仲追加咗娃娃菜、蝦同青口、仲有白飯。其實鍋原本都有送白飯既，但因為我地驚唔夠飽，所以加$17蚊，多一個白飯。唔係講笑，呢碗白飯份量超多，兩個人都一定夠。之後，我地仲追加咗台灣小香腸，香腸外皮脆脆地，好有台灣風味。食台灣野，又點可以少珍珠奶茶呢？我地點咗杯宇治鮮奶抺茶，加$3有珍珠。由於係用鮮奶整成，所以飲品入口好順滑。我點咗半糖，所以整體而言，唔會太甜，而且仲飲到微苦既抺茶味，好啱我口味。除外，仲點咗杯滿杯紅柚子，好有西柚味，非常清爽。店家飲品份量好大杯，勁抵飲呀。店家仲有其他鍋，下次要再試下其他鍋呢。

今天晚上，下班後忽然想起在台灣曾吃過臭臭鍋，剛好下午找到這間位於將軍澳地鐵站___帝景灣商場一樓的<湯米>台式鍋物專門店。餐廳的門口是落地玻璃設計，環境寬敞，由二人枱和四人枱組成，更有電視睇🥰🥰這裏有不同款式的熱湯鍋物，一人一鍋夠晒方便，一來我可以試一試他們的招牌臭臭鍋，而同行的朋友則選擇沙茶牛肉鍋。每個熱湯都會附送白飯或粉絲和自選辣度級別，而不能食辣的我，臭臭鍋亦可以選擇不辣，太好了！招牌臭臭鍋上枱的時候，就可以聞到陣陣臭豆腐的味道，鍋裏的配料很多，首先先吃大大塊的牛肉，牛肉肉質鮮嫩，之後再食鴨血和米血糕，待湯底把臭豆腐完全浸透時，就是吃臭豆腐的時候，然後再吃不同種類的蔬菜，包括雲耳、金針菇、娃娃菜、椰菜、鮮冬菇、豆腐、粟米、炸支竹，另外還有鵪鶉蛋、貢肉、蛤蜊和鳴門卷，炸魚皮等，由於炸魚皮實在太好食所以我們追加了一份炸魚皮和炸薯仔，最後才將粉絲煮熟，讓粉絲吸盡湯底精華而追加的炸魚皮、炸薯仔的分量亦夠多，魚皮非常脆口最後不得不讚的是他們的奶蓋茶系列，膠杯上緊人有心型圖案，少女心十足，更試了期間限定的芝士茶茶八號，奶蓋非常濃厚，飲完仲想飲多杯

前排嚟咗將軍澳整身分證，順便喺度食個晚飯先返屋企，唔知食咩好見到有台式臭臭鍋就試吓啦。勁鍾意飲台式飲品嘅我即刻叫咗杯滿林柚子，朋友叫咗杯滿杯百香果。當然唔可以同出邊嘅手搖飲品比較，不過以餐廳來講，都算係唔錯超香嘅百香果味。一人一鍋方面我就揀咗酸菜魚鍋，平時見到出邊嘅一人一鍋大多數都係牛肉火鍋啊咖喱火鍋比較少見到有酸菜魚。估唔到酸菜魚又幾好食，本身我個人都好鍾意食酸菜，湯底酸酸地煮埋啲配料配埋飯超正。魚方面都有唔少魚肉不過就有少少骨但係可以接受嘅滿杯柚子

同事已離職一段日子，但一直都沒有時間和她farewell，真的不好意思，所以趁復活節假期聚一聚，吃頓歡送晚餐。同事見今日天氣涼涼地，就在她屋企附近找了一間火鍋店，一人一鍋也是不錯的選擇。店子以白色為主調，裝潢簡約平實，感覺舒服。設有兩排泊牆的長椅配二至四人枱，中間有張大長枱，座位不多，但位置之間有一定距離，坐得舒適。除了有九款一人鍋套餐外，還有很多加點食材、幾款小食和飲品，而套餐是鍋配飯或粉絲。****************************九款鍋中只有一款魚，唔駛諗啦！就要巴蜀烤魚鍋 Grilled Fish Hot Soup($98)小辣。一上枱見到紅通通，鍋面一層紅油，而一滾起便聞到陣陣香辣，未食就覺得好火辣，有點擔心添....鍋料相當豐富，數數看，有十五款，包括有娃娃菜、椰菜、雲耳、鮮冬菇、粟米、豆腐、豆角、金針菇、南瓜、炸枝竹、鵪鶉蛋、蛤蜊、鳴門卷和香菜，各食材都越滾越入味，越滾越火辣。湯身略為油了一點，雖然已是小辣，但對我而言都幾火辣.....喜歡加了大量芝麻，既香辣惹味亦帶點甘香，不錯！烤魚都幾有份量，經香煎而帶焦香，且皮滑肉嫩，不錯！眾蔬菜菇菌都很爽嫩；粉絲滑嘟

週末來到將軍澳朋友家中聚會，朋友推介此間以「一人一煲」著名的餐廳，於是便來一試。就座後先點了鹽酥雞扒。份量相當多，足夠2-3人分享。雞扒外皮香脆，雞肉多汁嫩滑，調味亦足夠，惟略嫌有點過於油膩。而鍋物則點了沙茶牛肉鍋及日式味增鍋。前者包括牛肉、牛肉丸、炸魚皮及蜆等材料，湯底鹹香惹味。而後者則包括豚肉、雞蛋、豆腐及冬菇等材料，但湯底略嫌有點不夠味。飲品則點了芝士奶蓋茶茶八號加珍珠，店員介紹此茶飲是他們餐廳以數款茶葉調製而成的。奶蓋豐盈，茶味帶回甘，是不錯的選擇。

今日同best friend 去食飯，啱啱落完雨，天氣有點涼，我地就決定打邊爐❤係將軍澳新開左好多餐廳，我地見到呢間d鍋好吸引，所以決定試試呢種台式邊爐👍我地叫左個沙茶牛肉鍋，配料已經多到數唔曬：牛肉、牛丸、娃娃菜、椰菜、雲耳、炸薯仔、魚皮⋯⋯👏👏湯底好濃郁，鋪滿香口嘅芝麻，🤤我地另外仲加多一份牛肉同炸薯仔。牛肉質素唔錯，重點係$34一份有咁多好抵食！🤙🏻另外我地叫的涼拌小黃瓜$29，同樣大大份，👍👍而且酸爽好開胃好fresh，打邊爐啱曬喇最喜歡的事台式滷肉飯，滷肉唔算太肥，有好多香菇，滷肉飯嘅醬汁撈飯一流，呢個飯真系超驚喜！🥳😍另外點少得台式飲品，估佢唔到呢度嘅飲品仲出色過主食！🤩呢杯芝士茶芝士茶做得出色過好多飲品舖，芝士鹹香不膩，茶底清香少甘，真系夏天必飲呀😍😍總論而言我同朋友都覺得唔錯，下次會再黎！

今日去咗帝景灣探朋友，順便喺佢屋企樓下商場一齊食埋飯，朋友話好想食台灣臭臭鍋，所以就喺呢到開飯啦！我就叫咗個酸菜魚烤魚鍋 $98 ， 本身唔係太食得辣嘅我叫咗小辣，估唔到個酸菜魚唔錯，湯底酸酸地辣辣地好開胃，魚肉$98來講都算係咁，好大一舊，份量超級足夠。另外食火鍋點可以唔叫嘢飲呢，我就叫咗一杯百香果水果茶，百香果唔會太甜，好香嘅百香果味，用黎食火鍋解膩最啱㗎啦。一個人大概$120左右，晚餐來講都算好抵食，除咗火鍋之外仲配埋飯一碗，如果唔想食白飯嘅話，都可以免費改做粉絲。

呢幾日放假，就同爸爸去將軍澳撐枱腳。聽聞這間台式火鍋店有很多種類的湯底和分量很多，啱晒大食嘅爸爸💁🏻‍♀七點半來到，已經需要等位，而且越夜越多人！——————————🔹招牌臭臭鍋 (小辣) 配粉絲 $96 本身就很喜歡吃臭豆腐，這個臭臭鍋就啱晒我，一上菜就聞到很濃的臭豆腐味☺裏面還有很多不同的配料，很豐富～最喜歡的是牛肉，每鍋大概有六七片，牛肉肥瘦比例均勻，配上濃郁和辣辣的湯底，很惹味😘粉絲充分吸收了湯底的精華，越食越滋味！🔸沙茶牛肉鍋 $94 （+$12轉做滷肉飯)由於爸爸唔食得辣，所以叫咗個沙茶牛肉鍋。分量同樣很多，聞起來有陣陣的沙嗲味，但是相比之下臭臭鍋較濃郁～爸爸想食得飽啲，就叫咗個滷肉飯，滷肉很香，但整體沒有太多肥肉，夠健康👍🏼🔹招牌芝士茶茶八號 $34本身對飲品沒有太多期待，但這個芝士奶蓋真是超乎預期！好濃郁芝士味，份量非常多，飲到最後還有！配上淡淡的茶，不錯👍🏼👍🏼🔸芋香珍珠奶茶  $26這裏的飲品都很大杯，珍珠份量很多，煙韌彈牙，飲下去有淡淡的芋香味和奶味，好喝👍🏼

呢間餐廳叫湯米，聽完個名以為係食湯米線嘅，點知原來係台灣人主理嘅火鍋餐廳我哋叫咗兩個鍋加啲小食，嘢飲點完餐之後，店員就捧上一堆醬汁，包括有蒜蓉油，豆瓣醬，辣椒粉同沙茶醬，最後仲有豉油溝完醬汁已經覺得好重麻油香，啲香料味道都好地道嘢飲嚟先，係芝士綠妍芝士奶蓋好厚，下面嘅茶好清甜，兩者配搭清新唔膩，好高質奶蓋上面仲有啲綠茶粉，望落好靚啱晒打卡而且個杯好大，可以一路飲一路打邊爐新出嘅menu上面有新嘅小食：椒鹽冬菇金針菇好特別所以試下金針菇同冬菇各有三件，，外面有炸粉同椒鹽調味，味道足而且濃入面幾特別，加咗木薯粉嘅粉漿，炸出嚟呈透明狀，令本身爽口嘅菇增加咗一層煙韌先嚟嘅係臭臭鍋，名乎其實，連湯底都係充滿臭豆腐嘅香味，而且有香菜芫茜，真係無臭不歡加配嘅滷肉飯有好多滷汁，味道濃郁可口，又有香菇，好有台灣風味香辣牛肉鍋有好多炒香咗嘅白芝麻同辣油，雖然叫咗小辣，但係辣度適中，拍得上譚仔嘅三小辣牛肉鍋有足足5-6片厚切牛肉，因為佢啲牛肉係預先放係鍋中，厚切反而令佢哋冇咁易老，冇咁易熟透加上韭菜，芽菜，花椰菜，腐皮，嫩豆腐，冬菇，花蛤等等嘅材料，令成鍋湯好有層次，味道好香又豐富平日嚟講呢度都算多人食，而

最開心就係係呢個季節有邊爐打，位於將軍澳這間湯米有得打邊爐，而且價格相宜，如果兩人去食，一人一個爐，真係幾過癮架。點左個牛肉麻辣火鍋同一個泡菜火鍋，兩個都各有特色，蔬菜既種類都好豐富，好適合追求健康既食客，有得比你簡要碗飯定係粉絲，鐘意飽足感既我梗係要飯喇。另外，另我印象最深刻既係湯米既優質凍飲，熱情果同西柚味都係下火既最佳選擇，加上靚靚既膠杯裝載，令我覺得特別好飲。最後埋單都唔洗三舊水，認真抵食。

天氣有點涼，又下著毛毛細雨，近近地去吃個一人台式火鍋。火鍋有不少款式，有數款可選不同的辣度。因為小女生不吃辣,所以點了沙茶牛肉鍋走辣。 點了火鍋後，侍應就拿來調味架，調味料有沙茶醬，辣醬 ，蒜蓉，辣粉， 雖然只得四款， 不過其實已經相當足夠 ，我要了點蒜蓉及沙茶醬 來調味 。火鍋跟粉絲或白飯 ，我們加了12元升級為肉燥飯 。沙茶牛肉火鍋 ， 牛肉份量得不少， 牛肉的油脂分佈平均，湯底非常濃郁很惹味。 那裏有很多蔬菜 感覺吃得較健康。 吃火鍋又怎少得炸魚皮這火鍋配料？ 大大碟的，份量不少，而且十分香脆 ！台式小香腸是我們最喜愛的食物，肥瘦適中，甜甜的 ,而且軟硬適中。台式小香腸 $29炸魚皮 $29這裡還有台式飲料 ，小女生點了荔枝紅玉加珍珠， 珍珠軟糯，茶又香又濃。 而我揀的是芝士奶蓋八號茶，芝士奶蓋可選低脂， 奶蓋很香滑，八號茶是幾種茶加埋一齊， 選了微糖 ，甜到就是剛好，又是大大杯的，不怕不夠喝。$34$27（珍珠+$3）一人一爐火鍋，加一杯台式茶，不會吃得過飽， 食得也健康， openrice訂座有六折 ，相當抵吃！

朋友說將軍澳很方便，住宅、商場臨立餐廳也很多，基本上所有東西都一應俱全。 朋友提意hot pot, 帶我到帝景灣有一人一火鍋的《湯•米》，靠近將軍澳地鐵B1出口再步行5分鐘 晚膳其間，看到很多街坊，看似較服務街坊。 有台式火鍋作為賣點，湯底比外面的選擇較多 ！而職員推介了招牌臭臭、咖哩奶蓋鍋、巴蜀烤魚、藥膳鍋 較為多人點選。 最後選擇了不辣的藥膳豚肉鍋 HKD 91 配 公仔麵材料整齊地鋪在鍋內，別看少細細鍋，原來有很多材料包括豚肉、紅棗、枸杞及蔬菜類～～ 藥膳湯底濃濃的，我先喝半碗，味道足夠！ 鍋底下邊滾邊煲，食物熱辣辣！ 豚肉仍是紅卜卜有𡁻口，有小小脂肪釋出油香。 同時也有很多蔬菜（娃娃菜、椰菜、金針菇、豆腐、豆角、栗米），已是半熟狀態所以滾一陣子便可起筷了！ 配合湯真是不得了 — 是個養生之選！ 芋香珍珠奶茶HKD 26 是高身杯裝，珍珠彈牙易咬，奶茶及牛奶比例還好，不會偏向一方。

今日同朋友去咗湯米呢一間餐廳食火鍋，一入到去見到環境都算開揚，枱放得唔會太逼，坐落去都幾舒服。呢間餐廳嘅主題特色呢就係招牌臭臭鍋 $96。我地都叫左一鍋嚟試，雖然聞起上嚟係有少少臭，但食落鮮味十足，因為材料十分豐富，包括有鮮嫩又大塊的肥牛， 鵪鶉蛋，蜆及配菜，極具臭臭鍋應有的特色。湯底方面，我地可以選擇唔同的辣度，我地覺得小辣的辣度是一般人可以接受的。另外我們仲叫了香辣牛肉鍋$94，材料同臭鍋差不多，但係冇聞上去臭既味道。湯底方面我地選擇了中辣，辣度和麻度足夠，鍾意食辣既會覺得很爽。除左火鍋外我地仲叫了一款小食，就係鹽酥炸雞$40，炸雞外脆內嫩，外層嘅芝麻味十分之香， 裏面充滿了肉汁，令我地十分驚喜。最後呢間餐廳竟然有提供芝士茗茶，我地叫了芝士四季春$33，味道同深圳開嘅喜茶十分相似，芝士奶蓋嘅分量和芝士嘅濃香比喜茶更勝一籌，唔錯唔錯。其他相片：