157
10
12
港鐵將軍澳站 B1 出口, 步行約5分鐘 繼續閱讀
電話號碼
27808210
開飯介紹
湯·米主打台式臭臭鍋,還有巴蜀烤魚鍋,沙茶牛肉鍋更是不少人都會選擇的菜式。而且有各種台式手調飲品供選擇,感覺置身台灣。 繼續閱讀
營業時間
今日營業
11:30 - 16:00
18:00 - 22:30
星期一至日
11:30 - 16:00
18:00 - 22:30
*最後下單時間: 21:15
付款方式
AlipayHK 支付寶 現金 OpenRice Pay
其他資料
網上訂座
餐廳運作模式 - B類
電話訂座
賞訂座積分
外賣服務
電視播放
當面支付
有關獎賞計劃
食評 (213)
等級4 2021-06-24
2768 瀏覽
都咪話天氣唔會影響用餐選擇,呢輪係咁狂風暴雨,晚上氣溫明顯跌返落二字中,令我想食個火鍋,不期然諗起呢間舖餐牌上提供8款湯鍋,有辣有唔辣,送白飯/粉絲,另新加酸菜魚鍋 (呢期火紅之物),全部唔過一百蚊首先出場係韓國泡菜鍋 ($98),原爐上,材料之滿形成一個小山丘材料超級豐富: 包括豚肉,韓國泡菜,娃娃菜,金針菇,鮮冬菇,豆腐,香腸,粟米,薯仔片,炸枝竹,餃子,年糕,鳴門卷,仲有紅薯粉及半個公仔麵豚肉片數量多,用黎點醬油加蒜泥,滋味滿分,鍾意嘅可以用肉片包住白飯再一口食,靈感當然來自韓國飲食節目啦..........哇哈哈!個湯底愈滾就愈濃泡菜味道,用黎淥公仔麵就絶配,即使好飽都食得落!再黎日式味增鍋 ($96),都係一個食物山丘材料包括: 豚肉,鷄蛋,娃娃菜,金針菇,豬皮,鮮冬菇,豆腐,粟米,薯仔片,炸枝竹,餃子,蟹柳,鳴門卷,亦有紅薯粉!  湯底帶有味增味道,唔算太濃,同食材都夾到,好岩用黎送飯!呢次黎個日韓紅白鍋大對決...............結果.........打成平手!見到除左鍋鍋外,仲有一系列台灣鹽酥小食推介呢客鹽酥臭豆腐 ($42),一客八舊整齊排列,灑上調味粉及香蔥有甜辣醬伴食,入口外皮香口,無半點油膩感,內裏豆腐散發住陣陣臭豆腐獨特香味,食先感受到,咁就唔怕影響到隔離枱客人!有鍋鍋點可以無凍飲?!  呢度提供台式手調飲品,左邊係荔枝紅玉 ($28),滿滿荔枝香甜味,又飲到紅茶味; 右邊係純茶王8號 ($30),茶味香帶點微甜味,解渴之選,份量足夠成餐飲用,抵飲呀!今晚呢餐超級滿足,仲有儲印章咭送,下次幫襯可以扣減$20,正! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-07
1653 瀏覽
帝景灣商場雖然位近將軍澳海旁,但位置比較吊腳,整個商場最旺應該是地下的智能身份証換領中心。商場二樓有好幾間食肆,扶手電梯一上即見到湯•米。湯•米裝潢簡約柔和,供應多款台式一人火鍋,飲品另外單點。火鍋款式頗多,有招牌臭臭鍋、巴蜀烤魚鍋、沙茶牛肉鍋及泰式海鮮鍋等,可以自選辣度。沙茶牛肉鍋沙茶牛肉鍋包含牛肉、娃娃菜、雲耳、金菇、鮮冬菇、豆腐、粟米、炸枝竹及鳴門卷,友人選了中辣,滾起之後沙茶醬香氣撲鼻,加入粉絲及公仔麵後更加吸滿沙茶湯精華。藥膳豚肉鍋自己則選了藥膳豚肉鍋,鍋內有十片八片豚肉,配菜有蟲草花、紅棗、枸杞、娃娃菜、雲耳、金菇、鮮冬菇、豆腐、粟米、炸豬皮、炸薯仔、炸枝竹及鳴門卷,每樣配菜份量雖少,加起來則非常飽肚。藥膳湯底味道不算濃,容易接受得來感覺又比較養身。純凍頂烏龍 滿杯百果香 凍頂烏龍就算是正常甜度亦不太甜,甚合友人心意。百果香選了半糖,酸酸甜甜,清新解渴,減去不少鍋物熱氣。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-11-04
105 瀏覽
想食真正又平又地道嘅台灣嘢梗係要去台灣啦, 但係出唔到埠又想食嘅話, 今次食嘅招牌臭臭鍋都可以頂住癮先。 呢間食店嘅火鍋係一人一鍋,價錢全部喺一百蚊以內👍🏻, 招牌臭臭鍋有臭豆腐丶 肥牛丶 豬大腸和花生等, 十分喜愛臭豆腐的獨特臭味😜, 其他配料質素不是十分突出, 不過加埋台式湯底都算幾惹味, 你可以選擇唔辣丶小辣丶中辣和大辣, 加二十幾蚊就可以有其他配料, 例如魯肉飯和炸魚皮等, 滷肉飯夠大碗, 肉嘅份量都唔少, 炸魚皮好大碟,夠脆口,用嚟打邊爐一流。😁 繼續閱讀
(以上食評乃用戶個人意見 , 並不代表OpenRice之觀點。)
等級2 2021-09-27
302 瀏覽
留意了這間餐廳很久,終於同媽咪一齊嚟試。店內環境清靜,午餐時段不太多人,亦可能係地點比較不好找吧😅!我們試了炙燒牛肉丼飯及宮廷藥膳豚肉熱湯,兩款菜式都算乎合預期,沒有太大的落差。整體而言,🆗。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-24
227 瀏覽
叫侍應,侍應行過黎兜腳踩住我隻腳面,好明顯的腳面,完全無講對唔住,只係縮返就算。痛到我,同佢點餐口黑面黑,又細聲,可能勁多人唔憂做咁。總之樓面兩個侍應都黑面架勒。野食方面都OK既,份量夠,一個人食一份都幾飽既,相比去台灣食當地臭臭鍋份量係多不過佢都係俾墊底既野多姐,即係粉,瓜,菜多左,肉同餸就差唔多味道方面可以既,但就唔好預期係台灣個隻臭臭鍋味,雞排方面都ok 不過碎上就唔算大份。奶茶叫普通甜但都仲係甜,可能叫水果味會無咁甜 繼續閱讀
(以上食評乃用戶個人意見 , 並不代表OpenRice之觀點。)