湯•米 (已結業)

我們於Openrice 訂了晚上8點嘅檯，知道係一間小店，我們係2大1細，所以專登打電話給店家說明，並確認訂位，但我們準時8點到達，卻見坐滿人，跟店員說我地book咗8點，佢只回應：呢度人人都係訂咗檯，叫我地等下，但眼見全部都係剛剛開始食/剛下單，跟著亦無人再理我們一家。最後眼見咁樣，當然走啦，仲去食咩🤬

約左小同兼中同食飯！黎到將軍澳食一人一鍋！湯底有好多選擇！沙茶牛肉鍋$94沙茶醬湯底極為惹味，但味道又不會太鹹。湯底配料十足有鵪鶉蛋、豆腐、蜆、牛肉、牛丸等等，湯底上面仲有大量芫荽，真係啱晒我口味！藥膳豚肉鍋$91另外一個鍋就想叫健康少少，藥膳湯底，健康滋補。豚肉肥美，肉味鮮甜。牛肉片$34額外追加一碟牛肉！牛肉脂肪均勻，肉質有嚼勁！鹽酥雞扒$40鹽酥雞扒大大有驚喜！雞扒炸皮唔會太厚！椒鹽味恰到好處！加上泰式汁，味道絕配。芝士奶蓋凍頂烏龍茶$33近期最輕飲嘅芝士奶蓋😍😍😍烏龍茶清甜，配上濃厚芝士！Rich 得來又不會太膩。餐廳價錢合理（有時仲有七五折優惠）食物質素有保證！的確係小聚之選～

有無啲食物係你地唔會食但又想試架？👦🏻有呀，👦🏻一直好鐘意食豆腐，但唯一有一種豆腐就係仲未接受到，就係「臭豆腐」🙈咁岩朋友約食飯去食臭臭鍋，成日去台灣就見得多，估唔到終於可以係香港一試佢既蘆山真面目，呢間餐廳係將軍澳站既個堆新屋苑既商場，都唔算難搵，係地鐵站行過去都好方便。餐廳有9個鍋可以揀，最後就揀左招牌臭臭鍋同韓國泡菜鍋（小辣）、飲品呢就揀左滿杯柚子同滿杯菠蘿，係個鍋上之前會有醬料可以俾你任添，👦🏻就跟左佢menu既建議，但其實個鍋都好夠味，唔沾醬都ok。首先黎到既係飲品，👦🏻飲過曬兩杯都覺得好好飲，又夠大杯又夠解辣，之後黎到既係臭臭鍋，鍋面有大量芫茜，個鍋入面雖然加左臭豆腐但聞落唔會臭🙊而且配料都好多元化；而另一個泡菜鍋就材料好豐富，仲有半個泡麵，但係個湯就越煲越辣，最後都食唔曬🙈，另外每個鍋都會配白飯或者粉絲，真係任君選擇。每次都會透過以下6大方面評分(滿分:30分)味道 : 3.5 / 5環境 : 4 / 5外觀 : 3.75 / 5價錢 : 3.5 / 5服務 : 3.5 / 5 回頭率 : 3.75 / 5總分 : 22 / 30性價比：對鐘意台灣文化既👦🏻黎講，聽住一首

✨中女獨食難肥日誌 ✨幾個月後再來湯米吃一人一鍋已加價了🙈還是不貴，而且人少少環境舒適，最近涼涼的天氣好適合吃個火鍋呢🥘..香辣牛肉鍋 $94召喚#芫茜控！怕吃芫茜看見滿滿一盤翠綠芫茜應該會怕怕😂不過我是芫茜協會的😎望到都開心！今次要中辣，夠辣夠惹味！附上醬料有蒜泥、乾辣椒等，除牛肉外還有好多配料，豆腐、腐竹、粉絲滿滿一鍋好飽足👍🏼..芝士四季春 $33要了微糖，真的不甜，芝士香滑沒有顆粒，但略嫌咸味不夠。冰冰的一大杯茶伴著火鍋喝好爽👍🏼

難得唔洗OT, 就同左屋企人去屋企附近嘅呢一間湯米試下啲一人鍋平時食黎食去都係個啲一人鍋有啲悶，一於就試下呢間啦！有唔同嘅醬料做調味～招牌臭臭鍋呢個鍋黎到之後，真係估唔到有咁大份呀離遠已經有陣濃香，而且上面有我最愛嘅莞茜添！湯底味道好出, 令到啲火鍋料都十分入味唔洗點任何野都已經好好味, 未食啲料已經飲左幾啖湯入面除左基本嘅肥牛、菜、金菇等食材外竟然連臭豆腐同大腸都有！真係好岩口味藥膳豚肉鍋屋企人嘅藥膳鍋，清得黎又夠味我仲試左幾舊豚肉黎食，正呀！鹽酥花枝墨魚丸花枝丸同台灣食開嘅一樣咁好味百香果、菠蘿水果茶難得呢度有特飲, 緊係叫埋啦!至於兩杯特飲，大大杯得黎，包裝都好吸引，再加上係水果茶，夏天飲真係十分清涼！好滿足既一餐, 下次一定會再試！

唔近地鐵站，行去要5分鐘左右，係住宅內的商場今晚去探朋友就有機會試到呢間，都幾好，抵食好味（有好多芫荽蔥，唔記得走🙈）🔶招牌臭臭鍋 $96顧名思義，即係有臭豆腐係入邊一人一鍋都幾大鍋，而且啲牛肉一啲都唔薄牛肉係幾好的牛肉，厚身大塊有牛味有4-5大片，屬於多，抵食！入面仲有其他配料例如鴨血、米血糕、滷大腸etc仲可以免費轉粉絲，識食一定係食粉絲，因為會吸晒湯底仲可以跟飯，要食飽啲可以食飯，飯都粒粒分明，靚米🔶鹽酥花枝墨魚丸 $37都幾好味，幾彈牙，唔粉不過$37得6粒就有啲貴...🔶鮮奶茶 $25、宇治鮮奶抺茶 $29都不會太甜，幾大杯，用來解渴幾好總括，呢個價錢一啲都唔貴，係抵食既！質素又好過啲連鎖店既一人鍋！不過有啲遠，希望遲啲附近住宅入住會多人來食

門內燈箱顯示了九款台式鍋物，價錢皆是百元以下，難怪晚市坐無虚席。沙茶牛肉鍋選擇了少辣，鍋中材料豐富，牛肉和薯仔頗腍；牛丸頗彈牙；娃娃菜、豆腐等吸引了不少辣汁，惹味可口。額外點的粉絲配這鍋底味道搭配。日式味噌鍋適合喜愛偏清淡口味的食客，材料與沙茶牛肉鍋大致相同，只是牛肉換成了豚肉。每件豚肉都有整個碗那麼大，煮的時間要注意時間，我們不慎把豚肉煮過火了，口感變韌。醬汁方面，我只蘸了麵豉醬和蒜蓉醬。麵豉醬可令偏清淡的味噌鍋增添一點辣勁。食台式鍋物少不免要配一杯台式凍飲。滿杯芒果超級水果茶茶味較芒果汁突出，清涼清爽。

天氣又落雨又凍，我和同事放工後去食番個台式一人一鍋暖暖胃。我們分別叫了沙茶牛肉鍋和日式味噌豚肉鍋，鍋物大多數是蔬菜類，十分適合女生，牛肉及豚肉各有4塊，每塊都大大片，肉質正常。店內有4款調味料，不得不說蒜蓉醬值得推介，配上麻油香味，味道有所提升。我們還點了滿杯紅柚子和滿杯百香果。紅柚子味道清新，酸甜平衡，百香果略甜，但仍然解喝，飲品杯設計精美，適合打卡！餐廳位置較為偏僻，主要做住客生意，如果想去要預留時間揾路。

呢排凍凍哋就搵吓屋企附近有咩好食嘅打邊爐 見到湯米OpenRice有折就去試吓🤤❤️香辣牛肉鍋 🌶 $94鐘意湯底嘅辣唔係只有辣味 而係香香哋 仲有好多芝麻 中辣都好過癮 仲可以揀到「勁辣」下次再去過吓辣癮🤤另外牛肉份量好多 有牛肉味 唔會話雪到冇味 另外有好多吸湯底嘅料 例如金菇 芽菜之類 好滿足！..❤️蕃茄麻辣鍋 （走麻辣）$94店員推薦可以試吓新嘅蕃茄鍋 湯底酸酸甜甜 唔會話係好假嘅茄膏味 粉絲吸哂湯底真係一流🤤另外 唔怪得娃娃菜係👑 因爲好新鮮 好鮮甜 配埋蕃茄湯底仲正！..❤️麻辣雞翼 $31 雞翼外皮夠脆 麻辣粉少少辣 都幾惹味！..❤️滿杯紅柚子 $35唔會有假甜香精味 西柚味好清新 打邊爐飲柚子茶真係一流

今日同朋友試咗呢間臭臭鍋，朋友預先book定，因為過咗9點之後可以享有半價優惠😋佢有好多款唔同嘅火鍋揀，唔鍾意食臭臭鍋嘅朋友都唔洗怕，有藥膳鍋、麻辣鍋等等其他選擇我今次叫咗招牌臭臭鍋勁多料，有牛肉、豆腐、蔬菜做底、血糕、豬肉丸、南瓜等等一個鍋仲會跟一個飯或粉絲，食完真係會飽到捧住肚走之後仲叫咗個臭豆腐試下，臭味就一般，咸味好足我係第一次試食臭臭鍋，其實唔係真係好臭，食落口都無野，只係一種好特別嘅台灣口味住將軍澳嘅朋友可以試下，唔錯

係將軍澳大把野食，去左朋友住果頭食一人一鍋，呢到私人度好高！感覺幾有情調。係popcorn行去就5-10分鐘左右，要揾下路先到帝景灣。仲有大電視睇！招牌臭臭鍋 $96 小辣臭豆腐真係幾臭!但係好惹味！材料有娃娃菜、白豚肉、臭豆腐、台灣貢丸、米血糕、大腸、豬紅、沙白、鵪鶉蛋、蕃茄、榨菜絲等，好足料，食極都仲有！ 少少辣既湯底好惹味，臭豆腐唔算好臭，但好入味，吸埋d辣好正！粉絲吸晒D味 食到好滋味。鵪鶉蛋 ，雲耳日式味噌鍋 $91有大量蔬菜、白豚肉、雲耳，金菇，凍豆腐、粟米，嗚門卷等，都幾濃味噌，清清地，加埋白飯好送到飯！食哂 白豚肉有4-5片，肥瘦均衡。芝士凍頂烏龍茶 $33用勁靚既外賣杯。！芝士味香濃好厚😍😍，啖啖都是芝士！烏龍茶味幾出，飲到一半將芝士拌勻，好有奶茶feel。芝士茶茶8號 $34茶係清d甜d，一樣芝士好厚，飲到一半都飽。兩個人每人百幾，好飽，好想試暈哂甘多款

將軍澳📍最近都成日落雨，所以晚飯都係揀番啲近自己屋企，竟然比我搵到附近有 #臭臭鍋 食喎‼️ ~*~*~*~*~*~*~*~*~*~*⭐️巴蜀烤魚鍋🐟 有大量嘅 #香菜 🥬 建議如果大家唔識 #芫荽 記住提佢走！如果唔係必定後悔🤣 呢個主要嘅食材係 #腕魚 ！啖啖肉，不過就比較多大骨，所以要小心啲食！ 湯底可以揀唔同嘅🌶度😍😍 仲有得揀配 #飯 🍚 或者 #粉絲 💯~*~*~*~*~*~*~*~*~*~*~*~*~*~*~⭐️韓國泡菜鍋🇰🇷 入面嘅材料有啲似食緊 #部隊鍋 🔥 有厚切 #午餐肉 #豚肉 #韓式餃子 等等.... 不過最重要都係入面嘅 #炸枝竹 ， 給細泡菜嘅精華 😋~*~*~*~*~*~*~*~*~*~*~*~*~*~*~荔枝紅肉🥤 #飲品是必須的 😎 因為鍋底都比較 #重口味 ，中和返就剛剛好！ 同埋飲唔晒可以帶走飲！ 亦都同好多出面嘅台式飲品一樣，可以揀甜度！

呢間鋪頭主要係食台式火鍋同埋賣台式飲品。上次食過臭臭鍋所以今次就揀咗沙茶鍋！因為朋友唔係好肚餓，所以我哋就兩個人share 一鍋！除咗沙茶鍋外，我哋另外加咗一碟肥牛同一碟台式貢丸。食火鍋當然唔少得係點一杯芝士奶蓋茶！今次叫咗芝士8號。原來係自家mix 唔同茶葉再沖出嚟。佢個芝士奶蓋好重芝士味，飲落做甜甜地，超好味！沙茶湯底好濃，甜甜地咁，幾回味。牛肉肥瘦適中，鍋入面仲有好多其他嘅配菜。如果大家都算肚餓，一人一鍋就啱啱好！非常推薦點下佢啲小食！鹽酥雞扒同花枝丸兩個都炸到外脆內軟，唔會太咸，正！除咗啲主菜味道抵讚之外，佢用嚟點火鍋配菜嘅醬料，簡直一流！

將軍澳南有好多新住宅相繼入伙，有幾個新商場商舖都相繼開始營業，作為美食達人當然要去試吓新餐廳啦，經過帝景灣一上電梯，就見到一間台式主打打邊爐餐廳, 星期日晚上6:30左右已經差唔多坐滿所有客人，將軍澳嘅食肆果然係唔可以睇小呀，呢間餐廳都幾有現代工業風格，嘢食嘅種類呢都唔算多，不過就有啱晒香港人口味嘅台式小食仲有手調飲品。由於我哋唔食臭臭鍋，所以都係叫返普通嘅香辣牛肉鍋同沙茶牛肉鍋，但點可以咁單調，兩個鍋邊度夠，所以另外叫咗兩款小食，分別係台式小香腸同埋臭豆腐，咁飲品當然唔少得啦，叫咗杯珍珠奶茶同埋宇治鮮奶抹茶。台式小香腸外面好趣香入邊啲脂肪同肉嘅比例啱啱好，一個字正！珍珠奶茶就唔係好甜所以都唔需要特別叫半甜或者走甜兩個牛肉鍋嘅配料都大致差唔多，分別有牛肉(份量絕對比吉xx同大xx多)、牛丸、韭菜、芫茜、洋蔥、粟米、木耳、豆腐、南瓜、娃娃菜、枝竹，另外可以自己揀配白飯或者粉絲放入鍋入面，想冇咁漏又入味一定要揀粉絲啊！香辣牛肉鍋對於食得辣嘅我來講直頭係正啦！溫馨提示條配醬料嘅完美比例真係好好食㗎，必須要試

去完朋友家中聚會後，剛好肚子餓，所以決定與朋友一起在將軍澳地鐵站附近覓食。由於朋友是台灣愛好者，所以由他決定去吃台式鍋物（湯米）。這裏的熱湯鍋物有辣有唔辣，而且是一人一鍋，所以這間餐廳能夠滿足不能夠吃辣和吃辣愛好者。沙茶牛肉鍋配粉絲（小辣）這個沙茶牛肉鍋比起普通家用沙茶醬濃得多，相當有驚喜，鍋裏的配料很多，首先一定是牛肉，因為是牛肉鍋，牛肉特別多，一定要先吃牛肉，否則牛肉會過熟，是常識吧。牛肉肉質鮮嫩，牛丸爽口彈牙，然後再吃不同種類的蔬菜，包括雲耳、金針菇、娃娃菜、椰菜、鮮冬菇等等。由於蔬菜類會吸收湯底精華，所以當吃蔬菜時，特別滿足！鹽酥雞扒$40雞扒肉質非常嫩滑，脆漿做得薄而脆，切開都有八塊咁多，加上芝麻碎和黑胡椒吊味，更加香口！鹽酥花枝墨魚丸$37一共有六大粒，大大粒墨魚丸非常彈牙，經過炸左之後，再配以酸甜醬，好美味！最後餐廳亦有很多台式飲品可供選擇，推介飲芋香珍奶，因為他們的珍珠是細粒，好有咬感！