湯•米 (已結業)

前排嚟咗將軍澳整身分證，順便喺度食個晚飯先返屋企，唔知食咩好見到有台式臭臭鍋就試吓啦。勁鍾意飲台式飲品嘅我即刻叫咗杯滿林柚子，朋友叫咗杯滿杯百香果。當然唔可以同出邊嘅手搖飲品比較，不過以餐廳來講，都算係唔錯超香嘅百香果味。一人一鍋方面我就揀咗酸菜魚鍋，平時見到出邊嘅一人一鍋大多數都係牛肉火鍋啊咖喱火鍋比較少見到有酸菜魚。估唔到酸菜魚又幾好食，本身我個人都好鍾意食酸菜，湯底酸酸地煮埋啲配料配埋飯超正。魚方面都有唔少魚肉不過就有少少骨但係可以接受嘅滿杯柚子