湯•米 (已結業)

今天和家人在將軍澳睇完電影, 晚餐決定打邊爐. Search左附近有呢間湯米系有台式一人鍋,而且價錢又唔貴, 於是我們決定嘗試下!我叫了一個招牌台式臭臭鍋, 配料與其他鍋不同的當然是有臭豆腐! 臭豆腐食起身居然比聞起身更加“臭”，非常入味！ 湯底可以選辣度，我點的變態辣果然名副其實！愛辣人士必點呢款！最後我都忍唔住叫左杯鮮奶抹茶來解辣。抹茶味適中，帶有些牛乳奶香，價錢同一般台式飲品連鎖店差不多，但容量就多好多！！我同家人都十分滿意。家人點了沙嗲牛肉鍋。金黃色的湯底可見沙嗲味道有幾濃郁，與牛肉是絕配！配料方面都係有大量的娃娃菜，以及一些芽菜、紅薯粉，澱粉、蛋白質、膳食纖維都有齊，均衡翻營養。另外令我們最驚喜的是蒜蓉醬料！是在串燒鋪常吃的蒜蓉，十分香口，沒想到打邊爐與配菜也很夾，回想起都留曬口水！正！！下次有機會會再來！

晚餐最適合打邊爐. 上次也來吃過這裡的台式一人鍋, 分量十足而且價錢合理, 於是我帶著家人再次來食!每個不同的鍋大致上配菜都一樣，主要的分別是湯底以及肉類。肉類通常有牛肉、豬肉以及魚。我們點了一個日式味增鍋和一個招牌台式臭臭鍋,臭豆腐非常入味！聞起來是臭的，食起身就好香！食到咁上下，店員主動來詢問我們是否需要加湯，服務態度十分好！另外可選粉絲和滷肉飯， 我們一人分別要一個。粉絲是台灣常吃的冬粉，而滷肉飯則讓我們很驚喜，比起台灣的滷肉飯我更喜歡這裡的。滷肉肥肉不多，醬汁帶點香菇的甜味和咸香，送飯一流! 由於太想念台灣的美食，我們又叫了一份鹽酥雞。雞扒size超大，炸粉厚度適中，炸到黃金酥脆，夠曬香口！總算可以過過口癮！飲品點了一杯芝士系列的top1，這裡的芝士奶蓋芝士味比起出面的更加咸香，芝士味更濃，正好與清香的茶互補，啖啖滿足！第二次來吃依舊充滿驚喜，希望第三次、第四次…一直帶給我驚喜！

陪屋企人喺將軍澳嗰邊取智能身份證， 之前經過有一間好似食台式火鍋的餐廳， 今晚可以一試了。餐廳坐落於帝景灣商場， 將軍澳嘅豪宅區～～ 周圍都好有度假feel～餐廳兩邊也有落地玻璃， 雖然只係一樓但係感覺一啲都唔侷促，好開揚。 而且佢嘅燈光好柔和舒服， 心情放鬆地吃週末晚餐。餐廳主要提供台式火鍋小食和飲品。 揀咗《台式臭臭鍋》$96鍋裏面勁多料， 又有一陣臭豆腐嘅味道， 點咗微辣非常刺激食慾。 樣樣都有啲 ：贡丸，臭豆腐 ，肥牛，支竹，木耳，粟米，娃娃菜，金針菇，南瓜片，豬大腸， 薯仔，米血糕 。。 等等材料非常豐富，夠曬惹味！😋😍揀咗跟白飯， 唔錯呀。 仲加咗金菇（$29），鵪鶉蛋（$17）和公仔麵 （$17）～ 一路加湯一路追加，劲爽！揀咗這杯《滿杯红柚子》$35， 味道清新，好香嘅柚子味又唔會苦澀， 仲有不少红柚子果肉， 非常推介！！❤️😋《荔枝紅肉》$27， 茶味夠， 荔枝味唔算濃。《台式芋香珍珠奶茶》 珍珠軟腍腍夠煙韌， 唔算太甜，有芋香， 但奶茶味唔夠香濃。台灣夜市小香腸$29香腸皮夠曬脆， 甜甜地仲有酒香， 这就是台灣腸的風味～

湯米早前係旺角食過一次，印象好好～知道將軍澳都有，咁近屋企～搵日放工就同中同黎左幫襯～餐廳主打台式火鍋，一人一鍋。平日晚上，都有唔少人黎食！餐廳好適合小聚傾計～價錢又合理！打邊爐之前先點左d 小食鹽酥雞扒$40鹽酥雞扒好正！炸皮薄脆！雞肉嫩滑多汁，充滿椒鹽香。台南滷肉飯$23。軟綿綿嘅珍珠米配上粒粒肉燥，好易入口，滷水汁鹹甜適中。另外點了兩杯飲品～芝士金鳳茶王$32芝士凍頂烏龍$33奶蓋充滿芝士香味， 茶味甘香，解渴得來又唔會覺得飽滯。每一組湯底都可以選擇白飯或者粉絲。咖哩奶蓋鍋$94 配粉絲湯底香甜，咖喱加上奶蓋，令到湯底口感更滑。牛肉份量十足，脂肪較少但唔會韌，肉味濃。湯底好足料，有娃娃菜、鵪春蛋、枝竹、薯仔等等，娃娃菜同薯仔吸收了湯底嘅精華，更加入味。巴蜀烤魚鍋$98 配粉絲麻辣湯底可以揀辣度，叫咗小辣，啱啱好，好惹味。湯底配粉絲簡直係一流，辣到流晒口水😋😋鯇魚厚肉鮮味，魚肉好滑，煮內阻都唔會覺得老。魚皮炸過，特別吸收湯底嘅精華，非常入味。侍應服務態度殷勤有禮～成餐飯都食得好舒服。下次都會再黎！

從將軍澳地鐵站走到食店都要7-10分鐘，食店在屋苑內，幾寧靜。週六晚上也不多人，正好！餐廳在將南一個私人屋苑內，格調有點似小型黃金海岸建築，店內環境尚算寬敞。像一般火鍋店，給幾款醬客人先拿，然後收走但後來我們發現火鍋湯底已夠味，根本不需要「點」呢堆醬！haha珍奶，味道太淡百香果水果茶就好醒胃！夏日炎炎既best choice! 期待以久既「招牌臭臭鍋」，臭豆腐，牛肉卷，鴨血，鳴門卷，娃娃菜等等十幾款配料，感覺冇咁多款，隔離檯中年男子因為係屋苑常客，佢地仲話佢地個鍋少左臭豆腐！我地就唔理喇！唔通逐樣對，逐樣數咩⋯⋯有野就食店方加左大陸大熱既酸菜魚鍋！我加左粉絲，條魚都ok! 骨唔算幼，唔怕啃親！酸菜味道還可以！

呢類主打台式一人一鍋嘅食店，之前係旺角食過，感覺唔錯，今晚再想食過，搵到呢一間裝潢格局似Cafe，播住國語歌，又增添幾分台味有多款鍋物，有辣有唔辣，價錢九十幾蚊鍋，定價親民! 一人一鍋可以獨食，又可以互相分享，靈活度相當高首先出場係沙茶牛肉鍋(走辣)，每個鍋可配白飯/粉絲，成個鍋份量都唔係幾講得笑材料包括 : 牛肉，牛丸，娃娃菜，椰菜，雲耳，金菇菜，鮮冬菇，炸枝竹，粟米，蛤蜊，嗚門卷，薯粉條及鵪鶉蛋等，沙茶湯底幾香濃，配牛肉基本上係無得輸，牛肉份量都唔係少架，有肉有菜嘅鍋，配搭都唔錯!呢度除左鍋物，仲有台式小食香口嘢從來抗拒唔到，呢客酥炸花枝墨魚丸，一客6粒，每粒都唔算細粒炸至熱辣辣，點上酸甜醬汁食，入口有D彈牙，收貨呀!涼伴小青瓜，估唔到份量又幾大碟，酸醬汁淋上爽脆青瓜上，再有D芝麻香味，開胃呀!熱辣辣鍋物，當然要配返杯凍飲咁先岩數嘛，呢度提供埋台式飲品呢兩杯分別係荔枝紅玉及芝士凍頂烏龍，甜度可以選，咁就小甜啦，健康D嘛!  大大杯夠飲成餐飯，荔枝紅玉帶有香甜荔枝味，簡單清新; 而芝士凍頂烏龍有芝士嘅香滑度，入口有淡淡嘅茶味，中和一下味蕾!壓軸出場，走出一個韓國代表 : 韓國泡菜鍋

之前都有來過昵區食嘢，其實將軍澳都好多美食，呢間真係又平又好食「soup and rice」湯．米🤔假期拍拖，當然周圍去食嘢，Honey最鐘意食火鍋，之前來過將軍澳昵區食嘢，知道有好多美食，今日又去反呢度食晚飯，周圍去行下商場，行下行下，係門口見到到湯．米，初時以為係食粉面，原來係食台式火鍋，甘就決定係到食晚餐😊真係完全估唔到呢道有間甘好食既食肆仲要唔貴➕好食。坐位一般，始終一間小舖，但都算坐得舒服酸菜魚台式火鍋——鯇魚夠大件，鍋入面有各款蔬菜，可以配飯或粉絲而不另收費👍沙茶牛肉鍋——-沙茶味香濃，牛肉嫩滑，鍋內滿滿的各款蔬菜，飽飽😋附上各款調味料任君選擇芝士綠研——-濃香芝士昧道的綠茶，夠特色滿杯紅柚子——全部菓子昧好fresh感覺食得出一間好用心做的一間食肆👍😋

難得放假 咁我就同男朋友深入將軍澳區發掘下有咩好食 今次就黎到帝景灣嘅呢間台式火鍋店Menu其實個商場都幾難揾 俾高樓包圍 不過就好近地鐵站 到左個商場一上電梯就會見到呢間湯。米 入面既環境都唔錯 通風系統做得好 唔會好似其他火鍋店咁一行到入去就會有種立痴痴既感覺 雲石既枱面感覺都幾乾淨 不過座位就比較窄招牌臭臭鍋 ($96)雖然全場滿座 但係野食都好快黎到 招牌臭臭鍋可以自選辣度 男朋友就揀左中辣 辣度岩岩好 每個鍋都可以揀配飯或者粉絲一份 個鍋唔算大 但係就有成廿款配料 不過臭豆腐就唔夠臭 差左少少味道日式味增鍋 ($91)個個鍋上面都有一大堆芫荽 如果唔食既就可以預先走左佢 如果唔係就要好似我咁自己夾走晒 份量唔算大 每款配料都只有一至兩件 不過就勝在夠入味 粉絲超幼 食落好滑滿杯紅柚子 ($35)一送到黎就已經見到一大片柚子 沙冰揀左正常糖度 男朋友覺得好好飲 甜中帶一點苦澀嘅味道 充滿維他命C芝士四季春 ($33)奶蓋層有成3分1咁多 芝士鹹香 茶底又淡又純 甜度揀左半糖 好融合好好飲酥炸花枝墨魚丸 ($37)炸到好香口 熱辣辣 外脆內軟 好有口感 充滿台式風味

身為無飯夫妻，在平日晚上當然要在家附近找晚餐吃。來到帝景灣商場一上電梯便看到這間餐廳，主打是一人一鍋，所以便試一試餐廳內裝潢光猛整潔，有cafe 的悠閒感覺我們每人點了一個鍋和飲品點完菜，店員很快便上了醬料架。醬料有自家製蒜蓉，豆瓣醬，辣醬和七味粉，喜愛重口味的我們當然是多蒜的招牌臭臭鍋 - 每一個鍋都可以配粉絲或飯，這個臭臭鍋我們配了粉絲。臭臭鍋很足料，有臭豆腐，鵪鶉蛋，薯粉，牛肉，貢丸，土豆等，臭臭鍋的湯底非常入味，令每一樣配料都充滿湯底的精華牛肉份量也不少，真是吃不停口！巴蜀烤魚鍋 - 我們加了$12 升級為滷肉飯，滷肉份量多，配白飯吃真是絕配主角烤魚的肉質非常嫩滑，魚骨比較大條都很容易吃。湯底是帶有微麻的辣湯底，和配菜一起吃是十分惹味，辣得過癮芝士奶蓋綠姸 - 十分有驚喜！ 濃厚香滑的奶蓋帶有微微的鹽味，鹽味能減低奶蓋的膩感，再配上清澈的綠茶，真的媲美台式飲品專賣店滿杯紅柚子 - 清新的柚子味水果茶，是夏日解渴之選在將軍澳都可以吃到台式臭臭鍋，環境舒適而且食物質素高，為我們無飯夫妻帶來一個好選擇

🐹肥老鼠跟鼠友住得近將軍澳，通常來食飯都是離不開Popcorn、將軍澳中心。這次走出這兩個地方，來到了住宅區內裡覓食。本身在OpenRice 見到湯·米，還以爲是什麼魚湯米線的朋友，原來是食臭臭鍋好像已經是帝景那邊最特式的食物，所以我們都決定試試看。雖然距離地鐵只有五分鐘，但位置的確是有點隔涉。7點多到，店裡比我想像多人。招牌臭臭鍋，小辣（$96）一拿上枱就一陣臭豆腐味撲面內裡的材料相當豐富，臭豆腐牛肉南瓜金菇香菇貢丸雞翼尖鵪鶉蛋豬血糕蓮藕薯仔椰菜花生菜芽菜雲耳香蔥芫荽薯粉（肥老鼠竟然記到那麼多，掌聲鼓勵）湯底微辣不搶喉，有芝麻香。臭豆腐真是很正宗的台灣味道，入口臭而香口。牛肉有四大片，配起蒜蓉醬食很鮮嫩，沒有雪藏味，放了在熱鍋很久的一塊都沒變很韌鵪鶉蛋值得一提，蛋黃煮到變得粉軟，口感反而更好，有蛋香味。唯獨豬血糕真心不了，怪怪的雖然本身都不愛食。好在廚房記起未下雲耳，店員馬上補回給我。建議粉絲配上香蔥雲耳一起食，雲耳的爽口令口感更平衡巴蜀烤魚鍋，小辣（$98）烤魚鍋的材料跟臭臭鍋差不多，沒有了牛肉，變成了一大塊魚腩。湯底入口有點搶喉，喜歡麻辣火鍋的會很喜歡不過對於鼠友來說，就有點過辣

雖然大風大雨，但係仍然阻止唔到我同阿妹兩個人去撐枱腳。之前上網見過依間餐廳，今日終於嚟到一試，估唔到六點幾嚟到已經坐左一大半。佢餐牌好多選擇鍋物大致上都係90幾蚊一個，阿妹唔食辣所以叫咗個藥膳豚肉鍋，我一向都勁鍾意酸菜魚，見到佢寫新推出即刻要試一試。我哋每人仲叫咗一杯滿杯菠蘿。杯滿杯菠蘿，飲落去已經食到菠蘿果肉，佢其實係沙冰嚟嘅，小小酸酸甜甜嘅感覺。藥膳豚肉鍋，一睇已經見到超足料，聞到好香嘅藥材味，加埋個粉絲落去吸晒啲味。酸菜魚鍋，佢可以揀大中小辣，我就揀咗小辣。佢鍋入邊超大舊鯇魚，一邊有粟米、薯仔、萵筍、芽菜、韭菜。其實佢細細個鍋入邊真係有好多唔同嘅嘢食係入邊。其實咁樣已經好夠飽，但係阿妹又想食牛肉同埋金菇，所以我哋就另外叫咗。但係估唔到佢勁大份，因為平時去嗰啲連鎖集團打邊爐，add on嘅嘢食都係好細分。佢啲金菇同肥牛都唔少。餐廳地方唔大，但係環境舒適都幾好坐，店員服務好，問佢嘅嘢佢都會好耐心咁答你，下次上嚟試吓佢嘅臭臭鍋。

今日又外出搵食...去左將軍澳！因為前排去朋友新屋！見附近好多野食，所以就揀將軍澳！去左呢間Soup and Rice 食火鍋...我地630pm 到門口！左右兩邊座位已坐滿！淨返中間長檯！我地有小朋友所以都係等邊位！等到715pm 有位啦！ 帶位果位靚女好有禮貌等位時睇門口個大Menu 我地已經揀好食咩！我地揀左3號同9號加一份鹽酥雞扒，同埋兩杯珍珠奶茶同一杯滿杯紅柚子（係沙冰黎）首先最快係鹽酥雞扒上檯先，我兩個仔話超好味成份俾佢地食埋再黎係飲品上檯！我覺得杯柚子好好味！唔會太甜又有柚子既澀味而杯珍珠奶茶都唔錯呢盤野係調味料，俾你溝落豉油度！有蒜蓉/沙茶醬/豆瓣醬/辣椒粉！呢個係日式味增鍋！有大量既唔同款式既蔬菜！同有數片既豚肉/蟹柳/嗚門卷等等小量！個湯底清清地！好啱小朋友食同埋唔食辣嘅朋友！食到一半落埋個粉絲！索晒湯既精華！好味而另一個係沙茶牛肉鍋，我地揀左小辣！我食左小小only! 呢煲老公一個清晒！但我前頭飲左一啖湯！係我鍾意既味道！下次自己再去過時叫多次! 而呢份我地加左$12轉滷肉飯！細仔食左半碗！佢話個汁幾好味，好快就食晒啦4個人食左唔駛$400，抵啦

日前朋友興高采烈咁拉我去試一間一人一鍋臭臭火鍋店，火鍋選擇都幾多：招牌臭臭鍋、巴蜀烤魚鍋、泰式海鮮鍋、韓國泡菜鍋、咖喱奶蓋鍋... ...非常之International！所以小妹我就試一試。小妹同朋友對臭嘅事物都幾抗拒，所以冇嗌到招牌臭臭鍋，而係嗌咗沙茶牛肉鍋（＄１０８）同藥膳豚肉鍋（＄１０８）。睇餐牌嘅時候，發現佢嘅火鍋用料都幾豐富，差唔多個個鍋都十幾種料，但一上枱嘅時候，感覺用料唔多。可能係個鍋實在太細，每樣嘢得幾嚿，所以感覺冇餐牌上寫到咁震撼。至於味道方面，沙茶同藥膳嘅味道都唔太濃，比起一般大牌子火鍋店嘅火鍋湯底差好遠，所以感覺一般。飲品方面抄足喜茶，雖然名唔同，但改咗一兩個字都會令人諗起喜茶，好似我嗌嘅芝士桃桃（＄２９）就令人不期然諗起喜茶嘅「芝芝桃桃」。不過用料就梗係比唔上喜茶，桃肉少之又少，茶味唔濃，芝士太稀疏唔夠濃厚，有待改善。呢間火鍋店令我有啲失望，如果要食高質火鍋可以揀一啲大牌子火鍋店，如果想平可以揀連鎖快餐店嘅火鍋；飲品方面，喜茶已喺香港開分店，所以揀邊間飲品店，大家可以自己諗。

地點舒適，與地鐵有小小距離，但好易搵到。食物味道有水準及有驚喜。價錢亦好抵食飲品沖調得不錯。值得去吃。原本以為係1人1鍋。但係一鍋我覺得係可以2人吃，再另加配菜。

今日見得閒就諗住請奶奶晚餐，因為有bb，所以就係屋企附近睇下有乜新野食，竟然俾我發現臭臭鍋！我最愛的臭臭鍋！廳餐侍應服務都幾好，講野都幾溫文！正！有好多款選！我當然係試臭臭鍋，奶奶叫左沙茶牛肉鍋！一擺底，第一時間就係哇，甘多料甘既！這個是臭臭鍋，少少鍋，本人感到好多芝麻，令湯底不多清甘，牛肉都有好多，不過牛肉口感麻麻地，可能我帶住太高既期望黎食，好多不同種類既菜😅😅這是沙茶牛肉鍋，好像個個鍋都好多芝麻甘😑整體都可以，不過好像好多菜類甘，有點不化算個價