湯•米 (已結業)

放工後去左新開的商場覓食，發現了湯·米都開左，之前係旺角食過都幾好食。裝潢簡單舒適，店面四四正正，都好多位。湯底都幾有特色，有辣度揀。食飯之前點個飲品先，見drink menu 有 cheese tea 就試下佢。招牌芝士茶茶八號 ($34)送到，份量十足，芝士蓋有1/4之高，一口濃濃芝士味道，軟滑豐厚；再用飲管飲茶底，兩種口感，味濃味清雙重享受。好芝士朋友值得一試。芝士金鳳茶王($32)也不錯。附蒜蓉、沙茶醬、豆瓣醬、醬油調味料，可跟perfect match調或自行調味。招牌臭臭臭鍋($96)鍋內材料十足，牛肉豆腐各式各樣蔬菜一定有，另米血糕，鴨血都很特別，小辣入口惹味又不太咸，（貼心濃味寶寶更可配四款醬料，但我就無咁既需要喇），已經諗好下次想試粉絲配湯底😋加$12轉做滷肉飯咖哩奶蓋鍋($94)咖喱湯底加了奶蓋，更香滑濃郁，湯面放了大量白芝麻，令到湯料更香。牛肉新鮮肥美，配料也很豐富，有魚蛋、娃娃菜、椰菜、雲耳、金針菇、鮮冬菇、豆腐、豆角、粟米、炸魚皮、炸薯仔、炸枝竹、鵪鶉蛋和鳴門卷，吃起來也是蠻健康的，而且一人一鍋，唔駛爭。白飯

今日天氣涼涼地，突然好想烚下烚下，咁啱比我搵到呢度有一人一鍋，openrice 訂位仲有折。雖然位置比較隔汲，但估唔到都有唔少人搵到黎食。✨火鍋配料可以追加，仲有小食， 飲品。✨芝士四季春（$33/左）：超大杯，面頭芝士質感好滑好輕盈，咸香得黎唔會覺得膩。茶味好清香，叫左半糖走冰，甜度啱啱好。✨芝士茶茶八號（$34/右）： 對比之下，呢個茶味更加香，必叫👍🏻✨佢個豉油係甜既，幾好味，加埋蒜蓉同沙茶醬勁香同勁惹味✨台灣夜市小香腸（$29): 係台灣既味道，個腸好juicy, 外皮又帶小小脆，好食。✨日式味噌鍋（$91): 唔食辣，所以同男友叫左相同款，唔使爭xD 第一次用味噌湯打邊爐都唔錯，佢仲跟白飯/粉絲。✨豚肉有成4,5塊超大塊，點埋醬汁好好食。仲有滑豆腐，鮮東菇，金菇，蜆，雞蛋，南瓜，枝竹，粟米，雲耳，豆角。✨娃娃菜超多，仲有好耐未食過既鵪鶉蛋。✨不過如果要我追加，我覺得呢個炸薯仔係幾特別。✨男友既粉絲睇落好似好少，但發脹左都幾多，仲好入味。最後杯茶都飲唔晒，實在係太大杯，超飽超滿足。

去完友人屋企玩，順道係佢樓下食埋飯，試左間主打台式鍋既～首先想讚一讚餐廳侍應招呼十分好，非常有禮而且十分勤力！介紹一下食物先～招牌臭臭鍋($96)第一次食當然要試下餐廳嘅招牌，成個鍋非常豐富，無論係肉定配料餐廳都毫不嗇色，非常足料，主角臭豆腐做得好出色好夠味，而湯低清甜香濃，配上飯食一流！藥膳豚肉鍋（$91)藥膳湯底都ok，不會太重/淡藥材味。而鍋既食的食材和配料十分豐富😍根據menu，足足有16款食材，眼見超多蟲草！粉絲係絕配，吸晒d湯🤗正！滿杯紅柚子（$35）原本叫了走冰，後來店員仲告知係沙冰，所以冇得走😂叫了少甜，甜度剛剛好～柚子酸酸甜甜，同茶底配合得幾好👍清新解膩又開胃

突如其來的情緒低落，唯有以美食療癒。放工就在家附近吃個便飯。這家餐廳裝潢簡潔，店主也很年輕。餐廳不算很大，但座位不少。餐牌所見，這裏有不少特色的一人一鍋，例如沙茶牛肉鍋、藥膳豚肉鍋等，還可以免費配粉絲或米飯。一旁有調味料可以自行調配。⭐️咖喱奶蓋鍋$94配料很多，有牛肉、魚蛋、娃娃菜、椰菜、雲耳、金針菇、鮮冬菇、豆腐、豆角、粟米、炸魚皮、炸薯仔、炸枝竹、鵪鶉蛋、鳴門卷等。湯底味道很不錯，淡淡的咖喱味，牛肉份量很足夠，入口有咖喱香味。⭐️台灣夜市小香腸$29終於吃到台灣的小香腸，跟台灣的味道一樣。下次還是跟朋友一起來吃，一個人太孤單啦，哈哈！

將軍澳站附近越開越多食市今日就試下朋友介紹既湯米聽講入面有臭臭鍋，仲有其他鍋物！地點唔算太易搵唔係住開呢邊既豪宅區，都真係要問下人！帝景灣係天晉後面，認住呢個指示行入去上一層電梯就會見到7點令鐘都真係人來人往都幾多人黎食我同老婆講笑話如果個名叫湯米臭臭鍋，可能會更多綽頭老婆叫左臭臭鍋，我就叫左藥膳豚肉！份量都幾大架！如果女仔細食一人一鍋都幾飽下！如果2個細食既女仔可以考慮下叫一個鍋，然後再自己加配料！有好足夠既豚肉，仲有菜，金針菇，豆腐，豆角，薯仔，等等等！真材實料咁話wor😆味道黎講都真係有少少藥膳味，如果再濃多少少會更好！不過湯底勝在唔咸！仲有豚肉好薄，肥瘦適中！仲可以揀要白粉或粉絲男士唔怕唔夠飽！係真係食得飽既鍋物真心讚呢到夠多醬料，可以混醬多蒜係食鍋物既常識吧！仲加左台灣腸！好有台灣既風味但係如果可以熱多少少就更完美！最後仲有叫左鮮奶抹茶飲完夜晚訓唔著，証明真材實料好夠抹茶味，但又唔苦叫左少甜，又真係味道岩岩好！而且座位夠闊，坐得都幾舒服！侍應得2個，唔算多，但忙得黎服務都ok，起碼無西臉先！整體都叫係將軍澳美食沙漠中既小綠洲！

天氣突然轉凍，上網search 下openrice將軍澳邊爐就黎到呢度～湯米！落雨濕濕，都算幾多街坊過黎食一人邊爐。9款火鍋價錢約$91-$96左右，可選配飯或粉絲。+$12可轉魯肉飯。麻辣雞翼 $31炸得燶d, 幸好入面都保持juicy，不過就一d 都唔辣。奶蓋金鳳茶王 奶蓋做得好綿密，茶底好濃郁而唔澀。滿杯菠蘿即菠蘿沙冰! 菠蘿味好天然好fresh！招牌臭臭鍋 $96 配粉絲呢個係9個鍋入面最多配料～臭豆腐、鴨血、豬血糕、大腸等 每款一件。有19款另一個就叫左味增鍋（豚肉）豚肉片同牛肉片一樣有4塊～臭臭鍋比味增鍋湯底微辣濃郁惹味。味增鍋較清淡，要沾蒜泥豆瓣醬。台式一人鍋再加一杯台飲百幾蚊係唔錯嘅配搭。

今日接愛人放工，由於加班，所以決定在附近食埋晚餐先歸家，佢介紹咗呢間佢食過嘅小品台式火鍋嚟食，位置要行入屋苑商場先搵到，但指示清晰，跟住行就搵到感覺清新舒服，地方不算大，但坐得舒適不侷促。好啱傾計用膳。分別有9款鍋物選擇，當中有五款係牛肉類，兩款係豬肉，而另外兩款分別係海鮮同烤魚，而口味層面就好廣泛，台日韓泰國同川菜都有齊沙茶牛肉鍋，揀咗小辣，香濃沙茶醬豐富了整個鍋，食物滲透沙茶醬精華，夠味不用點醬油，送飯之選招牌臭臭鍋，顧名思義係用臭豆腐烹調嘅一個鍋物，臭豆腐食落好滑，吃落有陣陣臭豆腐香，氣味尚可接受，配料用上台灣食材，常見的鴨血丶米糕丶大腸。味道夠道地若然配白飯太單調，可以加錢轉滷肉飯，濃郁入味，除飯外，亦可配粉絲小店亦有小食提供，炸花枝丸，外面炸到脆卜卜，點埋甜酸醬更好食當然唔小得鹽酥雞扒，好大塊，炸得皮脆肉厚，既香口又多汁如果唔夠喉，可以追加食物，作為牛魔皇，梗要再叫肥牛啦～飲品要另叫，珍珠奶茶（＄26）好大杯嫁~滿杯菠蘿（＄35），喜歡菠蘿口味嘅推介呢一款，酸酸甜甜，味道清新

星期五，又係時侯慰勞下自己，朋友知我鐘意臭臭鍋類邊爐，帶我去將軍澳覓食。間食店叫湯米，出咗地鐡沿路行入屋苑商場上電梯第一間就係，屬於小品餐廳，以田園風為主題，柔和舒適湯鍋係台式類鍋物，材料定好，跟白飯或粉絲，有九款口味，有地道臭臭鍋，有辣有唔辣。另有日韓泰和巴蜀烤魚，超多口味選擇醬料有四款，蒜蓉、豆瓣醬、辣粉同沙茶醬，餐牌有教如何調制完美比列我哋一人一鍋，揀咗招牌臭臭鍋同泰式海鮮鍋泰式海鮮以冬陰公作湯底，海鮮有蝦丶青口丶蜆。配料有成十幾款蔬菜，淋上芝麻豐富於一鍋，香氣四溢臭臭鍋，有牛肉丶臭豆腐丶鵪鶉蛋、台灣貢丸、米血糕丶鴨血和滷大腸配蔬菜。臭豆腐味道出而且好滑，蔬菜類亦多元化，除椰菜娃娃菜外，仲有冬瓜韮菜。這是招牌款，夠地道臺灣風味。飲品須另叫，約＄26～＄35不等，叫咗珍珠奶茶同芋香珍珠，好大杯，珍珠軟淋，甜度適中，茶味較重，個人幾喜歡。除奶茶外仲有果茶，奶蓋純茶丶芝士茗茶⋯但甜品就暫停提供。埋單時見原來有咖啡類，而且設午市飯餐，價錢實惠

打邊爐呢D野間唔中都心血來潮想食下但唔知係咪人大左個胃都細左任飲任食開始唔岩我連鎖式個幾間又打到悶悶地一搵之下發現喺將軍澳呢間湯米有台式一人火鍋呢間餐廳好似位於一個豪宅下面嘅商場所有人流都唔算好多 環境清靜 唔洗等位呢到有9款火鍋可以揀 跟飯或者粉絲或者加12蚊仲可以轉魯肉飯仲有好多台式飲品可以叫我地叫左沙茶牛肉鍋同日式味增鍋仲有台灣夜市小香腸仲有杯芝士茶茶八號兩個鍋都好足料 味道唔錯小香腸都好脆口 食落唔會好油打邊爐配埋個芝士茶仲可以消下滯!幾好嘅一間台式鍋物專門店!!!

同朋友到附近換取身分證之後，見到原來樓上有幾間食肆，甘岩係晚飯時間，我地就揀左呢間有得食一人一火鍋，餐牌有9個餐，樣樣都好吸引我地跟左餐牌上既比例來混醬，個蒜溶好香丫，一定要試試藥膳豚肉鍋呢間藥膳湯底都幾濃郁，入面仲有16款食材，每個餐仲可以揀要飯／粉絲，粉絲吸晒d湯好入味，仲可以連湯飲埋巴蜀烤魚鍋，可以自選辣度，我就揀左中辣呢鍋都有15款食材架，唔好睇佢好紅以為會好辣，其實食落一d都唔油，落單前已詢問職員得知係鯇魚，所以唔洗怕會好多骨，如果有都只係大條既骨入面大多數都係蔬菜類，娃娃菜，椰菜，雲耳，金茹，豆腐，每樣都有小小，女士們食就最岩滿杯紅柚子一淡飲落去，原來係沙冰來，糖既份量可以自已揀，而且好大杯，真係好抵飲丫

趁最近冬天未完所以想趁喺仲凍凍地嘅時候去打個邊爐所以就又試多次呢間湯米啦食過第一次都知其實佢就會有四款醬料俾你揀個人最推薦嘅係沙茶醬其餘嘅話蒜蓉都唔錯不過就略為有少少鹹事隔咗咁耐都想試多次佢嘅沙茶牛肉鍋有冇啲咩唔同我覺得唔同咗嘅係佢沙茶牛肉鍋沙茶味冇咁濃食落冇咁口渴 同埋多咗好多芝麻 同埋好多芫荽料仍然係好足嘅個鍋入邊有牛肉 菜 雲耳 金菇 冬菇 牛丸 南瓜 冬瓜等等啲配料都幾吸收到沙茶醬嘅嗰種味雖然望落唔係好多配料但係其實一個人就已經夠晒啦每一個鍋會配飯，粉絲或者係公仔麵我朋友就叫左最傳統嘅臭臭鍋其實大致上嘅配料會差唔多只不過係湯底上味道嘅問題另外我哋就叫咗炸花枝丸炸得好酥脆 而且唔係普通嗰啲墨魚丸而係食到一粒粒花枝面頭有少少椒鹽粉 食落就更加香口啦我哋仲叫左兩杯野飲上次來的時候我都冇咩選擇今次佢多咗好多台式嘅飲品即係連依家好興嘅芝士奶蓋都有 仲有水果茶 珍珠奶茶等等我就嗌左杯芝士烏龍茶以一間唔係專營飲品店嘅餐廳來講佢算係整得唔錯茶底算係唔錯雖然冇嗰啲專門店咁濃但溝埋芝士奶蓋就唔錯店員仲好人地提醒我地唔好用飲管先會好飲啲都係個句 呢間野唔係易搵 如果要去 建議大家要行地面 跟goog

食過返尋味！呢間啲台式火鍋湯底好濃，尤其是沙茶味同埋臭臭鍋！沙茶湯底食落甜甜地，今次叫咗個小辣，辣勁唔強，下次會再試中辣！火鍋配料有好多款，有一份肥牛，炸魚皮，牛肉丸，娃娃菜，鵪鶉蛋，蜆...... 配埋白飯好正！個湯真係可以餸到幾碗飯！另外佢提供咗四款醬料 ，火鍋配料再加d蒜蓉一齊食，簡直就係令個味道更加昇華！另外呢個臭臭鍋都唔錯，友人話味道幾似係台灣食果d。同樣，都係有一份牛肉，仲有鴨血，米血糕，鹵大腸，貢丸！呢個粉絲加入湯底入邊煮，吸晒啲湯汁，好回味！另外叫咗兩杯嘢飲，一杯係菠蘿沙冰第二杯係芝士奶蓋金鳳茶加仙草。兩杯都幾高質！菠蘿冰沙係用新鮮菠蘿打出嚟，味道一啲都唔假！金鳳茶炭焙過，有回甘！兩個人食咗$300有找，性價比都幾高！

放工之後朋友約我黎tko 食野，有乜特別野想食，就黎左呢間湯米食台灣野。朋友都係第一次黎卜試新野。出左地鐵站要搵一陣路先到。珍珠奶茶個味好濃，好飲既。不過堂食都同外賣杯，不太環保。台式野可以打邊爐唔多係道道有，好有新鮮感。個滷肉飯，亦做得好好味。環保好舒服，唔會好嘈，好啱三，兩個女仔黎食下傾下計。

將軍澳向來都無咩好食，作為將軍澳人咁多年，都真係對d食市開始死心，不過，近年係將軍澳站一帶就開左好多新餐廳終於有返d希望啦！係openrice見到人介紹係帝景灣商場開左間湯米，仲有臭臭鍋食！好吸引呀！一定要去試下啦！Popcorn天晉一帶好多商場，大家要認住呢個指示牌環境算唔錯，我地6點半左右入去，仲係無咩人7點令開始爆場！原來已經有咁多人知道了！價錢都算幾合理，有唔同鍋物，又有唔同既辣度不過聽講2辣已經係超級辣，食得辣既朋友都話辣到食唔到，大家想清楚先好叫啊我就叫左臭臭鍋走辣一開始唔多覺好臭，但原來會越食越臭老公話我變態，因為我想再臭d臭臭鍋超足料，有一定數量肥牛，肥瘦適中仲有豬紅、菜、甘菇、粟米等等粟米超甜啊！牛丸都唔錯！當然係仲有臭臭鍋既主角−臭豆腐啦！都係個句，再臭d就更好可以選粉絲或飯！但粉絲加埋調味料-蒜蓉，係超級正識食一定係咁食！我仲加左隻雞蛋添！不過加$9，貴左少少但係想食既話就咩都抵啦！一定要比like既百香果茶好有茶味，亦都係用真既百香果，唔係得d糖水好飲係將軍澳黎講湯米算係唔錯，可以一試

今日繼續係將軍澳覓食，呢邊都真係比較少行，不過原來呢邊都有好野食。呢到既鍋每人一鍋唔使爭，份量仲要都幾多，好滿足，所以我同朋友就叫左兩個鍋。呢個咖哩奶蓋鍋真係好特別，第一次見，緊係要試下。湯底既咖哩味好濃郁，放上枱已經聞到好香，食落就更加香。不過湯底既奶蓋味就唔算好濃，係有少少奶香，中和一下咖哩既辣味。而且配料亦好豐富，除左肉類之外，仲有蜆同好多配料，食完好滿足。 本身都諗緊係台式餐廳叫韓國泡菜鍋會唔會中伏，點知竟然有意外驚喜。泡菜鍋味道好正宗，辣味好重好鮮，最正係材料非常多，除左午餐肉拉麫之類既食材，仲有餃子呢類比較少見既食物，又惹味又飽肚，仲高質過一般既韓國餐廳。 純金鳳茶王一直係我去喜茶必飲，估唔到湯．米既金鳳茶王都咁有質素。雖然加左糖會比較甜，但甜味都算係岩岩好，唔會遮過茶既味道。而茶底沖得非常好，完全將金鳳茶王清香醇厚既特質表現左出黎。 荔枝紅玉味道就冇金鳳茶王咁天然，不過都甜而不濁，味道唔錯。加上荔枝味道都幾突出，整體質素都幾好。 鹽酥雞扒炸得幾好，外皮超酥脆，而且唔會太鹹。