湯•米 (已結業)

住喺將軍澳嘅朋友都知道，嗰個商場嘅食肆都係連鎖集團，食來食去都係嗰幾款，其實食到有啲悶，住喺坑口嘅我今日特意同家人行嚟將軍澳，品嚐一下最近有幾個朋友介紹的台式火鍋。夜晚6:30來到，未到繁忙時間，所以餐廳環境寧靜舒適。非常肚餓，同家人決定一人一鍋，互相分享，嘗試不同湯底。個人比較喜歡泰式海鮮湯底，因為味道少少少酸辣，非常開胃惹味。雖然表面看來全部都是菜，但係一留底，便看到兩隻大蝦、兩隻青口，烹煮一段時間之後，湯底變得更有鮮味！咖喱奶蓋鍋也很香口，奶蓋份量適中，為整個湯底添加了香濃的芝士味，又不會奪去咖喱香，味道平衡得宜不過豚肉本身煮得過熟，入口很粗糙，很難有開，希望餐廳可以改善一下烹調時間很難有開，希望餐廳可以改善一下烹調時間。打邊爐當然要有得飲，叫咗一杯純紅玉，略略帶有紅茶清香，加上微量蜂蜜，整體感覺清新自然，不錯不錯。

叫左一杯柚子同一杯荔枝仙草，叫左少甜，覺得甜度恰到好處，同埋有好香生果味，一讚🤗🤗我地叫左2號同6號超級豐富！鯇魚非常滑，煲耐啲都完全無問題，叫左bb辣，但都幾辣下，店員都好好，幫我地加返啲清湯溝淡啲🤪🤪再加埋有杯西柚汁就無問題喇入面啲粉都係超級好味，煲耐少少，入哂啲湯味，又有口感！同埋啲調味非常香，點少少去撈飯，一流！雖然位置有啲偏，如果唔係住係將軍澳區，可能未必識行，但係都真係抵食，同埋高質，值得一試～

陪朋友來到將軍澳辦新嘅智能身份證而認識到呢間台式餐廳，幾好吖，下次如果輪到你辦身份證時不如都來試吓啦，咁住喺將軍澳的朋友仔就随時都可以來，呢間好有台式装修風格嘅小店離將軍澳鐵站只是5分鐘嘅路程。两個人點咗两個鍋，泰式海鮮鍋材料豐富，眼見嘅就有鮮蝦2大隻，青口2大隻，鳴門卷，香菜，而入邊仲有娃娃菜，椰菜，雲耳，金針菇，冬菇，粟米，炸薯仔，炸枝竹，鵪鶉蛋等配菜，辣度一隻辣椒啱晒我口味；而另一個係韓國泡菜鍋，主要有泡菜，豚肉，餃子，年糕，公仔麵同埋和以上一樣的配菜，同樣哋豐富好味。而满杯百香果及满杯菠蘿大大杯，即時整嘅好fresh襯埋以上两個鍋正適合，可以解辣吖

中午lunch 到湯米食飯， 但今日估唔到。服務及食物下跌左咁多，唉！1）我地叫左4款湯麵，但竟然中午時間話2款湯底無哂湯，要轉第二款湯底, fine。 2）雖然店內得十幾人， 但出餐係超級超級超級慢😠😡😡。我地一台五人既餐，要等左半個鐘先出到第一份餐，最後一份都要等到45分鐘後出黎。 3）香辣牛肉湯麵+台式肥腸湯麵⋯⋯朋友品嚐後覺得：-- 好似公仔麵湯+麻油😓- 麵煮到好淋，比米線還淋。唔似平時食台式麵般咬口。4）食過幾次既鹽酥雞扒都係唔熱，恐怕又放左一段時間了，不是鮮炸（反而茄子則係熱辣辣，好大對比😑）。總結： - 如果係湯米食午飯，趕時間唔好入內。幾欣賞湯有幾款選擇，但牛肉麵真的一般。鹽酥雞唔好期望熱上。- 當然晚上火鍋未光顧過，下次有機會再試吃吧！

將軍澳近海邊嘅嘢食餐廳唔多今次行吓行吓喺入境處附近嚟咗呢一間湯米，主打台式嘅一人一鍋火鍋價錢唔貴全部都係$98.1喎不過嘢飲呢就貴少少就係差唔多$35.1杯。我就叫咗個泡菜豚肉鍋，泡菜鍋都好重泡菜味湯底辣辣地都幾過癮入邊仲有少少粉絲同埋半個公仔麵公仔麵朔晒所有泡菜湯汁超正啊 另外估唔到份量都幾大好似有大概10塊豬肉片，一邊仲有啲甜不辣辣魚蛋啊墨魚丸啦鴨血啦等等另外我哋都加咗$38要個牛肉呢個$38嘅牛肉都好抵叫喎好大碟。買單大概一個人都係$120晚市係呢啲帝景灣咁貴價嘅餐廳商場入邊來講都算幾抵食。

尋日收工同男朋友即慶來食，其實之前都食過幾次，最好就提早預約，因為有七折，真係平好多！本身都唔使100蚊個set，好抵，但再7折就真係覺得性價比超高超高！頭幾次來食都搵唔到路，因為呢度係新起的屋苑，就算係住開將軍澳，都搵左一陣路。同樣都係叫番麻辣同味贈牛肉鍋。佢其實湯底都幾重口味架，想健康d 就可以揀味贈湯底。（（味贈牛肉鍋佢唔小心上錯左豬肉。。。我麻麻地豬肉啦，同埋佢d 豬肉都幾un，不過好足料既，咁就算啦^_^) d 肥牛係好正架，大大塊，份量都唔細個鍋重有大量配菜同薯粉，重加埋本身跟餐既飯／米粉，真係好飽好飽！（滿足！）野飲叫左芝士茶走甜，本身咸咸的芝士已經可以配到個無甜的茶底飲30幾蚊杯唔係話特別平（如果冇折的話）但打邊爐唔飲野又dry左d哈哈。不過都值得一試！總之一定一定要提早book位，今次係第一次即慶去食，平時食開7折，有Ｄ唔 gur 呀 >_< 不過都係性價比高的一間餐廳！

✨#中女獨食難肥日誌 ✨#湯•米 #將軍澳 #一人一鍋 #台式火鍋最近天氣開始變涼了，我倆好喜歡近家這一間台式一人一鍋🥘喜歡乾淨簡潔不嘈吵的環境（大部分火鍋酒家好嘈不太合適約會🙈）而且這家抵吃又好味👍🏼而且有做apps外送服務，我們都是常客了😂..#招牌臭臭鍋 $96試了幾次牛肉鍋今次試臭臭鍋，臭豆腐好味😂不過臭臭鍋比較不辣，配料還有鴨血、滷大腸、貢丸、枝竹等，有台灣的味道😉不過比較起來我更喜歡香辣牛肉鍋😆值得一提加了$29的炸魚皮超脆！新鮮好味！..#香辣牛肉鍋 $94今次要大辣，夠辣夠惹味！附上醬料有蒜泥、乾辣椒等，牛肉份量多，除此之外還有好多配料，豆腐、腐竹，還可加$12轉滷肉飯，香濃好味👍🏼..#芝士綠妍 $30好美的杯💕要了少甜，微微清甜，喜歡芝士香滑沒有顆粒！冰冰的一大杯茶伴著火鍋喝好爽👍🏼不過喝完超飽肚😂..#純茶茶8號 $28他不愛芝士獨愛無糖濃茶，店員介紹了這個，微苦的冰茶，茶味的確較濃！..📮地址: 將軍澳唐賢街23號帝景灣商場1樓40號舖☎電話: +852-27808210

今次嗌左個招牌臭臭鍋同巴蜀烤魚鍋，兩個都辣辣地但幾惹味！臭臭鍋好足料，有牛肉、鴨血、冬菇、豆腐等等，裹面仲有薯粉，另外仲配一碗飯/粉絲。個巴蜀烤魚鍋既魚烤得好香，加埋個湯味送飯食一流呀！另外同朋友兩個人仲嗌左個鹽酥雞扒同臭豆腐，我同朋友都一致認同呢間小店既炸野處理得非常好！好香口！芝士茶茶八號係芝士奶蓋既菜，都算係近期幾hit既飲品，唔算有太大嘅驚喜。最後～不得不提 店員姐姐好好人，好nice，服務態度好好。店內嘅環境都幾闊落，適合三五知己聚餐，唯一美中不足嘅就係呢間鋪嘅地理位置離地鐵站有啲遠，需要行十多分鐘才搵到路。

⁣有次無意中見到湯米評語不錯，主打台式火鍋，仲有芝士奶蓋同水果茶飲！位置就遠離同區大商場，喺帝景灣商場裡面，不過好食嘅話行遠少少無所謂啦😋⁣⁣試過臭臭鍋、沙茶牛肉鍋、韓式泡菜鍋、藥膳豚肉鍋，仲有酸菜魚鍋🤫 每鍋都有大量配菜，仲會跟粉絲或白飯🍚 ⁣小食方面有台式鹽酥雞扒，新鮮炸起咬落好香脆🤤⁣個人首選招牌臭臭同酸菜魚鍋，勁足料，配粉絲完全吸收湯底精華🤗杯芝士奶蓋都好出色，如果怕肥仲可以選擇低脂版！想健康啲就飲滿杯百香果啦，飲落酸酸地更開胃！

自從9月後 也很久沒有和友人一起去吃火鍋 這次很幸運與他們有空當的時間 和他們在位於將軍澳的湯米享用火鍋套餐 不得不說 這次是我第一次嘗試一人一鍋的火鍋 個人認為這種感覺十分新鮮 而且所有配料店舖也準備好在鍋內 因此我們並不用再把配菜煮熟 只需要等數分鐘便能夠吃用 是一個非常方便的配套 而且該店舖的湯底也有很多款 我特別為大家推介的是招牌臭臭鍋 當上鍋的一刻 已經傳來了陣陣的香味 雖然我知道不是所有人都能夠接受臭豆腐的味道 可是當你嘗試過這店舖的 你便會開始明白臭豆腐傳來的是香味了

朋友住將軍澳，佢話呢度起左好多新樓，仲開左好多高質既新餐廳，我地今日就黎左食呢間餐廳食一人一鍋。有好多唔同既選擇，而且每個鍋都好豐富，有好多唔同料。仲有酸菜魚鍋啊！餐廳裝修有啲文青風。自己調配醬料。我地點左一個日式味噌鍋同埋一個酸菜魚鍋。日式味噌鍋入面主要有豬肉同埋其他配菜，仲有溫泉蛋啊！酸菜魚鍋就有啲辣，朋友比較食得辣，所以佢超鐘意啊！呢度仲有啲台灣小食，我地就點左呢個鹽酥金針菇與香菇，好惹味！仲有呢杯芝士茶茶8號，清香既茶底配埋濃濃既芝士奶蓋，正！

朋友住係帝景灣，去左搵佢食飯，原來帝景灣人流唔算太多，但建築都幾靚，有少少西式設計。嚟咗呢間小店，專食一人一鍋火鍋，大概容納到三40人，仲有啲特色台式飲品可以叫。我就叫咗個泡菜牛肉鍋，佢哋所有鍋都係$98，一個人大概$100就買到單，喺將軍澳區來講都算幾抵食嘅晚餐。泡菜牛肉鍋入邊都有好多配料，另外可以加$12將粉絲或者白飯轉做滷肉飯。另外一個推介嘅係養生藥膳豚肉鍋，好香藥膳味，食落有淡淡的藥材味我好鍾意喎。另外呢啲一人一鍋如果係養生藥膳鍋嘅話好適合老人家食。入邊有蟲草花啦豆腐啦娃娃菜啦牛肉啦臀肉啦等等。

中秋節放假，近近地同屋企人係屋企附近慶祝，不過度度都爆滿，我哋揀咗帝景灣嘅湯米。店舖細細間，幾溫馨。之前都係旺角食過，$100一大鍋搞掂一餐飯。我就叫咗酸菜魚鍋，酸酸地又辣辣地超級開胃。入邊仲有好多材料，有一大舊魚之外，又有豆腐啦娃娃菜啦名門卷同埋粉絲。另外加咗$12轉左滷肉飯，滷肉飯肥瘦適中，鹹鹹地超好食。另外都叫咗杯嘢飲，宇冶抹茶鮮奶，加左個仙草$3,好香抹茶味，打邊爐飲最正另外推介一定要試吓佢哋嘅仙草奶凍，一邊加咗蜂蜜同埋最上面加咗奶蓋，我本身好鍾意食仙草嘅20一蚊當碗糖水超級抵

有同事搬左去將軍澳，常常說現在的將軍澳有大大的商場，各式各樣的店鋪和食店都有，交通又便利，我今日放工有時間，就跟她回家行一轉，果然，搭地鐵很快就入到去，一出地鐵就係大商場，我稔要行完這四通八達的商場都要大半天，現正是晚餐時間，最好食完飯先行，同事說她家樓下商場有一間湯.米，是一間台式火鍋店，一人一鍋，有辣有吾辣，正合我們胃口。餐廳地方大算大，但整體乾淨整潔。每火鍋都是用明火燒住食，湯底辣度有得選擇，同時也會跟一碗飯或粉絲。同事要了巴蜀烤魚鍋:滿滿的一鍋食材，有腕魚、娃娃菜、椰菜、雲耳、金針菇、鮮冬菇、豆腐、豆角、粟米、炸薯仔、炸枝竹鵪鶉蛋、蛤蜊、嗚門卷、香菜。湯底選了小辣，大大舊魚炸至金黃色，加左吾少芫茜蔥，佢話魚肉鮮嫩好惹味。我選了泰式海鮮鍋：有鮮蝦、青口、蛤蜊、蕃茄、娃娃菜、椰菜、雲耳、金針菇、鮮冬菇、豆腐、豆角粟米、炸薯仔、炸枝竹、鵪鶉蛋、鳴門卷、香菜。湯底要少辣，味道酸中帶微辣，有點像冬蔭功的味道，鮮蝦和青口都好大隻，新鮮彈牙，其他配菜都新鮮好味，加入粉絲吸收湯汁，爽口又惹味！滿杯紅柚子，紅柚子味香，飲落還有柚子肉，不會太甜。滿杯菠蘿，菠蘿味香甜，冰凍解喝，甜度適中。

無論春夏秋冬，我都會打邊爐，因為邊吹水邊烚下烚下，可以食耐啲，傾計傾耐啲。湯米係我近期既至愛，價錢親民，火鍋款式都多，食多幾次都唔會悶。而且覺得唔夠食，仲可以追加配菜。呢到醬料可以自己調配，或者跟店家指引亦可。酸菜魚鍋平時食酸菜魚，都係一大盤咁食，用嚟打邊爐都係第一次。成個鍋勁足料，有超多材料，有娃娃菜、薯仔、南瓜、粟米、豆腐...多到數唔曬。當然唔少得主角酸菜魚啦，魚肉超大份，而且肉質好嫩滑，而且魚有調味過，所以唔洗加醬料都已經好夠味！火鍋仲可以選擇配飯或加錢升級做滷肉飯、或配粉絲。日式豚肉鍋另一個鍋就揀咗味噌豚肉鍋，鍋既配料一樣咁多，肉既份量一樣唔少。而店家行台式風格，咁又點少得手搖呢？手搖既份量係超級大杯，好抵飲，非常推介大家嗌返杯！