湯•米 (已結業)

呢間鋪頭主要係食台式火鍋同埋賣台式飲品。上次食過臭臭鍋所以今次就揀咗沙茶鍋！因為朋友唔係好肚餓，所以我哋就兩個人share 一鍋！除咗沙茶鍋外，我哋另外加咗一碟肥牛同一碟台式貢丸。食火鍋當然唔少得係點一杯芝士奶蓋茶！今次叫咗芝士8號。原來係自家mix 唔同茶葉再沖出嚟。佢個芝士奶蓋好重芝士味，飲落做甜甜地，超好味！沙茶湯底好濃，甜甜地咁，幾回味。牛肉肥瘦適中，鍋入面仲有好多其他嘅配菜。如果大家都算肚餓，一人一鍋就啱啱好！非常推薦點下佢啲小食！鹽酥雞扒同花枝丸兩個都炸到外脆內軟，唔會太咸，正！除咗啲主菜味道抵讚之外，佢用嚟點火鍋配菜嘅醬料，簡直一流！