湯煲私房火鍋 (已結業)

前幾天去了上環吃私房火鍋，餐廳設施簡約撲素，但醬料選擇好充足。醬油是自家製的，味道帶甜。蝦皇醬好特別，用蝦米蝦頭蝦膏蝦子整成的，醬香味濃。看着水鴨煲是推介的，於是便點這個鍋。陳皮冬瓜水鴨煲$288 水鴨煲沒有下味精的，但湯底味道濃郁，真材實料。裏面有原隻鴨，鴨肉已經非常入味，肉質一絲絲很嫩。建議可以先喝一碗湯，然後再吃鴨肉，冬瓜亦非常入味，十分綿軟。蘇格蘭安格斯肥牛例牌 $188安格斯肥牛肥瘦均勻，薄薄一片，入口即溶，牛肉味香濃。肥美雞腸 $128雞腸非常肥美，爽口，點醬油吃非常滋味。 小籠包 $88小籠包煮3分鐘就可以吃了，皮薄餡靚，豬肉餡非常足料，感覺似吃水餃。 自家製蝦丸 $108大小剛好，口感非常彈牙，好吃😋自家製牛肉丸 雙拼+$20牛肉丸很快熟，咬下去肉汁很多，牛肉味濃。

打邊爐除咗要湯底好味，之外食材質素都好重要今次朋友特登帶我去咗一間私房菜打邊爐呢度除咗食材高質、用心製作之外，光頭老闆都好nice,同我地分享好多心得有兩款醬料比較特別，都係師傅自家製呢個超足料類似XO醬，蝦膏蝦頭蝦子蝦米蝦油，蝦味十足，配任何食物都好夾特別配製豉油，帶甜味湯底我哋叫咗椰子雞煲椰青滾湯配特備材料，最後加入清遠雞，雞肉非常嫩滑，之後一直再加雞湯，呢個湯底都飲咗四五碗頂級手切本地騸牯牛，牛味極濃香港每日只有20隻，極之少有係中國黃牛同日本和牛既混血，牛頸脊位置水滾後淥10秒以，不加任何醬汁，原汁原味勁好味，喺香港打邊爐，印象中真係冇食過咁好味嘅牛肉，牛魔王一定要來呢度試吓另一重點推薦即炸魚皮+即炸響鈴，即炸魚皮都已經好少有得食，即炸響鈴更加係從來未試過一上枱嘅時候都係熱辣辣，又薄又香脆，仲要全部用新鮮油炸成，怪唔之得一啲油膩感覺都冇，呢個下次一定要帶媽咪嚟食自家製墨魚丸配蝦丸，手打墨魚丸同蝦丸，非常彈牙，特別係手打蝦丸出邊真係好少食到，平時鍾意食墨魚丸嘅我，今次覺得蝦丸真係一百分小籠包皮薄多汁，打邊爐都一樣好味呢度除咗食材高質，老闆一樣高質，怪唔之得檯檯都係熟客

今次黎到上環一間私房火鍋食水鴨煲。餐廳比較舊式，幾有家庭感覺。醬料幾多選擇，醬油係自家調製帶甜。蝦皇醬係由蝦米蝦頭蝦膏蝦子制成，好香好惹味，咁就點就食得，所有食物點一點變得超好味。 陳皮冬瓜水鴨煲$288 冇味精製成的，用老火湯煲入味嘅原隻鴨。飲一碗湯暖暖身先，味道咸香濃郁。鴨肉入唒味肉質一絲絲而且好嫩，冬瓜都非常入味，咸香 好軟綿。自家製蝦丸 $108滾熟之後口感好彈牙，都幾大粒幾抵食😍自家製牛肉丸 雙拼+$20牛肉丸彈牙多汁，牛肉味香濃😍肥美雞腸 $128雞腸爽口又肥美，味道唔大，點匙油食幾正😍 蘇格蘭安格斯肥牛例牌 $188呢碟肥牛幾高質，薄薄一片，脂膀分佈平衡，入口即化，牛味濃郁👍🏻小籠包 $88未試過打邊爐煮小籠包覺得好新奇🤣 煮三分鐘就食得😍 似食緊水餃，豬肉餡偏濕潤，軟嫩幾好味😋

餐廳好注重湯底質素, 我地今日叫個左花膠雞煲湯底, 湯就一定要飲! 非常滋味, 香濃嘅湯底, 配搭住紅棗, , 香味濃郁, 飲左三大碗, 都覺得唔夠喉, 打邊爐呢個湯底, 真係冇得輸花膠非常厚切, 咬落去q彈得黎, 就吸滿曬雞湯嘅香氣, 非常滋陰, 另外雞件嘅份量好多, 點一點醬汁一齊食, 滋味無窮餐廳提供嘅蝦醬汁, 真係與別不同, 用蝦嘅精華, 再加在蝦米, 蝦膏組成, 強烈嘅蝦香味, 再加上蝦米, 非常之有趙口, 用嚟點佢嘅稻庭烏冬一齊食, 烏冬滲透著蝦醬汁嘅味道, 非常鮮香金豬拼盤有三種豬嘅種類組成, 最薄切嘅就係西班牙黑毛豬, 入口即溶嘅感覺, 與別不同, 香氣濃郁, 另外就係日本白金豚腩肉, 非常的邪惡, 腩肉脂肪同肉嘅比例非常之均勻, 豬肉嘅脂香大爆發水晶 叉燒包, 同水晶奶皇包, 賣相非常之特別, 晶瑩通透嘅糯米皮, 包裹住奶油, 义燒, 呅落去, 入口煙韌水晶皮, 再之後就有入口即溶嘅餡料, 香味非常正, 加上叉燒包嘅口感非常的特別, 原來打邊爐食呢兩樣嘢, 個感覺都幾mix and match, 讚

在上環有間叫湯煲私房火煲極有水準又有heart, 多是回頭客fans,可想而知有番咁上下！店員放低調味盤調味前先叫我們先戴上口罩。減低避免互相傳染風險！有款蝦醬汁係餐廳自家制！蝦頭，蝦膏，蝦籽蝦精華整成，味道鮮咸濃郁，份外惹味！所有湯底都係為老火湯，所以可以先飲下湯再打邊爐，我地叫左花膠雞煲，有金華火腿增添咸香味，紅棗，杞子，圓肉，花膠，雞！湯頭真係好夠味又好滋補，花膠夠哂綿，雞又幾滑，非常高質既湯煲。之後就落料打邊爐！差燒包&奶皇包雙拼，餡料幾有茶樓食點心時既感覺，用了晶瑩剔透既皮包住，外層皮好煙un有咬口！內面既餡好飽滿，好足料，有爆醬既感覺！奶皇就夠香甜，差燒夠入味！幾新穎又好味。金豬拼盤，相片左右為日本豬，比較肥美多脂肪！而中間為西班牙豬，脂肪比例較少！肉香更重！整體3款豬都非常高質！難分邊隻較好食，因為全部都好好食，食起黎有種食牛既鮮甜感覺，口感嫩唔乾！肉汁豐富。超班之作。冰河手打稻庭烏冬，有別於一般，上台唔係冰凍死實實！而係看得出彈彈感。店員說只需在熱湯番熱約5秒鐘就可以！此時之前所講既蝦汁醬就可以用黎撈烏冬食，食到停唔到口。烏冬質地勁彈牙，又有蝦醬咸香！非常惹味。呢間火鍋

打邊爐最重要係湯底, 每款都想試, 店員推介水鴨煲$288, 可以食埋隻鴨店員好細心簡單講解有咩好食, 自動幫我地加湯, 收碟, 服務100分醬料$30有6款, 自家製蝦蟹醬最有特色, 似XO醬有蝦頭蝦米蝦膏蝦油湯底加左果皮, 好香藥材味, 聞落似肉骨茶飲完2碗湯後食鴨, D肉好軟, 無牙都食到, 好好味打邊爐點可以無肥牛, 本地手切肥牛$398, 牛味濃郁, 頂級肥牛果然係唔同D蜂巢凍豆腐$68吸收哂湯底味道, 比起食炸響鈴健康D帶子丸$148都係店員推介, 入面有竹笙好爽口彈牙娃娃菜份量唔細, 洗得好乾淨無泥今晚食得好滿意

好耐無同朋友食飯，緊係揀打邊爐，香港人係一年四季都鍾意打邊爐既湯煲私房火鍋除左提供一般常見既蒜，蔥，辣椒，麻醬等，仲有自家製既蝦醬，係由蝦米 蝦頭 蝦籽 蝦膏等整成，有少少辣，但鮮味突出，有d似xo醬我地揀左冬瓜陳皮水鴨湯底，首先要飲返兩碗，因為真係好鮮甜，而店員會幫手將水鴨剪件方便食，d肉已經煲到好淋，仲有陣陳皮香。本地手切騸牯牛，肉味濃郁，口感軟，唔點任何醬汁都好味店員推薦既帶子丸，真係好有驚喜，係餐廳手打既丸，非常彈牙，食到有帶子肉，仲有竹苼，增加左唔同既口感，呢個丸第一次食，印象深刻我地另外叫左娃娃菜同凍豆腐，因為湯底太好味，凍豆腐吸左湯汁真係回味無窮，而娃娃菜仲會食到陳皮味另外可以提下係呢度店員好細心，除左主動介紹仲會幫手筆湯，筆走打邊爐時既泡沫

今晚跟朋友去了上環食湯煲私房火鍋。什菜豆腐白湯煲，清湯好鮮甜，完全不油膩。豆腐比平時食開的豆腐密度高少少，放入湯底一段時間都不會散，依然保持豆腐的滑。食時加上全蝦醬，可以帶出蝦醬味道而保留豆腐的質感。自家製蝦丸，蝦丸內有原隻蝦，保留了蝦的口感。蝦丸很彈牙，輕輕咬下會有一個回彈力。竹生帶子丸，一食落好明顯帶出竹苼爽口的感覺，更加入紅蘿蔔、帶子及芫茜的香味，材料十足。芥蘭苗質感翠嫩，每一條都是苗，十分鮮甜。蜂巢凍豆腐，配上又清又鮮甜的湯底，非常合適。味增大根黑豚餃，味增味重，非常入味。另西班牙黑毛豬梅肉，建議第一口不加醬汁才食到肉的鮮味，連同脂肪慢慢溶化那種感覺，口感非常好。當然加醬汁又會有另一種風味。

我有朋友真係好鍾意打邊爐，酷熱天氣晚上去咗呢間上環打邊爐店，呢度湯底好有特色，有好多種新奇選擇。今日就叫咗冬瓜水鴨煲，湯底嚟到即刻先飲幾碗，覺得湯頭非常之清甜透徹，陳皮味清香，冬瓜夠清甜，加埋熬咗好耐嘅水鴨，湯水充滿鴨嘅精華，味道濃郁又清甜，幾適合炎熱的夏季，消暑解膩。而且熬製鴨腿肉一咬就開，非常美味，份量大份，吃完都飽一半。配料叫咗個雙拼丸有蝦丸同帶子丸，帶子丸裏面除咗一粒粒嘅帶子肉仲有竹笙喺裏面，食嘅時候口感特別爽脆，呢度嘅丸全部係自家製作，所以用料十足，新鮮又彈牙。鱔片夠新鮮，肉質爽脆，油份夠又無泥味呀。日本味增大根黑豚肉餃子，又係自家製餃子，入口味道清甜，味增加上大根，有另一番甜味。蔬菜拼盤有菜心，白菜，唐生菜及芥蘭苗，兩個人份量啱啱好，又可以試多幾種菜。仲有自家製嘅烏冬，烏冬入口彈牙，口感滑捋捋，因為自家製嘅關係，店員特別吩淥5秒就可以即刻食。醬料除咗正常嘅醬料，仲有特別蝦醬，係用咗蝦子蝦油蝦頭及蝦膏去熬製，所以充滿鮮味，個人覺得配合海鮮，味道就鮮上加鮮。

最近突然好想食椰子雞湯底打邊爐！朋友介紹我嚟上環呢間湯煲食佢地個椰子雞湯底！Gogogo!整個豉油先，一般嘅材料都有㗎啦！ 佢哋自製嘅醬，少少似XO 醬但唔辣嘅 好鮮味！見到佢入面好多蝦米同其他料！椰子雞湯底一黎店員叫我地飲咗啖先！真係好清甜！之後就要食佢d雞啦！佢哋仲會俾埋沙薑同青檸我地點雞食 幾特別！d雞好彩唔老呢個係即炸嘅響鈴，原來佢哋老闆話係可以就咁食而唔會放落邊爐湯嗰度浸！即食仲可以點甜酸醬，好似以前喺酒樓食嗰啲炸雲吞咁！呢個好正！ 因為佢食落好鬆脆，入口即溶完全唔油膩感！食完雞飲完湯開始打邊爐啦！對於我來講打邊爐必須要有午餐肉朋友想試嘅手打牛丸，識落都幾重陳皮味嘅！不過少少似酒樓牛肉球。 個人唔太好！一份黑毛豬都唔錯唔會好肥呢個牛就靚囉！食落少少油香味，而牛味都重架！肥瘦均勻個人覺得嘢食普遍高質，可以再黎食！

大熱天時突然間想食火鍋，就即刻想起上環一間叫湯煲私房火鍋，因為佢有一個好啱夏天打邊爐嘅湯底：水鴨冬瓜煲。個煲上枱時湯底好深色，原來係加咗果皮一齊熬煮，水鴨本身就已經炆完再煎香後再放湯煮，啲肉一夾即散，幾乎唔使咬，很鬆軟很入味。單單食咗半隻水鴨都已經有1/3飽啦。所以叫打邊爐嘅配料唔算太多，包括有新鮮鱔片，拼雙丸有蝦丸及帶子丸，仲有蔬菜盤，味噌大根黑豚餃，同埋店員推介嘅手打烏冬。鱔片超新鮮，而且份量亦唔少，淥到剛熟，入口軟滑又冇泥味，很好吃。雙拼丸中蝦丸比較特別，因為入邊加咗竹笙粒，多咗一啲唔同嘅口感，很特別。帶子丸就有粒粒帶子肉，都很好吃。大根黑豚餃裏面用咗日本味噌調味，已經唔係第一次食，但係實在太好食，所以每次都會再order。蔬菜拼盤就有幾種唔同嘅菜，都新鮮，都係揀最嫩，最靚嘅部份，抵讚👍最後要一提嘅就係手打烏冬，店員介紹係每日新鮮手打嘅，同一般雪藏貨色完全唔同。只需放湯灼幾秒就食得，店員果然沒有介紹錯，新鮮手打烏冬果然係特別彈牙，而且亦很嫰滑，一啜就可以吸入口，加上水鴨冬瓜的湯底，結果食完一碗又一碗，很滿足😋😍

經同事介紹，發現了這間位於上環的湯煲私房火鍋，同事話一定要預早訂位先有得食。首先，全蝦自家製蝦醬，未食已經聞到香味，實在不能不食，很微辣，連我怕食辣的人也覺得很好味。自家製豉油也很不錯，不會很鹹，加入蒜蓉辣椒等調味非常好。即炸響鈴$88，入口即溶超級鬆脆，這不是放入火鍋入面食，而是沾上甜酸醬一起食，是餐前小食。什菜豆腐白湯煲$128，裏面有菜同非常嫩滑的豆腐，這個湯很清甜，配上蜂巢凍豆腐$68，豆腐充滿着清甜的清湯👍 味增大根黑豚餃$88，皮薄餡靚，咬下去還吃到包住的肉汁。竹生帶子丸$148，裡面還有少許芫荽紅蘿蔔，超級彈牙。另雙加$20要了自家製蝦丸，食到蝦的鮮甜。西班牙黑毛豬梅肉$128，肉質鮮嫩，基本上就算不沾醬也很好吃。自家製酸梅湯一揸$78，食火鍋加酸梅湯感覺上沒有那麼熱氣。

老公話帶我食餐好嘅，我地都係火鍋控，所以黎試下呢間私房火鍋店先值得一讚，老闆衛生意識很好，我們調配醬料期間，老闆叮囑不能除口罩，醬油是自家調製，XO辣醬很出色，有蝦乾瑤柱。椰子雞湯底，是我吃過最好吃的！湯底十分清甜，椰子味很香濃，未開始打邊爐前先喝一碗湯配料方面，點了竹笙帶子丸，真材實料，帶子很多冰豆腐，吸收了湯底的精華，豆腐本身的豆味香濃西班牙黑毛豬梅肉片，推薦👍🏻油脂分布很平均，入口淡淡油香，因為肉質很滑水晶奶皇包，很有趣的體驗，第一次吃奶黃包配火鍋，甜甜的每道食材都很高質，下次還要試試其他配料

今天去左上環一間火鍋私房菜，朋友介紹佢地既火鍋配料全部都好新鮮，所以就走去試下，先叫左個湯底-椰子雞湯底個店員叫我地先試下個湯底，可以當老火湯飲用，果然有好香椰子味，入口有種好潤既感覺，而且雞肉都好鮮嫩。之後仲點左西班牙黑毛豬腩片豬肉有鮮味，而且都有好多雪花，食落口感都可以同和牛媲美，入口即溶。蜂巢豆腐豆腐同椰子湯呢個配搭好好，入口清新，豆腐好滑而且索哂椰子湯，真係想食完再食。竹笙帶子丸呢個丸好特別，而且真係可以見到一粒粒既鮮帶子，再配上竹笙既爽口，食落口感有鮮味彈牙。水晶奶黃包店員推介我地可以試下呢個水晶奶黃包，佢既內裡係甜既奶皇，但經過湯底泡浸外包有湯底既味，內裡好香奶皇味，而且好似食緊甜品一樣，打邊爐第一次食甜食感覺好新奇。順帶一提呢間火鍋店既醬汁都好用心，醬油都經過自家調製十分鮮味，而且有一個用蝦膏製成既醬都好惹味。

啱啱出糧食餐好嘅，所以揀間正嘅餐廳打邊爐，呢間湯煲私房火鍋啱曬我地經過無數次打邊爐嘅經驗，靚嘅食材真係唔好揀濃味嘅湯底，所以今次寧願貴少少都要揀餐廳超推薦嘅椰子雞湯底醬料方面都有特色，基本野有就一定啦，但呢度仲有佢地自家製嘅蝦醬，餐廳特登畀多隻碟我地裝，味道咸香非常，而且好濃郁嘅鮮味，另外仲有其他餐廳好少有提供嘅白醋，配埋芫茜小米椒，都好正湯底到之前佢嘅自家即炸響鈴已經到，呢個真係超級新奇，食咗咁多次打邊爐，第一次見響鈴係啱啱炸起熱辣辣脆卜卜咁上，仲可以點酸辣醬即食。湯底上咗，餐廳預先煲滾咗湯底，所以一上即刻可以食，入面好多雞肉，相當於order咗一份雞肉咁，最驚喜嘅係餐廳會提供埋沙姜同埋青檸去沾雞，呢個安排真係冇得輸。個人建議湯底一到就要裝2碗飲咗先，因為嗰陣先係最原汁原味食到椰子水嘅清香，等到正式開始打邊爐，店員就會加湯溝走咗個椰青水。佢呢個本地手切牛油脂分佈超靚，肉香油香平衡得恰到好處，口感細嫩軟綿，淥10秒食啱啱好豚肉靚到好似肥牛咁，一樣碌一陣就食得普通嘅午餐肉排到靚靚仔仔😂不過呢款入面幾多肉絲嘅，都唔錯呢度嘅手打牛丸味道幾特別，隱約食到d果皮味，幾正，口感唔算太爽，有d似牛肉