湯煲私房火鍋

228
2
0
港鐵上環站 E1 出口, 步行約2分鐘; 大廈入口在永和街 繼續閱讀
電話號碼
53729889
開飯介紹
由湯底到火鍋配料都由師傅悉心炮製,自家製手打丸、餃、滑,蘸料蝦蟹醬亦是心機作。 火鍋湯底清甜滋潤無味精。天天供應高質頂級本地手切牛。 繼續閱讀
營業時間
今日營業
17:30 - 23:30
星期一至日
17:30 - 23:30
公眾假期
17:30 - 23:30
公眾假期前夕
17:30 - 23:30
付款方式
Visa Master AlipayHK 支付寶 現金 AE 銀聯 OpenRice Pay
座位數目
40
其他資料
網上訂座
Wi-Fi
酒精飲品
自帶酒水 詳細介紹
VIP房 詳細介紹
電話訂座
賞訂座積分
電視播放
當面支付
前往餐廳網站
https://www.facebook.com/湯煲私房火鍋-428500004631005/
有關餐廳
自家老火湯底 高質騸牯牛佈滿雪花
香港精品手工火鍋店「湯煲私房火鍋」專注老火湯底,每個湯底都熬得濃郁,開動前要先飲啖老火湯暖胃呀!呢度有唔少自家製高質火鍋配料—即叫即打肉丸、即叫即包餃子,咬開滲出熱湯勁香濃。同場人氣配料仲有多款牛肉、海鮮、新鮮蔬菜、炸物等,並有生啤、生黑啤、零酒精啤酒等,好啱三五知己嚟邊飲邊食。

餐廳告示
「湯煲私房火鍋」有多款湯底、配料同啤酒選擇,好啱三五知己邊飲邊食。
2021-05-14
清香椰子雞煲 醬料架有6款醬料,最值得一試係全港獨門自家製「蝦皇醬」,集合大蝦精華味道鹹香惹味,一定要試呀!推薦湯底就有「清香椰子雞煲」,椰青為清遠雞吊味,濃郁雞味更清香。加上清遠雞皮下脂肪少、肉質嫩滑,雞湯湯底香而不膩,啱晒打邊爐。 冬瓜陳皮水鴨煲 好多人夏天都會煲冬瓜水鴨湯飲,清熱消暑。呢度嘅「冬瓜陳皮水鴨煲」同樣用冬瓜、陳皮、水鴨,並依古法配方熬製,味道清甜並帶濃郁鴨香但不濁,可以滋陰強肺。 騸牯牛 馳名騸牯牛其實係經閹割牛隻,脂肪分佈特別均勻,有雪花般細緻紋理。食落牛味濃郁、肉感重,肉質嫩滑不韌,絕對係一等靚牛。 手打牛丸.手打帶子丸 呢度嘅手打丸係大廚即場手打至起膠,夠晒彈牙。手打丸同一般來貨丸類真係完全唔同,手打丸有獨特肉感咬口同鮮味,最重要係無來貨丸嗰陣雪味。色麻辣牛餃.味增大根黑豚餃 自家製配料仲有「川色麻辣牛餃」同「味增大根黑豚餃」,全部即叫即包,牛餃辣而麻、黑豚餃肉味突出,又有大根平衡味道,真正做到皮薄餡靚。 即炸響鈴.即炸魚皮 自家製即炸響鈴同即炸魚皮,上枱時仲熱辣辣好香脆,所以店主建議唔好將響鈴同魚皮浸入湯,沾少少醬汁直接食最過癮。 詳情
有關獎賞計劃
食評 (232)
等級4 2021-03-24
582 瀏覽
氣温驟降幾度,立刻捉緊涼意的尾巴趕快吃個火鍋吧! 揀食火鍋最緊要食材新鲜,朋友話呢間做得到,馬上訂位不容拖延。 私房菜的格局,面積不算大,簡單陳設,牆上掛上優雅的畫作 ,店內整潔衛生,有家的感覺,可以放心地享受一頓美食! 侍應有禮招待並推介椰子雞煲做湯底,奉上湯立即飲一啖,再食一件雞,我們都讚不絕口, 鮮椰子+清遠雞 , 湯鮮甜雞嫩滑 ,又有紅棗杞子配搭, 滋補養顏, 果然好介紹喔! 蘇格蘭安格斯肥牛(例牌),上枱冰凍,急不及待夾起放湯,見轉色即食,軟腍入口溶化,一食再食✌✌✌ 豬潤,豬粉腸,久違了的至愛啊! 厚厚的豬潤 ,豬粉腸好'粉'的滋味,味道令人難忘😍😍! 大大粒自家製墨魚丸及牛丸, 啖啖肉,正! 蔬菜拼盤,火鍋點少得,有肉有菜,咁先均衡飲食嘛。 我哋烚吓烚吓,食出鮮味來,足以見得食材新鮮的重要! 真係食到超滿足,心情暢快無比💃💃💃。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-22
204 瀏覽
今日約咗朋友兩個人想慢慢吹吓水,就揀咗間樓上嘅私房火鍋店,唔駛好似限時食飯又唔會好似酒樓果啲咁嘈👍🏻餐牌一眼睇哂,嗌完野食就上咗個醬料盤,除咗普通嘅蔥蒜辣椒之外,仲有秘製嘅豉油,同埋店員推介嘅蝦皇醬🦐 店員介紹蝦皇醬係由蝦蝦膏、蝦籽、蝦乾等多種材料調配,叫我哋千祈唔好撈埋其他醬一齊食,一定要試吓佢個味😆 蝦皇醬食落有啲似XO醬,辣辣地之餘好香蝦乾嘅味,打邊爐配啲淡味嘅食材一齊食超好食!湯底方面揀咗沙嗲湯,店員話沙嗲醬係佢地自己手炒,仲加入咗牛油,令湯底更香😋 果然一飲落,就已經飲得出同出面嘅沙嗲湯好!唔!同!沙嗲湯飲落口有沙嗲味之餘仲甜甜地,仲食得出有花生味,絕對唔係求其用沙嗲醬開水果種,估唔到湯底都好有驚喜!順帶一提,呢度加湯唔係加水,而係真係加返沙嗲湯🙀 我地食左兩個幾鐘食到最後都一樣咁濃味😋呢份手切牛係騸牯牛,係日本和牛同中國牛嘅混種,店員話淥5-7秒就食得,牛肉牛味唔算好重,但入口又滑又軟身,加埋甜甜地嘅秘製豉油真係好夾,好食到有啲唔夠喉😝手打蝦丸係由點心師傅逐粒手打,細心睇會見到有啲大粒啲嘅蝦肉同打到起膠嘅蝦膠混埋一齊,蝦丸大大粒,食落口好爽口彈牙,蝦味亦好足,係我食過最好食嘅手打丸!墨魚滑同蝦丸一樣好爽好彈牙,睇嚟師傅喺整滑方面好有經驗🤩即炸響鈴上枱是熱辣辣,店員話呢度嘅響鈴係點甜酸醬食,一試就返唔到轉頭😝 響鈴脆卜卜,雖然係油炸但一啲油益味都冇,點埋甜酸醬就好似酒樓嘅炸雲吞咁,呢個食法只有即炸響鈴先食得到!總括而言,呢間邊爐真係好高質,所有食物都有用心設計過,每樣食物都有佢嘅特色;除此之外店員非常主動熱情,每個食材上枱嘅時候都會詳細介紹,會不時望向食客主動睇吓有咩需要,真係好加分👍🏻👍🏻 以後有機會一定會再嚟! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-08
0 瀏覽
今天去左上環一間火鍋私房菜,朋友介紹佢地既火鍋配料全部都好新鮮,所以就走去試下,先叫左個湯底-椰子雞湯底個店員叫我地先試下個湯底,可以當老火湯飲用,果然有好香椰子味,入口有種好潤既感覺,而且雞肉都好鮮嫩。之後仲點左西班牙黑毛豬腩片豬肉有鮮味,而且都有好多雪花,食落口感都可以同和牛媲美,入口即溶。蜂巢豆腐豆腐同椰子湯呢個配搭好好,入口清新,豆腐好滑而且索哂椰子湯,真係想食完再食。竹笙帶子丸呢個丸好特別,而且真係可以見到一粒粒既鮮帶子,再配上竹笙既爽口,食落口感有鮮味彈牙。水晶奶黃包店員推介我地可以試下呢個水晶奶黃包,佢既內裡係甜既奶皇,但經過湯底泡浸外包有湯底既味,內裡好香奶皇味,而且好似食緊甜品一樣,打邊爐第一次食甜食感覺好新奇。順帶一提呢間火鍋店既醬汁都好用心,醬油都經過自家調製十分鮮味,而且有一個用蝦膏製成既醬都好惹味。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-07
3 瀏覽
啱啱出糧食餐好嘅,所以揀間正嘅餐廳打邊爐,呢間湯煲私房火鍋啱曬我地經過無數次打邊爐嘅經驗,靚嘅食材真係唔好揀濃味嘅湯底,所以今次寧願貴少少都要揀餐廳超推薦嘅椰子雞湯底醬料方面都有特色,基本野有就一定啦,但呢度仲有佢地自家製嘅蝦醬,餐廳特登畀多隻碟我地裝,味道咸香非常,而且好濃郁嘅鮮味,另外仲有其他餐廳好少有提供嘅白醋,配埋芫茜小米椒,都好正湯底到之前佢嘅自家即炸響鈴已經到,呢個真係超級新奇,食咗咁多次打邊爐,第一次見響鈴係啱啱炸起熱辣辣脆卜卜咁上,仲可以點酸辣醬即食。湯底上咗,餐廳預先煲滾咗湯底,所以一上即刻可以食,入面好多雞肉,相當於order咗一份雞肉咁,最驚喜嘅係餐廳會提供埋沙姜同埋青檸去沾雞,呢個安排真係冇得輸。個人建議湯底一到就要裝2碗飲咗先,因為嗰陣先係最原汁原味食到椰子水嘅清香,等到正式開始打邊爐,店員就會加湯溝走咗個椰青水。佢呢個本地手切牛油脂分佈超靚,肉香油香平衡得恰到好處,口感細嫩軟綿,淥10秒食啱啱好豚肉靚到好似肥牛咁,一樣碌一陣就食得普通嘅午餐肉排到靚靚仔仔😂不過呢款入面幾多肉絲嘅,都唔錯呢度嘅手打牛丸味道幾特別,隱約食到d果皮味,幾正,口感唔算太爽,有d似牛肉球咁埋單其實幾貴,不過整體食材都符合到預期,當偶爾豪一次請自己食餐好嘅獎勵自己啦 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-17
48 瀏覽
上環呢個地方其實原來都好多隱世食店,之後再上網看有間私房火鍋好似幾唔錯,試下先!!這間店同地鐵站距離都算近,【沙爹煲】一來到個湯底超香,沙爹味香濃,配上肉類就超正,湯底比想像中有驚喜。【頂級本地手切騸牯牛】這碟騸牯牛油脂分佈超靚,滾十秒內就可以了,口感軟淋不會過硬,吸收哂沙爹香味。極力推介!!【正宗大光麵】沙爹湯底,點都要叫個公仔麵黎食,再配埋個牛,真正"沙爹牛麵",超正!!【西班牙黑毛豬梅肉】質素相當不錯,入口即融,又嫩滑肉香味美。【味增大根黑豚餃(左) / 川色麻辣牛肉餃(右)】麻辣牛肉餃味道香濃,麻辣味重,比想像中出色。大根黑豚餃食落帶點大根同味增的甜味,這兩款餃好創新很特別,極力推介!! 繼續閱讀
(以上食評乃用戶個人意見 , 並不代表OpenRice之觀點。)