湯煲私房火鍋 (已結業)

上環呢個地方其實原來都好多隱世食店，之後再上網看有間私房火鍋好似幾唔錯，試下先!!這間店同地鐵站距離都算近，【沙爹煲】一來到個湯底超香，沙爹味香濃，配上肉類就超正，湯底比想像中有驚喜。【頂級本地手切騸牯牛】這碟騸牯牛油脂分佈超靚，滾十秒內就可以了，口感軟淋不會過硬，吸收哂沙爹香味。極力推介!!【正宗大光麵】沙爹湯底，點都要叫個公仔麵黎食，再配埋個牛，真正"沙爹牛麵"，超正!!【西班牙黑毛豬梅肉】質素相當不錯，入口即融，又嫩滑肉香味美。【味增大根黑豚餃(左) / 川色麻辣牛肉餃(右)】麻辣牛肉餃味道香濃，麻辣味重，比想像中出色。大根黑豚餃食落帶點大根同味增的甜味，這兩款餃好創新很特別，極力推介!!

相信不少香港人最愛的還是打邊爐，但打邊爐的質素分別也十分之大，經朋友介紹之下到了這間用打邊爐作私房菜的食店，水準十分之高.在醬汁配料方便，食店也十分之花心思，用蝦製了自家製的醬汁令人十分之回味.這個菜白鍋清清淡淡用嚟打邊爐十分之好.這個自家製的酸莓汁味道十分之香濃令人十分之開胃.肥牛的油脂分布十分之平均十分之香滑.自家製的墨魚滑十分之爽口新鮮.鱔片的刀工十分之用心，爽口彈牙.大家可以預先訂位好讓食店為食材作出了一些預備.

今晚去了上環吃晚飯，朋友提早預約了樓上鋪打邊爐。餐廳除了有不少特色湯底，還有好多種不同醬料，有自家製蝦皇醬、自家調配甜豉油。蝦皇醬令人一試難忘，除了許多有原隻蝦乾，還有少少辣，十分惹味。湯底選了雜菜豆腐白湯煲，清清的，可以試到食材的原味道。原來雜菜份量足，可以不用另加蔬菜拼盤亦可，多吃菜有益，所以都清光了。例牌安格斯肥牛，厚切肥美。雲吞蝦肉爽彈，雲吞皮滑溜。鱔片厚薄適中，鮮嫩爽口。加杯自家製酸梅湯，可以生津止渴。

早前聽好友提過一間樓上火鍋店水準不錯，於是問好友資料再預約跟老公放工去試試先。上環地鐵站出口行過去非常方便，大約2-3分鐘左右已經到達，餐廳格局感覺有點似私房菜，而且非常乾淨企理。店家提供多款不同口味的醬料作火鍋之用，除了蔥，沙爹醬，麻油等等，最特別有一款自家調製蝦皇醬，用了蝦米、蝦頭、蝦膏等等材料調配，味道香濃鮮味，蝦味突出濃厚，配搭各種食材都非常匹配。青檸梳打火鍋必定要配透心涼飲品，第一次見有原渣青檸梳打，2人share 剛剛好，用上新鮮青檸+檸檬，味道沙爹湯底沙爹味濃郁芳香，聞到香味已經令人胃酸增加，配上牛肉，簡直絕配。頂級本地手切騸牯牛（例牌）騸牯牛脂肪均勻，牛肉脂肪有若雪花般細緻的紋理，入口肉質細嫩軟綿，輕輕一咬已經完全溶化，口感可媲美和牛。香滑雞件雞件份量十足，入口味道鮮美，肉質鮮嫩多汁。墨魚滑店家自家製手打墨魚滑，味道鮮甜彈牙，爽口新鮮，沾少許蝦皇醬更添滋味。

見到網上介紹呢間私房火鍋店唔錯，就同好耐無見嘅朋友嚟食，地方闊落，又可以坐耐少少。揀醬料嘅時候要先戴返口罩，確保衛生，老闆特別推介自製又足料嘅蝦皇醬，有蝦膏，蝦米等，香濃惹味～點咗打邊爐必食嘅嚮鈴脆卜卜新鮮炸起，可以點泰式辣醬嚟食～湯底揀咗花膠雞湯，養顏一流食之前先飲一碗湯，味道十分鮮甜，夠足料所以好香濃好多材料，花膠同雞都幾滑，大概有6-8塊。之後食嘅嘢幾乎唔需要點醬都可以，清清地食都好鮮味～安格斯肥牛唔會太多脂肪，啱我口味，肉質都幾好👍🏻仲有叫咗其他配料同粉絲，索晒雞湯嘅味好正，大家有機會食一定要試下呢個湯～👍🏻

全公司得返我同另一同事兩個人OT，肚餓到飛起，上網搵吓，公司樓下有呢間私房菜打邊爐，即刻飛奔落去😆雜菜豆腐白湯呢一個湯煲，裏面有多種唔同嘅菜，無論大人細路都好啱食 ，菜類令湯底清甜，非常健康！豆腐滑得黎又有豆味,質感味道都唔錯,整個湯清清地，湯頭清甜，好健康👍店家推介呢度嘅手切牛～雖然係本地嘅 ，但係唔輸日本牛，香港local都有正嘢 ，抵讚👍👍水晶叉燒包叉燒包食得多，打邊爐食叉燒包真係好少有，仲要係水晶嘅 ，果皮煙煙韌韌，煮完之後外皮鹹鹹地，中間叉燒餡甜甜地，味道都好出，好特別❤️❤️一碟有成六大粒，我哋都飽飽地，而且咁夜唔食太多，就無叫其他嘢了🌹

✨雜菜豆腐白湯煲$128✨頂級本地手切牛$398～雪花紋理分布平均嘅手切牛 ，雖然係手切，但係都切得好靚，大細片片都差唔多，烚完之後，更係牛味濃郁👍✨香滑雞件$118～雞件就好似佢個名咁 非常滑 而且有雞味 肉質好實 唔會好散 有啲似走地雞嘅感覺 而且呢個價錢份量好多 唔錯✨出前一丁 ＄35～出前一丁就人人都食過 ，但係唔落味精粉 ，靠個打邊爐湯底嘅出前一丁 ，其實真係比原本個個麻油味更加好食 ，索曬d湯底精華嘅一丁 ，非常滋味 ，令人飽肚又滿足！

朋友難得有機會升職加薪，一定要慶祝一下，趁天氣轉涼，來到佢返工附近的世瑛大廈4樓，揀咗佢鍾意嘅打邊爐。餐廳屬於私房菜模式，擺枱好疏落，坐得舒服，牆上超大電視好有家嘅感覺！點完餐之後店員送上一大盆醬料，都有好多選擇，特別介紹咗自家製蝦皇醬，真係好正！👍貪靚嘅我哋揀咗花膠雞煲，花膠都算幾厚身，雞肉質新鮮嫩滑，份量十足！仲有好多金華火腿、紅棗、杞子，先飲兩碗湯😋😋😋自家製炸響鈴，剛剛炸好上檯時熱辣香脆，老闆建議點上酸辣雞醬，別有一番風味。😋安格斯肥牛油脂分布均勻，啖啖看濃牛肉味。👍😋新鮮嫩綠嘅白菜仔好難得無沙👍最後粉絲索晒啲湯汁特別好味😋

食火鍋除咗食材仲有醬料，這間店嘅蝦醬是自家製的，微辣，蝦膏味濃。加上自家混醬，正。今天點嘅係沙嗲煲，散發着香濃椰子味，而且沙嗲煲越煲越甜。安格斯肥牛脂肪分佈極靚，牛味濃郁，火鍋必叫。豬潤很大碟，分量十足，爽口，而且價錢十分抵食。鯇魚片賣相精美，每片厚度均勻。底下是滿滿的粉絲，搭配沙嗲湯底，簡直美味。叉燒包奶皇包，這個比較特別，也有驚喜。叉燒包的叉燒味濃郁，皮薄。這样煲奶皇包很特別，不同程度的煲煮時間會影響奶黃的流心程度，個人比較偏愛煲久一點，越流心的奶黃越愛。牛丸帶子丸双拼，牛丸跟其他火鍋店的截然不同，夾起到食落口也明顯感受到他是自家製的。牛丸的口感比較像茶樓的蒸牛肉，而帶子丸的帶子分明，彈牙，口感極佳。

早前朋友介紹一間樓上打邊爐私房菜，說道食物好有特色好有水準，今晚終於來試試啦！真的無介紹錯👍🏻可以話由醬料鍋底到食物，我都非常滿意呀。先來混個醬料，經理推介必試自家製XO醬，由蝦膏蝦頭蝦油蝦米製成，小辣啖啖蝦肉，真心配搭所有食物都好夾😋 沙爹煲有驚喜，是濃濃的糊湯底，有清香椰子味及花生香，用料十足，就算加湯後味道也更濃更甜。蘇格蘭安格斯肥牛非常新鮮，脂肪紋路靚牛味濃郁，大約淥5-6秒便能入口。水晶叉燒包真係估你唔到，點解同茶樓食嘅叉燒包一樣味道㗎?!! 甚至比普通茶樓更足料更多甜叉燒，原來換了水晶皮後打邊爐係超好味的😋水晶奶皇包味道也不俗，滾耐一點會更流心。自家製牛肉丸是我極力推介的，牛丸非常大粒，味道卻像茶樓的山竹牛肉，清新香芹味感覺好得意。竹生帶子丸非常彈牙，內有粒粒帶子好有咬口。豬潤好大件份量又多，入口無渣而且爽口。服務員有禮專業，整晚用餐體驗非常完美。

好友在中環工作, 叫我過去上環打邊爐👍🫕，好合我心意👍😍 入到去一睇，好有私房菜嘅feel, 感覺很自然輕鬆, 好有家嘅感覺😄椰子雞煲🫕坐低叫個椰子雞🐤煲, 因為我想滋潤下喉嚨，尤其是現在時常要戴口罩😷 先喝一碗清湯潤下先｡｡。😋個湯好甜，加咗紅棗所以好補, 好清潤, 好啱女性朋友👍🙆啲雞🐣嘅份量好充足, 係來自清遠嘅，所以雞的肉質好彈牙，而且好嫩滑，平時自己唔得閒煲，過嚟又飲又食就至啱不過😆呢度會有青檸同沙薑, 用嚟點雞吃, 青檸嘅感覺，真係好新穎，又好清新🥳喜歡吃薑的朋友，就會鍾意呢個沙薑雞, 瞬間好似多咗幾個唔同嘅食法👯半份安格斯肥牛🐄每逢烚下烚下, 點會漏得呢一個甘好味嘅美物呢｡｡。😜尤其牛魔王必須要征服佢，記得唔好烚咁耐呀，依照個人喜好，數三下掂曬🤩牛肉很滑溜，而且牛味感非常豐足👍😘真係要讚下🌹佢個蝦米 XO 醬, 超多蝦米仔, 好香 🦐🦐🦐幾乎配搭任何食物都咁好味, 我真係想問下，有冇得散裝買呢?!雙拼: 牛丸 和 墨魚丸🍢🍢打邊爐總要叫下丸丸，否則唔似樣, 哈哈，加多20蚊，可以叫雙拼，最啱我哋呢啲又想食多幾個款式, 但小胃嘅空間又有限的女人👰👰好新鮮又大粒,🍢🍢個外貌非

第一次去公司附近呢間私房火鍋食打邊爐 樓上舖其實一啲都唔起眼 係做口碑 食過就知點解即使鋪位冇乜宣傳 但都依然有唔少人嚟食因為想食清啲所以叫咗個冬瓜水鴨湯底 裏面除咗有幾件冬瓜之外 仲有大半隻水鴨 啲湯好好飲 我哋都飲咗好幾碗湯先開始打邊爐 嗌咗好幾樣食物 最推介係手打墨魚丸 真係超級超級超級之彈牙新鮮 喺餐廳出面已經聽到廚房師傅拍拍拍拍聲 正宗手打彈牙墨魚丸 =P另外叫咗份安格斯牛肉 超級高質 油脂分佈好平均 完全冇渣 鍾意食牛既朋友可以嗌全份過足口癮又叫咗個芥蘭苗 菜苗夠嫰又好甜 而且打邊爐有時都會有d油膩感 食菜減少罪疚感 haha同時叫咗個呢度嘅推介菜式麻辣牛肉餃 麻辣味足 男朋友超鍾意食嘢之外仲嗌咗一榨青檸梳打 超大榨先78蚊 好抵飲 又唔會太甜 飲落去有啲似清熱酷食物之外 店員都好好服務又親切 大家要一定嚟試下

放工約咗朋友嚟試啲間湯煲私房菜。佢嘅秘製XO醬好惹味，用蝦頭煉油仲有蝦膏蝦醬蝦米，配肉配菜配丸都好夾。如果有得獨立買就好，哈哈。至於湯底就叫咗冬瓜水鴨煲，打邊爐之前先試咗佢嘅原湯，好好飲，因為佢仲有落到果皮所以大啲咁香。水鴨點埋個秘製XO醬，一流！野食叫咗手打墨魚丸，堅係爽口彈牙，仲食到墨魚粒。其實食嘅時候已經聽到師傅喺入邊打緊丸，所以真係真材實料。川式麻辣牛肉餃，好出色，夠香夠麻，唔會太辣。至於個安格斯肥牛，上枱見到啲雪花紋就知道一定係好嫰。淥咗大概十秒，好夠牛味，好味！仲叫咗個芥蘭苗，唔使煮好耐都快淋，嫩。埋單一千蚊有找，開開心心又一餐。

呢幢大廈有好多嘢食，之前喺上環返工都成日幫襯，不過唔知道原來開咗間火鍋店，於是今日嚟試吓。點完菜就已經有一盤醬料俾我哋選擇，店長特別介紹佢哋自製嘅蝦醬，裏面有蝦子，蝦頭，蝦膏，蝦米，味道有啲似XO醬，帶點微辣，好惹味！都唔需要落其他調味料我哋叫咗個好滋潤嘅椰子雞煲，湯底係用椰青熬製，超級清甜；佢哋用清遠雞，雞味濃而且滑；另外仲有一碟青檸檬同沙薑，要來調味。炸響鈴：自家製，腐皮好薄，由於即叫即炸所以熱辣辣脆卜卜，可以舔泰式辣醬，或者浸湯食。安格斯肥牛：牛味濃，脂肪分布平均墨魚丸拼蝦丸：加$20可以試晒兩款，兩款都好彈牙爽口芥蘭苗：好新鮮

氣温驟降幾度，立刻捉緊涼意的尾巴趕快吃個火鍋吧! 揀食火鍋最緊要食材新鲜，朋友話呢間做得到，馬上訂位不容拖延。 私房菜的格局，面積不算大，簡單陳設，牆上掛上優雅的畫作 ，店內整潔衛生，有家的感覺，可以放心地享受一頓美食！ 侍應有禮招待並推介椰子雞煲做湯底，奉上湯立即飲一啖，再食一件雞，我們都讚不絕口， 鮮椰子+清遠雞 ， 湯鮮甜雞嫩滑 ，又有紅棗杞子配搭， 滋補養顏， 果然好介紹喔！ 蘇格蘭安格斯肥牛(例牌)，上枱冰凍，急不及待夾起放湯，見轉色即食，軟腍入口溶化，一食再食✌✌✌ 豬潤，豬粉腸，久違了的至愛啊！ 厚厚的豬潤 ，豬粉腸好'粉'的滋味，味道令人難忘😍😍！ 大大粒自家製墨魚丸及牛丸， 啖啖肉，正! 蔬菜拼盤，火鍋點少得，有肉有菜，咁先均衡飲食嘛。 我哋烚吓烚吓，食出鮮味來，足以見得食材新鮮的重要！ 真係食到超滿足，心情暢快無比💃💃💃。