港畔餐廳 (已結業)

先講講本身都幾鐘情呢間酒店的環境, 無論日夜,都感覺好舒適,好relax.生日又來到洲際食飯,今次放肆食餐好高膽固醇的鵝肝,因為佢真係任你食,即叫即煎,我足足食左3Round. 呢餐之後要節食,食麥片平衡返人頭擁擁的地方就離唔開個刺身BAR, 雖然今晚無我鐘意食的赤貝,不過有好靚甜蝦,帶子,三文魚,呢3款係我最BUY的.因為最新鮮,最肥美.熱葷推介佢個咖哩羊,幾正宗印度口味,香料幾足,唔太辣仲有佢個燒牛肉,真係靚到暈,極推介.肉汁好多,諗起都流口水有個排隊位,就係個中式的京蔥片皮鴨.個皮好軟身,細細粒一啖食哂,食夠佢4件先夠喉個翅都幾好食,雖然無咩翅,但有竹笙補返數.最最最熱辣辣的Tempura,雖然係同稻菊差幾班,不過我都食左相當之多,皆因佢D蔬菜都算新鮮,又夠甜.推介佢個甜黃椒最尾食埋甜品,所有野都好甜,唔鐘意食太甜的人,千祈要試下佢個macaron,包你咩都唔洗食.因為甜死左餐飲都好正, 因為佢D凍飲, 無論係凍檸茶, 凍咖啡, 入面D冰都用返凍茶/凍咖啡去造,咁就唔會越飲越淡味啦焗梳乎里,比較甜左D,如果少D糖,再好食D.

自從加入了海逸酒店集團成為其會員後,便光顧了他們旗下幾間著名的酒店餐廳。最近,洲際酒店推廣部也有職員透過手機聯絡太太,太太再將我的手機給了有關職員,起初本想婉拒她的好意,心想此終覺得海逸酒店其下的酒店餐廳較洲際酒店選擇多,可是有關酒店職員略提及國內及其它亞洲地區也可通行時,猛然記起於上年年頭,層到過琛圳華僑城洲際大酒店內享用過一頓水準不錯的法蘭西晚膳,若憑卡光顧集團旗下的餐廳還有優惠的話,心想,國內人仔升值,到酒店餐廳結脹時亦需加15%銷售稅,此會員卡應該可以受惠不少的呢! 再說,除了Habourside外,酒店其下的餐廳的水準也不錯,見洲際其下酒店餐廳酒店在Openrice的優惠券幾乎一張也沒有,於是就在職員的哄說之下,再加上兩盒手製的比利時朱古力及一支酒的贈品攻勢下,始終敵不過職員的花言及巧語之下,便即時加入成為另一酒店集團的會員了。預早一星期前己預訂了年廿九的晚餐,由於當天是太太的牛一,特別以會員的身份預留了一個生日蛋糕送給太太,可惜最終仍是因過於飽肚而將生日蛋糕打包回府享用。當打算去吃一頓自助餐時,當然會在訂位之前先自行打探當月的主題是否合乎我倆的胃口。原來當晚佔大部份的冷熱盤

拍拖四周年紀念日6:30pm去到，已經有少少人排隊夾海鮮~~當然唔執輸~拿拿聲夾夾夾啦 沙拉類： 有不同款式的沙津菜、車尼茄、泰式魚仔... 巴拿馬ham 幾好！可惜哈蜜瓜唔太甜...海鮮類：龍蝦 (我都係鍾意中式煮多過凍食) 不同部位的蟹蝦 都幾爽口帶子 (哈哈...都幾大粒架！男朋友話似食魚蛋，我覺得帶子唔夠鮮味)琵琶蝦 的肉質我就覺得麻麻~~較鬆散...煙比目魚好味！刺生類： 三文魚 肥美哦！ Tuna 都幾好！ 帶子 好似薄左d wor~~ 魷魚 我真係覺得麻太掂...好黏... 俾個名騙左...好似來自日本的 冷幼烏冬熱盤： 竹笙翅 哈哈...我食左3碗...個味唔錯！但D翅太少太細條lor... 北京填鴨 一般好味... 牛柳&法飽 又幾得意~~ 煎鵝肝 好肥美哦！ 酒煮螺 好入味哦！ 煎羊脾 唔錯！唔錯！ 天婦羅蝦 老火湯 好入味！好好飲甜品：朱古力金幣新年曲奇Blueberry粒 + Mango味毛司 好味！法式蛋糕水晶蓮蓉糕糯米糍布甸士多啤梨朱古力 & 士多啤梨味噴泉Mango & 雲呢拿味雪糕 訂位個時可以request有個慶祝4周年紀念的朱古力牌

今晚去左洲際去左洲際，慶祝bb升職！頭盤好多choice，有蟹腳(my fav!) + 龍蝦(bb's fav!).. 哈哈我地兩個食左三轉！之後即刻轉攻main dish.. 當然要試下呢度出名既鵝肝！夾多士真係好正！d鵝肝好肥美，但係食左兩件之後就開始滯。飲番碗青紅蘿白湯，好似就冇咁滯。同埋碗湯真係幾夠火候！相反，碗竹笙翅就好麻麻，成碗芡咁，我諗得1個%係翅囉！總結黎講，呢度d野食水準都幾高，我會再番黎既！

同老公黎食buffet慶祝生日, 對上一次食已經係年幾前既事, 今次我覺得有進步喎, 唔係咁差姐鱈場蟹, 亞拉斯加長腳蟹, 枇杷蝦, 波士頓龍蝦, 帶子, 大蝦, 蟹, 種類很多, 味鮮, 值得一讚魚生唔係我杯茶, 我食既全都係老公攞番黎既, 見到三文魚好新鮮, 我試左2舊都唔錯巴馬火腿OK, 不過蜜瓜切得太大舊, 其實薄d仲好燒牛仔肉都係一般, 燒得過火, 比較老北京填鴨我反而覺得唔錯煎鵝肝好味, 我一共食左4件 Pizza一般辣酒煮螺, 麻麻地, 唔係好入味煎海爐魚, 好味, 我encore左2次竹笙翅, 好多竹笙, 夠熱, 味道OK有一種黑色既長條型餅乾, 好好味, 我一個人食左2條 香草味反而就一般甜品有好多選擇, 我就食左, 綠茶蛋糕, 好食, 老公要encore, 栗子蛋糕, OK, 檸檬撻, 好食, 酸酸甜甜可以消滯, 麵包牛油布甸唔錯, 芝士布甸, 芝士味唔係好濃, 木瓜雪耳糖水, 唔太甜, 其他食唔落因為太飽總括而言, 有進步

7-11-2009手持一張阿媽的 Complimentary Afternoon Tea for Two 會藉 coupon, 呢日同朋友嚟用咗佢. 上次去了無得訂位的 Lobby Lounge (http://www.openrice.com/restaurant/commentdetail.htm?commentid=1975364), 今次嚟到較靜又無咁迫的 Harbourside. 叫了 Afternoon Tea for Two (原價 $368), 不過今次除咗環境及服務以外, 係無樣得! :-先嚟飲品, 朋友飲 Earl Grey, 我就飲 caffe latte... 面頭奶泡如洗潔精 , 面頭兩撻啡色好似用手指「篤」落去咁, 賣相不敢恭維, 飲落質感稀薄, 咖啡味極淡, 連奶香都欠奉, 好難飲喎! 朋友笑我飲得太多 Coffee Assembly (http://www.openrice.com/restaurant/commentdetail.htm?commentid=1953426) / Coco Espresso (http://www.openric

1 點黎到食lunch...Waitress 安排左窗口位, 對住個海, 太陽又晒, 小小冷氣都感覺唔倒勁多人係度排隊, 有3個妹妹仔排係我前面, 非常嘈係咁"了"D 野食==周圍D 人都好嘈, 好似去左Canteen 咁, 一D都唔似係酒店樓底係好高, 值得一讚, 因為好小地方有咁高樓底我問Waitress 有咩野daily fruit juice, 佢話冇, 我點左杯士多啤梨汁個Waitress "下, 唔係呀嗎?"我話冇就算啦, 佢話"士多啤梨好難打汁, 如果你要o既我咪打杯俾你囉"之後送上黎o既係一杯士多啤梨糖水, 唉- 因為半島會打杯士多啤梨汁出黎, 真係好用心去做, 好用心咁招呼客人其實呢度o既食物真係好普通, 我好似去完canteen 咁, 我對我食過o既野印象唔深刻...沙律: 有人話呢度d 沙律好好味, 但我唔覺有咩特別, 周圍都有都係咁架炒雜菇: 全場最好o既食物海南雞飯: 一般...但我想食好時多d...牛肉: 勁"un", 唔想傷害自己個胃, 我放棄再食落去蝴蝶餅: 人地話呢度最出名就係蝴蝶餅, 面層已經有糖粒, 太甜紅莓鬆餅: 呢個係最好食o既, 有粒紅莓係鬆

老細升職，俾我地屈左佢請我地去Harbourside食buffet，我地當然開心！期待左兩個星期，終於有得食，唔知係唔係期望太高，覺得比想像中差首先係冷盤：－　蟹腳唔多，同唔係好大隻，還算新鮮，仲有花蟹同另一款唔知叫咩蟹，都一樣新鮮好食－　龍蝦熟過頭，有D乾同韌，不過都算甜美－　蝦過得去－　沙律款式唔算多，蔬菜幾新鮮，醬汁都係三四款－　魚生反而唔算錯，甜蝦真係幾甜，帶子都唔錯，其他都不俗，唔知係唔係香港人鍾意又厚又大件，件件都成1cm厚，我本人比較喜歡薄少少，薄D會更好食－　稻庭冷烏冬唔夠滑同凍，麵汁亦唔香－　有巴馬火腿及意大利腸，唔會死鹹，肥瘦適中總括黎講只係過得去，無生蠔食又要扣少少分．跟住係肉檔：－　燒牛仔肉過得去，肉味始終唔及四季o既Blue Bar好食－　燒羊脾我嫌太熟，味道可以再跟住係熱葷：－　煎鵝肝好唔好食都食左兩件先，查實都幾好食，一口油香，不過年紀大，唔敢食太多－　北京填鴨，以前食填鴨真係淨係食個皮，而家度度都係片埋肉，燒鴨皮既香味唔多，同埋好”的式”，可能因為咁”的式”所以俾兩舊－　Pizza一句講晒，唔香唔脆，無喱文味－　炆牛肉，好鞋，味道一般－　雞（類似印度烤雞

Brunch Buffet 11:30~15:00$638+10%未食都覺得貴, 食完覺得好底..Moët & Chandon香檳任飲, 海鮮方面以鱈場蟹最好, 魚生方面可以不吃燒牛肉水準一流, 鵝肝油份極高味道不夠濃郁, 風乾火腿芝士種類多到令人雙眼發光...唯一可惜香檳海鮮芝士火腿燒牛肉已經令我食得太飽,起碼有超過一半食物未能一試...似乎要再去一次

食過咁多間酒店buffet都係最中意洲際的dinner buffet,雖然很貴,但真的很喜歡他們的dinner buffet,很喜歡他們的開邊龍蝦同埋海鮮,次次食都好新鮮,魚生都唔錯,不過就唔係次次都係頂級新鮮甜美,佢地個竹生翅都ok啦,甜品種類不算少,都是歐式甜品同埋cake

之前聽過好多人講洲際自助餐幾咁好食，於是媽媽生日就全家一齊去試下啦!7:00左右去到，服務員帶我地去到最遠o既位置...(因為waiting list，所以冇辦法)我地個位置近樓梯口，唔知樓上係咩地方，但成晚都好嘈! 不停奏音樂。well...開餐啦! 出去睇睇......食物款式少，失望.....海鮮冷盤得龍蝦、蝦、蟹、青口，$500/人連生蠔都冇! 龍蝦: 好韌....冇鮮味冇咸味，總之冇味...蟹腳: 好咸....蝦同青口: 一般刺生有幾款魚生、甘蝦、帶子，全部唔夠新鮮。魚生: 一般甘蝦: 幾好食帶子: 唔新鮮! 熟食一般，竹笙翅味道唔錯，不過得1%翅。家人話鵝肝不錯。甜品.....生果幾好，mousse好味，其他唔得。服務方面都唔好，不停好多工作人員o係食物櫃前走來走去同埋d客一齊逼，攪到d人亂晒亂打尖。冇啦啦有個服務員仲拎住幾十隻碟就咁逼出黎，吉碟補充個arrangement好差!總括:我以後唔會再去，$500更加唔值得。

13-8-2009(以下係一篇好悶的 buffet 食評, 頂唔順的話, 建議你齋睇相吧啦...)其實我唔太熱衷食 buffet, 但呢日為 E farewell 喎, 阿媽又有折, 仲要係食物質素數一數二 (buffet-wise) 的 Harbourside, 當然要跟埋嚟啦. 比起上年嚟 (http://www.openrice.com/restaurant/commentdetail.htm?commentid=1918250), seafood 部選擇少好多, 只見龍蝦, 青口, 帶子, 蝦 (「原隻有殼」及「無頭有殼」都有) 及長腳蟹, 翡翠螺及即開生蠔則 nowhere to be seen, 可惜. 龍蝦賣相如常靚, 不過有點老又有點乾, 仲要無乜味道, 唧了檸檬汁亦於事無補, 失望 蝦就以「原隻有殼」的較甜及實肉; 帶子都有點老, 不過幾鮮甜, 幾好食; 青口反而又甜又嫩滑, 不可貌相的一味; 而長腳蟹就鮮甜又好肉地, 海水味不過鹹, 最好食係佢. 到刺身壽司部「唔要三文魚, 其他每樣少少」, 師傅就俾了油甘魚, (魚立)魚, 赤身及甜蝦: 咁多樣得 d 蝦好

I had lunch buffet there during weekday last week. The restaurant was full and it's a bit overcrowded. There were a few choice of foods and didn't have expensive stuffs, e.g. scallop shushi. It even didn't have common cold plate seafood like crab and shrimp. The roast beef was overcooked for me (you'll like it if you like well done steak).Nevertheless, the service and view were good (we were assinged window sests and had the whole harbour view). So, I don't have any recommendation. It depen

Went to this highly praised buffet dinner at INTERCONTINENTAL HOTEL HARBOUR SIDEBEEN VERY SURPRISED!at the:-little choice of foodbad selection of meals generally low quality of welcoming drinks (but the coffee was good)IT HAS DEFINITELY been one of the most disappointing dining experience in a highly praised restaurant (second to Disney Hollywood Hotel )BUT the service was exceptionally good, with their attentive workforce,just not enough to cover up the fact that the food was not as good as we

環境極度一般, 食物味道都還可以但未計加一,588蚊一位仲要排隊等攞嘢食呢點極差, 亦係至不滿地方但有三點值得讚,1.) 食物係源源不絶供應, (如果去到唔係好肚餓果隻可以坐到七八點先開始去攞嘢食會好d唔洗同人迫.)2.)侍應服務態度好, 3.) 我哋四個人坐到差不多11點, 都沒有趕客走意思.冷盤只有: 龍蝦, 青口, 凍蟹, 蝦(只得4款) 但很新鮮 刺身 : (魚立)魚, 三文魚, 帶子, 甜蝦, (都係得4款仲要好似配給咁比你)但都算新鮮, 板x貨色熱盤 :辣汁翡翠螺 , 無辣味 ; 鵝肝, 煎得過火, 燒牛肉, ok唔太特別, 竹笙翅, 好一般甜品試咗七八款, 得一款係ok, 但唔記得係乜嚟.,亦再無心機再食全晚無乜邊樣食物出色或特出,所以只試咗以上幾款食物, 6舊水同掉咗錢落海無分別,結論 : 唔洗錢都唔會再去