渝味曉宇重慶老火鍋 (QRE Plaza) (已結業)

今日收工同同事出咗灣仔食重慶火鍋，一入去已經好濃辣味，即刻充滿食慾我哋毫不猶豫咁叫咗個九宮格麻辣大紅鍋 超多辣椒、花椒等，除咗辣之外亦都非常之麻~叫咗好多唔同嘅食物，例如麻辣牛肉，其中最正嘅係 A4宮崎和牛肉眼 一上枱就忍唔住幫佢影咗幅相，賣相實在太靚，脂肪分佈非常平均， 下面仲有一大盤冰坐住，保持肉質新鮮田園菜籃又麻辣又咁多肉，絕對要食番多啲菜，呢個菜籃同出面食到嘅差唔多都係有唔同嘅菇類菜類， 賣相整到好似一朵花咁食飽飽已經約定好下次再嚟挑戰

一早收到風老闆會放假，成班同事一返工就諗定食咩Lunch結果有同事建議食麻辣火鍋，我梗係二話不說舉腳贊成啦BOOK左12:30食! 環境都好好，坐得好舒服一坐底侍應哥哥就送上碗雪耳糖水，話比我地滋潤一下先，又幾好飲，唔會太死甜。我地叫左一個小麻辣加一個香菇清湯，有辣有唔辣，任均選擇配菜其實都叫左幾樣，但其中必點脆鯇魚片(堅脆又大件)、墨魚滑(彈牙無得頂)及自家製丸子(有別出面街食既丸，有特色)比個全相大家睇整體黎講幾好味，唯一要彈就係唔係任食囉，係咁易叫幾碟埋單都要$230位，都幾貴。不過都會有下次既

朋友鐘意食辣，又鐘意食打邊爐，所以每次約他食飯都係會搵一間新既火鍋店，而今次就揀佐呢間位於灣仔既重慶火鍋店啦。餐廳位於QRE PLAZA，都幾方便，由地鐵站步行前往，5分鐘就到啦。餐廳既火鍋配料選擇都幾多，而且價錢唔貴。當然話到明呢間係重慶火鍋店，辣既湯底當然唔少得。特式香果鍋各款湯底都可以選配普通湯，或者重慶辣湯，而最後我地當然要試試呢度既辣湯啦。湯底既麻且辣，食完個咀真係會有麻痺既感覺，都係又真係感覺好正。手打蝦滑 $46 半份 $89 全份鮮菇拼 $46 半份 $89 全份手打蝦滑食好彈牙，而且都幾大份。而鮮菇拼就真係成碟都係菇，可以講得上係一個全菇宴，而每一款菇都好大隻，睇得出係好貨色。孝乕十味 曉宇苕粉 $27 半份 $51全份孝乕十味係餐廳推介既十款精選菜式，而我地就揀佐呢款曉宇苕粉。放湯不用煮太耐已經變淋食得，食落好滑同埋挺身，彈牙度十足。美國優質肥牛粒 $75半份 $140全份肥牛粒既份量都幾好多，味道濃郁，配埋個重慶辣湯真係絕配。

渝味曉宇對於鍋底的選料相當嚴謹，堅持選用最好的料炒鍋底，店員稱他們多年來有兩樣不變的原則：不麻不辣不叫重慶火鍋；只有用牛油熬製的才是正宗重慶火鍋。麻辣湯底夠正宗夠地道，味道夠香，夠濃，但不算麻，配料四五十款，品嚐正宗重慶麻辣火鍋又不用北上，在香港灣仔分店也能吃到！還介紹左我地食麻辣，特別蘸上香蒜及麻油，不但令食物更香更滋味，可以降火保護腸胃。除了重慶麻辣湯底外，更有不同鴛鴦湯底，推介香港獨有的特色香果鍋，清雞湯加上香梨、番茄及馬蹄煲成，清熱解辣，適合不嗜辣的朋友們。功夫土豆片賣相超靚，心明廚師的刀工竟然可以將薯仔一片片成做形，薄薄放上麻辣湯非常吸收。手打蝦滑將蝦用手打到起膠，又係功夫心機，碌熟後無散，彈牙實的的。牛骨髓 已經好耐無食過因為唔係間間火鍋店有售的，今次有機會咪叫囉, 食落軟滑綿密無臊味，好好味。鮮菇拼 除左菜蔬還要食下菇類拼盤，尤其我愛食的金菇，還有其他鮮冬菇，雞脾菇同秀珍菇添。每人三四百，不便宜但物有所值。

選左個鴛鴦湯底，一邊自然係黎到必叫重慶麻辣湯底，而中間係香港獨有特色香果鍋，由清雞湯加上香梨番茄馬蹄煲成，帶清甜，可以清熱解辣，食食下覺得太辣就可以落d 係呢個湯. 而呢個底無咁重口味就更易食到本身食材味道冰鎮稻田毛肚 ，爽口，其實本身無咩味，但好吸湯，放係辣湯就最岩黑豚腩肉 ，邊位帶一層白肉，如果唔怕肥其實食落係更軟腍，都唔錯麻辣牛肉 ，本身已用滿滿麻辣醬醃過，食落就更加入味麻辣，好辣人士應該會喜歡豬天梯，都係第一次聽，原來即係豬上顎嘅軟骨. 因為一層一層咁堆疊，睇落似樓梯所以叫豬天梯，都係店員介紹先知. 食落彈牙脆口，都係無咩味不過口感唔錯，加辛辣湯底最match一份量都唔少

今日約了幾個朋友去打邊爐，大家都在灣仔返工，所以就揀了附近的火鍋店。這裏沒有任食，所以食材質素較高。特色香果鍋因為有朋友唔食辣，所以點了這個鴛鴦鍋，外面是麻辣湯底，裏面是以香茜、番茄及蘋果等清新的蔬果做成的湯，味道較清甜，無麻辣的燥熱。美國優質肥牛粒 肥牛粒油脂不算太多，肉味都算濃郁而且有咬口。美國極品牛小排肥牛牛小排肥瘦均勻，肉味較肥牛粒濃，而且份量十足，肉質腍滑，入口有油脂甘香。南瓜餅炸得香脆又不會太油膩，中間有香甜的南瓜蓉，外面香脆帶點軟糯。

麻辣火鍋近年大行其道，而且變化越來越多，這間位於灣仔的渝味曉宇主推重慶火鍋，其中最特別莫過於九宮格麻辣大紅鍋，每格裏面都有大量的辣椒辣油，見到都覺得辣，入口又麻又辣，但香味十足。脆鯇魚片厚切大件，而且十分新鮮，魚肉鮮甜。紐西蘭精品羊肉卷薄薄一片，碌一碌就可以食，辣味正好去掉羊騷味，但羊肉味道濃郁且有咬口。這個串鮮蝦十分新鮮，即叫即串，蝦肉結實彈牙。最後一定要試這個厚切午餐肉，完全唔粉，餐肉在麻辣湯底浸過後吸收了麻辣香，食到大汗疊細汗。

食過幾次 環境裝潢舒服 吾會太擁擠 坐起來好舒服 餐具碗碟有中國特色配襯過 整體感覺好干淨 午餐食物方面 是套餐包飲品 蔬菜 湯 hkd 6x-9x 左右 可以接受 試過口水雞套餐 感覺這裹口水雞口味 同出面的不吾同 可能果時職員怕我辣 建議分開醬上 不是有很多辣油包住 重要是 覺得口水雞醬汁 不是很野味 食起來 覺得平平無奇 擔擔面我比較推薦 配料雖然肉碎 花生果d 但食起來 幾好味 但食肉獸一定吾岩 因為無肉食 果次食小辣 已經好辣 所以你地食 小心辣度選擇 費時辣到食吾到大腸酸辣面 都幾油 酸菜夠鹹酸 大腸 無異味 都夠肥美 美中不足 覺得上菜吾夠熱 扣少少分 飲品方面 有特色茶飲 薏米水 幾特別 整體食物 不是很出色 中中平平 但勝在環境幾好 同等位較快 希望以上資料岩金鐘灣仔返工人士參考

好多人黎呢度只知道吃四川火鍋但其實呢度有午餐set, 價錢親民好實惠！Lunch set全部都係麵，餐廳長期做緊優惠，位位都可以減20蚊，仲要無加一！我個set 減完20蚊之後，只係$58！一個set 包前菜、麵、甜品、野飲因為係呢頭返工，已經食過好多次推介羊肉包心丸麵，包心丸個餡係肉碎黎，咸咸地好好味，不過小妹就麻麻地食d豆前菜全部都係辣, 醃得好入味 同場加映另外加點左一碟紅糖糍巴同朋友share，嗜甜嘅一定好鐘意，口感煙韌，不過有少少有d黏牙值得一提，除左送汽水之外，呢度d茶都好香好好飲架！Lunch time要係灣仔搵食真係好困難，一係好貴，一係平嘅就大排長龍，呢到價錢親民，座位寬敞，又唔洗等位，簡直係灣仔午餐嘅天堂

食過劉一手嘅你哋， 我覺得可以不妨嘗試下食呢間啦！ 呢間對比起劉一手就冇咁貴喇 ， 環境方面都好乾淨服務態度好好， 最緊要都係食物嘅質素一開波畀咗碗甜品我地 涼一涼個口食落去真係好有消暑嘅感覺服務員知道我哋唔係好食得辣都專程幫我哋不走少少辣椒， 而中間就揀咗豬骨湯其實佢哋嘅質素都係唔錯㗎， 如果你話對比價錢當然係呢間平啲啦， 我諗有機會應該會去試埋其他分店都再食！ 兩個人加埋一千蚊內都ok夠飽最緊要地方舒服食物質素高最後太食得辣嘅我哋食到流曬汗員工好好啊再送多碗糖水比我哋 解辣 其實應該要額外加錢嘅

打邊爐達人，牛魔王同有麻辣火鍋癮既我，經常周圍試唔同餐廳既火鍋，今次約埋班朋友嚟到灣仔試下呢間。電梯一開已經聞到陣陣麻辣鍋既味道，似乎人人都為辣以來, 隔離左右全部都叫紅紅既麻辣鍋。我又點可以錯過, 所以都有叫，但為咗照顧唔食辣既朋友，所以中間揀咗清湯。就座後店員為我們送上的滋潤雪耳糖水，味道很清甜而且很香紅棗味～牛肉質嫩滑，加上麻辣湯底嘅麻，味道層次更為豐富。鵝腸好爽口彈牙。曉宇苕粉，呢度嘅苕粉切得比較厚，特別增添咬口。

我同老婆都好鍾意打邊爐，成日都去搵啲唔同嘅火鍋店嚟試 ，之前我哋都試過好多不同嘅麻辣火鍋 ，呢間都算非常之正宗 ，而且黎到先知原來呢間火鍋店喺內地亦都非常有名。餐廳服務都好貼心，有提供圍裙，避免食嘢果時整污糟件衫，呢樣服務對我呢啲咁唔小心嘅人非常之有幫助 ，所以真係要讚。湯底又香又麻，食嗰時連個頭皮亦都發癢，非常刺激。 我最鍾意食就係黑栢葉同埋黃喉 ，已經唔係好多火鍋店有提供這類火鍋配料， 牛肉亦都好新鮮好有牛味。一定要bookmark 呢間火鍋店下次再encore。

閒日放工同朋友食痲辣火鍋，就去左都幾出名食麻辣火鍋ge“渝味曉宇”。上到黎已經聞到濃濃ge麻辣味！即刻揀左個鍋底先，要了山珍菌湯鴛鴦鍋。菌類果邊，好香ge菌味，有秀珍菇，茶樹菇等等，好濃郁ge味道。而另一邊就係招牌麻辣湯底，非常多香料係入面，表面有層厚厚ge牛油，正。叫了 我哋叫咗一碟牛肉，分量好多兩個人夠食而且大大塊，有晒口感。曉宇嫩牛肉，牛肉係醃左ge鮮牛，牛味好濃郁，而且好滑，唔錯。槄田毛肚，好乾淨洗得，好爽口。極品鵝腸，麻辣火鍋落鵝腸係非常好味，呢度ge鵝腸好肥美。重慶耗兒魚，呢隻魚得d大骨，所以好容易食，而且都幾鮮。紅糖糍粑，覺得太辣ge時候食呢個紅糖糍粑就啱啱好啦，可以解下辣。唔錯ge麻辣火鍋，特別個湯底好好，好夠香，麻，辣！d火鍋配料亦都好新鮮。

好貴啊，兩個人好似食左$650，打一餐邊爐要食一個禮拜穀種.泡菜超級好味，糖水都幾好，不過要收$20.九宮格無辣度選擇，越食越辣，行返地鐵站已經胃痛。我平時已經食得好辣。.返到屋企發現，紅油竟然結左係門牙牙面，真係好油 .Overall: not recommended

香港人喜歡打邊爐的程度可算是世界級的，無論冬天、夏天，午餐或晚餐，無分時段想食便食，而麻辣火鍋亦算是香港人摯愛的邊爐鍋之一，所以近年不少國內麻辣鍋品牌都有進駐香港的趨勢，最近筆者就造訪了一間最近國內的過江龍，早前獲得《舌尖上的中國2》推介的正宗重慶老火鍋店。這間火鍋原本只是一間在重慶家庭式經營的夫妻小店，獲得節目推介之後，幾年間大肆發展，到現在已有近200間分店，相信當中定有其過人之處！筆者當天來到其灣仔QRE Plaza裡的分店，内裡沒有金雕玉琢的裝潢，走的反而是文青古典簡潔風格，全木器的傢俬裝修，感覺清新舒服，而座位也算寬闊自在，環境裝潢整潔舒適。以傳統老派麻辣鍋馳名，筆者又怎會錯過呢？點菜紙上有齊主要推介的菜式丶價錢和相片，更貼心地詳列了某些食材的介紹和烹煮攻略， 當中湯底的選擇不多只有六款，除了馳名的九宮格麻辣大紅鍋外，其他的都是鴛鴦鍋，即外圍是麻辣鍋，中間則是不辣的口味如大骨滋補、番茄魚頭、山珍菌湯、特色香果和皮蛋香菜，方便不好辣的朋友也能一同品嚐到這店的特色滋味。店内每枱均放有麻油、醋、醬油和葱蒜供客人自己調配，重慶火煱通常只用麻油加葱蒜作蘸料來保護腸胃，但個人覺得這店的鍋