渝味曉宇重慶老火鍋 (QRE Plaza) (已結業)

重慶麻辣/皮蛋香菜朋友唔食得辣，無得叫九宮格麻辣，唯有叫鴛鴦鍋，火鍋湯底同火鍋配料都幾多選擇。先講重慶麻辣，夠辣夠麻，食到我成頭汗。皮蛋香菜，湯底濃厚，雖然香菜唔夠，無乜香菜味，但個皮蛋超好味，無莧水味，煙煙韌韌，唔散爽爽地，好香皮蛋味。朋友非常欣賞個鍋，分隔得好好，唔會滾滾下鴛鴦鍋滾到2邊一樣味。優質肥牛粒邊爐少食肥牛粒，半份都唔少，可以唔洗肥牛片咁勤力睇火，都可以食到肥牛，唔錯既選擇。招牌現炸豆皮脆脆炸豆皮，唔會好油口，1浸即食，脆口野味。另外浸耐少少再食，軟左，豆味出返黎，又吸多左湯味，一菜2食，必點。鮮鵝腸條條超過7,8吋長，一焯即食，爽口彈牙，新鮮，識食一定要點。重慶耗兒魚聽都未聽過，似係剝皮魚仔，岩晒做火鍋，滾極唔散，實實地，但係入到口又夠滑唔鞋，火鍋想食魚又怕魚片一耐就硬，呢個魚仔好適合我呢d唔睇火既人。山楂茶食辣野，打邊爐一定要飲個涼涼地解渴解辣，清清熱氣，非常舒服。無糖簿荷糖食完一輪辣野，個口重留有餘溫，o拍返粒清新口味無糖簿荷糖，為今餐劃上完滿句號成間店既裝修格局好日本風，門口有個地圖，立下眼以為係日本地圖，店名都好火影feel，唔知以為有拉麵食。

早係2016年開始就已經係曉宇既捧場客由一開始係銅鑼灣開第一間店、尖沙咀再到灣仔可以話係間間分店都試過晒 從來都冇令到我失望🌶今日專登諗住放縱一下帶左唔係好食得辣嘅男朋友嚟食🤭唔好諗住食火鍋兩個人食唔抵呢度嘅湯底係人頭計，每個人$38（鴛鴦）而且食材都可以簡半份，就算兩個人都可以試好多嘢食🤗一嚟到嘅時候就會即刻送上一碗紅棗雪耳糖水俾你爽一爽「曉宇大紅鍋」選用重慶嘅n咁多款辣椒、花椒、生薑大蒜....再加入大量牛油熬製，係好有層次嘅麻辣湯底👅👍🏻 嗰種香氣係會飄到去其他樓層一入到lift已經聞到嗰陣麻辣嘅香氣🥵通常我食麻辣火鍋都會必加醋同埋香油一來可以保護番個胃 唔會辣傷二來可以帶出個辣味回甘🤫 兩種層次👍🏻全份安格斯 $216真心靚肥牛🌸色澤紅潤 雪花油脂分佈好均勻 👍🏻即炸豆皮（半份）$32 口感好薄好脆 男朋友鐘意就咁食我就鐘意浸一浸個湯 好似食響玲咁必食推介仲有曉宇滑牛肉同埋毛肚！曉宇既火鍋配料十分地道，有多種內臟好似鮮黃喉、 鮮鵝腸、大刀牛肝等，岩哂重口味既朋友！不過今晚太飽食唔到😰👍🏻足料自家製洛神花茶 真係真材實料 連湯渣都飲埋👅每次都必點！每次黎食都覺得好滿足除左食材 係

灣仔區有好多好野食不過今日lunch唔知食咩好, 就係唔想食飯,咁咪去食濕野~😚食面面, 我同同事就去左渝味曉宇食曉宇牛腩重慶小麵🍜佢D面都得特別又少少似米線, 但又其實係面黎而我最鍾意食D好林既面所以專登叫佢整林D個EE 好好人 又幫我叫廚房整林D好好服務佢D牛肉好入味, 而且唔會煮得太硬,加埋佢個濃香湯底 很好吃 不錯喔!!!不過原來佢依間出名打邊爐,下次收工過黎食下先, 佢個九宮格麻辣大紅鍋好似好正咁🤩🤩

上個星期好多好多嘢做，成個禮拜lunch都冇出街食飯,難得可以抖一抖，幾個同事話灣仔有間打邊爐lunch time有八折優惠, 咁聽落又好似幾抵食，於是就走咗過去QRE Plaza食打邊爐。入到黎非常開心因為冷氣開得夠大！ 原來呢間打邊爐唔係食普通野，係食內地重慶火鍋嘅湯底同埋材料。咁我哋就求其叫咗幾樣出名嘅孝禹十味 。曉宇苕粉 - 好似紅薯粉咁但係粗身好多，咬咬下又幾得意重慶耗兒魚 - 未食過所以好新鮮的魚，店員話係重慶名物稻田毛肚 - 正到爆，必點必點必點，好薄身，新鮮，無腥味，仲擺得好靚曉宇燉牛肉 - 個人麻麻地肥牛，比較鐘意鮮牛肉，所以好喜歡佢呢種鮮牛極品鵝腸 - 直頭正，平時打冷最鐘意食鵝腸，原來打邊爐都一樣好食另外同事再叫咗啲肥牛，菜... 埋單八折埋，一個人都係200幾，抵食好食！ 有機會要係特價嘅時候再嚟食多次先得。

我地9點幾去到，去到得番幾個客，明明睇咗openrice話收12點，但去到一時又話收11點一時又話11點半，最尾話係收11點半，點知去到10點9左右就開始熄冷氣，店員態度極差想趕我地走又比說話我地聽，員工之間好大聲話我地阻住佢地，我地一路都有話唔好意思，盡快食，好似比人催我地咁樣！但最後有位男店員（大概11點20分）仲發脾氣話我地阻住佢走！問都冇問開始收我地枱🤬根本想提早收工！態度真係極差，以後都唔會幫襯！本身食物都不過不失，但服務態度令人痛心！太過份了

今個星期放假約咗爹哋媽咪一齊食飯，問佢哋想食乜嘢，佢哋又係例牌冇所謂。唔想個個星期食中餐咁悶，於是上網搵咗間打邊爐book定位去食平時港式打邊爐來來去去材料都差唔多，呢間好特別，聽說係重慶黎既地道火鍋坐低我哋叫咗好多特色嘅食物， 平時打邊爐好少食嗰啲，有稻田毛肚，曉宇燉牛肉，極品哦腸，曉宇苕粉，重慶耗兒魚，另外仲有平時例牌打邊爐會叫嘅蔬菜拼盤，雜菇拼盤，雲呑，肥牛，黑豚肉片...小食就有紅糖滋粑，炸酥肉炸野好好好好味，好有味道既小吃，可能平時比較少食爸爸媽媽好讚賞呢間鋪頭嘅打邊爐材料，因為我哋一家都好鍾意食牛，而佢又有好多牛嘅內臟等，而且每樣材料都非常新鮮，其中有幾樣野好想讚一讚，重慶魚好好食（只有一條大骨，非常鮮味），鵝腸都係好正，放落湯底好快就食得，另外丸拼盤，肥牛等都十分very good ! 唔怪得呢間鋪頭喺大陸咁出名唔走嘅時候睇到呢間鋪頭八月會做午市火鍋八折優惠，我知道就下次午市先嚟食啦

有朋自遠方來當然要同佢食下特別野，而佢又鍾意食辣，所以就來到渝味曉宇重慶老火鍋，等佢食番餐飽。餐廳位於灣仔QRE PLAZA，由地鐵站步行，5分鐘便可到達，相當方便。渝味曉宇以簡約的新派裝潢，有一片大大的玻璃窗，可讓自然光滲入餐廳內。而店中更有約四五十個座位(還有卡位)，環境舒適，不會覺得太擠迫。原來店內正進行 - 午嚐 · 渝味，全單有八折優惠(咁就可以叫多點，而又唔會咁肉赤了)。餐廳非常貼心提供圍裙，以防客人不小心弄糟了衣服。來得重慶老火鍋又點可以唔試麻辣呀。選擇食物途中，店員先來一碗紅棗雪耳 / 自製洛神花茶，潤一下喉先。店舖還可以將食材選全份或半份，這樣可嚐到更多款的東西。最後選擇了鴛鴦鍋 - 大骨滋潤鍋 / 普通辣湯（2隻辣椒）美國安格斯優質肥牛 - 半份安格斯優質肥牛肉質鮮嫩，雪花均勻地分佈在肥牛中， 只需下湯5-10s便可進食，肉味濃郁軟腍。紐西蘭精品羊肉卷 - 半份羊肉卷肉味香濃，羊味濃厚，但不會有羶味。鴨血/午餐肉/貢丸 - 各半份鴨血像吃豆腐的感覺，很嫩滑。鮮鵝腸 / 美國桶肥蠔 - 各半份鮮鵝腸及美國桶肥蠔都以連冰上，保存新鮮。鵝腸入口爽脆鮮嫩；肥蠔肥大、肉厚而鮮

返返下工好想食麻辣火鍋，所以就揀左呢間好出名既麻辣火鍋食lunch我地叫左鴛鴦鍋 - 重慶辣同大骨滋補鍋重慶辣既辣岩岩好，夠辣味又唔會辣到唔舒服😌大骨滋補湯都好正，用真既牛骨au既好香好好食旁邊有醬料，推介用麻油點肉食，麻油超香，真係好正美國安格斯優質肥牛安格斯肥牛好高質，肉質夠淋又好重牛味，肥瘦分怖岩岩好又新鮮，配辣鍋真係一流薯仔&凍豆腐薯仔同凍豆腐都好索味，索哂重慶火鍋d辣汁真係好正，辣得好爽手打蝦滑&手打墨魚滑食得出蝦同墨魚都好鮮味，仲要好彈牙叫左半份但份量都好多呀羊肉配麻辣湯真係一流好新鮮又夠羊味曉宇苕粉苕粉索哂d辣汁超好食，滖左好耐都好爽口唔會太淋，真係食唔停口油麥菜一定要配大骨鍋食，個大骨湯將菜既鮮味帶哂出黎，菜同湯真係好夾，又新鮮又大份，好好食我地仲叫左passionfruit cocktail，估唔到都幾好飲夠酒味又唔會太濃，仲好refreshing 呢間重慶火鍋真係好正，所有食材都好新鮮而且湯底超好食午市火鍋仲有8折超抵

朋友好鍾意食麻辣， 知道渝味曉宇重慶老火鍋午市有8折優惠，就二話不說訂位去食。當日只有兩三枱客，環境清靜又舒服，一坐底就送上紅棗雪耳糖水及自製洛神花茶。我地揀左個鴛鴦湯底 （麻辣加皮蛋香菜鍋）店員話如果唔食得辣可以加麻油， 中和一下。火鍋配料全部都叫左半份，咁可以食多幾款🥢美國安格斯優質肥牛 $119雪花分部平均，新鮮牛味重。🥢稻田毛肚 $59 & 鮮黃喉 $52 煮2分鐘就得， 食落非常爽口🥢鮮鵝腸 $52又肥又爽口🥢曉宇手打三寶丸 $49彈牙爽口， 不錯， 可惜只得3粒🥢午餐肉 $22打邊爐必食的😋🥢現炸豆皮 $32 即炸的， 我覺得饗鈴多層腐皮口感豐富d🥢鰻魚 (白鱔) $89新鮮爽脆有微骨

一路都好想係香港試下重慶火鍋，今次簡左呢間黎試下。一入到鋪頭覺得裝修幾唔錯，好闊落錯得好舒服！簡左鴛鴦鍋，大骨滋補鍋同埋普通辣湯🤤大骨滋補鍋好濃豬骨味，好清甜，好好味！跟住估唔到普通辣湯都咁辣😂😂😂我同男朋友平時食開小辣，食呢個食到成頭大汗，但好麻好爽😂😂😂跟住我地點左曉宇牛肉，d肉好嫰滑，呢個好推介！苕粉 呢個好似薯粉！好味吸哂d湯～仲有現炸豆皮，呢個又係吸哂個湯，好食仲叫左重慶炸酥肉，呢個好特別，第一次食，炸得好香！紅糖糍粑，鐘意食甜既要試下，yin yin un un 咁樣好好食🤩另外仲叫左牛，好新鮮！Overall 食物質素好唔錯！但重點係湯底！好味！見佢8月有午市discount,會抵過dinner，下次再黎食先🤭

上星期同朋友黎食麻辣火鍋。一坐低第一樣野就係食餐廳送既冰糖紅棗雪耳，可以滋潤腸胃，減低麻辣對腸胃嘅刺激，咁之後食麻辣火鍋就唔驚傷胃啦。聽講呢度內臟好出名，所以嚟到要試一試。鮮黃喉，即係牛或者豬嘅血管動脈，清洗得好乾淨，切同去筋膜都非常花功夫。師父切得好大片又爽脆，好有咬口，非常新鮮。呢度鵝腸真係抵佢出名，好新鮮好大條，清洗得好乾淨又唔肥，完全冇異味，入口非常爽脆。放埋落麻辣湯淥仲正仲香。重慶炸酥肉其實係五花腩再用五香粉及青花椒醃到入味，再揸上炸漿攞去炸到金黃色。新鮮即炸，外層酥脆嘅花椒粒令佢酥脆得黎有少少麻辣，內裏保持肉汁同肉香，可以直接食，又可以浸下湯再食。爽脆豬天梯其實係豬的上顎，放係碟到排得整整齊齊，食落同樣爽脆，咬口有啲似雞軟骨，連埋麻辣湯一齊食就更加正。

店面挺大的，裝修風格也很有特色，天花和燈都感覺到特別花心思去佈置；餐廳服務也好熱情，店員都會主動幫忙。叫左個九格，一睇就知落重材😍🌶️🌶️間唔中食辣可以緩解壓力👍🏻好岩香港人食功夫萵筍片：擺盤好別緻呀，好喜欢這種削薄片片，整個萵筍片味道好清爽的口感，帶著微微清新的甜味。 冰鎮稻田毛肚：這款菜式我特別推薦的，份量好多一樣都係削片片的薄而大瓣，上枱既時候用冰鎮保持新鮮， 毛肚那種韌度口感剛剛好我好喜歡💕孝禹十味：牛肉肥瘦脂肪比例平均，切片後再加入醃料調味，牛肉味道香濃嫩滑，都係必點食物之一呀！

雖然我唔算好食得辣，但打邊爐食下麻辣鍋就真係過癮好多，渝味曉宇之前食過尖沙咀店覺得唔錯，今次就同朋友黎食灣仔店刺激一下特色香果鍋點左鴛鴦鍋，菜類就可以放落中間唔辣湯底煮，食下唔辣巴野援衝一下，菜類咁吸湯，放落麻辣湯煮真係唔得掂呀牛骨髓、耗兒魚呢兩款食物係其他打邊爐餐廳比較少見，牛骨髓滑嘟嘟有少少似食腸粉，耗兒魚肉質較硬身，用黎打邊爐就岩曬唔會滾爛必點優質牛氣拼盤呢個拼盤有多款牛，愛牛人士必點，牛肉有肥有瘦，一次過可以食曬唔同口味牛肉南瓜餅南瓜餅係我地當晚既甜品，外脆內軟，南瓜味好濃喔

下火枇杷凍, 由甜品開始講真係有d怪，但呢個下火凍真係好抵讚！同朋友食火鍋，佢就不嬲唔驚生痘，但我超怕咯，多得呢個凍我第二日先無爆痘咋。勁好食，好清甜！孝禹十味 一出個個都引唔住狂打卡，無他，顏值又高又好食！大刀牛肝, 豬肝就食得多啦，牛肝你有有無試過呢？加左粒蛋，入麻辣火鍋底真係超級夾，唔抗拒內臟既朋友一定要點！現炸豆皮脆卜卜，同響鈴有異曲同工之妙，但更脆更爽口。好少四川野我會咁大大啖食，最緊要係呢度坐得好舒服，推薦！

QRE plaza 成棟野嘅餐廳價位都係偏高，食個lunch閒閒地都百幾蚊，唯獨係渝味曉宇唔洗！.事關佢地午市除左供應火鍋，仲有供應午市重慶小麵套餐，套餐價錢由$68-$78不等，包一個麵、精美三小碟、飲品同糖水！另外，餐廳做緊午市即減$20優惠，仲不設茶位同加一，50蚊左右就食到一個lunch，真係超抵！.三小碟，我食過幾次都係一樣，係雲耳、泡椒鳳爪同酸蘿蔔同酸瓜，用黎開胃唔錯！糖水都係例牌，雲耳冰糖糖水，用黎解下辣，啱啱好！麵食可以揀辣同唔辣，記得係落單紙寫清楚，就算係揀唔辣，個清湯都好香，唔洗怕無味。麵嘅質地類似係擔擔麵個種，我食過幾個都推薦大家食嘅:- 水餃麵-素菜麵同我最愛嘅 - 羊肉魚丸麵非常推薦大家去食，尤其是多數都有位，唔洗等