渝味曉宇重慶老火鍋 (QRE Plaza) (已結業)

之前同同事黎食過呢度嘅麻辣火鍋，超正，今日喺附近做完成，想過黎試下佢個午餐，因為上次見到佢有午餐時段而且價格都好吸引，所以要試試。有12款重慶小慶小麵套餐揀，我揀左「腕豆香菇肉臊重慶小麵」，有三小碟前菜，仲有配送飲品，有洛神花茶、羅漢果茶同可樂揀，如果有需要，仲有可加錢配其他食物，不過我就無，因為都覺得夠飽。環境當然都舒適啊!「腕豆香菇肉臊重慶小麵」份量足夠，而且香菇肉臊好香，配埋佢個濃香湯底係十分唔錯!值得一試!不過因為我朋友今日唔太舒服所以我地冇食到邊爐

我同朋友一向都喜歡食辣野，去打邊爐都一定無辣不歡，今日嚟試灣仔間「渝味曉宇」打打邊爐，渝味曉宇最出色必定是佢嘅麻辣湯底，仲有九宮格選擇，一次過有多重同層次的辛辣感，相當吸引愛辣之人。湯底方面不單只得辣，亦可以配普通湯，或者重慶辣湯，有辣又唔辣， 一定有湯底合乎你心意。先讚一下佢辣嘅麻辣湯底，滿佈辣椒的湯底，火紅紅，入口感麻中帶微微的痺， 辣得嚟香味很濃郁，將火鍋配料灼在湯上更增添食物的層次。我最愛孝禹十味鮮鵝腸, 鵝腸爽脆彈牙，沒有腥味，愈食愈過癮。另外鮮菇拼盤， 有冬菇, 金菇, 草菇及雞髀菇，浸透了麻辣湯後，令所有的菇都甜辣香口。最後辣後要一點甜，我哋就點了孝禹十味紅糖粑糍,  好有重慶的風味，十分地道，口感軟糯煙韌，甜度剛好可中和麻辣感，很不錯。

我地兩個真係好鍾意打邊爐同食四川麻辣鍋，係香港度度都有麻辣鍋，但正宗兼麻辣到令我地著迷既，都非渝味曉宇莫屬！好，坐底睇下有咩好食先。我地叫左鴛鴦鍋，麻辣鍋加特色香果鍋。試左香果鍋先，湯底清新，仲有大大件果肉，正！麻辣鍋用左數唔晒咁多既指天椒，夠麻夠辣，今次死梗了。毛血旺，每一片都切得好工正，色澤光身紅潤，食落非常爽口，一啲都唔會粉唔會糊口，配埋個麻辣湯底，係真真正正既毛血旺，超好食！怕辣唔使驚，叫番杯洛神花茶就可以解解辣。

我們一家都是四川人, 最喜歡的就是吃辣所以今日就帶爸爸, 媽媽和妹妹一齊去灣仔的渝味吃重慶老火鍋 先選了個大骨滋補鴛鴦鍋會有2種湯底的, 1是重慶辣, 2是比較滋補的湯底.重慶辣湯真的很正, 不單有辣味還有麻妹妹吃得不斷飲可樂, 哈哈~之後就要介紹一下很出名的孝禹十味我們分別叫了鮮黃喉和鮮鵝腸鮮黃喉很爽口, 不會太硬, 不錯不錯還有鮮鵝腸, 都幾滑還有叫了鮮菇拼有冬菇, 金菇, 草菇等等很多不同種類的菇而我最喜歡吃的都是金菇

香港要有正宗重慶真係有D難~俾我見到灣仔呢一間就膽粗粗去試~要抵抗個種麻辣誘惑真係不容易!對於我咁辣都食到,真係值得記念九宮格麻辣大紅鍋係浮誇既~佢既材料都係厚薄適中，只要滾一滾就食得但係我同朋友見到都"嘩"一聲!紅糖粑糍係重慶地道野啊~軟糯煙韌，幾甜下~之前同飯後食都0岩wor!重慶炸酥肉麻辣牛肉係我最喜歡~表層同入面係2種唔同既感覺!喜歡辣的朋友唔好錯過冰凍飲品係必須的~解解辣要左杯麥茶清香解辣

今晚想食辣嘢，就諗起去灣仔（渝味曉宇） 重慶老火鍋，這餐廳的麻辣湯底，一定會令你食到好滿足。重慶麻辣湯鍋，單看這湯底有大量紅色的辣椒，已經令鍾意食辣的你，是按耐不住的 。湯底有另外一個湯格，可以碌一些不辣的食物，又可以食另一種出清甜的味道。美國極品牛小排肥牛，牛味靠普通牛肉會再濃郁些，入口甘香。我哋叫咗好多食物，但係食火鍋一定離不開牛及豬，牛肉片雪花分佈均勻，食落仲好有牛肉味。豬腩片，肉質嫩滑，碌左好耐一點也不會老。

依間店出名係佢個九宮格辣鍋，但我食得好辣，所以點左個鴛鴦鍋。而依度既鴛鴦鍋係內外分鍋，好得意😁內面係特色香果鍋，外面就係辣鍋。我地點左：血旺 望落去己經覺得好滑、食落一樣好滑，個口感好好，咬落有少少嚼勁大刀牛肝 食度既牛肝食法好特別，服務員話牛肝上既係鵪𪂹蛋，撈落牛肝度再淥滑好多。我地做左試驗，無撈鵪𪂹蛋既都好香牛肝味道，肉質唔靭。撈左鵪𪂹蛋後，口感又真係滑d,同多左一份香味。現炸豆皮平時打邊鍋想食脆野會點魚皮、響鈴，佢依度既特色野係現炸豆皮有d似印度脆餅，帶一點豆香，放落鍋度淥一淥，立即拎返上黎，吸左湯底精華，仲有少少脆，唔會好林，依個質地食就最岩黑豚腩肉半肥瘦，紅白相間，顏色鮮豔。淥完放入口，濃郁豬肉味，因為脂肪比例高，食落香好多。

令人心掛掛嘅麻辣火鍋，不時要食一次今次一嚟到就叫咗個大骨滋補鴛鴦鍋先呢種電磁爐嘅火力好夠，啲辣油充足地融化，諗起都覺得正湯底好快就端咗上嚟，中間嗰一個鍋就係大骨滋補湯底豬骨煲嘅湯奶白色，上面仲有兩大件粟米，感覺上湯底嘅味道會好鮮甜撓起有好大嚿嘅豬骨，外圍嘅麻辣火鍋面頭有好多辣椒，亦都有浮起好多花椒八角，香茅，香料面頭嗰浸紅油更加係令人難以抗拒紐西蘭精品羊肉卷好靚，切落薄片，捲起咗咁雪夾起上嚟好方便同朋友都係第一次食豬天梯，個樣好得意，淥熟咗之後會卷埋一舊食落口感亦都好特別，真係好爽脆配埋麻辣湯底一齊食，味道好夾淮山條 排到好似層層疊咁，十分索湯而且清爽飽肚我哋仲揀咗孝禹十味入面嘅曉宇苕粉 粉條又扁又闊，亦都同麻辣湯汁好夾

唔知由幾時開始，越嚟越多內地甚至台灣嘅火鍋店進駐香港，作為一個鍾意打邊爐嘅人，其實真係好想試勻曬，但係因為香港嘅夏天太長，喺炎熱嘅天氣，打邊爐嘅心情自然會降低。. 今日就先再嚟試呢間渝味曉宇，一直都知道佢最出名嘅就係佢嘅麻辣湯底，就係呢個原因，吸引咗同樣鍾意食麻辣嘅我同朋友黎朝聖🌟. 唔可以唔介紹佢辣嘅湯底，真係充滿住辣椒🌶️麻得黎唔會痺， 辣得黎又唔會太濃，確保每一樣食材經過烚下烚下之後能夠保持食材嘅獨特鮮味。. 食火鍋唔食牛就最大惡極🐂食下靚牛就慰勞自己🤭我哋點樣一份日本A4宮崎和牛肉眼每一塊嘅厚度都相當平均，肉脂分佈均勻，可能因為佢係肉眼嘅關係，烚完之後放落口都唔會鞋，仲有入口溶化嘅感覺😍. 脆鯇魚片又係打邊爐一定要有嘅食物！加上麻辣湯底，脆鯇魚片吸盡湯底嘅精華，就更加惹味😋 滑得呢唔腥，仲要份量足夠，兩個人食一碟，唔多唔少份量啱啱好✌️. 孝禹十味同重慶炸酥肉都係印象難忘嘅小食。酥脆得嚟面層嘅調味仲做得好好，帶有鹹味又唔會過份over， 炸漿唔係好厚，薄薄地一層包住肉味濃郁嘅肉條。. 渝味曉宇嘅湯底真係配乜嘢食材都冇得彈，相信如果到最尾再配蔬菜或者麵食，索曬啲湯，一定係天上有地下無

返工係呢頭附近，放工就約左朋友係渝味曉宇重慶老火鍋的灣仔店食火鍋。九宮格麻辣大紅鍋我同朋友平時都唔常常食火鍋，但呢個九宮格 麻辣大紅鍋係店舖推介，不得不試。本身好怕太麻辣會搶左食物既味道，呢到整得唔錯係令食物更加惹味。午餐肉十分厚切，未食已經好吸引，加落去麻辣火鍋湯底，辣汁滲入午早餐肉之中，實在十分惹味。特色迷你燕餃餃子十分吸汁，咬落啖啖餡料。美國桶肥蠔 肥蠔十分新鮮，冇雪味同腥味。孝禹十味 現炸豆皮豆皮吸晒麻辣汁，口感好好。

之前已經食過呢間重慶火鍋嫁啦 不過咁啱朋友又話想食辣 就帶佢嚟呢間度食 挑戰一下味蕾👅👅***嚟到呢度就緊係一定要叫九宮格麻辣大紅鍋 當你以為九個格嘅辣度都唔一樣嘅時候 其實佢地係一樣😂😂全部都係紅色 未食已經feel到會好辣 首先就緊係淥一淥個美國極品牛小排肥牛先啦 肥牛滿佈雪花 淥幾秒就已經ok 辣味並未有蓋過牛嘅濃味 之後仲叫左個田園菜籃 雖然都係辣但係都要balance番 重慶炸酥肉炸得好香脆可口 同南瓜餅都一樣都幾好食

Friday night一大班人reunion happy hour完去hotpot，我地七點前就去攞位，所以唔洗等太耐，因為有時一夜食飯時間，周圍都真係有排你等。叫咗手打蝦滑，整得都非常之美味，蝦肉新鮮，質感彈牙，簡直係食唔停非常之好味，推介必點！！encore encore～爽脆豬天梯，從來未試過，第一次見呢到有，朋友叫的，大大份，好多。紐西蘭精品羊肉卷，肉質柔嫩得黎肉味特濃，肉切得都夠厚。總括滿意，值得一試。

對打邊爐超熱愛嘅我，打極唔停口，無懼熱氣都依然要打邊爐。田園菜籃：各式各樣種類，唔洗食死一個，新鮮爽口，都好大盤。孝禹十味 鮮黃喉：又係我至愛，呢度嘅好大大塊，出面真係食唔到甘大塊爽脆。特色香果鍋：好搞笑嘅鍋，外圍麻辣，內圈芫茜清湯。必點優質牛氣拼盤：打邊爐嘅話我牛魔王點少得食肥牛，牛氣拼盤又有哂多款，唔洗諗，正～呢度嘅牛肉質素高，性價比高，very nice，完全係入口即融嘅感覺，好味推介！！值得order！！

朋友來港要帶佢食好野，指明要食麻辣火鍋，有幾間都唔錯，最後揀左近佢酒店既一間，味道有驚喜，d料又新鮮，食完朋友十分滿意，好彩啫，無揀錯。因為有人唔食辣，我地就叫左個大骨滋補鴛鴦鍋，外圍係辣，愛辣既我覺得好夠辣好好味，中間個鍋係唔辣既，味道濃郁又滋補。血旺口感滑滑的，喜歡喜歡，唔可煮太耐呢。鮮頭魚朋友中意食魚頭貪佢滑嘟嘟好養顏，呢個魚頭夠大夠新鮮，都有肉食呀。脆鯇魚片就岩中意食肉既我，肉身夠厚，鮮味爽脆。美國優質肥牛粒 牛係食火鍋不可少，今次無食肥牛片，叫左肥牛粒，牛味更濃，夠腍身。食物質素高，會回頭。

朋友聚會，投票決定食重慶火鍋，呢班多數係港島人，就揀灣仔食啦~呢度環境唔錯，空氣流通唔會食到成身味，岩哂我地呢班長氣友，又傾到人地差唔多關門先走~食物方面，火鍋料夠新鮮，鍋底味道夠正宗，會回頭~揀左特色香果鍋辣得超過引呀~鮮菇拼盤食火鍋食左菜先係無咁肥，所以我地食左菇先..值得一讚係d菇除左新鮮，仲好美感十足，鮮冬菇每隻都雕左紋，其他菇亦一個個清洗得乾乾淨淨擺放得非常整齊~手打香菜牛肉滑 彈牙嫩滑多汁美國極品牛小排肥牛 雪花紋路好靚，鮮紅色水非常新鮮，油脂入口半溶牛味濃~最後食埋下火枇杷凍，淡淡枇杷香易入口，清涼解膩~今晚大滿足~