渝味曉宇重慶老火鍋 (QRE Plaza) (已結業)

今日係母親節，我同媽媽一齊嚟到呢一間灣仔試一試同佢打邊爐，因為媽媽想試下啲新嘢，所以試一試打邊爐， 呢度裝修十分寬敞，而且亦都幾乾淨， 我同媽媽都覺得坐得幾舒服。我哋叫咗個湯底係鴛鴦清湯鍋，因為老人家唔係太食得辣嘢。其實我知呢一間其實出名食一啲比較辣嘅四川湯底， 但係我哋叫咗大骨滋補湯同埋個蕃茄湯 兩種，我媽媽都好鍾意食。我哋叫咗鮮龍躉片， 呢個鮮龍躉片我覺得個肉真係幾好食，因為佢個肉質比較彈牙而且亦 保持龍躉嘅鮮味， 所以呢一個魚我就比較推薦。桂花蚌: 桂花蚌 其實我覺得佢同條魚一樣啲肉質幾新鮮 另外我都食到海鮮嗰種鮮味道，而且肉質亦都比較幼嫩及彈牙， 所以呢個我都會比較推薦。包心魚丸： 我覺得幾得意因為佢每粒丸都大大粒，而且佢個丸亦都包左少少肉 又有汁係裏面，所以如果我覺得加少少蒜蓉加鼓油就更加美味，佢個皮煙煙韌韌我覺得幾得意。 有別於我哋出去食嗰啲魚丸，呢個丸有啲唔同。紐西蘭精品羊肉捲: 呢個羊肉其實我同媽咪覺得都幾好食，因為啲羊有少少騷味同埋佢係冇乜肥膏，同埋最緊要羊係嫩口嘅!手工粗麵線: 最後呢一個麵線我覺得 幾好食因為佢嗰先麵有少少似台灣嗰種拉麵 ，麵質幾爽口而且亦都幾彈。

母親節三代同堂慶祝， 選擇了位於灣仔QRE Plaza嘅渝味曉宇重慶老火鍋。選擇這間餐廳是因為食過其他分店，食物和環境都不錯，食物款式又多。灣仔分店都幾多人幫襯，店員幾有禮貌，不停加茶。坐下先奉上熱茶同每人一碗紅棗雪耳糖水，潤一潤喉。鴛鴦清湯鍋一邊係蕃茄湯一邊係 皮蛋芫茜湯 滿足兩種要求食物可以叫半份或全份，更有彈性。 美國安格斯優質肥牛必點，肉質上乘，紅白色嘅紋理清晰，肥瘦相間。鰻魚都係我嘅推介，非常爽脆，鮮甜嫩滑。紅糖糍粑都係重慶特色甜品，食飽飽嘆番個甜品，煙煙韌韌又香甜，滿足萬分。

話晒都係重慶火鍋50強之首，如果未食過，都唔好話自己鍾意食重慶麻辣火鍋。好，坐低睇吓有咩好食先。未來鍋底之前，食個雪耳糖水保護翻個胃，糖水唔太甜夠滋潤。麻辣蕃茄鴛鴦鍋，未食已經聞到好香麻辣味，呢度嘅麻辣好特別，食嗰陣時好夠辣，但麻辣感過一陣就會消散。麻辣牛肉，表面佈滿指天椒，烚完之後，雙重麻辣口感，咬落牛肉柔軟，表面就有粒粒層次。鴨血，好耐煮唔會散，食落又爽又滑。鮮活海蟶，上到枱仲會郁架，識落新鮮有海水味。鮮龍躉片，啖啖肉冇骨，肉質嫩滑。大刀牛肝，雞蛋拌好牛肝之後再攞去烚，食之前點個乾指天椒，食落又香又麻，牛肝爽脆一啲都唔粉。曉宇苕粉，熟咗之後透明，有啲似薯粉，食落煙煙韌韌，索晒個湯底，好過癮。

咁之前都去過銅鑼灣嘅分店食過依一間火鍋店嘅，當時覺得都唔錯，所以今次就再嚟灣仔依間分店啦。個人覺得灣仔依邊呢就大個銅鑼灣分店好多，坐得比較寬敞同埋舒服。留意到佢嘅餐牌同銅鑼灣嗰邊係一樣嘅，所以我今次叫咗上次覺得幾好味嘅迷你燕餃同埋烏冬，同行嘅朋友就叫咗美國桶蠔，大大隻。依度同銅鑼灣唔同嘅係點餐唔係寫單，而係想手機自動點餐，上餐時間都好快，侍應亦都會唔使叫亦都識得自己嚟加茶同埋加湯，有禮貌，服務唔錯！

今日返工返半日，約左朋友去食野行街，咁我要去灣仔買野，好自然搵食都係灣仔啦😂，去親灣仔我又心思思想去～渝味曉宇重慶老火鍋，點解？因為好味囉😂鍋底就選鴛鴦鍋（大骨滋補&普通辣），配料如下：一份美國安格斯優質肥牛、一份鮮竹笙、半份功夫萵筍片、半份包心魚丸（個餡出奇地好味同juicy)、半份手打蝦滑（勁彈牙）半份韭菜豬肉水餃、一份油炸鬼、一份乾貢菜同埋半份時令鮮活海蟶子（D蟶子一隻隻插係冰上面真係好得意😂）其實渝味曉宇所有食材都非常新鮮、呢個係你我都食得出，真係非筆墨可以形容👍🏻。而灣仔分店都有贈送紅棗雪耳糖水😍😍真係又甜又滋潤。可能由於我地到店時間已過3:00，店內都無乜人，只有2、3檯客人，比較清靜。我地2人食左差不多2個鐘，一路辣一路傾計都幾過癮😂

雖然天氣開始熱，但係都仲係好想打邊爐！之前係荃灣食過依間覺得幾正，於是今次同男朋友去開灣仔，見都有分店就忍唔住再食依間餐廳環境夠哂寬落，坐得又舒服，慢慢食住傾計都得。一入到即刻叫湯底，唔算好食得辣嘅又我好鍾意食麻辣火鍋，依到好貼心地有得揀少麻少辣，又有得揀鴛鴦鍋！我地揀左麻辣同蕃茄湯。湯底味道每人都係$38，真係幾平下，而且味道係好濃，基本上唔洗加醬料食都好夠味。但依間餐廳都建議加啲麻油落豉油到，掂少少黎食可以幫手解辣！好得意，同味道又真係唔錯，更加香。野食方面，全部有得揀半份，兩個人食都可以試多啲嘢！特別推介個嫩牛肉（$42）、珊瑚蚌（$66）、手打蝦滑（$46）同苕粉（$29）通常打邊爐都係食肥牛但試過依個嫩牛肉之後真係覺得無得比，超滑又鬆軟，好好味。平時都冇乜機會識到珊瑚蚌，見呢到又唔算貴一於試吓，好爽口，同幾鮮甜，正！個蝦滑幾彈牙，而且都好重蝦味。見到苕粉個名唔知係咩嚟，原來係闊嘅薯粉咁，煙韌得黎吸埋啲麻辣湯係好好味。依間邊爐真係encore得過，湯底好味材料都新鮮！想食邊爐實諗起佢

咁當然食野有時總會撞到未必好食既餐廳既，咁當日實在太肚餓，加上好想食麻辣火鍋，事但openrice睇完就選左呢間麻辣火鍋店了！咁一坐低，大概都係得幾枱客，環境大得黎都幾舒適，枱又夠大，擺得曬所有叫既野食！咁我地就叫左個鴛鴦湯底，包括麻辣（普通辣）同豬骨鍋，麻辣湯底辣度夠，女朋友食開辣都看得頗辣，而且我唔建議把菜類放入麻辣湯底，感覺會吸曬d油咁🤣但其實當日都辣得好過引既！湯就講完啦，講番食物先，咁當日叫左美國安格斯肥牛、是日新鮮蟶子、黑豚肉、蓮藕、萵筍、油麥菜、淮山、鴨血、金菇、粟米同埋酥脆肉。咁肥牛果到味道都有牛味既，但不濃，但價錢則盛為128，加埋大概10片左右，個人感覺就幾唔抵食呢！菜類既話萵筍、蓮藕、淮山等等菜類都幾好食同新鮮，粟米更加係鮮甜！鴨血同埋蟶子既味道最令我印象深刻，蟶子雖然部分有沙，但係幾甜既，鴨血就挺身美味。其他料就真係無咩特別唔講了。但個人認為呢間火鍋店既性價比就較低，份量少得黎味道亦未見驚喜，本人應該就不會再幫襯了。

朋友仔生日，一班同夥為他舉辦生日飯。在灣仔區工作，當然選在附近午飯。然而午市打邊爐卻是史無前例的首次。火鍋一般耗時甚久，不似簡單的午市套餐，快來快去地招待匆匆忙忙的上班一族。成為保險才俊就是有這道好，工時比較靈活自由，一班同夥開完早會，便浩浩蕩蕩地來到QRE Plaza六樓的「渝味曉宇」嘆一嘆重慶老火鍋去。由於小的自由身，十二時多便準時抵達。一班金融人才卻要於繁忙時間在樓下升降機打蛇餅，於是小的獨自閒坐，有趣的是經理竟先送來一客雪耳糖水。難道經理見小的一個人百無聊賴，特意送一碗糖水讓小的開開胃？然而以糖水作前菜卻是聞所未聞，小的不知就袖裡，唯有按兵不動。及至大夥兒趕至，店員也是向每一位食客奉上糖水，一班人都感迷茫，何解會先吃甜品？大概是老重慶火鍋以麻辣見稱，故以糖水先潤一潤胃壁，讓激辣不會太傷腸胃。雖然小的不喜甜點，特別是睡醒以後的第一餐，但為了自身健康，還是勉強地爬兩啖。一圍十多人佔據著餐廳角落之一張大長檯，整家餐廳就數咱們最是人多勢眾。而在這午市時段，上班一族似乎都選擇午市套餐，只有咱們吃火煱。大夥兒分四至五人一組，吃辣的坐一邊，不辣的另一邊，叫了兩個鍋便興致勃勃地開餐。「渝味曉宇

很久沒吃麻辣火鍋了！難得朋友喜歡吃辣，今次來QRE這間的餐廳重慶老火鍋試試很喜歡這間餐廳的裝修和設計，十分開揚，而且座位寬闊。店員端上食具時是用夾子的，令人感到衛生又安心。而且有提供圍裙，簡直為我這些容易將湯汁沾到身上的人而設😆😆他們家是用手機點餐的，十分方便剛點餐時，職員已端上兩碗糖水，給我們潤一潤喉，很貼心！鍋底除了有麻辣湯，還有4個鍋底選擇，包括蕃茄湯、大骨滋補湯、山珍菌湯、皮蛋香菜湯。我們點了鴛鴦鍋—麻辣＋山珍菌湯麻辣湯可選麻度及辣度，我怕會過辣，點了普通辣🙊山珍菌湯的菇味道突出，香味撲鼻，適合放蔬果配料，而麻辣火鍋的辣度適中，但是越吃越辣🙈由嘴唇開始辣起，很爽😆鮮活海蟶（半份）這個海蟶有驚喜！職員事前提醒這個要淥5分鐘，沒想到這個海蟶十分新鮮，不但吸收湯底精華，在配上自身的鮮甜味，不得了！稻田毛肚（半份）食完事前提醒這個輕輕淥一淥就可以吃，這個毛肚分爽口！美國安格斯優質肥牛（半份）打邊爐點一份肥牛是常識吧！這個肥牛的厚薄度剛好，而且有牛味，不錯鮮竹筍、金針菇、萵筍條、午餐肉、手打蝦滑、特色迷你燕餃（半份）再來是點一些蔬菜，每樣食材都十分新鮮，值得一讚的是他的手打蝦滑十分彈牙，

好耐冇出過街食飯，今次決定去灣仔既渝味度打麻辣邊爐。 因為疫情關係，餐廳安排食客坐得好開，又有消毒洗手液提供。我地睇完個menu，叫左桂花蚌 $66半份，珊瑚蚌 $66半份，重慶炸酥肉 $32半份，曉宇嫩牛肉 $42半份，串鮮蝦 $52半份，韭菜豬肉水餃 $32 半份，鮮蝦雲吞 $32 半份，冬菇 $18 半份，鮮竹笙 $32 半份，自製洛神花茶 $58 渣 同埋季節限定鮮活海蟶 $78 全份12隻。先講一講啲海鮮，個人比較鐘意佢個蟶子，因為佢好厚肉同埋好新鮮，味道好鮮甜。至於佢個花蚌同珊瑚蚌好爽口，味道唔錯。佢既鮮蝦肉質幾厚身，好肉地，味道清新。佢既牛肉真係講都唔信，係好鮮嫩好滑。佢既雲吞同水餃，用料都算充足。冬菇同竹笙都不過不失。個湯底係皮蛋芫茜湯同麻辣。我個人比較喜歡麻辣，因為個口感好豐富，好啱我鐘意食辣既人。佢個酥炸肉係佢既signature dish之一，香口好味，真係想叫多幾碟食。佢個洛神花味道都幾好飲，酸酸甜甜，幾開胃。

曾幾何時， 火鍋是人類最愛的飲食模式， 但最近實施的限制令到火鍋店的人流變得疏落。火鍋之中重慶火鍋依舊是我最愛的味道， 他的辛麻辣都是挑戰味蕾的極限。 但即使你食得滿頭大汗， 你仍然會樂此不疲的再接再厲。今次最滿足的就是點了這個豬腰片。 從來打邊爐也不會吃內臟的我， 這次徹底被內臟給打動了。 不但沒有內臟那種 腥臭味， 反而有一種鮮甜， 配搭濃味的重慶火鍋湯底， 也有一種想像不到的配合。炸豆皮亦是這裏的必吃食物。 無他， 把炸豆皮放入麻辣湯底裏面， 把麻辣湯底徹底吸收， 征服味蕾的這種感動真的會令你流淚。

入座後先為你送上紅棗雪耳糖水滋潤，店員會用鉗子為你的餐具消毒。.🔶雙拼鴛鴦鍋($38/人)🔸山珍菌湯鍋有各式各樣的菌類，包括猴頭菇，茶樹菇，秀珍菇，冬菇等等，湯底沒有油，相對健康。🔸普通辣大紅鍋味道剛好，不會太鹹，辣度適中。.🔸美國安格斯優質肥牛($119半份)牛肉跟脂肪分布比例正常，不過不失。.🔸黑豚腩肉($42/半份)腩肉脂肪比例較多，食落都比較香口。.🔸曉宇手打三寶丸($49/半份)包括蝦丸，牛丸，墨魚丸，食落幾彈牙。.🔸鴨血($42/半份)口感不錯，但唔夠入味。.🔸手打墨魚滑($46/半份)夠晒彈牙，上面仲有蟹籽。.🔸美國桶肥蠔($69/半份)有兩隻好大又好肥美嘅蠔，鍾意食蠔就啱晒啦。.🔸鮮活海蟶($39/半份)有六粒蟶子，期間限定，都幾抵食。.🔸功夫萵筍片($22/半份)將萵筍切到薄薄一片片，落湯10秒就食得，好爽亦都好吸湯底嘅味。.🔸曉宇苕粉($29/半份)麵條很寬，口感像薯粉，咬落好煙韌。.🔸茶位醬料$40/位，另收加一。

今晚和朋友到灣仔食飯，去左依間食火鍋，質素的確唔錯，環境光鮮座位寬敞，有卡位坐特別舒適。食前侍應會即席將食具放落熱水盆清洗，以高溫消毒在嚴峻疫情下大家可安心食用。枱上有即棄圍裙可穿，唔怕食食下唔小心弄污衣衫。餐牌上每種食材都註明建議煮食時間，烚下烚下睇時間好方便，貼心服務值得一讚。食物有得點半份，啱晒我地二人食可以點多幾款樣樣食少少最好不過。我地揀左雙拼鴛鴦鍋，分別係大骨滋補湯底和普通辣大紅鍋，辣湯都幾辣下食食下有D麻，再辣都唔怕仲有另一半湯底唔辣，怕辣縮沙仲有機會。鮮鵝腸海蟶桶蠔用冰鎮住，食店都幾講究，確保了食材新鮮和質素。海帶頭 $18黃金菇 $26准山條 $22鮮鵝腸 $62曉宇笤粉 $29鮮龍躉片 $72鮮活海蟶 $39黑豚腩肉 $42手打滑蝦 $46手打墨魚滑 $46功夫萵筍片 $22美國桶肥蠔 $69鮮龍躉片刀功了得魚片薄切工整，8mm厚道魚皮通透嫩口。美國桶肥蠔大隻非常肥美無腥味。功夫萵筍片切得好薄，好快熟食落幾爽口。曉宇笤粉似食紅薯粉都口感唔錯幾煙韌，好索汁浸辣湯唔錯。手打滑蝦墨魚滑爽口彈牙。有蔥花麻油和蒜粒醮下食物增加口味亦不錯。仲有免費紅棗雪耳糖水滋潤下又幾好的。

醬料茶水，醬料包括有香蔥、蒜蓉、麻油、醋、醬油，雖然無提供到辣椒粒，但只要加入麻辣湯底，就可以即刻搖身一變為特調嘅麻辣醬汁；茶水包括有中國茶、冰糖燉紅棗雪耳糖水，中國茶可滋潤喉嚨，冰糖燉紅棗雪耳糖水味道清甜；桌上仲擺放左即棄圍裙、紙巾方便食客使用，餐牌上有提供每一種食品嘅建議煮食時間，令顧客盡可品嘗到食材嘅最佳味道。雙拼鴛鴦鍋，包括有蕃茄湯鍋、重慶辣大紅鍋；蕃茄湯鍋湯料主要有金菇、蕃茄，蕃茄味道濃郁、酸香帶甜，金菇味道為湯鍋帶來野菌魚香；重慶辣大紅鍋採用重慶朝天紅、茂汶大紅袍花椒、上等牛油、幾十種香料不斷炒製而成，整理辣度適中，集合牛油香、花椒麻、辣椒辣於一身。重慶酥炸肉， 外層口感酥香鬆脆， 內層豬肉口感嫩滑；沾點麻辣湯底，酥炸肉嘅花椒配上麻辣湯底，麻香味道更加刺激、惹味。珊瑚蚌，入口新鮮，口感爽脆、厚身，味道鮮甜。芝士丸，口感爽口、彈牙，芝士餡料味濃，芝士份量多做到流心效果。紅糖糍粑，口感煙韌、軟糯，糍粑味道微甜，配上紅糖醬汁、白芝麻、黑芝麻食用，味道更香口，而且甜而不膩。曉宇苕粉，口感Q彈、爽滑、帶韌口。娃娃菜，幼嫩清甜。油麥菜，嫩滑脆口。

雖然而家肺炎疫情仍然係好嚴重，但係我嘅邊爐癮仍然係止唔到，所以今日又嚟咗呢間我覺得最安心嘅麻辣火鍋止一止痕。一坐低，侍應就喺我哋面前用滾水將所有杯碟洗一次，而且仲戴晒手套，感覺好衛生。雖然佢有好多款湯底可以揀，但係我哋每一次都係食普通辣拼蕃茄湯底，呢兩種湯底我哋覺得係最夾嘅，不過如果唔鍾意食蕃茄嘅人，其實大骨湯底都幾好食。今次係第一次喺呢度買牛骨膸同埋嫩牛肉，兩樣都好有驚喜呀！食得出材料好新鮮，嫩牛肉嘅肉質比起一般肥牛有啲唔同，食落牛味更濃。而牛骨髓唔係每一個地方都有嘅食材，煮完之後仍然係好滑，因為食材本身嘅味道唔算濃，所以配上麻辣湯底就最適合啦。另外呢幾樣係常見但值得推介嘅火鍋了，鵪鶉蛋打邊爐其實好好食，不過膽固醇可能就真係高啲啦。芝士腸同墨魚滑都係常見嘅食材，不過呢度嘅墨魚滑真心高質，叫半份兩個人食都啱啱好。之後好想講下呢一碟牛心椗，呢一個部位本來就唔係好多地方有，佢其實係牛心臟嘅大動脈血管，所以佢唔屬於會有油香嘅部份，但係佢嘅口感係好爽口，有少少似牛柏葉，但係又冇咁un，十分正。最後呢一餐我哋兩個人食咗五百幾蚊，大家都覺得好滿意，每人只係二百幾蚊就可以食到咁高質嘅麻辣火鍋。門口仲