渝味曉宇重慶老火鍋 (QRE Plaza) (已結業)

而家呢啲外省麻辣火鍋🍲，開到‘’梗🈶️1⃣️間喺左近‘’，冇理由唔試吓佢㗎！。一嚟到感覺舒服開揚，仲有至愛嘅梳化卡位𠻹！店員稍作介紹就奉上熱茶、紅棗雪耳糖水比你潤一潤先。仲有即棄圍巾，唔使驚啲醬汁整污糟，真係超窩心呀！我哋點咗大骨滋補鍋、山珍菌湯鍋。大骨鍋有舊超大豬骨、紅棗、粟米🌽、紅蘿蔔🥕，唔使講都知甜到漏啦！😍菌鍋有鮮冬菇、秀珍菇、茶樹菇等，菇味香濃撲鼻，一路㷛，啲香菇味係咁飄埋嚟⋯唔⋯索多兩啖先⋯最後呢2⃣️款湯比我哋KO曬🥺各款鍋料都非常新鮮，仲有出面火鍋店少有嘅鮮龍躉片$72，件件厚切，口感十足！我哋全部鍋料都叫半份，可以試多幾款，人多就要叫一份啦！特別介紹：紅糖糍粑$36 ～ 炸咗嘅條狀糯米滋，再淋上紅糖，煙煙韌韌，內脆內軟甜甜哋，好味！為咗呢個免費鍋底，下次要早啲食😁午市鍋底免費：星期一至日，12:00-17:00

一坐低會有盤熱滾水黎洗碗先, 感覺疫情期間都好注重衛生menu有分半份同一份, 可以因應人數/個人飲食習慣而加減叫左豬骨同重慶麻辣mix湯底一開始serve左碗糖水, 我同朋友各有不同見解;我就覺得係比客先潤下口, 佢就覺得係for中途解辣, 是但啦點都好啦. 😂我會prefer麻辣湯底, 因為都好濃味重辣少麻, 帶內地風味夠正宗, 中意食辣嘅可以食大辣.圖中呢D都係半份, 自己衡量下, 建議三人以上就叫一份啦, 個份量會啱D喔!另外食材都好新鮮. 食麻辣鍋梗係要食內臟啦, 點左黃喉鴨血毛肚豬腸etc 環境都好乾淨, 呢段時間食都好安心, 服務都唔錯

話說自從新年疫症開始就冇得返深圳食麻辣火鍋就冇食過好食既麻辣火鍋，見呢間good comment 好多咁就黎試下啦其實係香港食麻辣火鍋真心貴....係比緊鋪租人工、有啲仲要又貴又難食好在呢間係內地都叫正宗出名可以一試首先湯底係真材實料麻辣味十足既疫情關係坐得好舒服，服務態度都好好可以一解麻辣之苦一坐底佢會比碗糖水你潤下喉👍🏻👍🏻雪耳好林好清甜黑毛豬好經貴、4片$58...係好食既....好有豬味，肥瘦適中冇雪味鴨血都唔錯，唔腥鮮蝦雲吞細隻左d都係果句，overpriced, $1x蚊一粒🤦🏻‍♀️大腸係雪藏來貨野，可以唔洗叫炸腐皮👍🏻👍🏻👍🏻呢個係handmade,好脆好好食😋highly recommended 呢個好似薯粉既野係麻辣火鍋既prefect match 👍🏻👍🏻總括嚟講，食物係內地正宗麻辣火鍋既質素價錢係正宗香港食肆既收費好想食麻辣都可以去食下、佢都平劉一手少少既🤭

話說好耐冇打過邊爐，特別想食麻辣火鍋，之前係內地食過一間叫渝味曉宇火鍋，估唔到原來香港都有開分店，身處係灣仔咁岩亦有一間!立即二話不說走去食，雖然受疫情關係，但一入店鋪就立即為我地量體溫，噴消毒手洗液，座位方面也安排與其他客人坐得有一段距離，令我地覺得食得更安心。然後店員說午市有優惠，就是送湯底!!聽到都興奮!咁我地就決定一半麻辣一半皮蛋香菜。過了一陣，店員還送上每一碗糖水(凍)，正!點餐既時候發現每樣火鍋材料均可選擇半份/整份，十分適合喜歡食不同火鍋材料既人，二人食亦唔洗擔心選擇少。加加埋埋我們都叫左9種火鍋材料(半份)每款都好新鮮，質量唔錯!我認為特別好食既係稻田毛肚、鮮鵝腸、嫩牛肉。推介!! 食完返唔到轉頭!!到最後叫左一碗紅糖冰粉作尾聲，裡面放左一啲炒花生，食落好香!!推介!!

好友一向鍾意食重慶火鍋，今晚約左我去渝味曉宇。一入門口先量體溫同消毒雙手，坐底後奉上用滾水清洗過既碗筷茶杯。另提供即棄圍裙，唔洗驚油漬湯底彈上身。坐底後店員就送上免費滋潤糖水，冰糖燉紅棗雪耳，岩哂而家轉季飲用!湯底可選九宮格麻辣大紅鍋或雙拼鴛鴦鍋。因為我唔食得辣，呢個雙拼鍋就岩哂我同好友~嚐辣既好友揀左重慶辣大紅鍋，我就揀左皮蛋香菜鍋。餐牌圖文並茅列出曉宇十大必點食品~每款食品都設一份同半份，兩個人叫半份就可以試多幾樣~而且每種食品旁都會寫建議煮食時間，好貼心~野食好快就送到啦~桂花蚌HK$66/半份清脆又鮮甜，口感爽而不韌!鮮鵝腸HK$62/半份鲜嫩爽滑，極佳口感，好滋味!曉宇嫩牛肉HK$42/半份肉質軟嫩，口感滑嫩多汁。黑豚腩肉HK$42/半份霜降勻稱，肉質富彈性，口感軟腍。手打墨魚滑HK$46/半份爽口彈牙，口感豐富。手打香菜牛肉滑HK$42/半份口感嫩滑且充滿香菜味，味道鮮甜。冬菇 HK$18/半份厚實飽滿，爽滑又彈牙。鮮腐竹HK$19/半份口感滑溜，嫩滑可口。凍豆腐HK$16/半份如海綿般，富彈性，吸附大量湯汁。鮮竹笙HK$32/半份口感爽脆帶清香。田園菜籃HK$42/半份有

是日晚上同HONEY再去之前食過反尋味的曉宇重慶老火鍋，見到店舖都會有好多消毒紙巾同埋搓手，另外都見到店舖用滾水清潔左D餐具，真的好做足衛生，是日點左豬骨鍋同埋皮旦鍋，皮旦鍋真的好足料，好多皮旦同埋馬啼，大大舊豬骨湯底，真的滾得又食得，另外會有碗糖水溫暖下個胃先~~我同HONEY一定一定會點的曉宇嫩牛肉，因為曉宇嫩牛肉放在任何湯式真的好好食，另外也點左冰豆腐，墨魚滑，蝦滑，牛骨髓，萵苣片，萵苣條，另外也點左曉宇粗薯粉，哩個真的吸湯一流，又咬口，真的同HONEY都爭食，服務態度也好好，真的值得再來食~~

今日約左朋友去灣仔食麻辣火鍋，見d朋友日日食麻辣火鍋今日終於到我😝今日試下灣仔呢間，同一位男性朋友去食，叫左好多碟，完全無諗過食吾食得哂，無睇價錢🙈好在好味我朋友食哂台上嘅野，讚不紹口，話無介紹錯🤭今次大骨滋補鴛鴦鍋 普通辣，上次食左15分鐘已經辣到飛起，今次都係試返普通辣🤪安格絲優質牛，牛肉Keep到水準，夠新鮮夠牛味👍桂花蚌好爽一食就知好新鮮，香鹵豬大腸我每次都會叫，個鍋甘辣但食落仲有鹵水味👍曉宇苕粉都係必叫，似長型薯粉好味😋當然吾小得洛神花茶生津解渴😁今次2個人order左上次4個人嘅份量，嚇死🙈大骨滋補鴛鴦鍋 普通辣桂花蚌鮮鵝腸手打鐵美國優質肥牛粒香鹵豬大腸黑豚腩肉曉宇手打三寶丸脆鯇魚腩美國桶肥蠔曉宇苕粉海帶頭黃金麵娃娃菜自製洛神花茶以下5分為滿分😋好味程度: 😋😋😋😋 💞回頭度: 💕💕💕 💕📝服務: 📝📝📝📝🌉環境: 🌉🌉🌉🌉#渝味曉宇重慶老火鍋

因為疫情嘅關係我同呢位好🐢🍯都已經好耐冇見啦，而且佢仲好長時間唔肯同我打邊爐添。今日難得佢肯出嚟陪我食麻辣鍋，咁梗係要來返正宗嘅地方食啦。其實我幾鍾意渝味嘅裝修格局，因為一啲都唔會有好耐地色店嘅感覺。入到黎舖頭佢哋除咗會幫我哋量體溫，門口位置仲有啲酒精搓手液同埋消毒濕紙巾俾你用，另外亦都會比個透明膠袋你裝住個口罩。同時間我發現咗佢舖頭中間有一個大煲，同埋好多碗，我初初奇怪點解佢會喺舖頭中間煲糖水，但原來佢係一個消毒嘅大煲，係所有餐具俾你使用之前都會擺落個煲度煲一煲，100%殺菌，等你食得安心又放心。嚟到呢度嗌到成枱餸是必須的，因為佢呢度嘅份量其實啱啱好，又可以揀半份或者一份，所以可以盡情揀你想食嘅嘢而唔驚食唔晒。麻辣鍋是必須要有麻油，佢呢度嘅麻油真係超級香，加蒜蓉加豉油再加少少醋，呢個醬汁冇得輸。然後我哋嗌咗佢呢度必食嘅滑牛同埋豚肉。呢度嘅話我真係點樣煮都唔會韌，而且真係滑到夾都夾唔住。依個黑豚肉亦都好爽，爽得來又唔會因為煮耐左而變硬。另外當然唔少得墨魚滑同埋蝦滑啦，呢兩樣都好新鮮好彈牙，確實係次次必食嘅嘢，而且仲一定要配呢個雜菇湯。另外麻辣鍋一定一定一定要食鴨血，啲鴨血煲到最後，索晒

眼見疫情好像是放緩了，終於按捺不住，便決定要外出用膳，去吃我最愛的麻辣火鍋，來了灣仔這間渝味曉宇重慶老火鍋。雙拼鴛鴦鍋雖然很愛吃辣，但卻吃不到太辣，於是便點了普通辣大紅鍋拼山珍菌湯鍋。普通辣度已經吃到我冒了一身汗，看到整個湯底也是火辣紅紅的，充滿紅辣椒及花椒，極辣極惹味。飯前糖水這碗雪耳紅棗糖水是特地讓食客在用餐前吃下，預先滋潤胃部，令食客吃麻辣時不會過卡燙胃導致胃痛。稻田毛肚有幾款食材配搭麻辣湯底是天衣無縫的美味，毛肚是其一。它是牛的其中一個胃，貌似毛巾故稱毛肚。它表面的紋理吸收大量香濃湯底，而且口感非常爽滑，令人一吃再吃。鴨血如果大家吃開麻辣，必定知道鴨血是另一必點食材。鴨血本身沒甚麼味道，甚至帶點腥味，但濃厚的麻辣湯則能夠完全去除了它的缺點，令它外香內滑。鮮黃喉黃喉也是必點之一。它是來自牛，豬的主動脈，所以口感很堅韌彈牙。千絲柏葉擁有牛胃的堅韌爽滑彈牙的特性之餘，掛湯力亦一流，配麻辣湯當然是絕配。白鱔個人喜愛吃火鍋時吃鱔，因為這種魚的肉質是比較有口感，而且魚皮香味十分濃郁。紅糖糍粑吃完整餐火鍋後，我必點糍粑來當甜品。炸至外皮香脆，裡面是軟綿綿的糍粑，配合黑白芝麻及紅糖，香脆又美味

今日午餐又黎左呢間餐廳食重慶麻辣火鍋，今次就試一試新嘅湯底，我同朋友就叫左個皮蛋芫荽湯，同其他湯底相比之下佢唔會太濃，但係芫荽味好重，如果唔鍾意食芫荽嘅人就唔係太適合。之前食過佢個韭菜豬肉水餃一直都好欣賞，所以今次就索性叫左1.5份，夠曬食。一咬落去好香嘅韭菜味真係好吸引，再點一點個自己溝嘅醬汁就更加惹味。黎到當然唔可以唔叫個黑豚腩肉，肥手嘅分佈都好平均，放落去個麻辣火鍋到食就更加別有一番風味，食到麻辣火鍋嘅香味至餘亦唔會蓋過腩肉本身嘅肥美。

雖然冬天已經過咗， 但係對於呢一種嘅辣味真係好食易上癮不分春夏秋冬季節今日又尋覓到一間好好食嘅四川麻辣火鍋地方好大夠闊落，又乾淨，坐得又舒服門口位仲有很多消毒設備供應坐低之後就有一碗美味嘅雪耳糖水開一開胃消暑湯底就揀咗清清地 皮蛋芫茜，另一邊就2粒辣椒見佢有新鮮生蠔忍唔住叫咗份， 真係好新鮮，又肥美。餐牌上所有食材都會講解每樣食物需煮熟幾多分鐘十分體貼同埋 佢大部分海鮮都好新鮮同洗得好乾淨 令到我都好安心食推介 : 珊瑚蚌 ，生蠔 ，肥牛大滿足

疫情攪到好多時候Mami Stay at home !唔講你唔知。媽咪都係「渝味」粉💩。難🉐️出關。當然要黎拜會一下「渝味」啦。😎山珍菌湯鍋～🍄菌份量相當多。齋食🍄菌已經飽咗3成。😌白鱔片～片片薄身有光澤。新鮮爽口冇🉐️彈。👍🏻👍🏻鮮竹笙（半份）～🍄菌湯底夠足料。味道鮮甜。竹笙索曬d汁好鬼正。😋美國桶肥蠔～「渝味」桶蠔又肥又大。滾完完全🈚️縮水。食到我地咀Lam Lam 😍有相為証🤩

今日要去Green Common買野，見到呢座大廈有渝味曉宇，之前食過另外兩間分店都唔錯，唔想諗食咩就去encore喇～限桌令之下，餐廳都隔行隔枱坐，卡位就用透明簾隔開，入座都有量體溫，有跟足規距。侍應喺最前面張枱幫顧客淥餐具，唔駛自己郁手又用得安心依然係叫鴛鴦鍋，不過今次就試蕃茄鍋，個人鍾意菇湯多啲，多一份野菌鮮味。上完鍋後再上調味架依然係半份半份咁嗌，但食咗幾次今次就試下新野，萵荀片好爽脆，而且唔算吸油，比其他菜類更加好食；燕餃真係超級細隻，但同時好吸到湯底，細細粒但依然食到餡料既豬肉味，推介～飲品依然嗌抵飲既洛神花茶，飲佢解辣真係好舒服🤤最後叫咗個紅糖糍粑，煙煙韌韌，keep到個水準

 久休復出,約左人出街食個晚餐也不敢去太遠,就選在灣仔,順便行下街走上QRE Plaza 6樓吃火鍋一埋位先上碗甜品比你滋潤一下先真係未食先甜,已經好暖心香港餐廳受疫情影響下,入座人數只有幾位也不會太擔心什麼了入座前也有量測體溫,提供洗手液這家火鍋我終於可以食到了,平常一早爆場不過最好都係預訂位啦 主打高質素火鍋食材,湯底,優質既服務唔食海底撈仲有好多選擇既另外餐具會用高溫消毒拿上手時仍然超級熱,感覺好安全~湯底以每位計,有大紅鍋,骨湯,番茄,山珍,皮蛋等食材由山珍到海鮮也有供應~另收醬油費,單係湯底加醬油位位7X但係食過又會覺得抵比,真心好食 蔥,蒜任添,其實湯底好夠味不用沾醬了,加些蔥花已經好好吃 今日唔食辣,來了一個山珍菌加番茄真係比足料,有番茄片,金菇等食材一個酸香帶甜,一個清香無油呢度既湯底都係偏向無油,健康~ 喝了幾口湯試了味就到食材上菜自家製雲吞,切豚肉片,蔬菜盤一份烏冬一份,牛肉粒一份,中間仲追加了一份炸酥肉肉片肥瘦平均,肉鮮帶甜味雲吞肉餡中帶爽身蝦肉,皮夠薄嫩  番茄湯越煮越濃郁~放入牛肉粒煮個1-2分鐘就可以食~牛肉粒咬開多肉汁,味濃,最配辣或濃味湯底重慶酥肉,越食