影片
更多
2020-04-13
201 瀏覽
在家待得太久，總是心思思想外出吃飯，很想吃火鍋，所以又來到座位非常舒適， 裝修精緻的 渝味曉宇。 😊😊。從聖誕節之後就冇食過火鍋，真係心思思忍唔住。 鍾意嘅餐廳 ，叫返差唔多相同嘅嘢食， 坐返差唔多嘅位置 ，當然係自然不過嘅事， 唔知點解嗰篇文章就係唔批🙄🙄今次放埋張單上嚟，有曬日期時間， 足夠證明係親自出席。 對日上一次寫呢間 食肆嘅食評已經係半年之前有多🙄🙄每次都係叫番呢個經典配搭 ，蕃茄鴛鴦鍋+ 普通辣湯底。 一邊辣🌶🌶🌶一邊唔辣🍅🍅🍅。 麻辣嗰邊我哋揀咗小辣， 非常香口。 蕃茄嗰一邊， 食咗番茄之外，仲有金菇， 番茄味香濃酸酸甜甜。 過咗咁耐再返嚟佢嘅湯底仍然keep到一定水準。重慶酥炸肉， 呢個真係重點推介， 外層炸得酥香鬆脆， 入面嘅豬肉仍然保持嫩滑， 麻麻辣辣😊😊 長條型好方便 ， 就咁食就鬆鬆脆脆 ， 但係麻辣湯嗰邊浸一浸 就更加刺激 😂😂😁😁，不過要小心啲， 每條酥炸肉上面都會有啲麻籽， 如果唔係好食得麻，就記得搣咗出嚟先。另我最鍾意嘅就係特色燕餃😍煙煙靭靭😍😍😍 細細隻一啖一隻好方便 ，放喺麻辣湯底嗰邊 就最好食😋😋。外皮吸收咗麻辣湯嘅精華。每次都會嗌嘅紐西蘭羊肉片
從聖誕節之後就冇食過火鍋，真係心思思忍唔住。 鍾意嘅餐廳 ，叫返差唔多相同嘅嘢食， 坐返差唔多嘅位置 ，當然係自然不過嘅事， 唔知點解嗰篇文章就係唔批🙄🙄
今次放埋張單上嚟，有曬日期時間， 足夠證明係親自出席。 對日上一次寫呢間 食肆嘅食評已經係半年之前有多🙄🙄
每次都係叫番呢個經典配搭 ，蕃茄鴛鴦鍋+ 普通辣湯底。 一邊辣🌶🌶🌶一邊唔辣🍅🍅🍅。 麻辣嗰邊我哋揀咗小辣， 非常香口。 蕃茄嗰一邊， 食咗番茄之外，仲有金菇， 番茄味香濃酸酸甜甜。 過咗咁耐再返嚟佢嘅湯底仍然keep到一定水準。
重慶酥炸肉， 呢個真係重點推介， 外層炸得酥香鬆脆， 入面嘅豬肉仍然保持嫩滑， 麻麻辣辣😊😊 長條型好方便 ， 就咁食就鬆鬆脆脆 ， 但係麻辣湯嗰邊浸一浸 就更加刺激 😂😂😁😁，不過要小心啲， 每條酥炸肉上面都會有啲麻籽， 如果唔係好食得麻，就記得搣咗出嚟先。
另我最鍾意嘅就係特色燕餃😍煙煙靭靭😍😍😍 細細隻一啖一隻好方便 ，放喺麻辣湯底嗰邊 就最好食😋😋。外皮吸收咗麻辣湯嘅精華。
每次都會嗌嘅紐西蘭羊肉片， 肥瘦均勻， 相比起牛肉 ，食麻辣鍋羊肉會更加夾 ， 薄薄哋嘅羊肉輕輕一灼就可以食得。😚😚 充滿麻辣香味非常刺激。 今次個羊肉比之前更加靚， 肉質更加骨肉味更濃。
今次都係有叫皇帝菜 ，皇帝菜非常嫩滑， 這裏的菜挑選比較都是幼嫩的品種， 完全唔會有菜渣， 但係分量就比之前少。 鍾意食，出面又唔係咁容易買到， 每次嚟都要必食。
竹笙亦都係必點嘅😉😉， 竹笙非常爽口， 放喺麻辣湯底嗰一邊 ，可以吸收曬湯底嘅精華。 唔同你喺出面 其他 舖頭， 佢嘅係比較爽口厚身， 唔會碎濕濕， 又夠厚肉。 都係每一次呢都會叫嘅。
鍾意嘅嘢食梗係每一次都會嗌返嗰啲啦， 除咗以上幾款每次必點嘅食物 ，紅糖冰粉， 都係每次一定會點嘅， 因為 其他地方好少會見到， 每次都一定會嗌。 透明啫喱冰粉， 配上紅糖蜜， 加上香脆嘅果仁同埋提子乾， 清爽解辣 。 冰粉真係好好味煙煙靭靭。
今次仲嗌嗰啲新食物鱔片， 呢個朋友食嘅所以我俾唔到意見， 不過佢話啲鱔片都好爽口。 另外蝦滑改咗用 竹筒盛載 ， 更加方便客人處理，
😁😁
經理 同之前一樣係好好禮貌， 因為疫情關係， 係餐廳正中央擺咗一盆熱水， 一直keep住煲滾， 幫客人洗碗碟， 等客人食得安心。
總括而言咁耐冇來，都keep到水準， 滿足曬 我想吃火鍋嘅願望。
張貼
