清真惠記

營業中

休息中

要到老三陽買棕, 忽然想去食羊腩和鵝腸, 於是坐言起行.中午十二點半, 有八成滿, 坐下叫了咖哩羊腩飯和鵝腸.羊腩飯先來, 是如常的好味和滿足, 不一會, 鵝腸來了, 一見已經知不妥, 是水汪汪的.一吃果然, 是急凍貨, 水浸得面目全非, 煮熟後水還不斷滲出, 味道當然沒有, 爽是爽的, 但是就偏偏不是鵝腸應有的感覺, 現在就是甚麼都是假的世界, 連真的食物也難求.惟有撈起所有"鵝腸"往咖哩汁一放, 胡亂吃完算數.連可以供應好味鵝鴨的食店, 也只供應這些垃圾, 真的是失望.我想: 要吃好味, 爽脆的鵝腸, 只有到不禁活鵝鴨的地方, 才可以找到可吃的東西.對不起, 這鵝腸只可以給喊臉.

前日報16-5-2009 Sat)同男友o係火炭食完o野,都係決定唔上深圳,男友話鵝頸橋街市有好o野食,游說過海,但時間尚早,去邊呢?佢話上山頂,哦,o係山頂行完,搭車落灣仔lu,6點多我o地就o黎到,我o地坐o係榮記飯店o既枱,佢就走去隔離o既呢間買o既咖哩羊腩外賣,原來呢間冇晚市做,所以要早啲o黎買,呢個羊腩要$37.00.我開頭試啲汁,已經覺得辣,再食羊腩,好入味呀!羊腩亦好腍,有啲骨仔o係入面,而有一件好鬼大件o既,呢碗羊腩份量算係咁,唔算少.我o係榮記食飯時,都夾起幾件離開啲汁,到食完榮記o既o野再食返,凍o左o既羊腩依然係辣.

母親節關係要去鵝頸街市買料,心思思又行上去惠記過口癮,星期天,2點多..少了平日人山人海畫面,換來逍遙自在嘆下啤酒!今次發覺佢地羊腩飯用的碗轉了"雞公碗",SIZE明顯大了,而以往汁裡頭的碎骨也不見.用心明顯進步,味道依然!因為一個人關係,只點了一份小燒鴨,小羊腩,啤酒.難得的是$22蚊例牌景逢上一隻鴨肶

五一勞動節，對於我們這班勞工階層，無論從事甚麼性質的行業，都未必有假放。上班前，先到清真惠記慰勞自己最實際。想去清真惠記已是兩月前的事，自從在 OpenRice 看過其食評推介後，想安排吃一碟飯，唯俗務纏身，吃不到就是吃不到，念念不忘，差點染了單思病，剛巧今天可以到來，一定要大快朵頤。燒鴨飯$24，燒鴨髀飯$31，話明要對自己好些，便點了一碟燒鴨髀飯，燒鴨髀切開成六件，伴有兩條菜心，先吃一件鴨髀，皮燒得香脆，嚐到皮上的汁液，甘香味美，火候剛好，肉質不會變乾，仍保存肉汁，鴨髀很嫩，鴨肉的香味四溢，配白飯是最理想的食法，一件復一件，靈魂上了太空，真不知人間何世。真的很美味，我一定會帶老爸來，讓他試試不需要金雕玉砌的地方，也可嚐到美食。清真惠記，確是一間實而不華的好食肆。

是日經過灣仔, 5點幾想搵d小食想起響OR睇過清真惠記既蝦子柚皮又平又正, 就上左黎試試5點45分, 原來佢地就黎收檔了, 六點要交場, 老細開始提醒客人, 但十分有禮貌, 仲會同客人講笑, 加分一問之下, 仲有蝦子柚皮, 未賣哂, 就黎一客啦上枱, 蝦子睇唔到, 柚皮就真係好多, 試試味先~好腍好厚肉, 食落無乜渣, 也沒有苦澀味味道有進步的空間, 如果蝦子多d甜d會更好, 我返黎見到其他網友的相都有較多蝦子不過13蚊, 真係好抵食地方比較污濁, 地下好多水, 餐具亦有污跡. 雖是大排檔, 衛生應該可以更好的下次會再黎試試馳名的咖哩羊腩

專程來外賣半隻燒鴨($75) ，未回到家，在車上巳發出陣陣誘人的香味。之前阿姐說，燒鴨最好是即買即吃。回家立即趁熱試試，皮脆肉香。晚飯吃時好像遜色少少，但仍不錯。沒有用上附送的調味醬，因為燒鴨本身巳經很入味了。半隻份量也不少，這招牌燒鴨物有所值。

兩間位於銅鑼灣鵝頸橋街市的食店，惠記老字號，海記新食店，連食物的種類都一模一樣，究竟那一間好一點?只看賣相的話，兩間都一樣。只不過一吃下去，高下立判。清真惠記的水準和三年前初吃的有一點分別，只不過水準也不是差太遠。鴨還是燒得皮脆肉香，下鹽的份量也剛好。相比之下，海記的燒鴨完完全全的跌了watt，皮不脆、肉不咸、走了肥。本來一年前吃比惠記還好一點，現在和其他平凡的燒臘店沒有分別，真可惜。老字號不愧是老字號，水準保持得好。薑，還是老的辣。

2月15日, 終於都有機會黎到灣仔街市食清真惠記~ 要搵都幾容易, 只要跟住d中東人就黎到~ 食客大部份都係中東人, 見佢地生意幾好, 人流係成個熟食中心都多, 我地就就搭枱坐一張大圓枱, 隔離張枱一籮二籮都係柚子皮, 好壯觀~::: 咖哩羊腩飯 ::: $26 (可樂$5)一定要叫嘅咖哩~ 好大碟頭, 我一個人都未必食得晒~ 咖哩少少辣, 好香嘅香料, 香味已經佈滿整碟飯, 而呢種杰度好適合撈飯~ 羊腩亦都有好多件, 唔算肥, 仲好淋好入味, 咖哩亦遮蓋咗羊嘅羶味~ 尤其係羊腩層皮, 好有咬口~ 呢種咖哩真係除咗印度咖哩之外最喜歡嘅~::: 太爺雞飯 ::: $24唔知咩係太爺雞, 原來係豉油雞, 同其他有d唔同, 油多咗d, 仲有係比較甜~ 不過都好好味, 冇乜肥肉, 雞肉好鮮嫩, 唔鞋口~ 唯一唔好係好多碎骨, 每咬一口都要吐番d碎骨出黎, 呢個係同師傅切雞落刀有關係, 要多加留意~ 薑蓉好香, 同豉油一齊撈飯好開胃~真係經過灣仔街市都冇食過, 一食都冇令我地失望, 咁嘅價錢食個咖哩超值, 個太爺雞就有d保留. 環境一貫灣仔熟食中心嘅風格, 座位迫唔乾淨同地面濕滑, 不過黎得食就

同阿媽去試下呢間聞名而久的食店, 分別叫左燒鴨飯, curry 羊腩飯 同腩汁蘿蔔一食燒鴨, 就知真係名不虛傳, 皮脆, 肉香, 唔太肥, 唔會食到成口油, 最緊要係肉唔會鞋, 你知香港係無鮮鴨, 全都係冰鮮, 但係佢做得好好食, curry 羊亦都唔錯, curry 好香, 小辣, , 証明係足料之作, 羊肉煮得夠焾, 仲有少少羶味(我個人認為, 食羊肉如果無少少羶味, 就同其他肉無咩分別). 不過佢d 薯仔唔係一齊同curry 煮, 而係先用油炸起, 係上碟前先加上去, 所以d curry 入唔到d 薯仔, 但係都唔差可惜係個蘿蔔唔夠諗, 又食唔到腩汁, 就係差呢樣野如果你想豪d, 可以齋食燒鴨, 有小中大之分, 由30幾蚊到百幾蚊, 一班人黎食就最岩啦賣單都係70幾, 物超所值

It's been years before I revisited this Wan Chai favorite. The first time I was here the floor was slippery and there were barely any lighting. I was here with family on a Sunday afternoon. It must've been at least 5 to 6 years before I went again. For so many years I'm surprised my OR buddies haven't forgotten a neighborhood gem, famed for its Curry Lamb, Roasted Duck and slow-cooked 'pomelo peels". Located on the first floor of a market, 清真惠記 shares the same space with a handful of other small

今日lunch有個朋友帶我地2公婆去哩度食, 佢話一定要介紹哩度既咖哩羊腩同燒鴨比我地試. 我地2公婆都唔食得辣, 都係諗住係咁易陪下佢食, 我地3個人叫左一個咖哩羊腩(大) $37, 燒鴨(中) $47, 柚皮$15, 蘿蔔$1x, 再加2個白飯, 每個飯$6.咖哩羊腩好正, 好香好濃, 又唔辣, 要黎送飯一流, 味道好似串燒d沙嗲醬咁, 好大碟好祗食.燒鴨都好多下, 堆到成座山咁大size, 鴨唔算肥, 淡淡肉, 好滑, 又唔會食到成口油. 拎上枱仲係暖暖地, 唔知係因為剛燒出黎, 定係用微波爐叮過. 柚皮味道普普通通, 同阿媽整果d差好遠, 不過因為依家係出面實在好難找到有得食, 而且$15實在好祗. 蘿蔔就麻麻地啦, 夠味夠甜既, 不過都幾多渣下. 今次每人$39, 好祗. 如果叫碟頭咖哩羊腩飯或者碟頭燒鴨飯仲祗, 都係$2x. 好大碟, 所以有多地盤工友都去食. 女仔就一定食唔晒. 不過因為係大排擋, 好dirty, 地下肥淋淋, 而且係無奶茶咖啡飲既. 你要係隔離鋪買過黎.

多年經過佢既留下都未上過去,今日再巧遇之下,只係同陪朋友上去搵柸奶茶飲下.點知比佢掛出黎既燒鴨見到而坐左埋去.其坐到去都唔知有咩好食嫁..睇下個餐牌又唔係太貴..我見其他人都係叫咖哩同鴨就叫啦..點知牛冇晒..就叫左羊..一份細鴨,再加一份蘿白.先黎鴨..係鴨脾.真係估佢唔到$22 有咁大份..試左一啖...皮脆肉入味...正.再黎左個咖哩羊...賣相.好足料.試左一啖..夠晒濃.只可惜.香味差左小小..食D羊唔穌.仲好入味.應該係一齊煲左好耐...唔係個D是但淋個汁上去,到蘿白..就差左D..唔夠林.但整體黎講...係食得過既..

香港熟食街市，一直都是臥虎藏龍的地方，惠記就是其中之一。這裡食物品種不算多，大都價廉物美；每次來都是一個人，每次都吃咖哩羊腩飯；其獨特濃厚的咖哩香味，在香港其他地方未食過。是日一行四人，叫了一桌子菜，吃個不亦樂乎。咖哩羊腩 – 煮得杰杰的咖哩，濃辣，香料絕對下得足，只要有汁已可送一碟飯，因為羊腩與咖哩一起煮，羊的味道已溶入咖哩中。羊腩則永遠都既腍 又入味，羊脂肪的羶味，令好羊的我們如痴如醉。每碟隻得一兩塊的薯仔也如常地帶薯香。完美的咖哩。燒鴨 – 叫了半隻，很大很多肉，肉厚但卻不老，反而非常的嫩；皮不算脆，皮下脂肪則已燒走了，值得一讃。味道沒有死咸，才可以食到鴨本身的味道。蝦子柚皮 – 功夫菜，但這裡價錢很便宜（十多元），味道不算最好，但沒有根，亦有又厚又腍的柚皮，火候很足，功夫做足，以這價錢，超班了。鵝腸 – 這個比較平庸，鵝腸清潔得很干淨，但亦相應沒有任何味道，只余爽脆，不合格，下次亦不會叫了。埋單二百三左右，平到笑的價錢，食到過飽的我們要減肥了。

好幾天沒有回家吃飯，今日應承老豆放工返屋企食飯。臨收工之際，收到老豆電話話要加料，想起媽媽提及過鵝頸橋街市既清真惠記的燒鴨好正，而我亦只吃過其咖哩，不如就買半隻燒鴨返去試下。返到屋企，燒鴨也已放涼了。先放入微波爐叮一叮，即刻香氣陣陣，似樣番晒。鴨皮脆卜卜的，肉質嫩口，豐腴鬆化，很是美味。尤其是鴨脾，甘香誘人，又不會油淋淋，幾有水準。個人認為不需點附送的鴨醬，更能吃到其味道，妹妹則喜歡勁點鴨醬，話咁先至惹味。各人有各人喜好，最緊要自己岩食。半隻燒鴨為何份量咁大? 即使我地一件駁一件咁食，仍然吃不完，惟有留待明天以燒鴨公仔麵做早餐。

我久仰清真惠記的大名，經常未能趕及下午六時打烊前光顧，終於等到今天年廿九才有空來一趟。整個攤檔都忙得要命，皆因太多顧客。我打算點選一客咖喱羊腩飯，但售罄了，只得點選咖喱雞飯。不消兩分鐘，咖喱雞飯便來了，真的很快捷。咖喱頗具中東風味，深深的棕黃色，濃濃的香料味道，怪不得偶然吸引印巴裔顧客蒞臨。每件雞肉都附著骨頭，少吃骨頭的我感到不便，幸好雞肉弄得熟透，肉與骨都很容易分開。也許是清真惠記精於燒味的緣故，雞肉的味道頗像油雞和燒鵝。現場環境算不上衛生，碎骨、飯粒、油跡可見，始終是街市熟食中心。可是那裡的食物質素優良，我絕對不會介意現場環境衛生情況。我會擇日再來，咖喱羊腩飯始終是我的最愛。