清真惠記

營業中

休息中

上清真惠記梗係食咖喱，天氣熱，唔食羊腩，就叫燒鴨飯配咖喱汁。味道依然，好野太多人講，唔駛補充。自鵝頸橋番身後，有一段時間無內臟供應，所以無食鵝腸好耐。今次又問下有無？竟然話有番，$15，就整碟喇！黎到有少少失望，細碟左，唔多見食，味道，即醬汁味淡晒，完全無以前咁好食。算喇，可能耐無整，俾D 時間，希望下次好番D。鵝腸基本上都爽，不過唔肯定係新鮮定係冷藏。最後計埋罐可樂，$47，OK 喇！

上星期同3位同事去食午餐, 我當然要食我最愛既咖哩雞飯我有兩位同事就叫了咖哩羊羊腩飯這種特別咖哩味道太香了, 雞又嫩口, 薯仔超級入味, 雖然正在減肥的我都忍不住口全部食哂我同事從來未食過,但成日聽到人地話這間咖哩好吃, 他跟我說羊腩非常有口感唔太肥又唔太瘦, 好好吃,其實如果唔想太簡調,可以叫燒味飯加咖哩汁都超級好味度 ^ ^我都好開心可以帶他們來吃了一頓好吃又滿足的午餐

上禮拜6有事過海一趟，順道到惠記重溫咖哩羊腩飯，可惜當日運氣實在欠佳，2時40分羊腩已沽清，店員說羊骨也很好味，要不要？很飢荒的我也只好接受。上桌時真的是一碗骨頭跟飯，黏著丁點羊筋跟肉，可是當見到對面搭檯的嬸嬸一口一口的羊腩，自己眼前一堆的骨頭，心裡實在很不是味兒。那一碟白飯全靠一貫好味的咖哩汁才能完成，收費跟普通羊腩飯一樣，實在有點掃興。如果改要燒鴨飯，心情反而會好過一點吧，只怪我太想念咖哩羊腩了。

冒住大雨同老婆去試下恨左好耐既燒餓脾飯 + 咖喱羊腩飯咖喱羊腩飯 ($25) 先上食一啖飯 ............... 好味到冇得頂呀 !食左咁多咖哩都好少可食到好似佢咁正既汁結果兩個人淨係掛住不停食食食食食燒餓脾飯 ($31) 後到見隻脾個皮已經唔脆，但食落啖啖肉個槌位仲勁多油脂，咬落超正呀 !最後加多罐雪碧盛惠 $64同台見有人 order 蒸鯇魚飯$26 好大大大件魚腩抵晒呀 !

我和太太每星期都要拜訪清真惠記咖喱羊味道豐富，其汁極濃，富層次，香料極到位我不肯定香港有否比他做咖喱羊更好的，但以此價錢，絕對物遠超所值燒鵝更是連北京的電視台也要親臨現場採訪，自己以惠記燒鴨對比北京甚具名氣之利群填鴨，認為惠記燒鴨仍高一班，多汁，肉敕，更重要的是香料的份量洽到好處。希望日後有機會以中環鏞記之燒鵝作比較。還有一個重點︰此店出品水平之穩定性奇高，共已光顧約40-50次，暫時仍未發現重要質素不定之情況。一絕。清真惠記味之評級︰不吃不可另，以此價錢享用兩道絕菜，我想其服務已算不俗。香港已經有太多欠缺個性及人情味的食店，惜見很多由大集團投資的品牌食肆，多為行屍走肉形及細件夾唔抵食。惠記這一類大眾開心飯店，就當是個文化景點看待比較好吧。

既然前日冇去到, 於是師傅尋日決定去試一次, 睇下呢間食店係咪真係咁好味先!今次師傅知定所以冇坐錯位, 於是一坐底就睇下有咩食, 最後睇左一陣都係決定要呢度嘅招牌菜咖哩羊腩飯!等左一陣個咖哩羊腩飯先到, 首先個賣相其實唔算吸引, 不過就確實幾香, 好唔理咁多即刻試下個汁先, 咖哩汁夠香夠濃, 仲幾辣添, 都幾惹味, 師傅自問都幾食得辣但都覺辣, 所以唔似前面嘅食家講得話唔辣喎; 而羊腩都幾鬆, 幾入味, 仲有羊筋添, 不過就幾硬下; 薯仔就幾腍, 不過就唔夠入味, 可以啦! 由於師傅係第一次食咖哩羊腩, 所以真正嘅味道就唔係好知, 不過師傅就唔覺得似羊腩, 皆因一d都唔酥, 不過肉色就係比牛肉淺色少少, 師傅有懷疑過會唔會黎錯, 因為隔離位食客遲黎過師傅, 叫咖哩牛腩飯, 但碟飯竟然早黎過師傅, 你話奇唔奇?總括黎講咖哩羊腩飯都算幾出色, 不過服務就真係麻麻, 話說師傅起身埋單, 竟然冇人黎收錢, 係咪唔使比可以走得呢? 不過好彩比完錢臨走時都仲有聲多謝, 價錢就一般, 廿五蚊一碟飯, 冇茶冇湯, 抵唔抵食就見仁見會, 師傅下次都唔一定會黎!

2008年4月15日 下午12:20 同同事去清真食, 都係燒味飯啦! 好食又平, 我就會加蘿蔔或油菜. 佢地d蘿蔔好甜又唔油, 菜又唔細碟, 好清, 啱我呢d減肥一族!

星期二下午兩點幾，慕名來清真惠記，由街市行樓梯上去，街市七國噤亂，點知熟食中心入面一樣噤亂，衛生程度很不濟，行兩步見到清真惠記枱枱滿，個個埋頭食食食，好唔容易搵到位坐低，嚟到呢度預咗無人招呼，見到個似樣嘅阿叔就叫了喱羊飯加柚皮，再睇睇張枱，仲有一pat抹唔乾淨的上手飯，唯有自己攪攪佢。二話不說飯菜到，先試咖喱汁，很香濃，唔辣，正確啲講係香濃香料味比辣味更出，再試羊肉，很入味，有羊味得嚟唔羶，近骨位置仲好味，衰在太多碎骨，食得有啲狼狽，最後食到想加飯；至於柚皮就唔係平日食嗰啲，佢比較冇浸得噤耐，係仲有好多纖維嗰種，柚皮味好濃，初初食唔慣，食食吓又幾好味，不過實在好大碟，最後都食唔晒。不過最奇嘅係呢度嘅各色人種，有上班一族，有印巴藉人士，有司機大佬，有帶埋賓賓同兩隻狗仔嘅闊太，有鬼佬遊客，有國內同胞（唔通旅遊書有介紹？），我食食吓仲有個單身美少女嚟坐我對面，佢都係叫喱羊飯，仲發明咗將成碟飯倒落碗咖喱羊裏面嘅食法，真係天外有天，人外有人。最後想叫罐可樂，街坊起嚟就自己埋雪櫃攞，後面阿姐話「嗰邊雪櫃啲凍啲噃」，其實都幾nice。好味係好味，但係環境實在太一般，喱羊實在太多（碎）骨，我都係唔會成

3月30日，14:00又到298，又要搵食。週日午市時段末，人不算多。要的羊腩飯，五分鐘內到位。咖哩：不是勁辣一族，那香濃的味道極復雜，我的至愛之一。羊腩：腍而入味，可惜碎骨稍多。週日午市，週圍坐著了南亞人氏，景像和週一至五，滿佈上班一族，截然不同。題外話：清真菜是北方穆斯林民族崇尚的食品，以牛羊肉和麵粉為主要原料，著名佳餚有烤全羊、涮羊肉、羊肉泡饃等。 而這店供應的花色不算全面。

中午十二點,與妹妹專程來吃午餐,因為她知道這店而未來過.見有一張小枱在電梯邊,連隨坐下來.這裡離開服務中心頗遠,已經覺得有點不妙.果然!!!!!見有阿姐和阿叔經過,那管我們拼命揮手,他們也可以視而不見.掂行掂過.有時以為幸運地吸引了他們的注意力,他們郤又隨即別轉面繼續忙這忙那.如是者,十分鐘後,卒之要在下跑出去找一位阿姐落柯打.叫了咖哩羊腩飯,油菜,(小)燒鴨,雞肉雲吞麵,鵝掌翼.羊腩飯: 8分,份量很多,羊腩淋又入味,但汁液內很多骨碎,又可惜妹妹不吃羊.油菜: 6分,是小棠菜,份量頗多,不過太粗製濫造,原庄上,不修不切開,沒有調味,要點其他餸菜汁液.(小)燒鴨:8分,是原隻髀的部位,底下有兩件蘿蔔.皮不脆,但肉味甚佳.鵝掌翼: 6分,份量不少,但個子小,肉不多.味道ok.吃完這些已是30分鐘之後,雞肉雲吞麵尚未到,很費勁才找到一位阿叔來追,他說這項目要稍等.(其實在敷衍我們).經過十五分鐘還沒有.我很再找到一位阿姐,她才說沒有供應.於是連隨柯打燒鴨飯一碟,再等了十五分鐘也沒有,找到另一位阿姐跟進,十分鐘後見阿叔拿著碗燒鴨到處問人,才發覺攪錯了,一碟變成一碗,可幸鴨的份量和味道還可接受

裝修之後沒有去過,今日途經此地立即回味回味!2個大男人,叫了1個大咖哩羊,1個例牌燒鴨,1份蘿蔔再加2 靚仔(白飯)!一如以往的,好味!好味!好好味!咖哩又香又濃,而那羊肉的騷香和咖哩配合得天衣無縫,絲絲入扣,羊肉的騷不會奪去咖哩的香,咖哩又不會蓋過羊肉的騷(比昨晚深水埗的喀什米爾好味10倍)但比較多酒.燒鴨肉味ok但最好吃還是那層皮,又香又脆!但那份蘿蔔是一個敗筆,炆得唔夠淋又唔入味而且好多渣,但我還是很喜歡這個價廉物美味道好的午餐!

嚟到呢度，大家食過都知道佢哋有嘅係招牌孖寶 --- 咖喱羊腩及燒鵝...上一次來已是好幾年前。始終佢哋收七點多，收工後來到已關門；下晝又唔响呢邊返工，要幫襯確有一定難度...是次有太座相陪，可以一次過叫"孖寶套餐"嘞...咖喱依舊十分出色，香、濃、惹味兼而有之，淨用嚟撈飯食已經可以清碟；羊腩肉質夠滑而不嚡，用口一咬即離骨；羶味亦點到即止，唔怪得連坐响對面嘅一對印巴籍夫婦都食到嘴lamlam...燒鴨反而較失色，皮雖還有一點脆，肉亦頗嫩，實在係太肥嘞....但醮點咖喱汁而食，感覺又可以....一大碟飯都係二十零大洋，正式價亷物美。仲要响銅記旺區，去邊度揾 ?

夜晚同班工友去左呢度食晚餐，0係對面飯店食，不過都專登行來呢間野買半隻燒鴨最欣賞其鴨不算肥，唔會一大層肥膏，食落塊皮仲係脆的，好重鴨羶香食落好正﹗半隻三個麻甩佬食都已經好夠，大大隻抵食﹗

叫了一碟咖哩羊肉飯咖哩味香濃不會太辛辣羊肉有蘇香有咬口，很正還有那碟燒鴨飯皮香肉嫩多汁且新鮮再加一碗上湯蘿蔔配上左邊一個濃妝的印尼妹右邊一個喬寶寶的巴基仔仿似置身在異國正在享用着一頓價廉物美的午餐tkocell.mysinablog.com

其實惠記的架喱羊腩飯是我多年以來的最愛，小時候爸爸帶我及媽媽到上址吃飯，當時仲係冇冷氣，舊裝修的年代，架喱羊腩端上來香氣攻鼻，一食更令人上癮！雖然孩童時代的舌頭根本無法抵禦任何刺辣，但仍然樂於「思思索索」的將它全碟吃掉，不注灌的是可口可樂。掛在爐邊的燒鴨，被手起刀落的化在碟上，墊底的是一條又一條細膩爽口的白菜仔，混上燒臘汁特別好吃，燒鴨皮脆！肉嫰！斷續的到上址光顧，甚至是父親買來加餸，都是很回味的童年片段。花了那麼多的筆墨在回想充滿架喱味道的童年，可想而知現在的水準，或多或少有走下坡之勢，令人惋惜不已。架喱飄香依然，肉嚡了，乾身沒肥膏；燒鴨皮不脆，墊底的換上蘿白。失望，或許是年紀大了要求高了，人家或許仍然保持水準，但觀乎其他食評與本人所見略同，那惠記應好好注意。